Author: Ayesha Rehmani

وزیراعظم شہباز شریف نے یو اے ای کے قومی دن ’عیدالاتحاد‘ کی تقریب میں شرکت کی اور کیک کاٹا-

"اے پی پی ” کے مطابق پیر کو متحدہ عرب امارات کے قومی دن ’’عید الاتحاد ‘‘ کے حوالے سے منعقدہ تقریب سے بطور مہمان خصوصی خطاب میں وزیر اعظم محمد شہباز شریف نے پاکستان اور متحدہ عرب امارات کی شراکت داری کو مزید مستحکم بنانے کی ضرورت پر زور دیتے ہوئے کہا ہے کہ قابل تجدید توانائی، مصنوعی ذہانت، زراعت اور دوسرے شعبوں میں یو اے ای کی سرمایہ کاری کا خیرمقدم کریں گے۔

اس موقع پر نائب وزیراعظم و وزیر خارجہ سینیٹر اسحاق ڈار، وفاقی وزراء ، ارکان پارلیمان اور غیرملکی سفارتکاروں کی بڑی تعداد بھی موجود تھی وزیراعظم نے متحدہ عرب امارات کے یوم اتحاد پر اماراتی قیادت اور عوام کو دلی مبارکباد دیتے ہوئے کہا کہ یو اے ای کے قومی دن کی تقریب میں شرکت ان کیلئے باعث اعزاز ہے۔

آئی ایم ایف کے ایگزیکٹو بورڈ سے ایک ارب 29 کروڑ ڈالر قسط منظور

وزیر اعظم نے یو اے ای کی موجودہ قیادت کو خراج تحسین پیش کرتے ہوئے کہا کہ ان کی قیادت میں یو اے ای نے ترقی کی نئی منازل طے کیں اور ملک کو ترقی اور خوشحالی کی راہ پر گامزن کیا ہے وزیر اعظم نے شیخ زید بن سلطان النہیان کو امارات کی ترقی کا بانی اور پاکستان اور یو اے ای کے تعلقات کا معمار قرار دیتے ہوئے کہا کہ پاکستان کو یو اے ای کے ساتھ سٹرٹیجک شراکت داری پر فخر ہے۔

وزیر اعظم نے کہا کہ متحدہ عرب امارات نے پاکستان کے معاشی استحکام میں اہم کردار ادا کیا،قابل تجدید توانائی، مصنوعی ذہانت زراعت اور دوسرے شعبوں میں یو اے ای کی سرمایہ کاری کا خیرمقدم کریں گے،1.8 ملین پاکستانی متحدہ عرب امارات کی ترقی میں کردار ادا کر رہے ہیں، انہوں نے اس توقع کا اظہار کیا کہ آنے والے وقت میں دونوں ممالک کی تزویراتی شراکت داری مزید مستحکم ہوگی،انہوں نے یو اے ای کی ترقی و خوشحالی کیلئے نیک خواہشات کا اظہار بھی کیا۔

پی ٹی آئی لیڈر شپ پاکستان کے ساتھ نہیں بلکہ دشمنوں کی صف کے ساتھ کھڑی ہے،خواجہ آصف

قبل ازیں متحدہ عرب امارات (یو اے ای) کے سفیر سالم محمد الزاعابی نے تقریب میں وزیر اعظم کا خیرمقدم کرتے ہوئے کہا کہ دونوں ممالک کے 5 دہائیوں سے دیرینہ اور گہرے و تاریخی برادرانہ تعلقات ہیں، وقت کے ساتھ دونوں ممالک کے تعلقات مزید مضبوط ہوئے ہیں،انہوں نے پاکستان میں مختلف شعبوں میں سرمایہ کاری کو پرکشش قرار دیتے ہوئے کہا کہ یو اے ای پاکستان میں قابل تجدید توانائی ، مصنوعی ذہانت، آئی ٹی سمیت مختلف شعبوں میں سرمایہ کاری کا خواہاں ہے، انہوں نے پاکستان اور یو اے ای کے مابین ہم آہنگی ، ترقی و خوشحالی کیلئے نیک خواہشات کا اظہار کیا بعد ازاں وزیر اعظم نے متحدہ عرب امارات کے قومی دن کی مناسبت سے کیک بھی کاٹا۔

تحریک انصاف نے رانا ثناءاللہ کی پیشکش قبول کر لی

عالمی مالیاتی فنڈ (آئی ایم ایف) کے ایگزیکٹو بورڈ نے پاکستان کے لیے ایک ارب 29 کروڑ ڈالر قسط کی منظوری دے دی۔

آئی ایم ایف ایگزیکٹو بورڈ کا جائزہ اجلاس واشنگٹن میں ہوا، جس میں پاکستان کو قسط جاری کرنے پر غور کیا گیا، جس کے بعد منظوری دے دی گئی، دونوں قرض پروگرامز کی مجموعی جاری رقم 3.3 ارب ڈالر ہو جائے گی،پاکستان کو ای ایف ایف پروگرام کے تحت 2 اقساط پہلے ہی مل چکی ہیں،آئی ایم ایف بورڈ نے پاکستان کے موجودہ قرض پروگرام کی تیسری قسط منظور کی ہے، جبکہ موسمیاتی تبدیلیوں کے پروگرام آر ایس ایف کے تحت فنڈ بھی منظور کیا گیا ہے،آئی ایم ایف نے پاکستان کے لیے آر ایس ایف پروگرام کے تحت 20 کروڑ ڈالر منظور کیے، اور یہ اس پروگرام کی پہلی قسط ہے۔

ذرائع کے مطابق آئی ایم ایف نے جاری قرض پروگرام پر عمل درآمد کو مضبوط قرار دے دیا جبکہ حکومت نے معاشی اصلاحات پر عمل درآمد جاری رکھنے کی یقین دہانی کروائی،1 ارب 29 کروڑ ڈالر ملنے سے پاکستان کے زرمبادلہ ذخائر میں مزید اضافہ ہوگا۔

پی ٹی آئی لیڈر شپ پاکستان کے ساتھ نہیں بلکہ دشمنوں کی صف کے ساتھ کھڑی ہے،خواجہ آصف

واضح رہے کہ موجودہ حکومت نے اقتدار میں آنے کے بعد آئی ایم ایف پروگرام میں جانے کا فیصلہ کیا تھا، اور عالمی مالیاتی فنڈ نے سخت شرائط کے تحت پاکستان کے لیے قرض پروگرام منظور کیا،حکومتی وزرا کا مؤقف ہے کہ جب تک ہم آئی ایم ایف پروگرام میں ہیں تب تک عوام کو ریلیف نہیں دیا جا سکتا کیوں کہ عالمی مالیاتی ادارے کی جانب سے سخت پابندیاں عائد کی گئی ہیں۔

تحریک انصاف نے رانا ثناءاللہ کی پیشکش قبول کر لی

وزیر دفاع خواجہ محمد آصف نے کہا ہے کہ پاکستان تحریک انصاف (پی ٹی آئی) لیڈر شپ پاکستان کے ساتھ نہیں بلکہ دشمنوں کی صف کے ساتھ کھڑی ہے-

پارلیمنٹ ہاؤس میں گفتگو کرتے ہوئے خواجہ آصف نے کہا کہ بانی پی ٹی آئی کے سوشل میڈیا اکاؤنٹ سے اداروں کے خلاف بیانیہ بنایا جاتا ہے، کیا کرنا ہے کیا بیانیہ بنانا ہے اس اکاؤنٹ سے ساری لیڈز ملتی ہیں، اس اکاؤنٹ سے کبھی پاک فوج کے خلاف تو کبھی عدالتوں کے خلاف بیانیہ آ جاتا ہےبانی پی ٹی آئی کے سوشل میڈیا اکاونٹ کی تحقیقات تو بعد کی بات ہے، اس سے پی ٹی آئی نے لاتعلقی کا اظہار نہیں کیا، اس اکاؤنٹ سے اداروں کے خلاف ایک بیانیہ بنایا جاتا ہے، پی ٹی آئی والے اینٹی پاکستان بیانیے سے لا تعلقی کا اظہار نہیں کر رہے۔

انہوں نے کہا کہ یہ پاکستان کے خلاف ایک سازش ہے اس سے بھارت اور افغانستان کو خوش کیا جا رہا ہے، اس وقت ہم افغانستان اور بھارت کے خلاف برسر پیکار ہیں،پی ٹی آئی لیڈر شپ پاکستان کے ساتھ نہیں بلکہ دشمنوں کی صف کے ساتھ کھڑی ہےبھارت کو شکست دے کر ہماری افواج نے تاریخ میں ایک نیا باب رقم کیا ہے، کیا یہ وہ وقت بھول گئے جس وقت ثاقب نثار اور باقیوں نے سپریم کورٹ کو مذاق بنایا۔

تحریک انصاف نے رانا ثناءاللہ کی پیشکش قبول کر لی

لندن: محسن نقوی کی برطانوی وزارت خارجہ کے حکام سے ملاقات

بہتر تعمیل، زیادہ شفافیت اور موثر ٹیکس نظام پاکستان کی معاشی بحالی کے مرکزی ستون ہیں،وزیرخزانہ

پاکستان تحریک انصاف نے وفاقی وزیر رانا ثناءاللہ کی جانب سے دی جانے والی پیشکش قبول کر لی۔

وفاقی وزیر رانا ثناءاللہ کی جانب سے دی گئی پیشکش کو پی ٹی آئی نے قبول کر لیا جس میں بانی چیئرمین عمران خان کو جیل میں دی جانے والی سہولیات کا جائزہ لینے کے لیے خصوصی کمیٹی تشکیل دینے کا فیصلہ شامل ہے، مشترکہ پارلیمانی پارٹی اجلاس میں اکثریتی اراکین نے اس فیصلے کی حمایت کی-

پی ٹی آئی ذرائع کا کہنا ہے کہ کمیٹی میں پی ٹی آئی کے وکلاء، سینیٹرز اور اراکینِ قومی اسمبلی کو شامل کرنے کی ہدایت جاری کر دی گئی ہے رانا ثناءاللہ نے گزشتہ روز باضابطہ طور پر کمیٹی تشکیل دینے کی پیشکش کی تھی جسے اب پی ٹی آئی کی قیادت نے قبول کرلیا ہے،پی ٹی آئی نے یہ بھی فیصلہ کیا ہے کہ کمیٹی کی سربراہی رانا ثناءاللہ ہی کریں گے جبکہ پی ٹی آئی کے نمائندے اور وکلاء کمیٹی کے ہمراہ جیل جا کر سہولیات کا براہِ راست جائزہ لیں گےپی ٹی آئی کا مؤقف ہے کہ انہیں واضح طور پر دکھایا جائے کہ ان کے بانی چیئرمین کو جیل میں کون کون سی سہولیات فراہم کی جا رہی ہیں۔

لندن: محسن نقوی کی برطانوی وزارت خارجہ کے حکام سے ملاقات

جاپان میں 7.6 شدت کا زلزلہ، سونامی کی وارننگ جاری

قومی اسمبلی میں گرے ہوئے پیسے ملنے کے بعد دلچسپ صورت حال،اسپیکر کا مزاحیہ تبصرہ

وزیرخزانہ محمداورنگزیب نے کہا ہے کہ وزارت خزانہ میں ٹیکس پالیسی آفس کا قیام ڈھانچہ جاتی اصلاحات کے حوالہ سے ایک بڑاقدم ہے-

سرکاری خبر رساں ادارے ‘اے پی پی’ کی رپورٹ کے مطابق وزیرخزانہ محمداورنگزیب نے کہاکہ حکومت رسمی معیشت کو مضبوط بنانے اور اور ذمہ دارو طویل المدتی سرمایہ کاری کو فروغ دینے میں پرعزم ہے، وزیرِ خزانہ نے غیر رسمی شعبے پر کڑی نگرانی کے حکومتی عزم پر زور دیتے ہوئے کہا کہ اس حوالے سے شروع کی گئی کوششوں کے متعدد صنعتوں میں واضح نتائج سامنے آرہے ہیں ، بہتر تعمیل، زیادہ شفافیت اور موثر ٹیکس نظام پاکستان کی معاشی بحالی کے مرکزی ستون ہیں۔

وزیرخزانہ نے کہاکہ وزارت خزانہ میں ٹیکس پالیسی آفس کا قیام ڈھانچہ جاتی اصلاحات کے حوالہ سے ایک بڑاقدم ہے ، اس سے نجی شعبے کے ساتھ پورا سال مستقل رابطے کی سہولت میسرہوگی اوراس کے نتیجے میں پالیسی میں بہتری اور اگلے بجٹ سے قبل موثرمشاورتی عمل درآمد کو ممکن بنایاجاسکے گا،نیسلے پاکستان کے وفد کی قیادت چیف ایگزیکٹو آفیسر جیسن ایون سینا کر رہے تھے جبکہ چیف فنانشل آفیسر مقصود احمد انجم اور ہیڈ آف کارپوریٹ افیئرز اینڈ سسٹین ایبلٹی شیخ وقار احمد بھی ان کے ہمراہ تھے۔

ڈھاڈر: سرکٹ ہاؤس کے قریب دھماکے کے بعد شدید فائرنگ

وفد نے وزیرِ خزانہ کو پاکستان کے ساتھ نیسلے کے دیرینہ تعلق اور مستقبل کی توسیعی منصوبہ بندی سے آگاہ کیا،چیف ایگزیکٹوآفیسر نے کمپنی کی کاروباری مضبوطی کا جائزہ پیش کرتے ہوئے بتایا کہ نیسلے نے مقامیت ، پورٹ فولیو ایڈجسٹمنٹ، جدید آٹومیشن، کارکردگی میں بہتری اور مصنوعات میں مسلسل جدت کے ذریعے اپنے آپریشنز کو مستحکم کیا ہے انہوں نے ٹیکنالوجی پر مبنی مینوفیکچرنگ میں نیسلے پاکستان کی نمایاں پیش رفت کو اجاگر کیا اور بتایا کہ شیخوپورہ اور خانیوال کی فیکٹریاں مکمل طور پر خودکار اور عالمی ڈائیگناسٹک نظام سے منسلک ہیں، جس سے پاکستان میں نیسلے کے آپریشنز عالمی معیار کی تنصیبات کے برابر ہو گئے ہیں۔

ذہنی مریض کے ساتھ ذہنی ڈاکٹر مذاکرات کر سکتا ہے،مریم اورنگزیب

انہوں نے کہاکہ کمپنی میں پائیداری، زرعی خدمات کی تبدیلی، پیداواری صلاحیت میں اضافے اور جدید ٹیکنالوجیز کے استعمال کے لیے جاری اور آئندہ آنے والی سرمایہ کاری پر کام ہو رہا ہے،نیسلے شمسی اور بائیو ماس توانائی کے نظام، ڈیجیٹل ڈیش بورڈز، ماحول دوست پیکیجنگ اور سپلائی چین کی آٹومیشن پر عمل کر رہی ہے جس سے اخراجات اور گرین ہائوس گیسوں میں کمی آ رہی ہے اور کمپنی کی طویل المدتی مسابقت مزید مضبوط ہو رہی ہے، وفد نے بتایا کہ مقامی ویلیو کری ایشن کے فروغ کے وسیع تر عمل کے تحت نیسلے کی لوکلائزیشن کی کوششوں نے کمپنی کی مضبوطی کو واضح طور پر بڑھایا ہے۔

غلط ٹیکس ریٹرن جمع کرانے کے پیغامات ، ایف بی آر کی وضاحت جاری

ٹیلی کام سروس پرووائیڈرز کی جانب سے جاری کیے گئے غلط ٹیکس ریٹرن میسج کے بارے میں ایف بی آر کی وضاحت آگئی ہے۔

ایف بی آر کو ٹیکس دہندگان کی طرف سے تاریخ گزر جانے کے بعد انکم ٹیکس ریٹرن جمع کرانے کے پیغامات موصول ہونے کی شکایات موصول ہوئی تھیں،تحقیقات سے پتہ چلا ہے کہ ایف بی آر نے ایسے کسی بھی میسج کو جاری کرنے کا نہیں کہا،پی ٹی اے نے بھی تصدیق کی ہے کہ یہ پیغامات ٹیلی کام سروس پرووائیڈرز کی تکنیکی خرابی کی وجہ سے جاری ہوئے ہیں۔

ایف بی آر نے پی ٹی اے کو متعلقہ ٹیلی کام سروس پرووائیڈرز سے رابطہ کر کے معاملہ کے فوری حل کیلئے معاونت کی درخواست کی ہے،ایف بی آر ہمیشہ معزز ٹیکس دہندگان کی رہنمائی اور مدد کے لیے دستیاب ہے ایف بی آر واضح اور درست معلومات کی فراہمی کے لئے پر عزم ہے۔