Author: Ayesha Rehmani

اسلام آباد: چیئرمین پیپلز پارٹی بلاول بھٹو زرداری نے کہا ہے کہ حکومت اتحادیوں کے ساتھ مشاورت کے بغیر فیصلے کرکے اپنے لیے مشکلات پیدا کررہی ہے۔

باغی ٹی وی : وفاقی دارالحکومت میں تقریب سے خطاب کرتے ہوئے بلاول بھٹو زرداری کا کہنا تھا کہ پاکستان پیپلز پارٹی کی مزدوروں کے ساتھ جدوجہد تین نسلوں پر محیط ہے۔ پیپلز پارٹی، محنت کشوں اور مزدوروں نے مل کر ملک کو آئین دلوایا، قائد عوام کے ساتھ اس ملک کے مزدوروں نے شانہ بشانہ کھڑے ہوکر جدوجہد کرکے اپنا حق چھینا اور پہلی بار ملک کے مزدوروں کو وہ حقوق ملے جو پوری دنیا مانتی ہے کہ یہ ان کا حق ہے۔

بلاول بھٹو کا کہنا تھا کہ اس کے بعد بے نظیر بھٹو نے مزدوروں کے ساتھ مل کر جدوجہد کی، وہ ایک نہتی لڑکی آمریت کے مقابلے میں کھڑی تھی تو اس لیے کہ اس کے مزدور بھائی پیچھے کھڑے تھے ہم نے اس دور میں نہ صرف ملک کی آزادی و جمہوریت اور انسانی حقوق کے لیے جدوجہد کی، خواہ وہ آمر جنرل مشرف کا دور ہو یا جنرل ضیا کا دور ہو، جو مزدوروں کے خلاف سازشیں تھیں، تب بھی پی پی اور مزدوروں نے مل کر ان سازشوں کو ناکام کروایا۔

انہوں نے کہا کہ پیپلز پارٹی کو ہمیشہ جہاں بھی موقع ملا خواہ وفاقی یا صوبائی سطح پر ، ہم نے ہمیشہ مزدوروں کے ایجنڈے کو آگے بڑھایا۔ پیپلز پارٹی نے ملک کو سب سے پہلے لیبر پالیسی دی ہم نے تنخواہوں اور پنشنز میں بھی اضافہ کیا۔ ہم سمجھتے ہیں کہ مزدوروں کو اگر محنت کا صلہ ملے تو ہمارا معیشت کا نظام چل سکتا ہے۔

اپنے خطاب میں بلاول کا مزید کہنا تھا کہ دنیا میں ایسا کوئی نظام ہی نہیں ہے جہاں حکومت عوام کی مرضی کے بغیر چل سکے۔ آپ الیکشن کریں یا نہ کریں، وزیراعظم ہو، صدر ہو، بادشاہ یا امیر المومنین ہو، سب نظام اپنے عوام کی مرضی سے چلتے ہیں۔ ہر نظام کی پالیسی عوام کی خواہشات اور امیدوں کے مطابق بنائی جاتی ہے۔ اور جب کسی بھی نظام میں حکمران اپنی مرضی چلانے لگیں یا عوام کی خواہشات اور مرضی سے دور ہو جاتے ہیں تو پورا کا پورا نظام گر جاتا ہے۔

انہوں نے کہا کہ آج نہ ان کے پاس اتنی اکثریت ہے، پارلیمان میں یا کہیں بھی، اور کبھی کبھار وقتاً فوقتاً حکومت ایسی پالیسی بناتی ہے جیسے ان کے پاس دو تہائی اکثریت ہو ہماری تجویز ہے کہ منتخب نمائندوں کے اتفاق رائے کے ساتھ پالیسی بنائی جائے تو پارلیمنٹ اور ملک کے لیے بہتر ہوں گی، مگر جو پالیسیاں بنائی جا رہی ہیں ، ان میں اپوزیشن تو دور کی بات، اتحادیوں ہی سے اگر صلاح مشورہ کرلیا جاتا تو یہ پالیسیز بہتر چلتیں، زیادہ کامیاب ہوتیں، ہم نفرت کی سیاست، تقسیم کی سیاست پر یقین نہیں رکھتے، ہم ایشوز کی سیاست پر یقین رکھتے ہیں اور اس وقت پاکستان کی سیاست افسوس کے ساتھ ایشوز کے بجائے کسی اور طرح سے چل رہی ہے۔

اسلام آباد: قومی اسمبلی کا اجلاس پھر ہنگامہ آرائی کی نذر ہو گیا ، پی ٹی آئی ارکان نے احتجاج کرتے ہوئے نعرے بازی کی جس کے بعد اپوزیشن ارکان واک آؤٹ کر گئے۔

باغی ٹی وی : اسپیکر سردار ایاز صادق کی زیرصدارت قومی اسمبلی کا اجلاس شروع ہوتے ہی اپوزیشن نے احتجاج شروع کر دیا، اپوزیشن لیڈر عمر ایوب نے نکتہ اعتراض پر مائیک مانگا، تاہم اسپیکر نے انہیں اجازت نہیں دی۔

عمر ایوب کو اجازت نہ ملنے پر پی ٹی آئی کے ارکان نے ڈیسک بجا کر احتجاج کیا، جس سے ایوان کی کارروائی شدید متاثر ہوئی اور اسپیکر نے کان پر ہیڈ فون لگا لیے حکومتی وزراء اور پارلیمانی سیکرٹریز نے ہیڈ فون لگا کر کارروائی جاری رکھنے کی کوشش کی۔

پی ٹی آئی ارکان نے ظالمو جواب دو خون کا حساب دو کے نعرے لگائے گئے پی ٹی آئی ارکان نے ایجنڈے کی کاپیاں بھی پھاڑ کر پھینک دیں اور اجلاس سے واک آؤٹ کر دیا۔

اسلام آباد: پاکستان پیپلز پارٹی کے چئیرمین بلاول بھٹو زرداری اور وزیر دفاع خواجہ آصف کو ہائی پاور سیلیکشن بورڈ کا ممبر تعینات کردیا گیا ہے۔

باغی ٹی وی : ہائی پاور سیلیکشن بورڈ گریڈ اکیس اور بائیس میں تعیناتی اور پروموشن کا فیصلہ کرتا ہے ہائی پاور بورڈ میں پہلی مرتبہ سیاسی شخصیات کی تعیناتی کی گئی ہے وزیر اعظم، سیکرٹری کابینہ، سیکرٹری اسٹیبلشمنٹ، پرنسپل سیکرٹری اور متعلقہ وزارت کا سیکرٹری بورڈ کے ممبر ہوتے ہیں، خواجہ آصف اور بلاول زرداری کی تعیناتی کا گزٹ نوٹیفکیشن جاری کردیا گیا ہے۔

واضح رہے کہ گزشتہ ڈیڑھ سال سے ہائی پاور سلیکشن بورڈ کی کوئی میٹنگ نہیں ہوسکی تھی بلاول بھٹو اور خواجہ آصف گریڈ 21سے22 میں ترقی پانے والے افسران کی بورڈ میٹنگ میں شریک ہوں گے۔

دنیا صرف مذمتیں کرتی رہی،ٹرمپ نے غزہ میں سیز فائر کرادیا
پاکستان میں مذاکرات کا سیزن،پارا چنار میں انسانیت تڑپ رہی مذاکرت کیوں نہ ہوئے؟
موجودہ مذاکرات سیاسی اور مفاداتی،اصل مذاکرات 1973ء میں پاکستان اور عوام کیلئے ہوئے تھے
ہرا لیکشن کے بعد رونا پیٹنا عام،اب کے پی دہشتگردی پر سب جماعتوں کو کیوں سانپ سونگھ گیا؟

تجزیہ ،شہزاد قریشی

او آئی سی، عرب لیگ، دیگر اسلامی ممالک، فلسطین اور اسرائیل کی جنگ کو لے کر اجلاس منعقد کر رہے تھے۔ مذمتی بیانیوں کا نہ رکنے والا سلسلہ شروع تھا۔ تمام ممالک میں احتجاج ہو رہے تھے لیکن نومنتخب امریکی صدر ڈونلڈ ٹرمپ کی خواہش تھی کہ حلف لینے سے قبل جنگ بندی ہو۔ ویسا ہی ہوا اور امریکی صدر کی خواہش پوری ہو گئی اس سے ثابت ہوا امریکی صدر اپنے وعدوں کو پورا کرنے کے لئے پرعزم ہیں۔ دنیا کو پتہ چل جائے گا اگلے چار سالوں میں امریکہ کیسا رہے گا امریکی تاریخ میں ٹرمپ ایک الگ کہانی ہے وہ الزمات کے سمندر میں تیرتا ہے اور غیر محفوظ نکلتا ہے وہ اپنے نعروں اپنے اشاروں اور اپنے رقص کے ساتھ سب کچھ بدل دینے کا ماہر ہے کچھ بھی کہیں، دنیا امریکہ کے بغیر نہیں چل سکتی امریکہ صرف طاقتور بحری بیڑوں کا مجموعہ نہیں یہ ایک معیشت ہے۔ آزادی، ٹیکنالوجی، یونیورسٹیوں اور ذہانت کا مرکز ہے ٹرمپ نے گلوبل امن کی بات کی ہے ٹرمپ اور اس کی انتظامیہ کی پالیسی کے اثرات پوری دنیا پر پڑیں گے۔ ملک میں سیاسی جماعتوں کے درمیان مذاکرات کا سلسلہ جاری ہے۔ پی ٹی آئی حکومت میں شامل جماعتوں سے مذاکرات کر رہی ہے کیا یہ مذاکرات کامیاب ہوں گے؟ ان مذاکرات کے اثرات ملک و قوم کے لئے کیسے ہوں گے؟ مذاکرات ملک و قوم کے لئے نہیں بلکہ یہ مذاکرات ذاتی مفاد اور گروہی مفادات کے گرد گھوم رہے ہیں۔ ان مذاکرات کا کامیاب ہونا یا ناکام ہونا ملک و قوم کو کوئی فائدہ نہیں۔ پاکستان کی تاریخ گواہ ہے کہ 1973ء میں مذاکرات کامیاب ہوئے ان میں ملک کی تمام سیاسی و مذہبی جماعتیں شامل تھیں ان مذاکرات میں نہ تو کسی کے ذاتی مفاد تھے اور نہ ہی گروہی مفاد تھے ان مذاکرات کا مقصد پاکستان تھا اور پاکستان کا آئین تھا۔ آج کے مذاکرات کا مقصد نہ تو پاکستان ہے نہ 25کروڑ عوام ہے آج کے مذاکرات ذاتی اور گروہی مفادات کے گرد گھوم رہے ہیں۔ سیاسی جماعتوں کے مذاکرات پارا چنار کے دلخراش واقعہ پر کیوں نہیں ہوئے؟ بہت بڑا انسانی المیہ ہوا ہے۔ ملک میں ہر قومی انتخابات پر سینہ کوبی کی جاتی سیاسی جماعتیں دھاندلی کا شور مچاتی ہیں اس قومی المیہ پر مذاکرات کیوں نہیں ہو رہے؟ تاکہ دھاندلی دھاندلی کا الزام ایک دوسرے پر نہ لگایا جائے۔ کے پی کے میں دوبارہ دہشت گردی کے واقعات رونما ہو رہے ہیں ہماری مسلح افواج کے نوجوان شہید ہور ہے ہیں اس پر سیاسی و مذہبی جماعتوں کے درمیان مذاکرات کیوں نہیں ہو رہے؟ مذاکراتی ٹیم میں شامل جماعتیں اپنے ضمیر سے مذاکرات کریں اور فیصلہ کریں ان مذاکرات کا مقصد پاکستان یا عوام ہے؟ سچ تو یہ ہے کہ یہ مذاکرات ذاتی مفادات کے گرد گھوم رہے ہیں-

اسلام آباد: پاکستان تحریک انصاف (پی ٹی آئی) کے بانی عمران خان نے شیر افضل مروت کو بطور وکیل صفائی پیش ہونے سے روک دیا، بانی پی ٹی ائی نے جیل انتظامیہ اور عدالت کو آگاہ کر دیا۔

باغی ٹی وی :بانی پی ٹی آئی نے حکام کو آگاہ کیا کہ شیر افضل مروت میرا وکیل نہیں ہے اسے جیل میں داخل نہ ہونے دیا جائےبانی پی ٹی ائی نے شیر افضل مروت سے متعلق تحریر بھی لکھوا دی۔

شیر افضل مروت بانی پی ٹی آئی سے ملاقات کے لیے اڈیالہ جیل پہنچے تھے شیر افضل مروت گیٹ نمبر پانچ سے اڈیالہ جیل ڈیوڑھی تک پہنچے تو انہیں وہاں سے واپس بھجوا دیا گیا شیر افضل مروت کے اڈیالہ جیل پہنچنے پر جیل انتظامیہ نے بانی پی ٹی آئی کو آگاہ کیا تھا۔

جرمنی میں ڈے کیئر سینٹر سے آئے ہوئے بچوں پر چاقو سے حملہ

دوسری جانب عمران خان نے حکومت کے ساتھ مذاکرات ختم کرنے کا اعلان کردیا،اڈیالہ جیل میں غیر رسمی بات چیت کے دوران عمران خان کا کہنا تھا کہ حکومت کو وقت دیا تھا کہ وہ جوڈیشل کمیشن بنائے لیکن انہوں نے ہمارے مطالبات پر کوئی پیش رفت نہیں دکھائی لہذا آج کے بعد کوئی مذاکرات نہیں ہوں گے، تمام اپوزیشن جماعتوں کو اکھٹا کریں گے اور اپنی جدوجہد جاری رکھیں گے۔

چیئرمین سینیٹ کمیٹی کا وزیرخزانہ کو ایف بی آر کیلئے گاڑیوں کی خریداری روکنےکیلئےخط