اسلام آباد: وزیر دفاع خواجہ محمد آصف نے کہا کہ سیاست دان سیاسی اختلافات حل کرتے ہیں، انی پی ٹی آئی جیب کترا تھا میں اسمبلی میں اس کے ساتھیوں سے کہتا تھا کہ اس کی جیب سے پیسے نہ نکل آئے تو معافی مانگ لوں گا-
باغی ٹی وی : میڈیا سے گفتگو کرتے ہوئے خواجہ محمد آصف نے کہا کہ کل امریکہ کی اسٹاک مارکیٹ کریش کر گئی جبکہ پاکستان اسٹاک ایکسچینج ایک لاکھ 20 ہزار کا ہندسہ عبور کر گئی،کوئی سوچ نہیں سکتا تھا کہ مہنگائی کی شرح کم ہوکر ڈیڑھ فیصد پر آ جائے گی بانی پی ٹی آئی جیب کترا تھا میں اسمبلی میں اس کے ساتھیوں سے کہتا تھا کہ اس کی جیب سے پیسے نہ نکل آئے تو معافی مانگ لوں گا، بانی اب کہتا ہے جب تک مجھے نہیں لے کر جائیں گے تب تک میری پارٹی میٹنگ میں شامل نہیں ہو گی۔
خواجہ آصف نے کہا کہ پرسوں صارفین کو 16 سے 17 فیصد بجلی پر رعایت دی گئی ہے، مریم نواز پنجاب کو دن رات چار چاند لگا رہی ہیں آئندہ ماہ میں اس ضلع کی صورتحال تبدیل ہو جائے گی، جون تک سیالکوٹ کھاریاں موٹروے شروع ہو جائے گی، سیالکوٹ میں رنگ روڈ زیر تعمیر ہےنوازشریف جب بھی آئے گا ترقی کے دور کا آغاز ہوگا ہمارے ساتھی اپنی لیڈر شپ کے زیر قیادت کام کر رہے ہیں۔
اوکاڑہ: مہندی کے فنکشن میں آنے والی اسٹیج ڈانسر جنسی زیادتی کے بعد قتل
خواجہ آصف نے کہا کہ کے پی اور بلوچستان دہشت گردی کی زد میں ہیں، پاک افواج قربانیاں دے کر ملک کی حفاظت کر رہی ہیں، میں بھی قید میں تھا لیکن اب تو ملاقاتیں اور پریس کانفرنسز ہو رہی ہیں، ترقی کا سفر اب اس ملک میں جاری رہے گا شہباز شریف نے گزشتہ ایک سال کے اندر ناممکن کو ممکن کر دکھایا ہے، آئی ایم ایف بھی اس ملک کی ترقی کی معترف ہے، یہ امریکا کو کہتے تھے کہ بیانات دے اس نے بھی بیان نہیں دیا۔
خواجہ آصف نے کہا کہ تحریک عدم کےذریعے پی ٹی آئی سےاقتدارحاصل کیا، اس وقت ملک میں ہر طرف تباہی تھی ان کا لیڈر بین الااقوامی چور ہے نوبل پرائز ملنے کا کہتے ہیں لیکن فی الحال تو 14 سال قید ملی ہے، ہمیں قید میں لنگر ملتا تھا اسے ہر طرح کا کھانا میسر ہے یہ اوورسیز پاکستانیوں کو کہتے تھے پیسے نہ بھیجیں، یہ بھی چال ان کی ناکام ہوئی، ریکارڈ پیسہ باہر سے اس ملک میں آیا ہے، اسٹاک ایکسچینج اور ایکسپورٹ میں اضافہ ہوا ہے۔
ٹریفک حادثات میں جاں بحق افراد کے ورثا کو 12 اپریل کو پلاٹ دوں گا،گورنر سندھ
