بالی ووڈ اداکارہ عالیہ بھٹ کا کورونا ٹیسٹ مثبت آنے کے بعد اُن کی والدہ سونی رازدان خوف میں مبتلا ہوگئیں۔

باغی ٹی وی : گزشتہ روز عالیہ بھٹ نے انسٹاگرام کے ذریعے مداحوں کو بتایا تھا کہ اُن کا کورونا ٹیسٹ مثبت آگیا ہے جس کے فوری بعد اُنہوں نے خود کو گھر پر قرنطینہ کرلیا ہے اداکارہ نے اپنے پیغام میں بتایا تھا کہ وہ ڈاکٹروں کے مشورے سے تمام حفاظتی اقدامات پر عمل کر رہی ہیں۔

علیہ بھٹ نے پیار اور نیک خواہشات کے لئے تماما مداحوں کا شکریہ ادا کیا اور انہیں محفوظ رہنے اور حفاظتی تدابیر پر عمل کرنے کی تلقین کی-

تاہم عالیہ بھٹ کا کورونا ٹیسٹ مثبت آنے کے بعد اُن کی والدہ سونی رازدان خوف میں مبتلا ہوگئیں ہیں –

This is no ordinary wave …it’s everywhere. In our houses, in our hair. I’m getting a bit of a scare. It’s no ordinary wave.. it’s everywhere … don’t know how we shall fare .. how do we begin to care… about so many here and there… it’s everywhere, it’s everywhere 🦠🦠🦠

— Soni Razdan (@Soni_Razdan) April 2, 2021

سونی رازدان نے سماجی رابطے کی ویب سائٹ ٹوئٹر پر اپنے پیغام میں لکھا کہ ’کورونا وائرس کی یہ لہر معمولی نہیں ہے یہ وائرس ہر جگہ موجود ہے، ہمارے گھروں میں، ہمارے بالوں میں ہر جگہ اس کا قیام ہے۔‘

عالیہ بھٹ کی والدہ نے لکھا کہ ’کورونا وائرس کے بڑھتے کیسز دیکھتے ہوئے اب مجھے اس سے مزید ڈر لگ رہا ہے۔

سونی رازدان نے مزید لکھا کہ پتا نہیں ہم لوگ کیسے اور کب اس عالمی وبا سے خود کا اور اپنے پیاروں کا خیال رکھنا شروع کریں گے جبکہ یہ تو ہر جگہ ہی موجود ہے۔

بھارتی معروف گلوکار میکا سنگھ اور اداکارہ آکنشا پوری کے ساتھ ویڈیو سامنے آنے کے بعد ان کی شادی کی افواہیں گردش کر رہی ہیں۔

باغی ٹی وی : بھارتی اداکارہ آکنشا پوری نے اپنے انسٹاگرام اکاؤنٹ پر اپریل فول کے موقع پر میکا سنگھ کے ساتھ گردوارے میں بنائی گئی ایک مختصر ویڈیو شیئر کی، جس کے بعد ان دونوں کی شادی اور منگنی کی افواہیں پھیل گئیں۔

مختصر ویڈیو میں آکنشا پوری اور میکا سنگھ کو گردوارے میں عبادت کرتے ہوئے دیکھا جا سکتا ہے تاہم ویڈیو کے کیپشن میں آکنشا پوری نے میکا سنگھ کو مینشن کرتے ہوئے دل کا ایموجی بنانے سمیت ایک ساتھ رہنے اور شکرانے کے ہیش ٹیگ استعمال کیے، جس وجہ سے ان کی شادی کی افواہیں پھیل گئیں۔

دونوں کے مداحوں نے ان کی ویڈیو پر انہیں مبارک باد پیش کرتے ہوئے ان کے لیے نیک خواہشات کا اظہار بھی کیا اور بعض افراد نے تصحیح کی کہ دونوں کی شادی نہیں بلکہ منگنی ہوئی ہے۔

دونوں کی ایک ساتھ ویڈیو سامنے آنے کے بعد سوشل میڈیا پر ان کی منگنی اور شادی کی افواہیں پھیلنے کے بعد اداکارہ آکنشا پوری نے بھی خاموشی توڑتے ہوئے ایک انٹرویو میں واضح کیا کہ ویڈیو کا کیا معاملہ ہے۔

آکنشا پوری نے ٹائمز آف انڈیا سے بات کرتے ہوئے کہا کہ ان کے اور میکا سنگھ کے درمیان گزشتہ 12 سال سے تعلقات ہیں اور وہ ایک خاندان کی طرح ہیں۔

آکنشا پوری کا کہنا تھا کہ ان دونوں کے درمیان احترام کا رشتہ ہے اور حال ہی میں دونوں نے گردوارے میں ایک ساتھ عبادت کا پروگرام اس وقت بنایا جب اداکارہ میکا سنگھ کی دعوت پر ان کے گھر گئی تھیں۔

اداکارہ نے واضح کیا کہ انہوں نے نہ تو منگنی کی ہے اور نہ ہی مستقبل قریب میں ان کا ایسا کوئی ارادہ ہے، البتہ وہ پچھلے کئی سال کی طرح آئندہ بھی ساتھ رہیں گے اور انہوں نے اسی بات پر ہی ساتھ رہنے اور شکرانے کے ہیش ٹیگ استعمال کیے۔

اداکارہ آکنشا پوری کو زیادہ تر جنوبی ہندوستان کی شوبز انڈسٹری میں شہرت حاصل ہے اور وہ زیادہ تر تامل، تیلگو، کنڈا اور پنجابی فلموں میں دکھائی دیتی ہیں تاہم وہ بگ باس سمیت دیگر ریئلٹی شوز میں بھی شریک ہو چکی ہیں جب کہ انہوں نے بعض بھارتی ٹی وی ڈراموں میں بھی کام کیا ہے۔