Author: Ayesha Rehmani

کراچی: پیپلزپارٹی کے چیئرمین بلاول بھٹو زرداری نے کہا ہے کہ بلاول نے ارکان سندھ اسمبلی کی کارکردگی پر مایوسی کا اظہار کرتے ہوئے کہا کہ کابینہ کے ارکان میں سستی نظرآرہی ہے، ٹرانسفر پوسٹنگ کی سیاست بند ہونی چاہیے۔

باغی ٹی وی : کراچی میں وزیراعلیٰ ہاؤس میں بلاول بھٹو کی زیر صدارت پارلیمانی پارٹی کا اجلاس ہوا، اس موقع پر بلاول نے ارکان سندھ اسمبلی کی کارکردگی پر مایوسی کا اظہار کرتے ہوئے کہا کہ کابینہ کے ارکان میں سستی نظرآرہی ہے، ٹرانسفر پوسٹنگ کی سیاست بند ہونی چاہیے، فوکس کرنا ہوگا محدود وسائل میں مسائل کیسے حل ہوں گے امید ہے بجٹ سے پہلے مسائل حل ہوں گے وزیراعظم شہباز شریف اپنا وعدہ پورا کریں گے، وفاقی حکومت کی طرف سے پیسہ ملنا چاہیے، یاد رکھا جائے کہ اندرونی مسائل کے باعث پارٹی اور حکو مت کو نقصان نہ پہنچے۔

بلاول نے کہا کہ وزیراعلیٰ سندھ نے مشکل معاشی صورتحال، اراکین کے سامنے رکھی، ہمیں محدود وسائل سے گورننس بہتر کرنی ہوگی، الیکشن کو کئی ماہ گزر گئے، اپنےارکان اسمبلی میں سستی دیکھ رہا ہوں، کچھ لوگوں کی اچھی رپورٹس مل رہی ہیں، کچھ کی نہیں، پیپلزپارٹی کے وزرا محنت کریں تاکہ ان کا کام نظر آئے،ایک دوسرے کو سیاسی مخالفت کے لیے استعمال کیا جارہا ہے، آپ لوگ بار بار کامیاب ہوکر آرہے ہیں، ٹرانسفرپوسٹنگ کی سیاست بند ہونی چاہیے۔

صنم جاوید سرگودھا جیل سے رہائی کے بعد دوبارہ گرفتار

چیئرمین پیپلزپارٹی نے کہا کہ ضروری ہے کہ آپ عوام کی توقعات پر پورا اتریں، الیکشن کو کئی ماہ گزر گئے، مگر آپ توجہ نہیں دے رہے، ارکان کو کہنا چاہتا ہوں کہ اپنے حلقوں پر توجہ دیں،اپنے منصوبوں کے فیصلے کھلی کچہری میں مشورے لے کر کریں، پارلیمانی حاضری کے ساتھ اپنےحلقوں میں بھی وقت دینا ہو گا، اندرونی مسائل کے باعث پارٹی اور حکومت کو نقصان نہ پہنچے، ہمیں اچھے آفیسرز کو موقع دینا چاہیے۔

ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم

بلاول بھٹو نے کہا کہ عوام نفرت کی سیاست سے بہت مایوس ہیں، حکومت میں آنے کا مقصدغریب عوام کی خدمت کرنا ہے، آپس کی لڑائیوں سے کارکردگی کو نقصان نہیں پہنچنا چاہیے، پر امید ہوں کہ صوبے کےعوام کی توقعات پرپورا اتریں گے، ارکان اسمبلی اپنے اضلاع میں افسران پر نظر رکھیں، اگر کوئی افسر بدنامی کا سبب بن رہا ہے تو قیادت اور وزیر اعلیٰ کو بتایا جائے، تاکہ پارٹی اور حکومت کی بدنامی نہ ہو، سیلاب کےباعث تباہ اسکولوں کی بحالی اولین ترجیح ہے، سولر بجلی کی فراہمی ہمارے پلان کا سب سے اہم حصہ ہے، مجھے سندھ پولیس پر پورا بھروسہ ہے، پولیس جرایم پیشہ افراد پر قابو پالے گی، ہمارے علاقائی حالات براہ راست ہمارے کرائم کی صورت حال سے براہ راست منسلک ہے۔

نیپرا عوام دشمن پالیسیوں پر گامزن ہے ۔احمدندیم اعوان

چیئرمین پی پی پی نے کہا کہ میں نے وزیراعلیٰ سے کہا ہے کہ ہر 6 مہینے بعد بیٹھ کر کابینہ کی کارکردگی کا جائزہ لیں گے، اسکول کی طرح رپورٹ کا جائزہ لیں گے اور وزیراعلیٰ سے تمام وزرا کی رپورٹ لوں گا لہٰذا تمام اراکین عوامی رابطے جاری رکھیں، وزرا کو بھی دستیاب ہونا چاہیے اور اراکین کے لیے مخصوص دن رکھیں جہاں آپ عوام کے لیے بھی دستیاب ہوں، وزرا کو ہدایت کرتے ہوئے کہا کہ پارٹی کی تنظیمیں اور کارکنوں کو رکن اسمبلی یا وزیر کے حوالے سے کوئی شکایت نہیں ہونی چاہیے، اگر وہ آپ سے ملنا چاہیں تو آپ کو دستیاب ہونا، اگر ان کا کوئی کام ہے تو اس کے لیے کوشش کریں۔

کراچی: بانی پاکستان قائد اعظم محمد علی جناح کے مزار پر نئے جدید کیمرے نصب کرنے کا کام شروع کردیا گیا ہے۔

باغی ٹی وی :میڈ یا رپورٹس کے مطابق 61 ایکڑ کے رقبے پر پھیلے بانی پاکستان کے مزار پر سیکیورٹی کومربوط اورمزید بہتربنانے کے لیے نئے کیمروں کی تنصیب کا کام شروع کردیا گیا، پرانےکیمروں کے ساتھ جدید ٹیکنالوجی کے نئے 153 بلٹ کیمرے نصب کیے جارہے ہیں۔

اس سے قبل مزارقائد پرسیکیورٹی کے لیے 48 کیمرے نصب تھے، جن کے ذریعے خارجی وداخلی دروازوں کے علاوہ مزار قائد کے گنبد کے اطراف سبزہ زارسمیت دیگرمقامات کی نگرانی کی جاتی تھی،تاہم نئے کیمروں کی تنصیب کے بعد اب ہر زاویے سے مزارقائد کی سیکیورٹی ونگرانی ممکن ہوسکے گی، مذکورہ نئے کیمروں کی تنصیب کے بعد تعداد مزار قائد پر لگنے والے کیمروں کی تعداد 201 تک پہنچ جائے گی، 5 میگا پکسل کے نئے بلٹ کیمروں کی تنصب کا کام شروع کردیا گیا،جوکچھ عرصے میں مکمل کردیا جائےگا۔

47خواتین کو قتل کرنے والا بدنام زمانہ سیریل کلر جیل میں قتل

مزارقائد انتظامیہ کے مطابق کیمروں سے منسلک مانیٹرنگ روم میں مزارقائد سیکیورٹی کے علاوہ دیگر قانون نافذکرنے والے اداروں کے اہل کار چوبیس گھنٹے نگرانی پر مامورہتے ہیں مزارکے دوگیٹس باب ایمان(وی آئی پی گیٹ)،باب اتحاد(نمائش گیٹ) پر وفود اورشہریوں کی آمدروفت کے لیے استعمال کیے جاتے ہیں، جس کے لیے 7 واک تھروگیٹس استعمال کیے جاتے تھے، جن میں اب اضافہ کر کے انہیں 9 تک کیا جارہا ہے، کیونکہ عموما قومی دنوں پر مزارقائد پر شہریوں کا رش بڑھ جاتا ہے،ان نئے اوراضافی گیٹس کی تنصیب سے مزارقائد آنے والے افراد کی بہتراندازمیں اسکریننگ بھی ممکن ہوسکے گی۔

ہتک عزت مقدمہ میں روف کلاسرا پر فرد جرم عائد