Author: Ayesha Rehmani

ایک بھارتی ریاستی صحت کی اتھارٹی اس بات کی تحقیقات کر رہی ہے کہ ایپل سپلائر ٹاٹا کی آئی فون کے اجزاء کی فیکٹری سے خارج ہونے والے مائع نے کسانوں کو کس طرح متاثر کیا ہے، جن میں سے کچھ نے اپنے کھیتوں میں آلودگی سے جلد کے مسائل کی شکایت کی تھی-

برطانوی خبر رساں ادارے رائٹرز کے مطابق بھارتی ریاست تمل ناڈو میں ایپل کے سپلائر ٹاٹا الیکٹرانکس کی آئی فون پرزے بنانے والی فیکٹری کے خلاف آلودگی کے الزامات سامنے آئے ہیں، جس کے بعد ریاستی محکمہ صحت نے تحقیقات شروع کر دی ہیں حکام کا کہنا ہے کہ بعض کسانوں نے شکایت کی ہے کہ فیکٹری سے خارج ہونے والے مائع فضلے نے ان کی زرعی زمینوں اور پانی کے ذخائر کو متاثر کیا ہے، جبکہ کچھ افراد کو جلد سے متعلق مسائل کا سامنا بھی کرنا پڑا۔

ہوسور میں واقع ٹاٹا الیکٹرانکس پلانٹ کو 25 مئی کو تمل ناڈو آلودگی کنٹرول بورڈ کی جانب سے انتباہی نوٹس جاری کیا گیا تھا، جس میں قریبی زرعی علاقوں کے زیرِ زمین پانی کو آلودہ کرنے کا الزام لگایا گیا۔ تاہم ٹاٹا کمپنی کا کہنا ہے کہ حالیہ پانی کے نمونوں کے تجزیے میں کسی قسم کی آلودگی ثابت نہیں ہوئی۔

محکمہ صحت کی جانب سے متاثرہ علاقوں سے لیے گئے پانی کے دو نمونوں میں ای کولی نامی بیکٹیریا پایا گیا، جو پانی میں فضلاتی آلودگی کی نشاندہی کرتا ہے تحقیقات ابھی جاری ہیں اور مزید ٹیسٹ نتائج کا انتظار کیا جا رہا ہےکسانوں کا دعویٰ ہے کہ فیکٹری کے فضلے نے کنوؤں اور زرعی زمینوں کو متاثر کیا ہے، جس کے باعث فصلوں کو نقصان پہنچ رہا ہے اور بعض زمینیں غیر زرخیز ہوتی جا رہی ہیں مقامی کسان گورومورتی وی کے مطابق اس پانی سے اگنے والی فصلیں کچھ عرصے بعد مرجھا کر ختم ہو جاتی ہیں۔

تمل ناڈو میں پولیوشن کنٹرول بورڈ کی جانب سے اپریل میں لیے گئے پانی کے نمونوں میں ٹوٹل ڈیزالوڈ سالڈز کی مقدار بھی مقررہ حد سے دوگنا سے زیادہ پائی گئی، جس پر ماحولیاتی ماہر ین نے تشویش کا اظہار کیا ہےتحقیقی ادارے کاؤنٹر پوائنٹ کے مطابق بھارت 2026 تک دنیا کے 26 فیصد آئی فونز تیار کرنے کے راستے پر گامزن ہے، جبکہ چار سال قبل یہ شرح صرف 6 فیصد تھی۔

تمل ناڈو بھارت کا ایک بڑا صنعتی مرکز ہے جہاں ٹاٹا کمپنی کا ایک اور آئی فون اسمبلی پلانٹ بھی موجود ہے، جبکہ سام سنگ اور ہنڈائی موٹر کی بڑی فیکٹریاں بھی اسی ریاست میں کام کر رہی ہیں۔

ایران اور امریکا کے درمیان طے پانے والے عارضی امن معاہدے کے تحت آج سوئٹزرلینڈ میں مذاکرات ہوں گے۔

اس انتہائی اہم اور بڑے اجلاس میں شرکت کے لیے پاکستان کے وزیراعظم شہباز شریف ایک اعلیٰ سطح کے سرکاری وفد اور فیلڈ مارشل عاصم منیر کے ہمراہ سوئٹزرلینڈ روانہ ہو چکے ہیں، جہاں وہ امریکا اور ایران کے درمیان ہونے والے ان اہم مذاکرات کا حصہ بنیں گےامریکا کی طرف سے صدر ٹرمپ کے قریبی ساتھی اور نمائندہ خصوصی اسٹیو وٹکوف اور ان کے داماد جیرڈ کشنر پہلے ہی سوئٹزرلینڈ کے شہر برگن اسٹاک میں موجود ہیں، جبکہ امریکی نائب صدر جے ڈی وینس بھی سوئٹزرلینڈ کے لیے روانہ ہو چکے ہیں جبکہ ایران کا وفد بھی ا ن مذاکرات میں حصہ لینے کے لیے سوئٹزرلینڈ پہنچ گیا ہے جہاں سوئس حکومت کے وزارتِ خارجہ کے افسران نے ان کا شاندار استقبال کیا۔

ایرانی میڈیا کے مطابق اس وفد کی سربراہی باقر قالیباف کر رہے ہیں اور اس میں ایران کے وزیرِ خارجہ عباس عراقچی، قومی سلامتی کے اہم عہدیدار علی باقری، مرکزی بینک کے گورنر عبدالناصر ہمتی، کاظم غریب آبادی اور اسماعیل بقائی جیسے بڑے نام شامل ہیں۔

امریکی نائب صدر جے ڈی وینس نے سوئٹزرلینڈ روانہ ہونے سے قبل میڈیا سے گفتگو کرتے ہوئے ان مذاکرات کے بارے میں کہا کہ میں سوئٹزرلینڈ میں ایک یا دو دن قیام کروں گا، مجھے پوری امید ہے کہ ایرانی ایٹمی پروگرام اور لبنان کے معاملے پر کوئی اچھی پیشرفت دیکھنے کو ملے گی،لبنان میں جاری لڑائی کی شدت میں کچھ کمی آئی ہے، اور ہم اسرائیل کو لبنان پر مزید حملے کرنے سے روکنے کے لیے اپنا پورا کام کریں گے۔

پاکستان اس پورے امن مشن میں ایک مرکزی اور بڑے ثالث کا کردار ادا کر رہا ہے اور اس سلسلے میں پاکستان کے وزیرِ داخلہ محسن نقوی نے تہران کا ایک اہم دورہ کیا، جہاں انہوں نے ایران کے وزیرِ خارجہ عباس عراقچی سے خصوصی ملاقات کی اس ملاقات میں ایران اور امریکا کے درمیان ہونے والے مذاکرات اور خطے کی مجموعی صورتحال پر گہرائی سے بات چیت کی گئی۔

ایران کی سرکاری خبر رساں ایجنسی کے مطابق، تہران میں اس اہم بیٹھک سے پہلے پاکستانی وزیرِ داخلہ نے مشہد شہر کا دورہ بھی کیا جہاں انہوں نے حضرت امام علی رضا کے روضہ مبارک پر حاضری دی اور دعا کی، مشہد پہنچنے پر وہاں کے گورنر جنرل نے ان کا گرمجوشی سے استقبال کیا۔

ائب وزیرِ اعظم اور وزیرِ خارجہ اسحاق ڈار مصر کے دارالحکومت قاہرہ پہنچ گئے ، پاکستان، سعودی عرب، ترکیہ اور مصر کے وزرائے خارجہ کا اجلاس آج قاہرہ میں ہوگا –

اسحاق ڈار کا استقبال اسسٹنٹ وزیرِ خارجہ برائے پالیسی پلاننگ نازیہ النگاری اور مصر میں پاکستان کے سفیر عامر شوکت نے کیا اسحاق ڈار مصر میں آر-4 گروپ کے چوتھے اجلاس میں شرکت کریں گے،پاکستان سمیت سعودی عرب، ترکیہ اور مصر کے وزرائے خارجہ شریک ہو گےاجلاس کے موقع پر نائب وزیراعظم و وزیر خارجہ شریک ممالک کے وزر ائے خارجہ کے ساتھ دوطرفہ ملاقاتیں بھی کریں گے۔ مصر کے صدر عبدالفتاح السیسی سے بھی ملاقات کریں گے۔

اجلاس میں علاقائی سلامتی، باہمی روابط، تجارت اور مغربی ایشیا میں تیزی سے بدلتی ہوئی صورتحال پر تفصیلی تبادلہ خیال کیا جائے گاذرائع کے مطابق وزرائے خارجہ خطے میں امن و استحکام کے فروغ اور موجودہ چیلنجز سے نمٹنے کیلئے مشترکہ حکمت عملی پر بھی غور کریں گے۔اجلاس کے دوران غزہ کی صورتحال اور امن عمل سے متعلق امور بھی ایجنڈے کا اہم حصہ ہوں گے۔

پاکستانی وزیر داخلہ محسن نقوی ہنگامی طور پر ایران پہنچے صدر مسعود پزیشکیان اور وزیر خارجہ عباس عراقچی سے ملاقات میں آج بروز اتوار 21 جون کو سوئٹزرلینڈ میں ہونے والے مذاکرات پر تبادلہ خیال کیا۔

عالمی خبر رساں ادارے کے مطابق ایرانی صدر مسعود پزیشکیان سے محسن نقوی کی ملاقات ہوئی،جس میں امریکا ایران جنگ بندی مذاکرات میں پاکستان کے کردار کو سراہا اور خصوصی طور پر پاکستانی قیادت کا شکریہ ادا کیا۔

ایرانی صدر نے کہا کہ مذاکراتی عمل میں پاکستان کی برادرانہ اور ذمہ دارانہ سفارت کاری نے جنگ بندی کے معاہدے تک پہنچنے اور مذاکرات کے نتائج کو مستحکم بنانے میں اہم کردار ادا کیا پاکستان نے حالیہ بحران کے دوران ذمہ دارانہ، متوازن اور برادرانہ سفارت کاری کا مظاہرہ کیا جس کے نتیجے میں جنگ بندی کے معاہدے کی راہ ہموار ہوئی اور مذاکراتی عمل کو استحکام ملا ،امید ہے کہ ایران اور پاکستان مستقبل میں بھی خطے میں امن، استحکام اور باہمی تعاون کے فروغ کے لیے قریبی رابطے برقرار رکھیں گے-

صدر پزشکیان نے دونوں ممالک کے درمیان تاریخی، مذہبی اور برادرانہ تعلقات کو مزید مضبوط بنانے کی ضرورت پر زور دیتے ہوئے کہا کہ یہ قریبی تعاون نہ صرف دونوں ممالک بلکہ پورے خطے کے امن اور ترقی کے لیے اہم ہے،ملاقات کے دوران دونوں رہنماؤں نے ایران اور پاکستان کے دوطرفہ تعلقات، سرحدی تعاون، تجارت، علاقائی سلامتی اور مشرق وسطیٰ کی تازہ صورتحال پر بھی تبادلہ خیال کیا۔

پاکستانی وزیر داخلہ محسن نقوی نے ایرانی صدر کو پاکستان کی جانب سے امن، مذاکرات اور خطے میں کشیدگی کے خاتمے کے لیے مسلسل حمایت کا یقین دلایا کہا کہ پاکستان ہمیشہ تنازعات کے پرامن حل، سفارت کاری اور علاقائی استحکام کا حامی رہا ہے اور آئندہ بھی اسی پالیسی پر عمل پیرا رہے گا۔