Author: Ayesha Rehmani

لندن:برطانیہ نے شاہ چارلس کی تصویر والے کرنسی نوٹوں کی رونمائی کر دی۔

باغی ٹی وی : غیر ملکی میڈیا کے مطابق برطانیہ نے شاہ چارلس سوئم کی تصویر والے کرنسی نوٹ کی رونمائی کر دی ہے شاہ چارلس سوئم کی تصویر والے نوٹ رواں سال 5 جون سے مارکیٹ میں آ جائیں گے جس کے بعد بادشاہ کی تصویر چاروں بینک نوٹوں کے موجودہ ڈیزائن پر نظر آئے گی،قابل ذکر ہے کہ شاہ چارلس کے نئے نوٹوں کے ساتھ ملکہ کی تصویر والے پرانے نوٹ بھی قابل استعمال رہیں گے۔

بی بی سی کے مطابق بکنگھم پیلس میں، بادشاہ کو £5، £10، £20 اور £50 کے نئے بینک نوٹوں میں سے پہلا پیش کیا گیا جس میں ان کی تصویر دکھائی جائے گی،کنگ چارلس کینسر کی تشخیص کے بعد سے بڑی عوامی مصروفیات میں حصہ نہیں لے رہے ہیں، لیکن انہوں نے نجی تقریبات میں اپنی شرکت جاری رکھی ہے، جیسے کہ یہ ملاقات جہاں انہیں بینک آف انگلینڈ کے گورنر اینڈریو بیلی نے نوٹ دکھائے تھے۔

پاپ سپر اسٹار ریحانہ کو شدید تنقید کا سامنا

مسٹر بیلے نے بادشاہ کو بتایا کہ یہ پہلا موقع تھا جب بینک آف انگلینڈ کو بینک نوٹوں پر بادشاہ کو تبدیل کرنا پڑا ، کیونکہ آنجہانی ملکہ الزبتھ دوم پہلی بادشاہ تھیں جنہوں نے بینک آف انگلینڈ کے تمام بینک نوٹوں پر اپنی تصویر لگائی تھی، بادشاہ، جسے 00001 سیریل نمبروں کے ساتھ نوٹوں کا ایک سیٹ پیش کیا گیا تھا، نے ڈیزائن کو "بہت خوبصورت” قرار دیا۔

اسٹیبلشمنٹ کی موجودہ لیڈر شپ انتہائی دیانتدار اور آزاد ہے،رانا ثناء اللہ

نیویارک: غزہ میں فلسطینیوں کی نسل کشی پر سابق امریکی صدر ڈونلڈ ٹرمپ کے کٹر حمایتی اور قدامت پسند امریکی صحافی ٹکر کارلسن بھی بول پڑے۔

باغی ٹی وی : بیت اللحم میں موجود فلسطینی پادری منتھر آئزک کا انٹرویو کرتے ہوئے ٹکر کارلسن نے رائے دی کہ اگر ہم ایسی غیر ملکی حکومت کی حمایت کرتے ہیں جو گرجا گھروں کو تباہ کر رہی ہے، عیسائیوں کو مار رہی ہے تو ہم راستے سے بھٹک گئے ہیں۔

انٹرویو میں فلسطینی پادری نے غزہ میں جاری جنگ کو فلسطینیوں کی نسل کشی قرار دیتے ہوئے فوری جنگ بندی کا مطالبہ کیافلسطینی پادری نے کہا کہ غزہ میں جاری جنگ کو فلسطینیوں کی نسل کشی کہوں گا، یہ جنگ معصوم بچوں، عورتو ں کی جانیں لے رہی ہے اسے روکنا ہوگا۔

افغانستان طالبان کےر وپوش سربراہ عید پر منظر عام پر آگئے

واضح رہے 7 اکتوبر سے جاری صیہونی درندگی میں اب تک 34 ہزار سے زائد فلسطینی شہد اور 80 ہزار کے قریب زخمی ہو چکے ہیں لیکن اس کے باوجود امریکا کا کہنا ہے کہ ہمیں اسرائیلی فورسز کی جانب سے غزہ میں انسانی حقوق کی خلاف ورزیاں ہوتی نظر نہیں آئیں۔

دوسری جانب عید کے موقع پر بھی اسرائیلی مظالم میں کمی نہ آ ئی، مسجدِ اقصیٰ کے صحن میں ہزاروں فلسطینیوں نے نمازِعیدالفطر ادا کی،فلسطینی شہریوں نے غزہ میں اسرائیلی بمباری سے شہید مسجد کے سامنے بھی نمازِعید ادا کی،غزہ کے مظلوم اور بے گھر فلسطینی آج خیموں میں عید منا رہے ہیں،گھر اسرائیلی بمباری سے مسمار ہو چکے، اسرائیلی مظالم رکنے کا نام نہیں لے رہے، تاہم فلسطینی شہریوں میں جذبہ اسلام زندہ ہے اور عید منا رہے ہیں-

پاپ سپر اسٹار ریحانہ کو شدید تنقید کا سامنا

عید کے روز بھی اسرائیل بمباری سے باز نہ آ ریا، اسرائیلی فوج نے نصرت کیمپ پر حملہ کیا جس کے نتیجے میں 14 افراد شہیدہوگئے، غزہ کے رہائشی عید کے دن بھی جنازے اٹھا رہے ہیں، گزشتہ روز بھی چوبیس گھنٹوں میں اسرائیلی حملوں میں ڈیڑھ سو سے زائد شہری شہید ہوئے ہیں، غزہ میں سات اکتوبر سے اب تک اسرائیلی حملوں میں 33 ہزار سے زائد شہری شہید ہو چکے ہیں، شہدا میں 14500 بچے بھی شامل ہیں،

رفح کے بچوں کا کہنا ہے کہ اسرائیل نے ان سے عید کی خوشیاں چھین لی ہیں،بچوں کے لیے کام کرنے والے اقوامِ متحدہ کے ادارے کا کہنا ہے کہ غزہ کی بے گھر آبادی میں ایک فیصد بچے ایسے ہیں جو یتیم ہو چکے ہیں یا پھر اب ان کی دیکھ بھال کرنے والا کوئی نہیں بچا، غزہ میں ایسا کوئی کیمپ نہیں جہاں موجود کسی بچے نے اپنے والدین یا دونوں میں سے کسی ایک کو نہ کھویا ہو-

عید کے روز بھی اسرائیلی بمباری،فلسطینی عید کے دن بھی جنازے اٹھا رہے

نیویارک: ہالی وڈ کی پاپ سپر اسٹار ریحانہ کو اُس کے ایک حالیہ فوٹو شُوٹ اُس کے ایک حالیہ فوٹو شُوٹ کے باعث شدید تنقید کا سامنا ہے۔

باغی ٹی وی: انٹرویو میگزین کے لیے ریحانہ نے ایک ’بولڈ‘ فوٹو سیشن کروایا ہے، یہ بات زیادہ حیرت انگیز ہے نہ قابلِ مذمت،تاہم مداحوں تب آگ بولہ ہوئے جب پاپ اسٹار کی جان سے یہ فوٹو شُوٹ عیسائی راہبہ کے لباس میں کروایا گیا ہے۔ ریحانہ نے راہبہ (nun) کے لباس میں انتہائی قابلِ اعتراض پوز دیے ہیں۔

سوشل میڈیا پر لوگوں نے ریحانہ کو شدید تنقید کا نشانہ بنایا ہے ایک خاتون نے لکھا کہ میں اگرچہ مسلم ہوں مگر یہ بات برداشت نہیں کی جاسکتی کہ کسی مذہب کے مخصوص لباس کی یوں تذلیل کی جائے بیشتر تبصروں میں کہا گیا ہے کہ جسے جو کرنا ہے کرے مگر مذہب سے کِھلواڑ نہ کرے۔

اوور بلنگ :ایف آئی اے تحقیقات میں لیسکو کے 7 افسران پیش نہ ہوئے

ریحانہ کا اپنے فوٹو شُوٹس کے ذریعے مذہبی جذبات بھڑکانے کا ٹریک ریکارڈ ہے، 2021 میں اُس نے ایک فوٹو شُوٹ میں ہندوؤں کے ایک مرکزی دیوتا گنیش کی شباہت اختیار کی تھی جبکہ اُس سے ایک سال قبل اُس نے اسلامی متن والا لباس پہنا تھا جس پر دنیا بھر میں شدید ردِعمل ظاہر کیا گیا تھا۔

وزیراعظم کامختلف ممالک کےسربراہان سے ٹیلیفونک رابطہ،عیدالفطر کی مبارکباد

کینبرا: آسٹریلیا کی وزیرخارجہ پینی وانگ نے کہا ہے کہ فلسطین کو ریاست کے طور پر تسلیم کرنے پر غور کریں گے۔

باغی ٹی وی :” روئٹز” کے مطابق آسٹریلوی وزیرخارجہ پینی وانگ نے آسٹریلین نیشنل یونیورسٹی میں ایک تقریر کے دوران کہا کہ ان کی حکومت فلسطین کو ریاست تسلیم کرنے پر غور کرے گی جبکہ ان کا اعلان عالمی سطح پر مختلف ممالک کی جانب سے تنازع کا حل دو ریاستوں کے قیام قرار دینے کے بعد آیا جو ان کی سابقہ پالیسی کے برعکس ہے۔

پینی وانگ نے برطانیہ کے وزیرخارجہ ڈیوڈ کیمرون کے اس بیان کی حمایت کی ہے، جس میں انہوں نے کہا تھا کہ اقوام متحدہ سمیت فلسطین کو ریاست تسلیم کرنے سے تنازع کا دو ریاستی حل ممکن ہوگا،آسٹریلیا کی وزیرخارجہ نے کہا کہ عالمی برادری دو ریاستی حل کی طرف اقدامات تیز کرنے کے لیے فلسطینی ریاست پر بحث کر رہی ہے، کشیدگی کے ناختم ہونے والے سائیکل کو توڑنے کے لیے دو ریاستی حل واحد امید ہے۔

پینی وانگ نے اس امکان کو مسترد کردیا کہ غزہ کی حکمران حماس کا اس میں کوئی کردار ہوگا اور کہا کہ مستقبل کی فلسطینی ریاست میں حماس کا کوئی کردار نہیں ہوگا،جو لوگ دعویٰ کر رہے ہیں کہ فلسطینی ریاست کو تسلیم کرنا دشمن کو نوازنے مترادف ہے تو وہ غلط ہیں کیونکہ اسرائیل کی اپنی سلامتی دو ریاستی حل پر انحصار کرتی ہے،اسرائیل کے لیے دیرپا سلامتی اس وقت تک ممکن نہیں ہے جب تک خطے میں فلسطین کو تسلیم نہیں جائے گا۔

بچوں کی تعلیم کا بندوبست کئے بغیر قائداعظم کے پاکستان کا خواب پورا نہیں …

دوسری جانب غزہ میں اسرائیلی فوج کے حملے جاری ہیں، گزشتہ 24 گھنٹوں میں مزید 153 فلسطینی شہید اور 60 زخمی ہوگئےعرب میڈیا کے مطابق غزہ میں اسرائیلی فوج کی جانب سے فلسطینی عوام پر حملے جاری ہیں جس کے بعد شہادتوں میں مزید اضافہ ہوگیا ہے۔

7 اکتوبر 2023 سے غزہ میں جاری اسرائیلی جارحیت کو 6 ماہ مکمل ہوگئے ہیں، غزہ پر اسرائیلی حملوں میں اب تک 33 ہزار سے زائد فلسطینی شہید ہو چکے ہیں جن میں 13 ہزار سے زائد تعداد بچوں کی ہے۔

دوسری جانب اسرائیلی وزیراعظم نیتن یاہو نے دھمکی دیتے ہوئے کہا ہے کہ اسرائیل ہر صورت میں رفح پر حملہ کرے گا اور دنیا کی کوئی طاقت اسے روک نہیں سکتی،واضح رہے کہ رفح مصر کے بارڈر کے قریب واقع فلسطینی شہر ہے جہاں اس وقت جنگ کے باعث بے گھر ہونے والے 15 لاکھ سے زائد فلسطینی امداد کی خاطر پناہ لیے ہوئے ہیں۔

11 سالہ غیر مسلم لڑکی سے نکاح کرنیوالے ملزمان کیخلاف مقدمہ درج

تہران: ایران کے جنوب مشرقی صوبے سیستان،بلوچستان میں پولیس کی دو گاڑیوں پر حملے میں 5 افسران مارے گئے اور ایک زخمی ہوگیا۔

باغی ٹی وی: ایران کے سرکاری ٹی وی کے مطابق دہشت گردوں نے پولیس کی کاروں پر حملہ کیا، جس کے نتیجے میں ہلاکتیں ہوئی ہیں،ایرانی خبرایجنسی تسنیم نے بتایا کہ پولیس افسران ایک ملزم کو لے کر واپس آرہے تھے جو گزشتہ ماہ منشیات کے خلاف کارروائی کے دوران پولیس افسر کے قتل میں ملوث تھا، ذمہ داری جیش العدل نے قبول کی ہے جبکہ پولیس پر حملے کا واقعہ اسی خطے میں چند روز قبل پاسداران انقلاب کے مرکز پر حملے کے نتیجے میں 11 سیکیورٹی اہلکاروں کی ہلاکت کے بعد سامنے آیا ہے۔

بچوں کی تعلیم کا بندوبست کئے بغیر قائداعظم کے پاکستان کا خواب پورا نہیں …

جیش العدل صوبے میں بلوچ اقلیت کو بنیادی حقوق برابری کی بنیاد پر فراہم کرنے کا مطالبہ کر رہی ہے جبکہ حالیہ برسوں میں ایرانی سیکیورٹی فورسز پر حملوں میں ملوث رہی ہے افغانستان اور پاکستان کی سرحد سے منسلک علاقوں میں ایرانی سیکیورٹی فورسز کو حملوں کا سامنا رہا ہے اور جیش العدل سمیت دیگر گروپس حملوں میں ملوث رہے ہیں۔

11 سالہ غیر مسلم لڑکی سے نکاح کرنیوالے ملزمان کیخلاف مقدمہ درج