پاکستانی نژاد بھارتی موسیقار و گلوکار عدنان سمیع اور پاکستانی اداکارہ زیبا بختیار کے صاحبزادے گلوکار اذان سمیع کا کہنا ہے کہ خدا کے بعد میں جو کچھ بھی ہوں، اپنی والدہ کی وجہ سے ہوں اس میں ذرہ برابر بھی کوئی شک نہیں کہ انہوں نےاپنی پوری زندگی میرے لیے قربانیاں دیں۔

باغی ٹی وی : گلوکار و موسیقار اذان سمیع نے حال ہی میں ایک ویب شو میں شرکت کی جس میں انہوں نے اپنے حال ہی میں ریلیز ہونے والے گانے اور البم اور فنی کیرئیر کے علاوہ اپنے والدین کی طلاق کے بعد اپنی زندگی پر پڑنے والے اثرات پر گفتگو کی۔

شو کے میزبان نے اذان سمیع سے ان کے والدین کی طلاق کے بعد بچوں میں پائی جانے والی تلخی سے متعلق سوال کیا ۔

جس کے جواب میں اذان سمیع نے کہا کہ خدا کے بعد میں جو کچھ بھی ہوں، اپنی والدہ کی وجہ سے ہوں اس میں ذرہ برابر بھی کوئی شک نہیں کہ انہوں نےاپنی پوری زندگی میرے لیے قربانیاں دیں انہوں نے بہت محنت کی ہے میرے لئے اور میرے لئے یہ بہت ہی اہم بات رہی ہے اور ابھی بھی ہے انہوں نے میرے لئے اپنی زندگی میں بہت سی قربانیاں دی ہیں-

اذان سمیع نے کہا کہ عمر بڑھنے کے ساتھ ساتھ تلخی تو تھی، ایسا نہیں ہے کہ نہیں تھی لیکن جب میں خود والد بنا تو مجھے بہت سی چیزیں واضح ہوگئیں میں نے پھر اپنے والدین کو والدین کی بجائے بطور انسان بھی دیکھنا اور جانچنا شروع کیا کیونکہ مجھے خود احساس ہوا کہ والدین ہونا کتنا مشکل کام ہے-

اذان سمیع نے کہا کہ میں نے دیکھنا شروع کیا کہ والدین بننا کتنا مشکل ہے اللہ جب ایک جان کی ذمہ داری آپ پر دیتا ہے تو کیا ہوتا ہے اور جب ہی میں نے اپنے والدین کو بہتر طور پر سمجھنا شروع کیا۔

گلوکار کا کہنا تھا کہ میں نے اپنے والد یا والدہ کو لوگوں کی طرح سمجھنے کی کوشش کرنا شروع کردی۔

اذان سمیع نے کہا کہ اگر کوئی بھی اس تلخی سے گزرہا ہے تو یہ نارمل ہے اور آپ کو سمجھنا چاہیے کہ آپ کے والدین بھی انسان ہیں ۔

خیال رہے کہ اذان سمیع گلوکار عدنان سمیع اور زیبا بختیار کے بیٹے ہیں، زیبا بختیاراور عدنان سمیع 1993میں رشتہ ازدواج میں منسلک ہوئے تھے تاہم 1997میں دونوں میں طلاق ہوگئی تھی۔

پاکستان شوبز انڈسٹری کے علمی شہرت یافتہ مقبول اداکار عمران عباس اور اداکارہ حبا بخاری کی سی پرائم کی مختصر فلم ’چاہت‘ ریلیز ہو ئی ہے-

باغی ٹی وی : گزشتہ دنوں اداکار عمران عباس اور حبا بخاری کی مختصر فلم سی پرائم پر ریلیز کی گئی جسے مداحوں کی جانب سے خوب پسند کیا جا رہا ہے۔

سی پرائم کی مختصر فلم ’چاہت‘ کے ایگزیکٹو پروڈیوسر سیمین نوید ہیں جب کہ اس کے پروڈیوسر علی حسین اور ماحب بخاری ہیں۔

عمران عباس اور حبا بخاری کی مختصر فلم ’چاہت‘ کی کہانی بشارت ترمذی نے لکھی ہے اور اس کی کہانی ایک محبت کرنے والے جوڑے کے درمیان گھومتی ہے۔

’چاہت‘ کا دورانیہ 14 منٹ 35 سیکنڈ ہے جسے اب تک 31 ہزار سے زائد بار دیکھا جا چکا ہے۔

معروف ترین ویب سیریز چڑیلز میں اداکاری کے جوپر دکھانے والی پاکستان شوبز انڈسٹری کی نامور اداکارہ ثروت گیلانی کو ایک بار پھر سوشل میڈیا صارفین کی جانب سے تنقید کا نشانہ بنایا جا رہا ہے۔

باغی ٹی وی : حال ہی میں کراچی میں دو روزہ فیشن پاکستان ویک (ایف پی ڈبلیو) 2021 کا انعقاد کیا گیا جس میں دوسرے روز اداکارہ ثروت گیلانی نے ڈیزائنر ماہین خان کا لباس پہنا ہوا تھا۔

تاہم اس دوران ثروت گیلانی کے گلے میں موجود لاکٹ سب کی توجہ کا مرکز بنا رہا اور اسی لاکٹ کی وجہ سے انہیں سوشل میڈیا پر تنقید کا نشانہ بنایا جا رہا ہے۔

ثروت گیلانی پر اس لاکٹ کے ڈیزائن کی وجہ سے تنقید کی جا رہی ہے کیونکہ یہ لاکٹ کا ڈیئزائن عیسائیوں کے مقدس صلیب کے نشان کا تھا صارفین نے لاکٹ پہننے پر حیرانی کا اظہار کرتے ہوئے اداکارہ سے سوال کیا کہ کیا آپ عیسائی ہیں-

جبکہ ایک غلام فاطمہ صارف نے ثروت گیلانی پر تنقید کرتے ہوئے کہا کہ دنیا میں اتنا اندھا مت بنو کہ دین کو بھلا دو ایک صارف نے کہا کہ کراس کیوں پہنا ہے، مذہب اور فیشن میں فرق رکھو۔ایک صارف نے کہا کہ مجےے آج پتہ چلا ہے کہ آپ عیسائی ہو-

ایک صارف نے حدیث نبوی کا حوالہ دیتے ہوئے لکھا کہ جس نے کسی دوسری قوم سے اپنی تشبیہہ کی تو وہ ان میں سے ہے-

ڈراموں و فلموں کے اداکار یاسر حسین نے اپنی اور اقرا عزیز کی شادی میں بغیر دعوت شرکت کرنے والے مہمان فن کاروں کے نام بتا دیئے۔

باغی ٹی وی : پاکستان شوبز انڈسٹری کی مقبول اداکار جوڑی اقرا عزیز اور یاسرحسین 2019 کے آخری ایام میں رشتہ ازدواج میں منسلک ہوئے تھے اور اداکار جوڑی کی شادی جہاں دلہن کے عروسی لباس کے باعث خاصی مشہور ہوئی وہیں مختلف رسومات کے باعث بھی سوشل میڈیا کی صارفین کی توجہ کا مرکز بنی رہی۔

شادی میں اقرا اور یاسر کے رشتے داروں کے علاوہ شوبز انڈسٹری کے مقبول چہروں نے بھی شرکت کی لیکن کچھ فنکار ایسے بھی تھے جو بن بلائے ان کی شادی میں پہنچے تھے۔

یاسر حسین نے حال ہی میں نجی چینل کے شو میں شرکت کی جہاں شو کے میزبان واسع چوہدری نے اُن سے دلچسپ سوالات کیے ان میں سے ایک سوال اُن کی شادی سے متعلق بھی تھا۔

واسع چوہدری نے یاسر حسین سے پوچھا کہ آپ کی اور اقرا کی شادی کے سوشل میڈیا پر کافی چرچے تھے اور جس طرح تصاویر سامنے آرہی تھیں تو ایسا لگ رہا تھا کہ آپ لوگوں نے مخصوص لوگوں کو ہی مدعو کیا ہوا تھا۔

جس پر یاسر نے جواب دیا کہ میں نے یہی سوچا تھا کہ شادی میں اُن ہی لوگوں کو دعوت دوں گا جن سے میری دوستی ہے اور اُن لوگوں کو جو کراچی میں رہتے ہیں۔

یاسر حسین نے کہا کہ مہمانوں کی فہرست 170 افراد پر مشتمل تھی لیکن 200 سے زائد مہمان آگئے جس کی وجہ ہماری شادی کا دعوت نامہ تھا جو کہ سوشل میڈیا پر وائرل ہو گیا تھا اور کارڈ سب کے ہی پاس تھا-

یاسر نے بتایا کہ کچھ لوگ ایسے بھی تھے جوکہ بغیر دعوت نامے کے زبردستی آئے تھے جن میں سے ایک نوشین شاہ تھیں اور ان کے سوا کچھ دیگر فنکار بھی آگئے تھے جو کہ اتنے مشہور نہیں ہیں۔

یاسر حسین نے ہنستے ہوئے کہا کہ اب نوشین بھی مشہور ہو جائیں گی اور کہا کہ ہماری شادی میں ہم سے زیادہ نوشین شاہ کی تصاویر بنی ہیں۔ ساتھ ہی انہوں نے موضوع بدلتے ہوئے کہ نوشین بہترین فنکارہ ہیں اور اچھا کام کرتی ہیں، ذاتی طور پر میں اُن کے اسٹائل سے بہت متاثر ہوں۔

سوشل میڈیا پر وائرل ویڈیو’یہ ہماری کار ہے، یہ ہم ہیں اور یہ ہماری پاوری ہو رہی ہے‘ سے مشہور ہونے والی دینا نیر سے متعلق سوشل میڈیا پر مختلف افواہیں زیر گردش ہیں کہ پشاور زلمی کا حصہ بننے کے بعد وہ اب رمضان ٹرانسمیشن میں بھی نظر آئیں گی۔

باغی ٹی وی : سوشل میڈیا پلیٹ فارمز ٹوئٹر، انسٹا گرام اور فیس بُک پر آ ج کل پاکستان سمیت دنیا بھر کے ہی انٹر نیٹ صارفین کی جانب سے پاوری ہو رہی ہے کے چرچے ہیں۔

انٹرنیٹ صارفین اور دنیا بھر سے معروف شخصیات اپنی ویڈیوز بنا کر سوشل میڈیا پلیٹ فارمز پر اپلوڈ کر رہے ہیں جس سے اب کچھ افراد تنگ اور اُکتائے ہوئے بھی نظر آ رہے ہیں اور اس کا برملا اظہار بھی کر رہے ہیں-

پاوری ہو رہی ہے کی خالق دینا نیر مبین دن دگنی رات چگنی ترقی کر کے سوشل میڈیا پلیٹ فامز سمیت حقیقی زندگی میں بھی شوبز انڈسٹری کا حصہ بن چکی ہے دینا نیر مبین کو شوبز انڈسٹری کی معروف شخصیات سمیت پاکستان سپر لیگ 6 کی ٹیم پشاور زلمی کی نمائندگی کرتے ہوئے بھی دیکھا جا سکتا ہے۔
https://twitter.com/aly_ra5A/status/1362450779647348739?s=20
جہاں دینا نیر کے شوبز میں انٹری دینے کی افواہیں سچ ثابت ہوتی دکھائی دے رہی ہیں وہیں دنا نیر کے لیے سوشل میڈیا پلیٹ فارمز کی مختلف پوسٹس پر یہ بھی امکان ظاہر کیا جا رہا ہے کہ اب وہ رمضان ٹرانسمیشن میں بھی نظر آئیں گی۔

واضح رہے کہ گزشتہ دنوں سوشل میڈیا پر ایک مختصر سی ویڈیو وائرل ہوئی تھی جس میں دنانیر مبین پاکستان کے شمالی علاقے نتھیا گلی میں اپنے دوستوں کے ساتھ موجود پارٹی کر رہی تھیں۔

:دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں۔ صرف پاکستان میں ہی نہیں بلکہ بھارت میں بھی دنانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں اور ان فنکاروں سمیت بھارتی پولیس ، اورر بینک سمیت ہر کوئی اس کو انجوائے کررہا ہے-

شاہد کپور بھی پاکستانی پارٹی کے رنگ میں رنگ گئے

ماہرہ خان بھی پارٹی گرل کی مداح بن گئیں، دلچسپ ویڈٰیو بنا ڈالی

’پاوری ہورہی ہے‘ ٹوئٹر پر ٹاپ ٹرینڈ

پاکستانی لڑکی کی دلچسپ ویڈیو پر بھارتی یوٹیوبر نے گانا تیار کر لیا

’پاوری سانگ‘ نے میری مقبولیت کے تمام اگلے پچھلے ریکارڈ توڑ دیئے یش راج مُکھاٹے

پارٹی گرل دینا نیر پشاور زلمی کا حصہ بننے پر پُرجوش

چند ہی دنوں میں دینا نیر نے سوشل میڈیا پر اہم سنگ میل عبور کر لیا