Author: Khalid Mehmood Khalid

بھارتی پنجاب میں کسانوں نے اتوار کے روز روایتی تہوار دسہرہ منایا۔ اس دن ہندو مذہب سے تعلق رکھنے والے افراد شیطان راون کے پتلے جلاتے ہیں۔اتوار کے روز منائے جانے تہوار دسہرہ کی خاص بات یہ ہے کہ بھارتی پنجاب کے عوام شیطان راون کی بجائے شیطان نریندر مودی کے پتلے جلائے۔ پنجاب کسان یونین نے بھارتی پنجاب کے مختلف شہروں بھٹنڈہ، ترن تارن، فیروز پور، امرتسر وغیرہ میں دسہرہ کے موقعہ پر شیطان راون مودی کے پتلے مفت تقسیم کئے۔ہندووں کا ماننا ہے کہ راون کو جلانے سے ان کے سارے پاپ بھی جل کر راکھ ہو جاتے ہیں اور وہ مصیبتوں سے چھٹکارا پا لیتے ہیں۔ کسان یونین کے عہدیداروں کاکہنا ہے کہ مودی بھارت کے لئے سب سے بڑا شیطان ہے اور دسہرہ کے موقعہ پر اس بڑے شیطان کوجلانے سے ملک میں سکون ہوجائےگا۔ واضح رہے کہ پنجاب بھر میں اس وقت کسانوں کے مظاہرے اپنے عروج پر ہیں۔بھارتی پنجاب کے کسان کئی روز سے مودی حکومت کے نافذ کردہ زراعت آرڈی ننس کے خلاف احتجاج کررہے ہیں۔ دسہرہ کے موقعہ پر شیطان راون کے روایتی پتلوں کی بجائے ملک کے وزیراعظم کے پتلے جلانے کا یہ اپنی نوعیت کا منفرد واقعہ تھا۔ کسانوں کو بھارتیہ جنتا پارٹی کے طویل عرصہ تک اتحادی رہنے والی جماعت اکالی دل کی حمایت حاصل ہے۔ اکالی دل نے زراعت آرڈیننس کی مخالفت میں حال ہی میں بی جے پی کے ساتھ اتحاد ختم کر دیاتھا۔ 

بھارتی پنجاب میں کسانوں نے اتوار کے روز منائے جانے والے تہوار دسہرہ کے موقعہ پر شیطان راون کی بجائے نریندر مودی کے پتلے جلانے کا اعلان کر دیا ہے۔ امرتسر میں کسان یونین نے ایک احتجاجی مظاہرے میں اعلان کرتے ہوئے کہاکہ پورے بھارتی پنجاب میں دسہرہ کے موقعہ پر شیطان راون مودی کے پتلے مفت تقسیم کئے جائیں گے۔ دسہرہ کے موقعہ پر شیطان راون کے روایتی پتلوں کی بجائے کسی شخصیت کے پتلے جلانے کا یہ اپنی نوعیت کا منفرد واقعہ ہوگا۔ دریں اثنا گزشتہ روز بھی کسانوں نے اپنے احتجاج کے دوران مودی کے پتلے جلائے۔ بھارتی پنجاب کے کسان کئی روز سے زراعت آرڈی ننس کے خلاف احتجاج کررہے ہیں۔ مودی کی مدد کرنے کے الزام میں کسانوں نے معروف تاجروں امبانی اور اڈانی کے پتلے بھی جلائے۔ کسانوں نے پنجاب میں آنے والی مال گاڑیوں کو روکنے کی مہم بھی شروع کر رکھی ہے۔ گزشتہ روز امبانی اور اڈانی کا سامان لے کر پنجاب آنے والی مال گاڑیاں معمول سے تیز رفتار کر کے پنجاب میں داخل ہوگئیں جس پر ان تاجروں کے بھی پتلے جلائے گئے۔ کسانوں کو بھارتیہ جنتا پارٹی کے طویل عرصہ تک اتحادی رہنے والی جماعت اکالی دل کی حمایت حاصل ہے۔ اکالی دل نے زراعت آرڈیننس کی مخالفت میں حال ہی میں بی جے پی کے ساتھ اتحاد ختم کر دیاتھا۔ 

بھارتی ریاست اترپردیش کے شہر باغپت میں ایس ایس پی نے مسلمان پولیس اہلکار کو داڑھی رکھنے کے جرم میں ملازمت سے معطل کردیا گیا۔ تفصیلات کے مطابق پو لیس اہلکار انتشار علی کو محکمہ کی طرف سے تین بار تنبیہ کی گئی تھی کہ وہ اپنی داڑھی کو منڈوا دیں یا اس کے لئے طریقہ کار کے مطابق حکام سے باقاعدہ طور پراجازت لیں۔ تاہم پولیس اہلکار نے اجازت لینے سے انکار کر دیا اور داڑھی کے ساتھ ہی نوکری کرتا رہا۔ پولیس کے اعلی حکام نے انتشار علی کے خلاف محکمانہ کارروائی کا حکم دے دیا جس کے بعد اسے معطل کر دیا گیا۔ اس حوالے سےایک ہندوستانی صحافی رویندر سنگھ روبن نے امرتسر سے فون پرباغی ٹی وی سے بات کرتے ہوئے کہا کہ پولیس فورس میں پگڑی اور داڑھی والے سکھ بھی کام کرتے ہیں اور ماتھے پر تلک لگائے ہندو جنہوں نے کالی ڈوری ہاتھ پر باندھ رکھی ہوتی ہے ان کے خلاف کسی قسم کی کارروائی نہیں کی جاتی لیکن ایک مسلمان پولیس فورس میں داڑھی کیوں نہیں رکھ سکتا؟