Baaghi TV

Author: Ayesha Rehmani

  • اسٹیٹ بینک آف پاکستان نے عیدالاضحٰی پر تعطیلات کا اعلان کردیا

    اسٹیٹ بینک آف پاکستان نے عیدالاضحٰی پر تعطیلات کا اعلان کردیا

    کراچی: اسٹیٹ بینک آف پاکستان نے عیدالاضحٰی پر تعطیلات کا اعلان کردیا۔

    باغی ٹی وی : اسٹیٹ بینک کی جانب سے جاری اعلامیہ کے مطابق عیدالاضحیٰ کے باعث اسٹیٹ بینک آف پاکستان 17 سے 19 جون بروز پیر تا بدھ بند رہے گا،ہفتہ اور اتوار کو چھٹی کے باعث بینک 5 دن تک بند رہیں گے،اس سے قبل کابینہ ڈویژن نے بھی 17 جون سے 19 جون تک عید الاضحٰی کی تعطیلات کا اعلان کیا تھا۔

    کینجھرجھیل پر 500 میگا واٹ فلوٹنگ پاور پروجیکٹ بنانے کی تیاری

    نوٹیفیکشن کے مطابق جن سرکاری دفاتر میں ہفتہ اور اتوار کو سرکاری چھٹی ہوتی ہے وہ ملازمین عید پر پانچ چھٹیاں منائیں گے جبکہ صرف اتوار کو چھٹی کرنے والے دفاتر کے ملازمین چار چھٹیاں کریں گے۔

    سندھ حکومت نے بھی عید الاضحیٰ کےموقع پر تعطیلات کا اعلان کردیاسندھ حکومت کی جانب سے جاری نوٹیفکیشن کے مطابق صوبائی حکومت کے ماتحت اداروں میں پیر 17 جون سے بدھ 19 جون تک چھٹیاں ہوں گی۔

    کراچی: پان کی دکان لوٹنے والا ڈی ایس پی کا بیٹا نکلا

    واضح رہے کہ پاکستان میں 17 پیر جون کو عید الاضحیٰ مذہبی عقیدت و احترام کے ساتھ منائی جائے گی اور اس موقع پر وفاقی حکومت نے بھی 3 چھٹیوں کا اعلان کیا ہے۔

  • حج کے لیے مکہ مکرمہ آنے والا کم عمر بچہ انتقال کر گیا

    حج کے لیے مکہ مکرمہ آنے والا کم عمر بچہ انتقال کر گیا

    المکہ: حج کے لیے مکہ مکرمہ آنے والا مصری کم عمر بچہ یحی محمد انتقال کر گیا ہے۔

    باغی ٹی وی : عرب میڈیا کے مطابق یحی محمد کا تعلق مصر سے تھا، تاہم وہ اپنی والدہ کے ہمراہ حج کی نیت سے آیا تھا،گزشتہ دنوں عرب سوشل میڈیا پر یحی کی تصاویر وائرل تھیں، جس میں والدہ کی گود میں موجود یحی احرام پہنے ہوئے تھا،یحی مکہ شہر میں گرمی کی شدت برداشت نہ کر سکا اور خالق حقیقی سے جا ملا ہے،کم عمر بچے کو مکہ کے مقامی قبرستان میں نماز جنازہ کے بعد دفنایا کیا گیا ہے۔

    قبل ازیں نائیجیریا کی خاتون عازم حج کے ہاں بچے کی ولادت ہوئی، جس کا نام محمد رکھا گیا،سعودی میڈیا کے مطابق اس سال حج سیزن میں ہونے والی یہ پہلی ولادت ہے،30 سالہ خاتون نے مکہ کے میٹرنٹی اینڈ چلڈرن اسپتال میں بچے کو جنم دیا، جس کا نام محمد رکھا گیا ہے،خاتون کو حمل کے 31 ہفتے بعد ہی شدید تکلیف کے سبب اسپتال کے ایمرجنسی روم میں داخل کروایا گیا، ایمرجنسی ٹیم نے ان کی حالت کا جائزہ لیا جس کے بعد خاتون کو میٹرنٹی وارڈ منتقل کیا گیا جہاں ان کے ہاں بیٹے کی پیدائش ہوئی،وقت سے قبل پیدا ہونے والے بچے کی مکہ کے اسپتال میں دیکھ بھال کی جا رہی ہے اور خاتون کی حالت بھی بہتر بتائی جا رہی ہے-

    مکہ میں خاتون عازم حج کے ہاں بچے کی ولادت

    حزب اللہ کا راکٹوں اور ڈرونز سے اسرائیل کی 9 فوجی تنصیبات کو نشانہ بنانے …

    افریقی سوانا ہاتھی بھی انسانوں کی طرح ایک دوسرے کو ‘نام’ سے پکارتے ہیں،تحقیق

  • کینجھرجھیل پر 500 میگا واٹ فلوٹنگ پاور پروجیکٹ بنانے کی تیاری

    کینجھرجھیل پر 500 میگا واٹ فلوٹنگ پاور پروجیکٹ بنانے کی تیاری

    کراچی: کینجھرجھیل پر 500 میگا واٹ پاور فلوٹنگ پاور پروجیکٹ بنانے کی تعمیر کے لیے حکومت سندھ اور گوانرجی پرائیویٹ لمیٹڈ کے درمیان مفاہمت کی یادداشت پر دستخط کیے گئے۔

    باغی ٹی وی : ایس ٹی ڈی سی کے سی ای او سلیم شیخ اور گو گرین انرجی کے سی ای او عمار علی طلعت نے ایم او یو پر دستخط کی، اس موقع پر تقریب سے خطاب کرتے ہوئے وزیرتوانائی سید ناصرحسین شاہ کا کہنا تھا کہ گو انرجی پرائیوٹ لمیٹڈ یہ منصوبہ سندھ ٹرانسمیشن اینڈ ڈسپیچ کمپنی، محکمہ توانائی سندھ اور محکمہ آبپاشی سندھ کے تعاون سے بنارہی ہے ایس ٹی ڈی سی کینجھر جھیل پاور پروجیکٹ کے الیکٹرک گرڈ اسٹیشن دھابیجی کراچی تک تقریباً 60 کلومیٹر کی 220 کے وی ٹرانسمیشن لائن بچھائے گی۔

    انہوں نے کہا کہ کے الیکٹرک 500میگاواٹ فلوٹنگ پاور پروجیکٹ کا آف ٹیکر ہے جس کے لیے کے الیکٹرک نے لیٹر آف انٹینٹ (LOI) فراہم کردیا ہے، دوسری جانب محکمہ توانائی سندھ کی جانب سے بھی لیٹر آف انٹینٹ (LOI) مہیا کیا جاچکاہے یہ منصوبہ ماحول دوست ہے کیونکہ یہ پانی کو بخارات بننے سے روکنے میں مددگار ہوگا اور آبی زندگی کے لیے مفید ثابت ہوگااس منصوبے سے زمین کے تحفظ کو بھی فائدہ پہنچے گا یہ منصوبہ ماحول دوست ہے جس سے سندھ میں گرین انرجی کو فروغ ملے گا اور سستی بجلی کی فراہمی کا ذریعہ میسر آئےگا یہ منصوبہ صوبہ سندھ میں ملازمتیں پیدا کر کے معیشت کو فروغ دے گا ہمیں امید ہے کہ یہ منصوبہ 2026 کے آخر تک مکمل ہوجائے گا۔

    فیصل واوڈا سینیٹ کی قائمہ کمیٹی بحری امورکے بلا مقابلہ چئیرمین منتخب

    سیکریٹری توانائی سندھ مصدق احمد خان نے کہا کہ وزیر توانائی کی خصوصی ہدایات پر عوام کو سستی اور مفت بجلی فراہم کرنے کے کئی منصوبوں پر کام جاری ہےاس فلوٹنگ پلانٹ سے پیدا ہونے والی بجلی کی لاگت 15روپے فی یونٹ آئے گی جو کہ بجلی پیدا کرنے والے دیگر اداروں کے مقابلے میں کافی سستی ہوگی۔

    تقریب سے خطاب کرتے ہوئے سی ای او ایس ٹی ڈی سی سلیم شیخ نے کہا کہ کے الیکٹرک کے مقابلے میں ایس ٹی ڈی سی کی لائن کبھی ٹرپ نہیں ہوئی اورایس ٹی ڈی سی کا لائن لاسسز بھی 1.6 فیصدسے کبھی اوپر نہیں گیا جبکہ نیپرا نے 2 فیصد تک لائن لاسز کی اجازت دی ہوئی ہے۔

    زمین کیسے بنی اور زندگی کیسے وجود میں آئی ،زمین کو پانی کب ملا؟سائنسدانوں نے …

    اس موقع پر خطاب کرتے ہوئے چیف آفیسر گو انرجی عمار علی طلعت کا کہنا تھا کہ یہ بالکل ایک منفرد آئیڈیا ہے کینجھر دنیا کی سب سے بڑی صاف پانی کی جھیل ہے جہاں پر حکومت سندھ اورکے الیکٹرک کے تعاون سے فلوٹنگ منصوبہ تیار کیا گیا ہے اور جس کا ایم او یو آج سائن کیا گیا ہے، میں تمام تعاون کرنے والوں کا شکر گزار ہوں، سنگاپور کے ماہرین نے اس منصوبے کی اسٹڈی کی ہے یہ منصوبہ جھیل کے ایک چوتھائی پانی کو بخارات بننے سے روکے گا-

  • کراچی: پان کی دکان لوٹنے والا ڈی ایس پی کا بیٹا نکلا

    کراچی: پان کی دکان لوٹنے والا ڈی ایس پی کا بیٹا نکلا

    کراچی: گلشن اقبال میں پولیس موبائل میں آکر پان کی دکان لوٹنے والا کوئی اور نہیں ڈی ایس پی کا بیٹا نکلا۔

    باغی ٹی وی : پولیس کے مطابق ڈی ایس پی اوربیٹےکوحراست میں لےکرنامعلوم مقام پرمنتقل کردیاگیا ہے ڈی ایس پی اور اس کے بیٹے سے تفتیش کی جارہی ہے،پان کےکیبن پرواردات پرجلدحقائق سامنےلائےجائیں گے۔

    واضح رہے کہ گلشن اقبال میں پان کی دکان پر لوٹ مارکی سی سی ٹی وی منظرعام پر آئی تھی، فوٹیج میں پولیس موبائل میں آنے والے ماسک پہنے سادہ لباس افراد کو پان کی دکان میں لوٹ مار کرتے ہوئے دیکھا گیا تھا پولیس نے پان شاپ کے مالک شاہ زیب مغل کی مدعیت میں لوٹ مار کی دفعات کے تحت واردات کی ایف آئی آر درج بھی درج کی تھی۔

    سعودی ولی عہد کی حج کی وجہ سے جی 7 سمٹ میں شامل ہونے سے …

    ایف آئی آر کے متن میں کہا گیا تھا کہ فائیو اسٹار پان شاپ کے نام سے دکان س 2 جون کو 3 افراد سادہ لباس نے دکان کے غلے سے 7 ہزار روپے لوٹے تھے، 12 جون کو پھر رات 11 بجے پولیس موبائل پر سوار سادہ لباس 3 افراد نے 50 ہزار روپے مالیت کے مختلف اقسام کے سگریٹ اور غلے سے 15 ہزار روپے لوٹے اور مجھے پولیس موبائل میں بٹھالیا،گلشن چورنگی پہنچ کر میری جیب سے بھی 10 ہزار روپے نکالے اور مجھے مار پیٹ کر موبائل سے اتار دیا اور فرار ہوگئے۔

    فیصل واوڈا سینیٹ کی قائمہ کمیٹی بحری امورکے بلا مقابلہ چئیرمین منتخب

  • ٹی 20 ورلڈ کپ: بنگلادیش نے نیدرلینڈز کو 25 رنز سے شکست دے دی

    ٹی 20 ورلڈ کپ: بنگلادیش نے نیدرلینڈز کو 25 رنز سے شکست دے دی

    کنگز ٹاؤن: آئی سی سی ٹی 20 مینز ورلڈ کپ کے27 ویں میچ میں بنگلہ دیش کی نیدرلینڈز کے خلاف بیٹنگ جاری ہے۔

    باغی ٹی وی : کنگز ٹاؤن میں بارش کے باعث تاخیر سے ہونے والے ٹاس میں نیدرلینڈز نے ٹاس جیت کر بنگلا دیش کو پہلے بیٹنگ کی دعوت دی–

    بنگلادیش نے مقررہ 20 اوورز میں 5 وکٹوں کے نقصان پر 159 رنز بنائے۔شکیب الحسن 64 رنز بناکر ناقابل شکست رہے۔

    اس کے علاوہ تنزید حسن 35، محموداللہ 25 ، توحید 9 رنز بناکر آؤٹ ہوئے, نیدرلینڈز کی جانب سے آریان دت اور میکرین نے 2،2 وکٹیں حاصل کیں۔

    دوسری جانب 160 رنز کے ہدف کے تعاقب میں نیدرلینڈز کی ٹیم 8 وکٹ پر 134 رنز بناسکی۔

    نیدرلینڈز کی جانب سے سائی برینڈ 33 اور وکرم جیت سنگھ 26 رنز بناکر نمایاں رہے۔ اسکاٹ ایڈورڈز نے 25 اور مائیکل لیوت نے 18 رنز بنائے،بنگلادیش کی جانب سےا رشاد حسین نے 3 اور تسکین احمد نے 2 کھلاڑیوں کو آؤٹ کیا۔

    گروپ ڈی میں موجود ان دونوں ٹیموں کا یہ دوسرا میچ ہے نیدرلینڈز اور بنگلادیش ایونٹ میں اپنا آج تیسرا میچ کھیل رہے ہیں، دونوں کو ایک میچ میں کامیابی اور ایک میں شکست ہوئی، بنگلا دیش 2 پوائنٹس کے ساتھ دوسری جب کہ نیدر لینڈ 2 پوائنٹس کے ساتھ کم رن ریٹ کی وجہ سے تیسری پوزیشن پر ہے۔

  • حزب اللہ کا راکٹوں اور ڈرونز سے اسرائیل کی 9 فوجی تنصیبات کو نشانہ بنانے کادعویٰ

    حزب اللہ کا راکٹوں اور ڈرونز سے اسرائیل کی 9 فوجی تنصیبات کو نشانہ بنانے کادعویٰ

    بیروت: لبنان کی تنظیم حزب اللہ نے دعوی‌کیا ہے کہ اس نے منظم حملے میں راکٹوں اور اسلحے سے لیس ڈرونز کے ذریعے اسرائیل کی 9 فوجی تنصیبات کو نشانہ بنایا ہے۔

    باغی ٹی وی : ” روئٹرز” کے مطابق لبنان کی جنوبی سرحد پر مسلسل دوسرے روز بھی کشیدگی شدت سے جاری ہے اور حزب اللہ کی جانب سے حملے منگل کو اسرائیل کی کارروائی کے جواب میں کیے گئے ہیں، جس میں حزب اللہ کا ایک سینئر کمانڈر بھی نشانہ بنا تھا۔

    حزب اللہ نے بیان میں کہا کہ اسرائیل کی 6 فوجی تنصیبات پر کیتیوشا اور فلک راکٹس داغے ہیں جمعرات کو کیے گئے حملے ان کے کمانڈر کو نشانہ بنانے کا جواب تھا اور بدھ کو بھی 8 جوابی حملے کیے گئے تھے،المنار ٹیلی ویژن نے رپورٹ میں بتایا کہ حزب اللہ کی جانب سے ایک ساتھ 100 سے زائد راکٹ فائر کیے گئےراکٹوں کے ساتھ ساتھ ڈرون حملے بھی کیے گئے جس سے اسرائیل کی شمالی کمانڈ کا ہیڈکوارٹرز، خفیہ اطلاعات کا ہیڈکوارٹرز اور فوجی بیرکس نشانہ بنائی گئیں۔

    زمین کیسے بنی اور زندگی کیسے وجود میں آئی ،زمین کو پانی کب ملا؟سائنسدانوں نے …

    سیکیورٹی ذرائع کا کہنا تھا کہ ایک وقت میں تقریباً 30 ڈرون حملے کیے گئے جو گزشتہ 8 ماہ کی جنگ کے دوران حزب اللہ کا طویل ترین ڈرون حملہ ہے۔

    واضح رہے کہ لبنان کی حزب اللہ اور اسرائیل کے درمیان سرحد پر کشیدگی اکتوبر 2023 میں حماس اور اسرائیل کی جنگ کے ساتھ شروع ہوئی تھی لیکن دو روز قبل اسرائیل کے حملے میں حزب اللہ کے کمانڈر کی ہلاکت کے بعد شدت آئی ہے۔

    سعودی ولی عہد کی حج کی وجہ سے جی 7 سمٹ میں شامل ہونے سے …

  • فلائی جناح کا بحرین کے لیے فلائٹ آپریشن کا باضابطہ آغاز،پہلی پرواز روانہ

    فلائی جناح کا بحرین کے لیے فلائٹ آپریشن کا باضابطہ آغاز،پہلی پرواز روانہ

    اسلام آباد:پاکستان کی سستی ترین ائیر لائن فلائی جناح نے بحرین کے لیے فلائٹ آپریشن کا باضابطہ آغاز کردیا –

    باغی ٹی وی : تفصیلات کے مطابق فلائی جناح کی پہلی پرواز9P764 سو سے زائد مسافروں کو اسلام آباد سے بحرین لے کر روانہ ہو گئی، پہلی پرواز 100 سے زائد مسافروں کو اسلام آباد سے لے کر روانہ ہوئی اس حوالے سے ایئرپورٹ پر ایک تقریب کا بھی انعقاد کیا گیا۔

    تقریب میں ایئرپورٹ مینیجر آفتاب گیلانی، فلائی جناح کے چیف ایگزیکٹیو آفیسر (سی ای او) ارمان یحییٰ نے شرکت کی، فلائی جناح انتظامیہ نے مسافروں اور کریو کےہمراہ یادگاری کی کاٹ کر پرواز کا افتتاح کیا۔

    فلائی جناح کے مطابق ابتدا میں اسلام آباد سے براہ راست بحرین کے لیے ہفتے میں دو پروازیں آپریٹ ہوں گی۔

    10 سالہ بچے نے فرمائش پوری نہ کیے جانے پر خودکشی کرلی

    گزشتہ ماہ فلائی جناح نے اعلان کیا تھا کہ اسلام آباد سے بحرین کے روٹ پر ابتدائی طور پر منگل اور جمعرات کے روز ہفتہ وار دو پروازیں چلائی جائیں گیاسلا م آباد انٹر نیشنل ایئر پورٹ اور بحرین انٹر نیشنل ایئر پورٹ کے درمیان پروازوںکا شیڈول 13جون2024سے نافذ العمل ہوگا۔

    فلائی جناح کے چوتھے بین الاقومی روٹ کے آغاز کے حوالے سے ترجمان کا کہنا تھا کہ فلائی جناح کواسلام آباد اور لاہور سے شارجہ کیلئے اور اسلام آباد سے عمان کے دارلحکومت مسقط تک بین الاقوامی روٹ متعارف کرانے کے بعد ہمیں اسلام آباد سے بحرین کیلئے اپنے چوتھے بین الاقوامی روٹ کے آغاز کا اعلان کرتے ہوئے خوشی محسوس ہورہی ہے اپنے بین الاقوامی روٹ میںیہ توسیع ملکی اور بین الاقوامی سطح پر اپنے مسافروں کو سستے فضائی سفر کی سہولت فراہم کرنے کے ہمارے عزم کے عین مطابق ہے۔

    جون کے آخر میں بارش کے دو سلسلے ملک میں داخل ہوں گے،محکمہ موسمیات

    واضح رہے کہ فلائی جناح اس وقت اپنے پانچ جدید ایئر بسA320طیاروں پر مشتمل بیڑے کے ساتھ پاکستان کے پانچ بڑے شہروں کراچی،لاہور،اسلام آباد،پشاور اور کوئٹہ میںخدمات سر انجام دے رہی ہے ، مسافر فلائی جناح کی ویب سائٹ (www.flyjinnah.com) یا کال سینٹر(111-000-035) یا ٹریول ایجنسیوں کے ذریعہ پروازوں میں بکنگ کراسکتے ہیں

  • زمین کیسے بنی اور زندگی کیسے وجود میں آئی ،زمین کو پانی کب ملا؟سائنسدانوں نے جواب تلاش کر لیا

    زمین کیسے بنی اور زندگی کیسے وجود میں آئی ،زمین کو پانی کب ملا؟سائنسدانوں نے جواب تلاش کر لیا

    یو اے ای: سائنسدانوں کا کہنا ہے کہ پانی زمین پر تقریباً چار ارب سال پہلے نمودار ہوا۔

    باغی ٹی وی : متحدہ عرب امارات کی کرٹن یونیورسٹی کے اسکول آف ارتھ اینڈ پلینٹری سائنسز اور خلیفہ یونیورسٹی کے محققین نے مغربی آسٹریلیا کے وسط مغربی خطے میں جیک ہلز سے ملنے والے قدیم کرسٹلز کا تجزیہ کیا انہوں نے معدنی زرقون کے چھوٹے کرسٹل کی عمر اور اس کے آکسیجن آئسوٹوپس کی جانچ کی،زرقون کرسٹل کٹاؤ اور میٹامورفزم جیسے رضیاتی عمل سے محفوظ رہ سکتے ہیں، جو انہیں ارضیاتی مطالعات میں قیمتی بناتا ہے، کیونکہ زرقون میں یورینیم اور تھوریم موجود ہوسکتے ہیں، اس لئے یہ اکثر چٹانوں کی عمر کا تعین کرنے کے لیے ریڈیو میٹرک ڈیٹنگ میں استعمال ہوتے ہیں۔

    محققین کی ٹیم ان کرسٹلز سے ہائیڈروولوجیکل سائیکل کی تاریخ طے کرنے میں کامیاب رہی، جو کہ ایک ایسا مسلسل عمل ہے جس کےذریعے پانی زمین کےگرد گھومتا ہےاور ماحولیاتی نظام کو برقرار رکھنے اور ہمارے سیارے پر زندگی کو سہارا دینے کے لیے اہم ہے انہوں نے جو پایا وہ غیر معمولی طور پر ہلکے آئسوٹوپک نشانات تھے جو چار ارب سال قبل کی نشاندہی کر رہے تھے، اس طرح کے ہلکے آکسیجن آئسوٹوپس عام طور پر زمین کی سطح سے کئی کلومیٹر نیچے گرم، تازہ پانی کے چٹانوں کو تبدیل کرنے کا نتیجہ ہوتے ہیں۔

    جون کے آخر میں بارش کے دو سلسلے ملک میں داخل ہوں گے،محکمہ موسمیات

    کرٹن یونیورسٹی کے اسکول آف ارتھ اینڈ پلانیٹری سائنسز سے مطالعہ کے شریک مصنف ڈاکٹر ہیوگو اولیروک نے کہا کہ مذکورہ دریافت یہ سمجھنے کے لیے اہم ہے کہ زمین کیسے بنی اور زندگی کیسے وجود میں آئی یہ دریافت نہ صرف زمین کی ابتدائی تاریخ پر روشنی ڈالتی ہے بلکہ یہ بھی تجویز کرتی ہے کہ زمینی اور میٹھے پانی نے کس طرح سیارے کی تشکیل کے 600 ملین سال سے بھی کم وقت کے اندر زندگی کے پھلنے پھولنے کی منزلیں طے کیں۔

    انہوں نے کہا کہ زمین کے اندر گہرائی میں میٹھے پانی کے شواہد اس موجودہ نظریہ کو چیلنج کرتے ہیں کہ چار ارب سال پہلے زمین مکمل طور پر سمندر سے ڈھکی ہوئی تھی،یہ نتائج زمین کی ابتدائی تاریخ کے بارے میں ہماری سمجھ میں ایک اہم قدم کی نشاندہی کرتے ہیں اور زندگی کی ابتدا میں مزید تلاش کے لیے دروازے کھولتے ہیں۔

    10 سالہ بچے نے فرمائش پوری نہ کیے جانے پر خودکشی کرلی

  • بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا

    بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا

    ناگپور: بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا۔

    باغی ٹی وی : بھارتی میڈیا کے مطابق ریاست مہارشٹرا کے شہر ناگپور کی رہائشی پلاننگ ڈپارٹمنٹ کی اسسٹنٹ ڈائریکٹر ارچنا منیش نے خاندانی جائیداد ہتھیانے کیلئے 82 سالہ سسر کو بے دردی سے قتل کروا دیا۔

    پولیس کے مطابق سرکاری خاتون افسر نے سسر کے قتل کو حادثے کا رنگ دینے کیلئے اپنے شوہر کے ڈرائیور اور اس کے دو ساتھیوں کے ساتھ مل کر سسر کو گاڑی سے ٹکر مارنے کی منصوبہ بندی کی جبکہ بہو نے اپنے سسر کو قتل کروانے کیلئے ایک کروڑ بھارتی روپے کا معاوضہ بھی ادا کیا۔

    سوناکشی سنہا اور ظہیر اقبال کی شادی کا ڈیجیٹل دعوت نامہ لیک ہو گیا

    پولیس کےمطابق سسر اپنی بیمار اہلیہ سے ملنے کے بعد اسپتال سے واپس آرہا تھا کہ ملزمان نے گاڑی کی ٹکر مار کر خاتون افسر کے سسر کو کچل ڈالا جس سے ان کی موت واقعہ ہو گئی، واقعے کا علم ہوتے ہی پولیس نے کارروائی کرتے ہوئے بہو کو گرفتار کر لیا جب کہ کیس کی تحقیقات سے معلوم ہوا کہ ارچنا منیش نے ٹاؤن پلاننگ ڈپارٹمنٹ میں اسسٹنٹ ڈائریکٹر ہونے کی وجہ سے بڑی بے ضابطگیاں بھی کی ہیں، ارچنا کے سیاسی تعلقات ہونے کے سبب ان کا گھیرا بھی کبھی تنگ نہیں کیا جا سکا اور اب ان کےخلاف اپنے سسر کا قتل کرنے کے ساتھ ساتھ بے ضابطگیوں پر بھی کیس چلایا جا رہا ہے۔

    10 سالہ بچے نے فرمائش پوری نہ کیے جانے پر خودکشی کرلی

  • فیصل واوڈا سینیٹ کی قائمہ کمیٹی بحری امورکے بلا مقابلہ چئیرمین منتخب

    فیصل واوڈا سینیٹ کی قائمہ کمیٹی بحری امورکے بلا مقابلہ چئیرمین منتخب

    اسلام آباد: سینیٹر فیصل واوڈا سینیٹ کی قائمہ کمیٹی بحری امورکے بلا مقابلہ چئیرمین منتخب ہو گئے ۔

    باغی ٹی وی : فیصل واوڈا نے سینیٹ کی قائمہ کمیٹی بحری امورکے بلا مقابلہ چئیرمین منتخب ہونے پر کمیٹی ارکان کا شکریہ ادا کیا، کہا کہ بحری مسائل کی نشاندہی ہی نہیں، بلکہ مسائل کا حل میری ترجیح ہوگیا، سب کو ساتھ لے کر چلیں گے۔

    دوسری جانب تحریک انصاف کے سینیٹر فیصل سلیم سینیٹ قائمہ کمیٹی برائے داخلہ کے بلا مقابلہ چیئرمین منتخب ہو گئے ہیں-

    10 سالہ بچے نے فرمائش پوری نہ کیے جانے پر خودکشی کرلی

    قبل ازیں کمیٹی نے متفقہ طورپرسینٹر سلیم مانڈوی والا کوچیئرمین سینیٹ قائمہ کمیٹی خزانہ منتخب کیا تھا،سینیٹ کی قائمہ کمیٹی خزانہ کے اجلاس میں سیکرٹری سینیٹ نے چیئرمین منتخب کرنے سے متعلق آگاہ کرتے ہوئے چیئرمین شپ کیلئے صرف سینٹرسلیم مانڈوی والا کی نامزدگی کی درخواست کا بتایا تھا شبلی فراز نے اعتراض کرتے ہوئے کہاکہ اجلاس طلبی کی اطلاع نہیں دی گئی سینیٹر محسن عزیز نے کہا تھا کہ کمیٹی چیئرمین کا معاملہ باہمی رضا مندی سے طے کیا جاتا ہے قائمہ کمیٹی خزانہ اورقانون کا چیئرمین اپوزیشن سے لیا جاتا ہے، محسن عزیزاورشبلی فراز نے اجلاس غیرقانونی قراردیتے ہوئے بائیکاٹ کردیا تھا –

    جون کے آخر میں بارش کے دو سلسلے ملک میں داخل ہوں گے،محکمہ موسمیات

    شیری رحمان نے کہا تھا کہ جمہوری طریقہ کاراختیار کیا ہے ہم نے انہیں دوسری کمیٹی کی سربراہی کی پیشکش کی جس پر فیصل واوڈا نے شیری رحمان کے مؤقف کی تائید کرتے ہوئے کہا تھا کہ سی ڈی اے کی زمین پرقبضہ کرنے اورشورمچانے سے ریلیف نہیں ملے گام کمیٹی نے متفقہ طورپرسینٹر سلیم مانڈوی والا کوچیئرمین سینیٹ قائمہ کمیٹی خزانہ منتخب کرلیا تھا-

    سوناکشی سنہا اور ظہیر اقبال کی شادی کا ڈیجیٹل دعوت نامہ لیک ہو گیا