معروف کامیڈین شفاعت علی کا کہنا ہے کہ انہیں دو بڑی سیاسی جماعتوں کی جانب سے باضابطہ طور پر آفر ہوئی لیکن نہوں نے یہ آفر ٹھکرا دی-

باغی ٹی وی :سیاسی رہنماؤں سمیت مشہور شخصیات کی میمکری کرنے والے آرٹسٹ سید شفاعت علی نے اہلیہ ربیکا فریال کے ہمراہ آغا علی کے شو میں شرکت کی جہاں میزبان کی جانب سے سوال پوچھا گیا کہ اگر سیاست میں آنے کا موقع ملے تو کیا آپ راضی ہو جائیں گے۔

میزبان کے سوال پر شفاعت علی نے اپنے جواب میں حیران کن انکشاف کرتے ہوئے کہا کہ مجھے دو بڑی سیاسی جماعتوں کی جانب سے باضابطہ طور پر آفر ہوئی اور وہ آفر میڈیا سیل جوائن کرنے کی تھی جس میں اُن کے سیاسی نظریے کو تقویت دینا تھا –

شفاعت علی نے بتایا کہ اس آفر پر مجھے معقول تنخواہ بھی دی جا رہی تھی۔

انہوں نے یہ بھی کہا کہ میں نے سیاست میں آنے کی یہ آفر ٹھکرا دی –

انہوں نے آفر ٹھکرانے کی وجہ بھی بتائی کہا کیوں کہ میں سمجھتا ہوں کہ اگر میں نے کوئی سیاسی جماعت میں شمولیت دے دی تو پھر یہ میرے کیریئر کی خود کشی ثابت ہوگی۔ اس لئے انکار کرنا ہی بہتر سمجھا جب کہ مجھے اپنے فیصلے پر کوئی مداوا بھی نہیں ہے۔

پاکستان کے معروف اور حال ہی میں نکاح کرنے والے اداکار عثمان مختار نےمداحوں کی جانب سے پوچھے گئے متعدد سوالات کا سوشل میڈیا پر جواب دیا ہے-

باغی ٹی وی : پاکستان کے معروف اداکار عثمان مختار کی جانب سے گزشتہ روز سوشل میڈیا پلیٹ فارم انسٹا گرام پر ’سوالات و جوابات سیشن‘ سے متعلق ایک اسٹوری لگائی گئی جس میں اُنہوں نے اپنے مداحوں کو سوالات پوچھنے کا کہا عثمان کی جانب سے اسٹوری لگتے ہی مداحوں نے ہزاروں سوال پوچھ ڈالے جس میں سے چند سوالوں کے عثمان مختار کی جانب سے جوابات دیئے گئے۔

عثمان مختار کا خود سے متعلق پوچھے گئے سوالات کا جواب دیتے ہوئے کہنا تھا کہ اُن کی عمر 35 سال ہے اور اُنہیں پاکستان کا سب سے خوبصورت مقام چترال لگتا ہے اور اُن کی سب سے پسندیدہ غذا بریانی ہے اور پسندیدہ کارٹون اسکوبی ڈو ہیں جبکہ وہ عالمی وبا ختم ہونے کے بعد آئس لینڈ اور لندن جانا چاہیں گے-

عثمان مختار نے بتیا کہ ان کی آن سکرین پسندیدہ جوڑی راحت کاظمی اور مرینہ خان ہیں جبکہ انہوں نے سارہ خان کو گارجئیس اور مکمل پروفیشنل اداکارہ قرار دیا-

عثمان مختار نے اپنی شادی سے متعلق سوالات کے جوابات دیتے ہوئے بتایا کہ ’اُن کا صرف ابھی نکاح ہوا ہے، رخصتی ہونا باقی ہے جو کہ اس سال ہی میں متوقع ہے۔

اُنہوں نے مزید بتایا کہ وہ اپنی اہلیہ سے ایک باہم دوست کے ذریعے ملے تھے اُن کے اور اُن کی اہلیہ کے ایک دوست نے ہی اِن دونوں کو ملوایا تھا۔

ایک مداح کی جانب سے عثمان مختار سے شادی کے بعد کی تصویر پوسٹ کرنے کو کہا گیا جس پر اُنہوں نے اپنی اہلیہ کے ہمراہ ایک خوبصورت تصویر بھی انسٹا اسٹوری پر شیئر کی ہے۔

واضح رہے کہ عثمان مختار کی اہلیہ زنیرہ انعام خان نے یونیورسٹی آف ویسٹرن سڈنی سے انٹرنیشنل قانون اور انٹرنیشنل ریلیشنز میں ڈبل ماسٹرز کیا ہوا ہے۔ اس کے علاوہ وہ انسٹی ٹیوٹ آف ریجنل اسٹڈیز میں ایسوسی ایٹ ریسرچ اینالسٹ ہیں۔

اداکار عثمان مختار رشتہ ازدواج میں منسلک ہو گئے