Author: ممتاز حیدر

سپریم کورٹ، فوجی عدالتوں میں سویلینز کے ٹرائل سے متعلق انٹرا کورٹ اپیل کیس میں آئینی بینچ کے جج جسٹس جمال مندوخیل نے ریمارکس دیے کہ آرمی ایکٹ بنانے کامقصد کیا تھا یہ سمجھ آجائے تو آدھا مسئلہ حل ہوجائے گا۔

سپریم کورٹ میں جسٹس امین الدین خان کی سربراہی میں 7 رکنی آئینی بینچ نے فوجی عدالتوں میں سویلینز کے ٹرائل کے خلاف انٹرا کورٹ اپیل پر سماعت کی جس دوران بانی پی ٹی آئی کے وکیل عزیر بھنڈاری نے دلائل دیے۔وکیل عزیر بھنڈاری نے دلائل دیتے ہوئے کہا کہ آرمی ایکٹ کالعدم ہوگیا تو بھی انسداد دہشتگردی کا قانون موجود ہے، ایک سے زائد فورمز موجود ہوں تو دیکھنا ہوگا کہ ملزم کے بنیادی حقوق کاتحفظ کہاں یقینی ہوگا، آئین کا آرٹیکل 245 فوج کو عدالتی اختیارات نہیں دیتا۔ جسٹس جمال مندوخیل نے سوال کیا، کیا کورٹ مارشل عدالتی کارروائی نہیں ہوتا ؟ عزیر بھنڈاری نے جواب دیاکورٹ مارشل عدالتی اختیار ہوتا ہے لیکن صرف فوجی اہلکاروں کے لیے سویلینز کے لیے نہیں۔

جسٹس امین الدین نے کہا کہ سویلینز کی ایک کیٹیگری بھی آرمی ایکٹ کے زمرے میں آتی ہے، یہ تفریق کیسےہوگی کہ کونسا سویلین آرمی ایکٹ میں آتا ہے اور کون نہیں؟جسٹس مندوخیل نے ریمارکس دیے آئین میں فوج کو دو طرح کے اختیارات دیے گئے ہیں، ایک اختیار دفاع کا ہے اور دوسرا سول حکومت کی مدد کرنے کا۔جسٹس امین الدین نے کہا آرٹیکل 245 والی دلیل مان لیں تو فوج اپنے اداروں کا دفاع کیسے کرے گی ؟ جی ایچ کیو پر حملہ ہو تو کیا آرٹیکل245 کےنوٹیفیکیشن کا انتظار کیا جائے گا ؟عمران خان کے وکیل نے جواب دیا کوئی گولیاں چلا رہا ہو تو دفاع کے لیے کسی کی اجازت نہیں لینا پڑتی، جب حملہ ہو تو پولیس اور فوج سمیت تمام ادارے حرکت میں آتے ہیں، سپریم کورٹ ماضی میں لیاقت حسین کیس میں یہ نکتہ طے کرچکی ہے، عدالت قرار دے چکی فوج اگرکسی حملہ آورکوگرفتار کرےگی تو سول حکام کےحوالے کیاجائے گا، فوج پکڑے گئے بندے کے حوالے سے سول حکام کی معاونت ضرور کرسکتی ہے۔

جسٹس نعیم افغان نے سوال کیا اگر فوجی اورسویلین مل کر آفیشل سیکرٹ ایکٹ کی خلاف ورزی کریں توٹرائل کہاں ہوگا؟ وکیل عزیر بھنڈاری نے کہا کہ ایسی صورت میں ٹرائل انسداد دہشتگردی عدالت میں ہی ہوگا۔ جسٹس مندوخیل نے کہا کہ آرمی ایکٹ بنانے کا مقصد کیا تھا یہ سمجھ آجائے تو آدھا مسئلہ حل ہوجائے گا، آئین میں اس کو واضح لکھا ہے کہ آرمڈ فورسز سے متعلقہ قانون، ہے، سویلین آفیسر کے خلاف تادیبی کارروائی میں سزا کا اختیار نہیں دیا گیا، ملٹری کورٹ میں سزا کا اختیار دیا گیا ہے، آرمی آفیسر چھٹی پر جرم سرزد کرے تو ٹرائل کہاں ہوگا؟ کیا ملٹری کورٹ کا اختیار بہت وسیع ہے یا محدود ہے؟ کراچی میں رینجرز اہلکاروں کاٹرائل سول کورٹ میں ہوا۔
جسٹس مندوخیل ریمارکس دیے کہ آئین پارلیمنٹ بناتی ہے،قانون سازی آئین کے مطابق ہی ہو سکتی ہے، کوئی قانون جو آئین سے مطابقت نہ رکھے نہیں بنایا جاسکتا، ہمارا المیہ یہی ہےکہ قانون کو سیاست کی نذر کردیا جاتاہے۔

جسٹس مندوخیل نے کہا کہ سلمان اکرم راجہ نے بھارت میں کورٹ مارشل کے لیے الگ فورم کی بات کی تھی، اس پر جسٹس علی مظہر نے کہا کہ میری نظرمیں سلمان اکرم راجہ کا موقف مختلف تھا، جسٹس مندوخیل نے کہا عدالت دلائل کی پابند نہیں، آئین کے مطابق خود بھی فیصلہ کرسکتی ہے۔ جسٹس جمال مندوخیل نے کہا کیا پارلیمنٹ پر حملہ ہوتو پارلیمنٹ ٹرائل کے لیے الگ عدالت بنائے گی؟ ایگزیکٹو اور عدلیہ کو آئین میں الگ الگ رکھا گیا ہے، ملٹری ٹرائل میں شکایت کنندہ خود ایگزیکٹو ہوتی ہے، کیا شکایت کنندہ اپنے معاملے کا جج ہو سکتا ہے۔ عزیر بھنڈاری نے کہا کہ اگر آرمی ایکٹ میں سویلین کےملٹری ٹرائل کی اجازت دی گئی توکل مزید جرائم آرمی ایکٹ میں شامل ہوجائیں گے، جسٹس امین الدین نے کہا آپ آرٹیکل 245 کی دلیل دے رہے ہیں، وہ معاملہ ہی الگ ہے، جسٹس علی مظہر نے کہا آرٹیکل 245کےتحت فوج بلانے کا مطلب یہ ہرگزنہیں کہ عدالتیں چلانےکا اختیار بھی دے دیا جائے۔ جسٹس جمال مندوخیل نے کہا کیا پرائم منسٹرکے آرڈر کو ہم کالعدم قرار دے سکتے ہیں؟ وکیل عزیر بھنڈاری نے کہا عدالت ایسا کرسکتی ہے۔جسٹس امین الدین نے ریمارکس دیے ویسے آج تک کسی وزیراعظم نے 5 سال مکمل نہیں کیے، جسٹس مسرت ہلالی نے کہا ایسا کوئی بہادر وزیراعظم نہیں آیا جس نے 5 سال مکمل کیے ہوں، جسٹس مندوخیل نے کہا ہم نے فوجی آمروں کو توثیق بھی دی۔ سپریم کورٹ میں فوجی عدالتوں میں سیویلینز کے ٹرائل سے متعلق کیس کی سماعت تاحال جاری ہے۔

باغی ٹی وی کی 13ویں سالگرہ کے موقع پر ایک مختصر تقریب کا انعقاد باغی ٹی وی کے آفس میں کیا گیا جس میں بانی اپووا ایم ایم علی کو ان کی ادبی خدمات پر خصوصی سرٹیفکیٹ سے نوازا گیا۔

تقریب میں سنئیر صحافی و تجزیہ نگار اور سی ای او باغی ٹی وی مبشر لقمان اور سنئیر تجزیہ نگار پی جے میر نے بطور مہمان خصوصی شرکت کی۔ اس موقع پر باغی ٹی وی کے ایڈیٹر ممتاز اعوان اور اپووا کے دیگر عہدیداران بھی موجود تھے۔مبشر لقمان نے اس موقع پر اپووا کو ایک بہترین ادبی تنظیم قرار دیا اور کہا کہ "جس جانفشانی سے آپ لوگ فروغ ادب کے لیے کام کر رہے ہیں وہ قابل تحسین ہے”۔ انہوں نے اپووا کے سیالکوٹ میں منعقدہ شاندار کانفرنس کی بھی تعریف کی اور کہا کہ وہ اس کامیاب ایونٹ پر اپووا کے وفد کو مبارک باد پیش کرتے ہیں۔ اس کے علاوہ مبشر لقمان نے سوال کیا کہ "اب آگے کا کیا پلان ہے؟ آپ لوگ اگلی کانفرنس کہاں منعقد کریں گے؟” جس پر بانی اپووا ایم ایم علی نے جواب دیا کہ "ہمارا ارادہ ہے کہ اگلی کانفرنس پشاور میں ہو۔”

مبشر لقمان کے ساتھ اس طویل نشست میں مختلف موضوعات پر تفصیلی گفتگو بھی ہوئی، جس میں انہوں نے شرکاء کے سوالات کے جوابات دیے۔ اس موقع پر شرکاء کے لیے ہائی ٹی کا بھی انتظام کیا گیا تھا۔ اس تقریب میں اپووا کے مختلف عہدیداران نے شرکت کی، جن میں اپووا کی لیگل ایڈوئزر سعدیہ ہما شیخ، جنرل سیکرٹری مدیحہ کنول، کنونیر ساجدہ اصغر، پریس سیکرٹری نبیلہ اکبر، کینیڈا سے آئی ہوئی اپووا کی ممبر مبشرہ، اور اپووا کے دیگر عہدیداران شامل تھے جن میں اظہر حسین بھٹی، حافظ محمد معاویہ، اویس چوہدری، نادر فہمی، سجاد علی بھنڈر، احمد خان، طلال صدیقی اور دیگر نے بھی شرکت کی۔

اس محفل میں ادبی خدمات کو سراہا گیا اور آئندہ کے منصوبوں پر بھی گفتگو کی گئی۔ اس تقریب کا مقصد اپووا کے عہدیداروں کی محنت اور ادب کے فروغ میں ان کی خدمات کو تسلیم کرنا تھا۔

باغی ٹی وی کی نمائندگی ،قصور میں دفتر کا افتتاح،ایک یادگار سفر.تحریر: طارق نوید سندھو

قصور میں باغی ٹی وی کے دفتر کا مبشر لقمان نے کیا افتتاح

ننکانہ صاحب: باغی ٹی وی کے نمائندے کو بابا گورو نانک یونیورسٹی کی جانب سے ایوارڈ

باغی ٹی وی کی 13ویں سالگرہ، نمایاں صحافتی خدمات پر سرٹیفکیٹ تقسیم

باغی ٹی وی کی 13 ویں سالگرہ، لاہور میں کیک کاٹنے کی تقریب

پاکستان کی سیکیورٹی فورسز نے ضلع کرک میں انٹیلی جنس بیسڈ آپریشن کے دوران 6 خارجیوں کو ہلاک کر دیا۔ پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق یہ آپریشن خوارج کی موجودگی کی اطلاع ملنے پر کیا گیا۔

آئی ایس پی آر کے مطابق، آپریشن کے دوران سیکیورٹی فورسز نے مؤثر انداز میں خارجیوں کے ٹھکانے کو نشانہ بنایا، جس کے نتیجے میں 6 خارجی ہلاک ہو گئے۔ اس وقت آپریشن جاری ہے اور اس کا مقصد علاقے میں باقی ماندہ خارجیوں کا خاتمہ کرنا ہے۔پاکستان کی سیکیورٹی فورسز کی جانب سے یہ بھی کہا گیا ہے کہ وہ ملک سے دہشت گردی کی لعنت کا مکمل خاتمہ کرنے کے لیے پرعزم ہیں اور اپنے عزم میں کسی قسم کی کمی نہیں آنے دیں گے۔

وزیراعظم کا سیکیورٹی فورسز کو خراج تحسین
وزیراعظم محمد شہباز شریف نے ضلع کرک میں کامیاب آپریشن اور 6 خارجیوں کی ہلاکت پر سیکیورٹی فورسز کو خراج تحسین پیش کیا۔ وزیراعظم نے کہا کہ "انسانیت کے دشمنوں کے مذموم عزائم کو اسی طرح خاک میں ملاتے رہیں گے۔”انہوں نے مزید کہا کہ "دہشت گردی کے خلاف جنگ میں اپنی جانیں قربان کرنے والے قوم کے بیٹوں کی قربانیاں ہرگز رائیگاں نہیں جائیں گی۔” وزیراعظم نے یہ بھی یقین دہانی کرائی کہ سیکیورٹی فورسز ملک سے دہشت گردی کا مکمل خاتمہ کرنے کے لیے سرگرم عمل ہیں اور اس میں کوئی کسر باقی نہیں رہنے دی جائے گی۔

اس کامیاب آپریشن نے دہشت گردوں کے خلاف سیکیورٹی فورسز کی عزم اور صلاحیت کو ثابت کیا ہے اور ملک میں امن کے قیام کے لیے ان کی مسلسل کوششوں کو مزید مستحکم کیا ہے۔