Author: Ayesha Rehmani

اسلام آباد: پاکستان نے بھارت کی جانب سے تجارتی سامان کو ضبط کرنےکی مذمت کی ہے۔

باغی ٹی وی : ترجمان دفتر خارجہ نے اپنے بیان میں کہا ہےکہ کراچی میں تجارتی ادارے کی طرف سے کمرشل لیتھ مشین کی درآمدکا ایک سادہ معاملہ ہے، یہ ادارہ پاکستان میں آٹوموبائل انڈسٹری کو پرزے فراہم کرتا ہے، یہ آلات واضح طور پر اس کے تجارتی استعمال کی نشاندہی کرتے ہیں، تمام لین دین متعلقہ دستاویزات کے ساتھ شفاف بینکنگ چینلز کے ذریعے کی جا رہی تھیں۔

ترجمان دفتر خارجہ بھارت کی جانب سے تجارتی سامان کو ضبط کرنے کی مذمت کرتے ہوئےکہا ہےکہ ایسی کارروائیاں بین الاقوامی اصولوں کی خلاف ورزی ہیں۔

واضح رہے کہ بھارت نے چین سے کراچی آنے والے ایک بحری جہاز کو ممبئی کی بندرگاہ میں روک لیا، انڈین کسٹم حکام نےجہاز کو اسمیں جوہری اور بیلسٹک میزائل پروگرام میں استعمال ہونے والے سامان کی موجودگی کے شبے میں روکا ہے،کسٹم حکام نے انٹیلیجنس ان پٹ کی بنیاد پر مالٹا سےتعلق رکھنے والے تجارتی جہاز “CMA CGM Attila“ کو 23 جنوری کو روکا اور اس سامان کا معائنہ کیا، جس میں کمپیوٹر نیومریکل کنٹروتازہ ترینل (CNC) مشین شامل تھی، جو کہ ایک اطالوی کمپنی کی تیار کردہ ہے، بھارتی ادارے ڈیفنس ریسرچ اینڈ ڈیولپمنٹ آرگنائزیشن (DRDO) کی ایک ٹیم نے بھی اس سامان کا معائنہ کیا اور تصدیق کی کہ اسے پاکستان اپنے جوہری پروگرام کے لیے استعمال کر سکتا ہے۔

اسلام آباد: نگراں وزیراعظم انوار الحق کاکڑ کا کہنا ہے کہ پاکستان میں سوشل میڈیا ویب سائٹ ایکس( سابق ٹوئٹر) کی سروس بحال ہے۔

باغی ٹی وی : پاکستان ٹیلی کمیونیکیشن اتھارٹی (PTA) یا کسی دوسرے سرکاری اہلکار کی جانب سے دنیا میں سب سے زیادہ استعمال ہونے والے سوشل میڈیا پلیٹ فارمز میں سے ایک پر غیر واضح پابندی کے حوالے سے کوئی واضح تبصرہ نہیں کیا گیا ہے۔

تاہم اب ”اردو نیوز“ کو دئیے گئے ایک انٹرویو کے دوران نگراں وزیراعظم نے سوال پر کہ پاکستان میں ایکس یا ٹوئٹر کی سروسز کیوں بند ہیں اور کب تک بحال ہوں گی؟ کہا کہ میرے خیال میں ایکس (ٹوئٹر) بحال ہے اور اگر اس میں کوئی ٹیکنیکل ایشوز ہیں تو امید ہے کہ جونہی نئی حکومت آئے گی تو وہ اس کو ایڈریس کرے گی اور حل کر لے گی۔‘

واضح رہے کہ عوام میں بھی کچھ لوگ ایکس کے استعمال کیلے وی پی این کا سہارا لے رہے ہیں، تاہم، اب کچھ رپورٹ میں دعویٰ کیا جارہا ہے کہ وی پی این پر بھی پابندی عائد کیے جانے کا امکان ہے،گزشتہ ہفتے، سندھ ہائی کورٹ نے PTA کو ملک بھر میں ایکس کی سروسز مکمل طور پر بحال کرنے کی ہدایت کی تھی تاہم عدالتی حکم کے باوجود پاکستان میں ایکس بلاک ہے۔

اسلام آباد: مسلم لیگ ن کے صدر اور نامزد وزیراعظم شہباز شریف کا کہنا ہےکہ رکن خیبرپختونخوا (کے پی) اسمبلی ثوبیہ شاہدکو ڈرانے، دھمکانے اور بدتمیزی کرنے والوں نے پشتون کلچر اور روایات کی توہین کی ہے۔

اسلام آباد میں رکن خیبرپختونخوا اسمبلی ثوبیہ شاہد نے شہباز شریف سے ملاقات کی اور ثوبیہ خان کی بہادری پر انہیں خراج تحسین پیش کیا، کہا کہ خواتین کے عزت واحترام کے منافی رویہ رکھنے والوں کے خلاف کارروائی ہونی چاہیے، اسپیکر خیبرپختونخوا اسمبلی کی ذمہ داری ہےکہ وہ بدتہذیبی کرنے والے عناصر کی گرفت کریں ثوبیہ خان کو ڈرانے، دھمکانے اور بدتمیزی کرنے والوں نے پشتون کلچر اور روایات کی توہین کی ہے، پی ٹی آئی والے عزت، احترام اور تہذیب کےالفاظ سے ناواقف ہیں، ہم خواتین کو با اختیار بنائیں گے، ہم خواتین کے حقوق کے تحفظ پریقین رکھتے ہیں۔

دوسری جانب مسلم لیگ ن خیبرپختونخوا (کے پی) کے صدر امیر مقام نےکے پی اسمبلی میں ن لیگ کی خاتون ممبر ثوبیہ شاہد کے ساتھ بدتمیزی کے واقعےکی مذمت کرتے ہوئے جوڈیشل انکوائری کا مطالبہ کردیا۔

پشاور میں پریس کانفرنس کرتے ہوئے امیر مقام کا کہنا تھا کہ کے پی اسمبلی میں ہماری خاتون رکن کے ساتھ جو ہوا قابل مذمت ہے، یہ خیبرپختونخوا کے عوام کی تذلیل ہے، خاتون کے احترام کو پامال کرنےکے لیے چن چن کر غنڈے لائے گئے، خیبرپختونخوا اسمبلی میں اپوزیشن کا وجود برداشت نہیں کیا جا رہا، اسمبلی میں بوتلیں پھینکنے والوں کے خلاف کارروائی کی جائے، زیادہ لوگوں کےلانےکی تحقیقات اور ان پر مقدمات ہونے چاہئیں، واقعے پر شرقی تھانے میں درخواست دی ہے۔

اسلام آباد: متحدہ قومی موومنٹ (ایم کیو ایم) پاکستان نے مسلم لیگ (ن) اور اتحادی جماعتوں کے مشترکہ وزارت عظمیٰ کے امیدوار شہباز شریف کو ووٹ دینے کا اعلان کردیا۔

باغی ٹی وی: تفصیلات کے مطابق پاکستان مسلم لیگ (ن) کا وفد وزارت عظمیٰ کے امیدوار کیلیے حمایت مانگنے کے لیے پارلیمنٹ لاجز پہنچا جہاں ایم کیو ایم قیادت سے اُن کی ملاقات ہوئی، مسلم لیگ ن کے وفد میں احسن اقبال، سعد رفیق، رانا تنویر شامل تھے جبکہ ایم کیو ایم کے وفد میں خالد مقبول صدیقی، فاروق ستار،مصطفیٰ کمال ،امین الحق،اور آسیہ اسحاق شریک تھیں۔

ملاقات کے بعد رانا تنویرنے گفتگو کرتے ہوئے کہا کہ صِبح وزیراعظم کا الیکشن ہے، ہم اپنے امیدوار کے لیے ووٹ مانگنے ایم کیو ایم کے پاس آئے تھے انہوں نے بتایا کہ شہبازشریف کی طبعیت خراب ہے ورنہ وہ خود ایم کیو ایم کے ہاس ووٹ کی درخواست کے لئے آتے، ہمارا ایم کیو ایم کے ساتھ بلدیاتی انتخابات کے لئے آئین سازی کا معاہدہ ہوا ہے، ایم کیو ایم وزیراعظم کے لئے ہمیں ووٹ دے گی۔ آج کی بیٹھک میں ووٹ لینے دینے کی بات کم اور پاکستان کے مسائل کے اوپر زیادہ بات ہوئی۔

ایم کیو ایم پاکستان کے رہنما مصطفی کمال نے کہا کہ الیکشن سے قبل بھی مسلم لیگ ن کے ساتھ رہے، کل شہبازشریف وزیراعظم بن جائیں گے، وزیراعظم کا جیتنا مسئلہ نہیں اصل بات کامیاب ہونا ہے کیونکہ یہ عہدہ پھولوں کی سیج نہیں ہے۔

اسلام آباد: پاکستان پیپلزپارٹی نے سوشل میڈیا پر پابندی کے حوالے سے سینیٹ میں جمع کرائی گئی قرداد سے لاتعلقی کا اظہار کردیا۔

باغی ٹی وی : سیکریٹری جنرل پیپلزپارٹی پارلیمنٹیرینز سید نیئر حسین بخاری نے اپنے ایک بیان میں کہا کہ سینیٹر بہرامند تنگی کی سینیٹ میں جمع کی گئی قرارداد سے پیپلزپارٹی کا کوئی تعلق نہیں اور نہ ہی سینیٹر بہرا مند تنگی کا بھی پی پی سے کوئی تعلق نہیں ہےسینیٹر بہرامند تنگی کو پارٹی پالیسی سے انحراف کرنے پر اظہار وجوہ کا نوٹس دیا گیا تھا، جس کا جواب دینے میں وہ ناکام رہے جس کے بعد پیپلزپارٹی چارسدہ کے صدر نے سینیٹر تنگی کی بنیادی رکنیت منسوخ کر دی تھی،سینیٹر بہرا مند تنگی 11 مارچ کو سینیٹ کی رکنیت سے ریٹائر ہو رہے ہیں اور اُن کی پی پی کی بنیادی ممبر شپ بھی ختم ہوچکی ہے لہذا وہ پیپلزپارٹی کا نام استعمال کرنے سے باز رہیں۔

لیگی رہنما خواجہ آصف پارلیمانی لیڈر نامزد

واضح رہے کہ بہرامند تنگی نے تمام سوشل میڈیا پلیٹ فارمز پر پابندی کیلئے سینیٹ میں قرارداد جمع کرائی،قرارداد میں کہا گیا ہے کہ ‏یوٹیوب، ٹوئٹر، فیس بک، انسٹاگرام اور ٹک ٹاک سمیت تمام سوشل میڈیا کو بند کر دیا جائے تاکہ نوجوان نسل محفوظ رہ سکے، سوشل میڈیا پلیٹ فارمز ملک میں نوجوان نسل کو بری طرح متاثر کر رہے ہیں، ان پلیٹ فارمز کو ہمارے مذہب اور ثقافت کے خلاف اصولوں کے فروغ کے لیے استعمال کیا جا رہا ہے، جس سے زبان اور مذہب کی بنیاد پر لوگوں میں نفرت پیدا ہو رہی ہے۔

صدارتی انتخاب: اے این پی کا آصف علی زرداری کی حمایت کا اعلان

بھارت کا جوہری صلاحیت کے حامل میزائلوں کی خریداری کے معاہدہ