Author: Ayesha Rehmani

پی ٹی آئی چیئرمین بیرسٹر گوہر نے کہا کہ کل پارلیمنٹ کی خصوصی کمیٹی بنی ہے، آج ہمارے تمام ارکان شرکت کریں گے-

باغی ٹی وی: اسلام آباد میں میڈیا سے گفتگو کرتے ہوئے ہوئے بیرسٹر گوہر نے کہا کہ کوئی بھی عوام کے خلاف نہیں جا سکتا، سیاست میں کوئی چیز فائنل نہیں ہوتی، علی امین گنڈا پورکے بیان پر معافی کی ضرورت نہیں، الیکشن کمیشن نے اسلام آباد میں بلدیاتی انتخابات کو ملتوی کیا یہ اچھی بات نہیں ہے۔

انہوں نے پارلیمنٹ احاطہ سے گرفتار ممبران کے معاملے پر کہا ہے کہ معاملہ اسپیکرقومی اسمبلی کے سامنے اٹھاؤں گا، کوشش کریں گے تناؤکم ہو، سختیاں کم ہوں اور حالات بہتری کی طرف جائیں جبکہ خیبر پختونخوا میں گورنر راج کاکوئی امکان نہیں ہے،ہمارے ایم این اے سعد اللہ بلوچ کوگھرسےاٹھایاگیا۔

واضح رہے کہ قومی اسمبلی کے اجلاس میں شرکت کے لیے پی ٹی آئی کے گرفتار 10 اراکین اسمبلی کو اسپیکر قومی اسمبلی سردار ایاز صادق کی طرف سے پروڈکشن آرڈرز جاری ہونے پر پارلیمنٹ ہاؤس پہنچا دیا گیا جبکہ پی ٹی آئی کے زیر حراست اراکین نے اسپیکر قومی اسمبلی کے چیمبر میں ان سے ملاقات کی اور ان کے سامنے شدید تحفظات کا اظہار کیا۔

اسلام آباد: اسلام آباد ہائیکورٹ نے پاکستان تحریک انصاف (پی ٹی آئی) کے گرفتار اراکین قومی اسمبلی کے جسمانی ریمانڈ کا فیصلہ معطل کردیا –

باغی ٹی وی: اسلام آباد ہائیکورٹ کے چیف جسٹس عامر فاروق اور جسٹس ثمن رفعت امتیاز نے پی ٹی آئی کے گرفتار اراکین قومی اسمبلی کے 8 روزہ جسمانی ریمانڈ کے انسداد دہشت گردی عدالت کے فیصلے کے خلاف درخواست پر سماعت کی۔

دوران سماعت پراسیکیوٹر جنرل نے کہا کہ جسمانی ریمانڈ کا فیصلہ معطل کرنے سے برا تاثر جائے گا، جسٹس عامر فاروق نے ریمارکس دیے کہ کیا برا تاثر جائے گا؟ میں واضح آبزرویشن دے چکا ہوں، اگر ہم کوئی آرڈر کرتے ہیں تو ملزم جوڈیشل ہو جائیں گے؟ جسمانی ریمانڈ کا یہ آرڈر برقرار تو نہیں رہ سکتا لیکن اگر ہو گیا تو کیا ہو گا؟

وکیل درخواست گزار کا کہنا تھا کہ عدالت کو زیادہ لمبا جسمانی ریمانڈ نہیں دینا چاہیے، ٹرائل عدالت نے اپنے آرڈر میں ریمانڈ کی کوئی وجوہات بھی نہیں لکھیں،عدالت نے پراسیکیوٹر سے استفسار کیا کہ آپ اس جسمانی ریمانڈ کے فیصلے کا کیسے دفاع کریں گے؟ جس پر پراسیکیوٹر نے ملزمان کے خلاف ایف آئی آرز پڑھ کر سنائیں۔

بعد ازاں عدالت نے ایڈووکیٹ جنرل اسلام کو نوٹس جاری کرتے ہوئے انسداد دہشت گردی عدالت کا جسمانی ریمانڈ کا فیصلہ معطل کر دیا۔

پی ٹی آئی ممبر شیخ وقاص اکرم، شعیب شاہین، زین قریشی، شیر افضل مروت، عامر ڈوگر، اویس حیدر، احد چٹھہ، شیخ وقاص ، سید شاہ احد علی، نسیم علی شاہ اور یوسف خان کے جسمانی ریمانڈ کے سزا کالعدم قرار دی گئی جبکہ یوسف خان، زبیر خان، اویس حیدر، نسیم شاہ کے جسمانی ریمانڈ کا بھی فیصلہ معطل کردیا گیا ہے۔

عدالت نے ایڈووکیٹ جنرل اسلام اور پراسیکیوٹر جنرل کو نوٹس جاری کرتے ہوئے کیس کی سماعت کل ساڑھے 10 بجے تک کے لیے ملتوی کردی جبکہ کل 10 بجے اسپیشل ڈویژن بینچ درخواستوں پر سماعت کرے گا۔

جبکہ پی ٹی آئی کے گرفتار رہنما جسمانی ریمانڈ کا فیصلہ معطل ہونے کے بعد جوڈیشل تصور ہوں گے، ہائیکورٹ کا 2 رکنی بینچ کل مزید دلائل سُن کر حتمی فیصلہ کرے گا۔

واضح رہے کہ گزشتہ روز پاکستان تحریک انصاف کے اراکین قومی اسمبلی شیخ وقاص، شعیب شاہین، زین قریشی اور شیر افضل مروت نے اپنے وکلا علی بخاری اور عادل عزیز قاضی کے ذریعے انسداد دہشت گردی عدالت کی جانب سے 8 روزہ جسمانی ریمانڈ کو اسلام آباد ہائیکورٹ میں چیلنج کیا تھا۔

اسلام آباد: بانی اور چئیرمین پاکستان تحریک انصاف(پی ٹی آئی) عمران خان اور بشری بی بی نے ضمانت کی درخواست پرجلد فیصلے کے لیے اسلام آباد ہائی کورٹ سے رجوع کرلیا۔

باغی ٹی وی :اسلام آباد ہائی کورٹ میں عمران خان اور بشری بی بی نے نئے توشہ خانہ کیس میں ضمانت بعد از گرفتاری کی درخواست دائرکی، درخواست میں ریاست ، احتساب عدالت اور اسپشل جج سینٹرل کوفریق بنایا گیا ہے،بیرسٹر سلمان صفدر،خالد چودھری اور فیصل چودھری کے ذریعے درخواست دائر کی گئی، درخواست میں عدالت سے ضمانت بعد از گرفتاری کی درخواستوں پر جلد فیصلہ سنانے کی استدعا کی گئی ہے۔