Baaghi TV

Author: Ayesha Rehmani

  • پاکستان سے زمینی راستے کے ذریعے روس تک پھلوں کی ترسیل شروع

    پاکستان سے زمینی راستے کے ذریعے روس تک پھلوں کی ترسیل شروع

    اسلام آباد: پاکستان کے باغات سے زمینی راستے کے ذریعے روس تک پھلوں کی ترسیل شروع کردی گئی۔

    باغی ٹی وی :نیشنل لاجسٹک سیل( این ایل سی) کی گاڑیوں کا قافلہ کینو کی کھیپ لے کر روس پہنچ گیا، مجموعی طور پر 16 گاڑیاں کینو لے کر سرگودھا سے روانہ ہوئیں، گاڑیوں نے مجموعی طور پر 6 ہزار کلومیٹر فاصلہ طے کیا، 14 گاڑیاں روس کے شہر دربنت اور 2 گروزنی پہنچیں، این ایل سی کی گاڑیاں 3 ممالک سے ہوتی ہوئی روس میں داخل ہوئیں، این ایل سی ریفر سروس کا اجرا زرعی شعبے کے لئے اہم پیشرفت ہے۔

    کولڈ چین کی عدم دستیابی کی وجہ سے 40 فیصد تازہ زرعی پیداوار خراب ہوجاتی ہیں، ریفر سروس کی بدولت پھلوں کی دوران ترسیل تازگی برقرار رہتی ہے، پاکستانی ٹرکوں کے دربنت پہنچنے پر استقبالیہ تقریب کا انعقاد کیا گیا، تقریب میں بین الاقوامی روڈ ٹرانسپورٹ یونین کے نمائندگان،روس کے کسٹمز حکام، پاکستانی سفارت خانے کے افسران اور تاجر برادری نے شرکت کی۔

    رمضان المبارک سے قبل اشیائے خوردونوش کی قیمتوں میں اضافہ

    روسی حکام کی جانب سے این ایل سی کی اس کاوش کا خیرمقدم کیا گیا، این ایل سی کے اس قدم سے پاکستان اور روس کی باہمی تجارت کو فروغ ملے گا، این ایل سی ماضی میں بھی کیلے، گوشت اور سی فوڈ قازقستان ازبکستان کرغستان اور چین پہنچ چکا ہے۔

    لاہور: کھانا نا دینے پرخاتون پر شوہر اور سسرال والوں کا تشدد، وزیر اعلیٰ پنجاب …

    اٹلی میں جاری ایک نمائش سےسونے کے بنے قیمتی فن پارے چوری

  • جماعت اسلامی کا اسلام آباد میں آج امریکی سفارتخانے تک مارچ کا اعلان

    جماعت اسلامی کا اسلام آباد میں آج امریکی سفارتخانے تک مارچ کا اعلان

    اسلام آباد: جماعت اسلامی کی جانب سے اسلام آباد میں آج امریکی سفارتخانے تک مارچ کا اعلان کیا گیا ہے-

    باغی ٹی وی : اس حوالے سے ترجمان جماعت اسلامی قیصر شریف کے مطابق جماعت اسلامی کے زیر اہتمام غزہ مارچ اسلام آباد میں آج ہو گا، امیر جماعت اسلامی سراج الحق غزہ مارچ کی قیادت کریں گے، غزہ مارچ دوپہر 3 بجے ڈی چوک سے امریکی سفارتخانے تک ہو گا ، پر امن مارچ میں مرد ، عورتیں ، بچے شریک ہوں گے،امیر جماعت اسلامی سراج الحق مارچ سے خطاب کریں گے، مارچ کی تیاریاں جاری ہیں، ہزاروں کی تعداد میں کرسیاں لگائی گئی ہیں، 30 فٹ اونچا سٹیج تیار کیا گیا ہے۔

    قیصر شریف نے کہا کہ سیاسی پارٹیوں کی قیادت خاموش، امریکا کے خوف سے فلسطین کا نام نہیں لیتے، بڑی سیاسی جماعتوں میں جارح اور ظالم کے خلاف بولنے کی جرات نہیں، شرم کی بات ہے کہ ہمارے ہاں ہر دفعہ انتخابات چوری ہوتے ہیں، انتخابات عوام کے ساتھ مذاق ، ڈیفیکڈڈ حکومت وجود میں آئی۔

    اٹلی میں جاری ایک نمائش سےسونے کے بنے قیمتی فن پارے چوری

    ترجمان جماعت اسلامی نے مزید کہا کہ 25 کروڑ عوام کے دل فلسطینوں کے ساتھ ہیں، پاکستان کی حکومت خاموش رہ کر امریکہ کو راضی کر رہی ہے، ڈیفیکڈڈ حکومت مسئلہ فلسطین پر عوام کے جذبات کی ترجمانی نہیں کر رہی، اسرائیلی سفاکیت پر مسلمان حکمرانوں کی خاموشی لمحہ فکریہ ہے 150 سے زائد دنوں سےغزہ پر بارود کی بارش ہو رہی ہےانسانیت سےہمدردی رکھنے والوں نےپوری دنیا میں مظاہرے کیے، اسرائیل اور امریکہ غزہ میں اہل فلسطین کی نسل کشی بند کریں۔

    رمضان المبارک سے قبل اشیائے خوردونوش کی قیمتوں میں اضافہ

    لاہور: کھانا نا دینے پرخاتون پر شوہر اور سسرال والوں کا تشدد، وزیر اعلیٰ پنجاب …

  • اٹلی میں جاری ایک نمائش سےسونے کے بنے قیمتی فن پارے چوری

    اٹلی میں جاری ایک نمائش سےسونے کے بنے قیمتی فن پارے چوری

    روم: اٹلی میں جاری ایک نمائش سے 13 لاکھ ڈالر مالیت کے سونے کے بنے قیمتی فن پارے چوری ہوگئے۔

    باغی ٹی وی : غیر ملکی میڈیا کے مطابق نمائش کے منتظمین کے مطابق ’لائیک اے وارم، فلوئنگ گولڈ‘ نامی نمائش کا آغاز دسمبر کے اواخر میں ہوا تھا اور اسے جمعے کے روز اختتام پذیر ہونا تھا تاہم بدھ کی رات نمائش میں موجود سونے سے بنے ہوئے 49 فن پارے چوری ہوگئے بعد ازاں چوری شدہ فن پاروں میں سے ایک مجسمہ نمائش کے احاطے سے برآمد ہوگیا تاہم دیگر 48 فن پاروں کا اب تک کچھ پتا نہیں چلا۔

    منتظمین کا کہنا تھا کہ ان کے حفاظتی انتظامات اور الارم اعلیٰ ترین معیار کے ہیں جس سے یہ اشارہ ملتا ہے کہ اس واردات میں ماہر ترین چوروں کا گروہ ملوث ہے، چوری کی اس واردات کی تحقیقات جاری ہیں۔

    سعودی عرب کا گوادر کے بارش متاثرین کے لیے امداد کا اعلان

    سعودی عرب میں رمضان المبارک کا چاند آج دیکھا جائے گا

    گوادر سمیت بلوچستان کے مختلف علاقوں میں مزید بارش

  • رمضان المبارک سے قبل اشیائے خوردونوش کی قیمتوں میں اضافہ

    رمضان المبارک سے قبل اشیائے خوردونوش کی قیمتوں میں اضافہ

    اسلام آباد: رمضان المبارک سے قبل اشیائے خوردونوش کی قیمتیں آسمان سے باتیں کرنے لگیں۔

    باغی ٹی وی : چیک اینڈ بیلنس نہ ہونے کے باعث تاجروں نے حکومتی پرائس لسٹ کو ہوا میں اڑا دیا ، راولپنڈی ، اسلام آباد سمیت مختلف شہروں میں پھلوں اور سبزیوں کی قیمتیں عوام کی پہنچ سے دور ہو گئیں۔

    اسلام آباد کے اتوار بازار میں پیاز 330 روپے کلو ، آلو 74 ، ٹماٹر 160 ، لہسن 540 ،ادرک 680 روپے، کریلا 280 ،بھنڈی 320 ، انگور 420، سیب 340، انار 400 ، امردو 240 اورکھجور 600 روپے فی کلو فروخت ہو رہے ہیں، کیلے فی درجن 240، کینو 300 ، مالٹا 250 ، زندہ مرغی 410 ، چھوٹا گوشت 1400 اوربڑے گوشت کی قیمت 700 روپے فی کلو ہو گئی ہے۔

    سعودی عرب کا گوادر کے بارش متاثرین کے لیے امداد کا اعلان

    جبکہ کراچی میں پیاز 300، ٹماٹر 200 روپے فی کلو فروخت ہونے لگے جبکہ شملہ مرچ کی قیمت ایک دن میں 200 روپے سے 700 روپے فی کلو تک پہنچ گئی، لہسن 1000 ، ادرک 600 ، ہری مرچ 500 روپے کلو اور مرغی کا گوشت 700 روپے میں فروخت ہو رہا ہے۔

    سعودی عرب میں رمضان المبارک کا چاند آج دیکھا جائے گا

    اسی طرح کوئٹہ میں آلو اور پیاز کی فی کلو قیمت میں 20، 20 روپے کا اضافہ ریکارڈ ہوا ہے جس کے بعد آلو 70 روپے کلو اور پیاز 240 روپے کلو ہو گئی۔

    گوادر سمیت بلوچستان کے مختلف علاقوں میں مزید بارش

  • لاہور: کھانا نا دینے پرخاتون پر شوہر اور سسرال والوں کا تشدد، وزیر اعلیٰ پنجاب کا نوٹس

    لاہور: کھانا نا دینے پرخاتون پر شوہر اور سسرال والوں کا تشدد، وزیر اعلیٰ پنجاب کا نوٹس

    لاہور: گلشن راوی میں خاتون پر شوہر اور سسرال والوں نے تشدد کیا جس کا وزیر اعلیٰ پنجاب مریم نواز نے نوٹس لے لیا۔

    باغی ٹی وی : گزشتہ روز ایک ویڈیو سوشل میڈیا پر سامنے آئی تھی جس میں خاتون کو گھر سےگلی میں نیچےگرتےدیکھا گیا، ویڈیو میں دعویٰ کیا گیا کہ خاتون پر تشدد کیا گیا اور پھر ساس اور شوہر نے اسے گھر کی بالائی منزل سے دھکا دے دیا،ویڈیو میں خاتون کے محلے والوں کو بھی فوراً آتے دیکھا گیا، بعدازاں انہیں اسپتال لے جایا گیا۔
    https://x.com/MaryamNSharif/status/1766513456474132601?s=20
    وزیر اعلیٰ پنجاب مریم نواز نے اس حوالے سے ٹوئٹ میں بتایا کہ گلشن راوی میں پیش آنے والے واقعے میں خاتون پر شوہر، ساس اور دیور نے تشدد کیا اور پھر انہیں گھر کی دوسری منزل سے دھکا دے کر نیچے پھینک دیا،خاتون پر یہ ظلم محض معیاری کھانا نہ دینے پر کیا گیا، وزیر اعلیٰ پنجاب کے مطابق مرکزی ملزموں میں سے ایک کو گرفتار کر لیا گیا جبکہ دیگر ملزمان کو جلد گرفتار کر لیا جائے گا۔

    سعودی عرب کا گوادر کے بارش متاثرین کے لیے امداد کا اعلان

    واضح رہے کہ 8 مارچ کو خواتین کے عالمی دن کے موقع پر ایک تقریب سے خطاب کرتے ہوئے مریم نواز نے کہا تھا کہ خواتین کے ساتھ زیادتی اور انہیں ہراساں کرنا میری ریڈ لائن ہے، خواتین کے ساتھ زیادتی کرنے والوں کو کسی صورت برداشت نہیں کیا جائے گا۔

    دوران پرواز دونوں پائلٹ کم و بیش 28 منٹ تک سوتے رہے

    گوادر سمیت بلوچستان کے مختلف علاقوں میں مزید بارش

  • اگر شوہر وزیر اعظم مودی زندہ باد کا نعرہ لگائے تو اسے کھانا مت دو،بھارتی وزیر کی خواتین سے اپیل

    اگر شوہر وزیر اعظم مودی زندہ باد کا نعرہ لگائے تو اسے کھانا مت دو،بھارتی وزیر کی خواتین سے اپیل

    نئی دہلی: دہلی کے وزیرِ اعلیٰ اروند کیجری وال نے خواتین سے کہا ہے کہ اگر شوہر وزیر اعظم مودی زندہ باد کا نعرہ لگائے تو اسے کھانا مت دو،اب وقت آگیا ہےکہ خواتین کا مکمل احترام یقینی بناکر ایک حقیقی معاشی و معاشرتی انقلاب برپا کرنے کی راہ ہموار کی جائے۔

    باغی ٹی وی : دہلی میں ’مکھیہ منتری مہیلا سمان یوجنا‘ کے تحت ’مہیلا سمان سماروہ‘ سے خطاب کرتے ہوئے اروند کیجری وال نے کہا کہ ہم نے بجلی اور بس کا سفر مفت کردیا ہے اب دہلی میں ہر عورت کے لیے ہزار روپے کی اسکیم لائی جارہی ہے مودی سرکار نے خواتین کے لیے کیا کیا ہے؟

    دہلی کے وزیر اعلیٰ نے عام آدمی پارٹی کی حمایت کرنے والی خواتین سے کہا کہ وہ بھارتیہ جنتا پارٹی کی خواتین سے کہیں کہ اروند کیجری وال تمہارا بھائی ہے جو ہر مشکل گھڑی میں تمہارے ساتھ کھڑا رہے گا، وہ گھر کے دیگر افراد کو بھی عام آدمی پارٹی کا حامی بنانے کی کوشش کریں کیونکہ بگڑے ہوئے معاملات کو درست کرنے میں خواتین کلیدی کردار ادا کرسکتی ہیں، خواتین کو خود مختار بنانے کے نام پر آج تک انہیں دھوکا ہی دیا گیا ہے، اگر شوہر وزیر اعظم مودی زندہ باد کا نعرہ لگائے تو اسے کھانا مت دو،اب وقت آگیا ہے کہ خواتین کا مکمل احترام یقینی بناکر ایک حقیقی معاشی و معاشرتی انقلاب برپا کرنے کی راہ ہموار کی جائے۔

    سعودی عرب کا گوادر کے بارش متاثرین کے لیے امداد کا اعلان

    سعودی عرب میں رمضان المبارک کا چاند آج دیکھا جائے گا

    گوادر سمیت بلوچستان کے مختلف علاقوں میں مزید بارش

  • کراچی: سینٹرل جیل کے رہائشی کوارٹر میں آتشزدگی،ہیڈ کانسٹیبل، اہلیہ اور 6 بچے جھلس گئے

    کراچی: سینٹرل جیل کے رہائشی کوارٹر میں آتشزدگی،ہیڈ کانسٹیبل، اہلیہ اور 6 بچے جھلس گئے

    کراچی: سینٹرل جیل کے رہائشی کوارٹر میں گیس کے اخراج سے آگ لگ گئی۔

    باغی ٹی وی : پولیس کے مطابق کوارٹر میں آتشزدگی سے ہیڈ کانسٹیبل، اہلیہ اور 6 بچے جھلس گئے، زخمی پولیس اہلکار، اہلیہ اور دو بچوں کی حالت تشویشناک ہے زخمیوں کو سول اسپتال کے برنس سینٹر منتقل کر دیا گیا ہے، جھلس کر زخمی چار بچوں کی حالت خطرے سے باہر ہے، آگ لگنے سے گھر میں موجود سامان جل کر خاکستر ہو گیا۔

    دوسری جانب کراچی کے علاقے صدر میں واقع پاسپورٹ آفس کے عقب میں آگ لگ گئی پولیس کے مطابق آگ پاسپورٹ آفس کے پرانے دفاتر میں لگی جس کے باعث پاسپورٹ آفس کا پرانا ریکارڈ اور ایک گاڑی جل گئی، آگ لگنےکی وجہ معلوم نہیں ہوسکی لیکن فائر بریگیڈ کی گاڑیوں نے موقع پر پہنچ کر آگ پر قابو پایا۔

    کراچی:صدر میں واقع پاسپورٹ آفس میں آتشزدگی،پرانا ریکارڈ جل گیا

    فائر آفیسر ابرار شیخ نے میڈیا سے گفتگو کرتے ہوئے بتایا کہ آگ پر قابو پالیاگیا ہے اور کولنگ کا عمل جاری ہے، آگ بجھانے میں 5 فائر فائرٹینڈرز اور ایک اسنارکل کی مدد لی گئی، واقعے میں کوئی جانی نقصان نہیں ہوا، متاثرہ دفاتر میں پرانا سامان رکھا ہوا تھا جو جل گیا، آگ کی لپیٹ میں آکر ایک گاڑی بھی جل گئی۔

    امریکی نیشنل گارڈ کا ہیلی کاپٹر گر کر تباہ ،3 اہلکار ہلاک

    عام انتخابات:پی ٹی آئی کو تعلیم یافتہ نوجوانوں ،پی پی اور ن لیگ کو …

  • سعودی عرب کا گوادر کے بارش متاثرین کے لیے امداد کا اعلان

    سعودی عرب کا گوادر کے بارش متاثرین کے لیے امداد کا اعلان

    ریاض: سعودی عرب نے گوادر کے بارش متاثرین کے لیے امداد کا اعلان کیا ہے-

    باغی ٹی وی: اسلام آباد میں وزیراعلیٰ بلوچستان سرفراز بگٹی کے ہمراہ میڈیا سے گفتگو کرتے ہوئے سعودی سفیر نواف بن سعید احمد المالکی نےمتاثرین بلوچستان کے لیے سعودی عرب کی طرف سے امدادی سامان کی فراہمی کا اعلان کیا، امدادی سامان میں 9 ہزار شیلٹرز کیمپس اور 9 ہزار راشن بیگز شامل ہیں۔

    نواف بن سعید احمد المالکی نے کہا کہ سعودی اور پاکستانی عوام بھائی بھائی ہیں، مشکل کی اس گھڑی میں پاکستانی بھائیوں کی بھرپور مدد کریں گے گوادر اور بلوچستان کے سیلاب متاثرین کی مدد کے لیے یہ سعودیہ کی جانب سے تحفہ ہے، پاکستان کے ساتھ برادرانہ تعلقات ہیں، آئندہ بھی پاکستان کے ساتھ دیرینہ تعلقات مضبوط ہوں گے،انہوں نے’پاکستان زندہ باد‘ کا نعرہ بھی لگایا۔

    وزیر اعلیٰ بلوچستان سرفراز بگٹی نے کہا کہ سیلاب متاثرین کے لیے امداد پر سعودی قیادت کا شکریہ ادا کرتا ہوں گوادر کے بارش متاثرین کی امداد کے لیے سعودی عرب کی طرف سے امدادی سامان فراہم کر رہے ہیں، گوادرمیں ریکارڈ بارش ہوئی، گوادر میں بارشوں سے بہت بڑی تباہی ہوئی ہے وفاقی حکومت نے آتے ہی گوادر کے لوگوں کو ریلیف دینا شروع کردیا ہے، وزیراعظم کے ہمراہ گوادر متاثرین سے ملے، گوادر میں کبھی اتنی بارشیں نہیں ہوئیں جتنی اس بار ریکارڈ کی گئی۔

    وزیراعلیٰ بلوچستان سرفراز بگٹی کا یہ بھی کہنا تھا کہ اگلے 20 دن میں ایک ایک فشر مین کے نقصان کا ازالہ کریں گےماحولیاتی تبدیلی اس وقت سب سے بڑا مسئلہ ہے، ماحولیاتی تبدیلی میں بلوچستان اور پاکستان کا کوئی حصہ نہیں۔

  • دوران پرواز دونوں پائلٹ کم و بیش 28 منٹ تک سوتے رہے

    دوران پرواز دونوں پائلٹ کم و بیش 28 منٹ تک سوتے رہے

    جکارتہ:انڈونیشیا میں دوران پرواز دونوں پائلٹ سو گئے-

    باغی ٹی وی: انڈونیشیا میں ایک حالیہ پرواز کے دوران کچھ ایسا ہی ہوا جب دونوں پائلٹ کم و بیش 28 منٹ تک سوتے رہے، اس مثالی نوعیت کی غفلت کے نتیجے میں طیارے کی سمت بھی تبدیل ہوگئی، مسافروں کی خوش نصیبی کہ طیارہ محفوظ رہا۔

    یہ واقعہ 25 جنوری 2024 کا ہے باتیک ایئر لائن کی پرواز نمبر ID6723 شمالی انڈونیشیا کے شہر سولاویسی سے دارالحکومت جکارتہ جارہی تھی، پائلٹس کی عمریں 32 اور 18 سال تھیں، طیارہ کم و بیش 28 منٹ تک کسی بھی پائلٹ کی معاونت کے بغیر اڑتا رہا پائلٹ فرسٹ آفیسر کی اجازت سے سویا تھا، کچھ دیر بعد وہ بھی سوگیا، طیارے میں 153 مسافر اور عملے کے چار افراد سوار تھے۔

    علی امین گنڈاپور کاآصف زرداری کی تقریب حلف برداری میں نہ جانے کا اعلان

    پائلٹ کی آنکھ کھلی تو اس نے دیکھا کہ طیارے کی سمت تبدیل ہوچکی ہے، اس نے کنٹرول ٹاور سے رابطہ کیا اور اسے بتایا کہ ریڈیو سسٹم میں کچھ خرابی پیدا ہوگئی تھی جس کے باعث وہ جواب نہیں دے پارہے تھے۔

    لاہور میں ہیوی ٹریفک کے اوقات کار مقرر

    پشاور میں مبینہ خودکش دھماکا2 افراد جاں بحق ایک زخمی

  • سعودی عرب میں رمضان المبارک کا چاند آج دیکھا جائے گا

    سعودی عرب میں رمضان المبارک کا چاند آج دیکھا جائے گا

    ریاض: سعودی عرب میں رمضان المبارک کا چاند آج دیکھا جائے گا-

    باغی ٹی وی: ماہرین فلکیات کے مطابق چاند نظر آنے کے قوی امکانات ہیں، چاند نظر آنے کی صورت میں سعودی عرب میں ماہ صیام کا پہلا روزہ 11 مارچ بروز پیر کو ہو گا سعودی عرب کی سپریم کورٹ نے رمضان المبارک کا چاند آج اتوار کی شام دیکھنے کی اپیل کی ہے۔

    سپریم کورٹ سے جاری بیان میں کہا گیا کہ سعودی عرب میں جس شخص کو بھی ماہ رمضان کا چاند دکھائی دے وہ اپنی گواہی قریب ترین عدالت میں دے، چاند دیکھنے کی گواہی کے لیے عدالت تک جانا ممکن نہ ہو تو قریبی سینٹر سے ٹیلیفون پر چاند دیکھنے کی شہادت کے بارے میں اطلاع دیں۔

    سعودی میڈیا کے مطابق سعودی عرب میں یکم رمضان (کل) 11 مارچ بروز پیر کو ہونے کا قوی امکان ہے ، اِس لحاظ سے عید الفطر 10 یا 11 اپریل کو ہوسکتی ہے۔

    پاکستان میں روزہ کتنے گھنٹوں پر مشتمل ہو گا؟

    سیکیورٹی فورسز کی شمالی وزیرستان میں دومختلف کاروائیاں،10 دہشتگرد ہلاک

    علی امین گنڈاپور کاآصف زرداری کی تقریب حلف برداری میں نہ جانے کا اعلان