کراچی: کاروباری ہفتے کے دوسرے روزملک میں سونے کی فی تولہ قیمت میں مزید اضافہ ہوگیا،جبکہ انٹربینک میں ڈالر مہنگا ہونے کے بعد اوپن مارکیٹ میں بھی دیگر کرنسیاں بھی مہنگی ہو گئیں۔
باغی ٹی وی : آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت ایک ہزار 900 روپے اضافے کے ساتھ 2 لاکھ 41 ہزار 300 روپے ہوگئی،دس گرام سونے کی قیمت ایک ہزار 629 روپے اضافے کے ساتھ 2 لاکھ 6 ہزار 876 روپے ہوگئی، دوسر ی جانب عالمی بازار میں سونے کا بھائو 15 ڈالر اضافے سے 2287 ڈالر فی اونس رہا۔
دوسری جانب اسٹیٹ بینک آف پاکستان کے مطابق منگل کو انٹربینک میں ڈالر 13 پیسے مہنگا ہو نے کے بعد 278 روپے 37 پیسے سے بڑھ کر 278 روپے 50 پیسے پر بند ہوا کاروبار کے آغاز پر انٹربینک میں ڈالر 8 پیسے مہنگا ہونے کے بعد 278 روپے 45 پیسے پر ٹریڈ کر رہا تھا،گزشتہ روز امریکی ڈالر 278 روپے 37 پیسے پر بند ہوا تھادوسری جانب اوپن مارکیٹ میں ڈالر کی قیمت خرید کے لیے 277.70 روپے اور فروخت کے لیے 280.15 رہی۔
اوپن مارکیٹ میں برطانوی پاؤنڈ کی قیمت میں 30 پیسے کا اضافہ ہوا جس کے بعد پاؤنڈ 354 روپے 5 پیسے سے بڑھ کر 354 روپے 35 پیسے کا ہو گیا ہےیورو 22 پیسے مہنگا ہونے کے بعد 299 روپے 75 پیسے کا ہو گیا ہےسوئس فرانک 12 پیسے کے اضافے سے 310. 44 روپے اور چینی کرنسی یوآن کی قیمت معمولی کمی کے بعد 38 روپے 39 پیسے ہو گئی ہے،سعودی ریال اور درہم کی قیمتوں میں آج بھی معمولی اضافہ ہو اہے ریال 3 پیسے کے اضافے سے 74 روپے 26 پیسے اور درہم بھی 3 پیسے مہنگا ہونے کے بعد 75.82 روپے کا ہو گیا ہے۔
علاوہ ازیں پاکستان پر قرض اورمالی ضمانتوں کا بوجھ 80ہزار 862 ارب روپےتک پہنچ گیا ہےذرائع کا کہنا ہے جی ڈی پی کا حجم 36 ارب 70کروڑ اضافے سے 374 ارب 90کروڑ ڈالر ہوگیا،رواں مالی سال گندم پیداوار شرح نمو کا 11.64 فیصد،کپاس کی پیداوار میں 108.22 فیصد کا اضافہ ریکارڈ کیا گیا،چاول کی پیداوار میں 34.78 فیصد کا اضافہ ہوا،مکئی کی پیداوار میں 10.35 فیصد کی کمی ریکارڈ کی گئی،رواں مالی سال کے دوران حکومتی قرضوں میں 4ہزار 537 ارب روپے کا اضافہ ہوا،رواں مالی سال مارچ تک حکومتی قرضے 65 ہزار 378 ارب روپے سے تجاوزکر گئے۔
غیرملکی قرضے 21ہزار 940 ارب روپے ،مقامی قرضے 47ہزار 432ارب روپےتک پہنچ گئے ،دستاویز کے مطابق رواں مالی سال کے دوران اب تک بجٹ خسارہ 3ہزار902ارب روپے ریکارڈ کیا گیارواں مالی سال کے دوران سود ادائیگیاں 5ہزار518ارب روپے تک پہنچ گئیں،نوماہ میں دفاعی اخراجات ایک ہزار 222ارب روپے سے تجاوزکر گئے۔
رواں مالی سال کے9 ماہ میں مجموعی آمدنی 9ہزار780ارب روپے سے تجاوزکرگئی، ٹیکس آمدنی 7262ارب، نان ٹیکس آمدنی 2518ارب رہی،9ماہ میں حکومتی اخراجات 13ہزار682ارب روپے ریکارڈ کئے گئے،پنشن اخراجات 611ارب تک پہنچ گئے،رواں مالی سال کے نو ماہ میں سرکاری ملازمین کی تنخواہوں کیلئے 518ارب روپے کی ادائیگی کی گئی، 9 ماہ میں سبسڈی کی مد میں 473ارب روپے کی ادائیگی کی گئی ،این ایف سی کے تحت صوبوں کو 3ہزار815ارب روپے کی ادائیگی کی گئی،نو ماہ میں 270ارب روپے کے ترقیاتی فنڈز جاری ہوسکے،رواں مالی سال کے 9ماہ میں وفاقی حکومت نے 780ارب روپے کی گرانٹس دیں ،وفاقی حکومت نے پنجاب اور خیبر پختونخوا کو 18ارب روپے نیٹ ہائیڈل پرافٹ دیا۔
