Author: Ayesha Rehmani

نیشنل الیکٹرک پاور ریگولیٹری اتھارٹی (نیپرا) نے سہ ماہی ایڈجسٹمنٹ کے تحت بجلی کی قیمت میں 33 پیسے فی یونٹ اضافہ کرنے کا اعلان کردیا۔

یہ اضافہ رواں سال کی پہلی سہ ماہی کی ایڈجسٹمنٹ کے تحت کیا گیا ہےاس اضافے سے صارفین پر 6 ارب روپے سے زیادہ کا اضافی مالی بوجھ پڑے گا، اور صارفین کو دسمبر سے فروری تک اضافی ادائیگیاں کرنی ہوں گی،اضافے کا اطلاق نہ صرف عام صارفین بلکہ سرکاری اداروں اور کے الیکٹرک صارفین پر بھی ہوگا۔

نیپرا نے یہ فیصلہ وفاقی حکومت کو ارسال کر دیا ہے تاکہ اس پر حتمی کارروائی کی جا سکے،دوسری جانب پاور ڈویژن نے نیپرا کے فیصلے کا خیر مقدم کرتے ہوئے نوٹیفکیشن جاری کرنے کے لیے حتمی اقدامات شروع کردیے ہیں۔

پیٹرول اور ڈیزل کی قیمتیں بڑھنے کا امکان ہے-

کابینہ کی اقتصادی رابطہ کمیٹی (ای سی سی) کے اجلاس میں آج پیٹرولیم مصنوعات پر آئل کمپنیوں اور ڈیلرز کے مارجن بڑھانے کی سمری منظور کیے جانے کا امکان ہے،وزیر خزانہ محمد اورنگزیب کی زیر صدارت ہونے والے اجلاس میں 11 نکاتی ایجنڈا پر غور کیا جائے گا، جس میں متعدد اہم فیصلے متوقع ہیں۔ اجلاس میں پیٹرول اور ڈیزل کی قیمتوں میں ممکنہ اضافے سے متعلق سمری بھی پیش ہوگی۔

پیٹرولیم مصنوعات پر آئل مارکیٹنگ کمپنیوں اور ڈیلرز کے مارجن بڑھانے کی تجویز کے بعد پیٹرول اور ڈیزل کی قیمتیں فی لیٹر تقریباً 2 روپے 40 پیسے تک بڑھنے کا امکان ہےمارجن میں اضافہ مہنگائی کے تناسب سے تجویز کیا گیا ہے نئی تجویز کے مطابق پیٹرول اور ڈیزل پر او ایم سیز اور ڈیلرز کے لیے فی لیٹر 1 روپیہ 28 پیسے اضافہ رکھا گیا ہے۔

اس سے قبل اوگرا نے کمپنیوں کے لیے فی لیٹر 1 روپیہ 35 پیسے اور ڈیلرز کے لیے 1 روپیہ 40 پیسے اضافے کی سفارش کی تھی 3 دسمبر کو وزیر پٹرولیم کی او ایم سی مالکان اور ڈیلرز ایسوسی ایشن کے ساتھ ہونے والی ملاقات میں منافع کے مارجن بڑھانے کی یقین دہانی بھی کرائی گئی تھی،اس وقت پیٹرول اور ڈیزل پر او ایم سیز کا مارجن 7 روپے 87 پیسے جبکہ ڈیلرز کا کمیشن 8 روپے 64 پیسے فی لیٹر ہے، جس کے باعث صارفین مجموعی طور پر تقریباً 16 روپے 51 پیسے فی لیٹر اضافی ادا کر رہے ہیں مزید اضافہ ای سی سی کی منظوری اور وفاقی کابینہ کی توثیق کے بعد نافذ ہوگا۔

وفاقی وزیر ریلوے حنیف عباسی نے دعویٰ کیا ہے کہ پچھلے 8 ماہ میں ریلوے میں اصلاحات کے باعث روزانہ آمدن میں غیر معمولی اضافہ ہوا ہے۔

اپنے ویڈیو پیغام میں وزیر ریلوے نے کہا کہ پچھلے 8 ماہ میں ریلوے میں اصلاحات کے باعث روزانہ آمدن میں غیر معمولی اضافہ ہوا ہے محکمہ ریلوے میں روزانہ کی آمدن پچھلے 30 سال کا ریکارڈ توڑ رہی ہے، ریلوے کی اصلاحات کے نتیجے میں مسافر اور فریٹ آمدنی میں غیر معمولی اضافہ ہوا ہے گزشتہ 15 دنوں سے روزانہ 300 ملین روپے کی آمدنی حاصل ہو رہی ہے،ریلوے کی جدیدکاری اور اصلاحات کے عمل کے تحت پورے پاکستان میں ریلوے ڈیجیٹائز کیا جا چکا ہے، پاکستان ریلوے ترقی کی راہ پر گامزن ہے۔

انہوں نے بتایا کہ اسٹیشنز کی اَپ گریڈیشن کے ساتھ ساتھ اب ریلوے ٹریک پر خصوصی توجہ دے رہے ہیں۔ نوکنڈی سے روہڑی اور روہڑی سے کراچی تک ٹریک بہت جلد بہتر کیے جائیں گے، معاہدے مکمل ہو چکے ہیں.رواں مالی سال میں وزیر اعظم کے ویژن کو مکمل طور پر امپلیمنٹ کرکے ریلوے کے تمام اہداف حاصل کرلیں گے جبکہ 31 دسمبر 2026 تک تمام مقررہ اہداف مکمل کیے جائیں گے۔

وزیراعظم شہباز شریف نے یو اے ای کے قومی دن ’عیدالاتحاد‘ کی تقریب میں شرکت کی اور کیک کاٹا-

"اے پی پی ” کے مطابق پیر کو متحدہ عرب امارات کے قومی دن ’’عید الاتحاد ‘‘ کے حوالے سے منعقدہ تقریب سے بطور مہمان خصوصی خطاب میں وزیر اعظم محمد شہباز شریف نے پاکستان اور متحدہ عرب امارات کی شراکت داری کو مزید مستحکم بنانے کی ضرورت پر زور دیتے ہوئے کہا ہے کہ قابل تجدید توانائی، مصنوعی ذہانت، زراعت اور دوسرے شعبوں میں یو اے ای کی سرمایہ کاری کا خیرمقدم کریں گے۔

اس موقع پر نائب وزیراعظم و وزیر خارجہ سینیٹر اسحاق ڈار، وفاقی وزراء ، ارکان پارلیمان اور غیرملکی سفارتکاروں کی بڑی تعداد بھی موجود تھی وزیراعظم نے متحدہ عرب امارات کے یوم اتحاد پر اماراتی قیادت اور عوام کو دلی مبارکباد دیتے ہوئے کہا کہ یو اے ای کے قومی دن کی تقریب میں شرکت ان کیلئے باعث اعزاز ہے۔

آئی ایم ایف کے ایگزیکٹو بورڈ سے ایک ارب 29 کروڑ ڈالر قسط منظور

وزیر اعظم نے یو اے ای کی موجودہ قیادت کو خراج تحسین پیش کرتے ہوئے کہا کہ ان کی قیادت میں یو اے ای نے ترقی کی نئی منازل طے کیں اور ملک کو ترقی اور خوشحالی کی راہ پر گامزن کیا ہے وزیر اعظم نے شیخ زید بن سلطان النہیان کو امارات کی ترقی کا بانی اور پاکستان اور یو اے ای کے تعلقات کا معمار قرار دیتے ہوئے کہا کہ پاکستان کو یو اے ای کے ساتھ سٹرٹیجک شراکت داری پر فخر ہے۔

وزیر اعظم نے کہا کہ متحدہ عرب امارات نے پاکستان کے معاشی استحکام میں اہم کردار ادا کیا،قابل تجدید توانائی، مصنوعی ذہانت زراعت اور دوسرے شعبوں میں یو اے ای کی سرمایہ کاری کا خیرمقدم کریں گے،1.8 ملین پاکستانی متحدہ عرب امارات کی ترقی میں کردار ادا کر رہے ہیں، انہوں نے اس توقع کا اظہار کیا کہ آنے والے وقت میں دونوں ممالک کی تزویراتی شراکت داری مزید مستحکم ہوگی،انہوں نے یو اے ای کی ترقی و خوشحالی کیلئے نیک خواہشات کا اظہار بھی کیا۔

پی ٹی آئی لیڈر شپ پاکستان کے ساتھ نہیں بلکہ دشمنوں کی صف کے ساتھ کھڑی ہے،خواجہ آصف

قبل ازیں متحدہ عرب امارات (یو اے ای) کے سفیر سالم محمد الزاعابی نے تقریب میں وزیر اعظم کا خیرمقدم کرتے ہوئے کہا کہ دونوں ممالک کے 5 دہائیوں سے دیرینہ اور گہرے و تاریخی برادرانہ تعلقات ہیں، وقت کے ساتھ دونوں ممالک کے تعلقات مزید مضبوط ہوئے ہیں،انہوں نے پاکستان میں مختلف شعبوں میں سرمایہ کاری کو پرکشش قرار دیتے ہوئے کہا کہ یو اے ای پاکستان میں قابل تجدید توانائی ، مصنوعی ذہانت، آئی ٹی سمیت مختلف شعبوں میں سرمایہ کاری کا خواہاں ہے، انہوں نے پاکستان اور یو اے ای کے مابین ہم آہنگی ، ترقی و خوشحالی کیلئے نیک خواہشات کا اظہار کیا بعد ازاں وزیر اعظم نے متحدہ عرب امارات کے قومی دن کی مناسبت سے کیک بھی کاٹا۔

تحریک انصاف نے رانا ثناءاللہ کی پیشکش قبول کر لی