Baaghi TV

Author: ممتاز حیدر

  • بنگلہ دیش کی بحریہ کے سربراہ کی وزیر دفاع خواجہ محمد آصف سے ملاقات

    بنگلہ دیش کی بحریہ کے سربراہ کی وزیر دفاع خواجہ محمد آصف سے ملاقات

    اسلام آباد: بنگلہ دیش کی بحریہ کے سربراہ ایڈمرل ایم نظم الحسن نے وزیر دفاع، دفاعی پیداوار اور ہوا بازی خواجہ محمد آصف سے اسلام آباد میں ان کے دفتر میں ملاقات کی۔ اس ملاقات میں دو طرفہ تعلقات اور دفاعی تعاون پر بات چیت کی گئی۔

    وزیر دفاع خواجہ محمد آصف نے ایڈمرل نظم الحسن کا پرتپاک استقبال کیا اور کہا کہ پاکستان بنگلہ دیش کے ساتھ اپنے تعلقات کو بہت اہمیت دیتا ہے۔ انہوں نے مزید کہا کہ دونوں ممالک کے درمیان تعلقات کی مضبوطی خطے میں امن اور استحکام کے لیے ضروری ہے۔ایڈمرل ایم نظم الحسن نے بنگلہ دیش کے عوام کی طرف سے پاکستان کے لیے پرخلوص جذبات کا اظہار کیا اور کہا کہ دونوں ممالک کے درمیان دفاعی شعبے میں مزید تعاون بڑھانے کی ضرورت ہے۔ انہوں نے خاص طور پر دونوں بحری افواج کے درمیان متحرک اور مضبوط دفاعی تعاون کی خواہش کا اظہار کیا۔

    ملاقات کے دوران دونوں رہنماؤں نے دوطرفہ دفاعی تعلقات کو وسعت دینے اور دونوں ممالک کی بحری افواج کے درمیان مشقوں اور دیگر مشترکہ سرگرمیوں کو فروغ دینے پر بات چیت کی۔ ایڈمرل نظم الحسن نے کہا کہ دونوں ممالک کی بحری افواج کی مشترکہ مشقیں نہ صرف دفاعی صلاحیتوں کو بڑھائیں گی بلکہ ایک دوسرے کے تجربات سے استفادہ کرنے کا بھی موقع فراہم کریں گی۔

    پاکستان اور بنگلہ دیش کے درمیان یہ ملاقات دونوں ممالک کے دفاعی تعلقات کو مزید مستحکم کرنے کی جانب ایک اہم قدم ہے۔ یہ تعاون نہ صرف دونوں ممالک کی سلامتی کے لیے اہم ہے بلکہ خطے میں امن و استحکام کے فروغ کے لیے بھی ضروری ہے۔

    آرمی چیف سے مالدیپ کے چیف آف ڈیفنس فورسز کی ملاقات

    فتنہ الخوارج کے دہشت گردوں کا برقع میں فرار ہونے کی کوشش ناکام،3 جہنم واصل

  • آرمی چیف سے مالدیپ کے چیف آف ڈیفنس فورسز کی ملاقات

    آرمی چیف سے مالدیپ کے چیف آف ڈیفنس فورسز کی ملاقات

    مالدیپ کے مسلح افواج کے چیف آف ڈیفنس فورسز (سی ڈی ایف) میجر جنرل ابراہیم ہلمی نے جنرل ہیڈکوارٹرز، راولپنڈی میں آرمی چیف جنرل سید عاصم منیر سے ملاقات کی ہے

    ڈی جی آئی ایس پی آر کے مطابق ملاقات کے دوران دونوں ممالک کے باہمی مفادات، دوطرفہ دفاعی تعاون اور علاقائی سلامتی کے معاملات پر تفصیل سے بات چیت کی گئی۔ دونوں فریقین نے پاکستان اور مالدیپ کے درمیان مضبوط برادری اور دوستی کے رشتہ پر اطمینان کا اظہار کیا اور علاقائی مسائل پر اپنے مشترکہ نقطہ نظر کو اجاگر کیا۔سی ڈی ایف میجر جنرل ابراہیم ہلمی نے پاکستان کی فوج کی غیر معمولی پیشہ ورانہ مہارت، لگن اور علاقائی استحکام کے لئے اس کے کردار کی تعریف کی۔

    ڈی جی آئی ایس پی آر کے مطابق پاکستان اور مالدیپ کے درمیان مضبوط دفاعی تعلقات کو مزید مستحکم کرنے کے عزم کا اعادہ کرتے ہوئے دونوں فوجی رہنماؤں نے باہمی مفادات کے شعبوں میں تعاون بڑھانے کی ضرورت پر زور دیا۔ اس دوران، دونوں فریقین نے موجودہ سیکورٹی حالات کو مدنظر رکھتے ہوئے دوطرفہ تعلقات کو مزید فروغ دینے کے عزم کا اعادہ کیا۔

    دوسری جانب چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ہنگری کے نائب وزیر دفاع نے ملاقات کی۔ ملاقات کے دوران علاقے کی ابھرتی ہوئی صورتحال پر تبادلہ خیال کیا گیا، دونوں ملکوں کے درمیان دفاع کے شعبے میں اشتراک کے نئے مواقع کی تلاش کی اہمیت پر زور دیا گیا، دونوں ملکوں کےدرمیان سیکیورٹی کے شعبے میں اشتراک کے مواقع کی تلاش کی اہمیت پر بھی زور دیا گیا،ہنگری کے نائب وزیر دفاع نے دہشت گردی کے خلاف جنگ میں مسلح افواج کی قربانیوں اور مسلح افواج کی پیشہ ورانہ مہارت کو سراہا۔

    فتنہ الخوارج کے دہشت گردوں کا برقع میں فرار ہونے کی کوشش ناکام،3 جہنم واصل

  • فتنہ الخوارج کے دہشت گردوں کا برقع میں فرار ہونے کی کوشش ناکام،3 جہنم واصل

    فتنہ الخوارج کے دہشت گردوں کا برقع میں فرار ہونے کی کوشش ناکام،3 جہنم واصل

    شمالی وزیرستان میں فتنہ الخوارج کے دہشت گردوں کے برقع میں چھپ کر فرار ہونے کی کوشش ناکام بنا دی گئی، تین دہشت گرد جہنم واصل کر دیئے گئے

    ڈی جی آئی ایس پی آر کے مطابق 6 سے 7 فروری 2025 کی رات، سیکیورٹی فورسز نے شمالی وزیرستان ضلع کے علاقے ڈٹہ خیل میں انٹیلی جنس کی بنیاد پر آپریشن کیا، جس میں دہشت گردوں کی موجودگی کی اطلاع ملی تھی۔آپریشن کے دوران، سیکیورٹی فورسز نے دہشت گردوں کے ٹھکانے کو کامیابی کے ساتھ نشانہ بنایا جس کے نتیجے میں تین دہشت گرد ہلاک ہو گئے جو عورتوں کے لباس (برقعہ) میں چھپ کر فرار ہونے کی کوشش کر رہے تھے۔ہلاک ہونے والے دہشت گردوں سے اسلحہ اور گولہ بارود بھی برآمد کیا گیا جو علاقے میں متعدد دہشت گردانہ سرگرمیوں میں ملوث تھے۔

    ڈی جی آئی ایس پی آر کے مطابق علاقے میں کسی بھی باقی رہ جانے والے دہشت گردوں کو ختم کرنے کے لیے آپریشن جاری ہے۔ پاکستان کی سیکیورٹی فورسز دہشت گردی کے ناسور کو جڑ سے اکھاڑنے کے لیے پرعزم ہیں۔

  • سیاسی جماعتیں انتشار کی بجائے استحکام پاکستان کے لئے کردار ادا کریں.حافظ طلحہ سعید

    سیاسی جماعتیں انتشار کی بجائے استحکام پاکستان کے لئے کردار ادا کریں.حافظ طلحہ سعید

    مرکزی مسلم لیگ کے مرکزی رہنما ؤں نے کہا ہے سیاسی جماعتوں کو ذاتی مفادات کی بجائے پاکستان کو ترجیح دینی ہو گی،ہم انتشار،تفریق کی سیاست کا رد کرتے ہیں،انتخابات میں شکست کا واویلا کرنے کی بجائے قوم کی خدمت کے عزم کو شعار بنانے سے ہی پاکستان آگے بڑھ سکتا ہے،کشمیر پر باتیں بہت کر لیں اب آگے بڑھنے کی ضرورت ہے، ہم نے قیام پاکستان کے مقاصد کی تکمیل اور اس ملک کی اسلامی شناخت قائم رکھنے کیلئے کام کرنا ہے، وہ وقت جلد آئے گا جب پاکستان امن و امان اور خوشحالی کی عمدہ مثال بنے گا

    ان خیالات کا اظہار مرکزی مسلم لیگ کے رہنماؤں مرکزی نائب صدرحافظ طلحہ سعید،سیکرٹری جنرل سیف اللہ خالد،نائب صدر حافظ عبدالرؤف نے خطبات جمعہ کے اجتماعات سے خطاب کرتے ہوئے کیا، مرکزی مسلم لیگ کے نائب صدر حافظ طلحہ سعید نے سیالکوٹ میں خطبہ جمعہ کے بڑے اجتماع سے خطاب میں کہا کہ ہم انسانیت کی خدمت کی سیاست کر رہے ہیں ،فرقہ واریت ، لسانیت اور صوبائیت کی بنیاد پر نفرتوں کو ختم کرکے لوگوں کو ایک مضبوط اور توانا پاکستان دیں گے،سیاسی جماعتیں انتشار کی بجائے استحکام پاکستان کے لئے کردار ادا کریں.امریکی صدر ٹرمپ کی غزہ پر پالیسی اور ایران پر نئی پابندیاں مسلم حکمرانوں کے لئے لمحہ فکریہ ہے، کشمیریوں سے یکجہتی کا پاکستانی قوم نے عملی اظہار کیا،پاکستانی حکمران بھی کشمیر پر دوٹوک مؤقف دنیا کے سامنے رکھیں ،وطن عزیز سے دہشت گردی،بدامنی کا خاتمہ مسئلہ کشمیر کے حل سے ہو گا،

    معیشت کی مضبوطی کیلئے ضروری ہے کہ حکمران رب کی نافرنیاں ترک کر دیں۔سیف اللہ خالد
    مرکزی مسلم لیگ کے سیکرٹری جنرل سیف اللہ خالد نے الہ آباد گہلن ہٹھارمیں جمعہ کے اجتماع سے خطاب کرتے ہوئے کہا کہ ملکی ترقی اورمعیشت کی مضبوطی کے لئے ضروری ہے کہ حکمران رب کی نافرنیاں ترک کر دیں۔امت مسلمہ کے موجودہ تمام مسائل کا حل دین اسلام میں موجود ہے۔ قرآن ہر دور میں مسلمانوں کی رہنمائی کرتا ہے۔ حکومتوں نے اپنی کرپشن کے راستے ہموار کرنے کیلئے مفادات کی سیاست کھیلی، لڑائی جھگڑے، صوبائیت اور وطنیت پرستی کو پروان چڑھایا گیا۔ برادری ازم کی جڑیں مضبوط ہوئی تھیں لیکن مرکزی مسلم لیگ کے کارکنان ان تمام چیزوں کا ازالہ کرنے کیلئے قوم کو کلمہ طبیہ پر متحد کر رہی ہے،کلمے کے نعرے پر پاکستان بنا تھا اور اسی نعرے پر ہی پاکستان عروج حاصل کرے گا.

    کشمیر پر باتیں بہت کر لیں اب آگے بڑھنے کی ضرورت ہے، حافظ عبدالرؤف
    مرکز القادسیہ چوبرجی میں خطبہ جمعہ کے اجتماع سے خطاب کرتے ہوئے مرکزی مسلم لیگ کے نائب صدرحافظ عبدالرؤف کا کہنا تھا کہ پاکستان میں افراتفری، احتجاج سے مسائل حل نہیں ہوں گے، باہمی بات چیت کے ذریعے معاملات کو آگے بڑھایا جائے ،وطن عزیز میں آئے روز دہشتگردی کے واقعات میں شہادتیں ہو رہی ہیں،مہنگائی کا طوفان ہے،بے روزگاری ،غربت بڑھ چکی ہے، حکمرانوں کو بھی عوامی مشکلات کے حل کے لئے کردار ادا کرنا چاہئے، یکجہتی کشمیر کے موقع پر قوم نے سڑکوں پر نکل کر عملی قدم اٹھایا تاہم ضرورت اس امر کی ہے کہ کشمیر پر صرف یکجہتی اور باتوں کی بجائے آگے بڑھاجائے.

  • سپریم کورٹ ،100 دنوں میں زیر التواء مقدمات میں 3 ہزار کی کمی

    سپریم کورٹ ،100 دنوں میں زیر التواء مقدمات میں 3 ہزار کی کمی

    اسلام آباد: سپریم کورٹ آف پاکستان میں زیر التواء مقدمات کی تعداد میں گزشتہ 100 دنوں کے دوران 3 ہزار کی کمی آئی ہے۔

    سپریم کورٹ نے گزشتہ 100 دنوں میں 8174 مقدمات نمٹائے جبکہ 4963 نئے مقدمات دائر ہوئے ہیں۔سپریم کورٹ کی کارکردگی کا جائزہ لیتے ہوئے اعلامیہ جاری کیا گیا ہے جس میں کہا گیا ہے کہ اس عرصہ کے دوران عدالت نے مقدمات کی سماعت کے عمل میں بہتری لائی ہے جس کے نتیجے میں زیر التواء مقدمات کی تعداد میں کمی واقع ہوئی۔سپریم جوڈیشل کونسل نے ججز کے خلاف 46 شکایات کا جائزہ لیا ہے۔ اعلامیہ کے مطابق، ان شکایات میں سے 40 شکایات کو نمٹا دیا گیا، جبکہ پانچ شکایات کے بارے میں ابتدائی جواب طلب کیا گیا ہے۔ ان پانچ شکایات پر پانچ ججز سے وضاحت مانگی گئی ہے۔

    سپریم جوڈیشل کونسل کی جانب سے ججز کے خلاف شکایات کے فیصلوں سے واضح ہوتا ہے کہ عدلیہ میں احتساب کا عمل تیز تر کیا جا رہا ہے تاکہ عوام کو انصاف کی بروقت اور موثر فراہمی کی ضمانت دی جا سکے۔ان اقدامات کا مقصد عدلیہ کی کارکردگی کو مزید بہتر بنانا اور عوام کا عدلیہ پر اعتماد بڑھانا ہے۔

    اغوا کی جھوٹی کال کرنیوالا گرفتار، چھڑوانے کے لیے آیا جعلی ایس ایچ او بھی دھرلیا گیا

  • عمران خان کا وکیل اڈیالہ جیل کے باہر سے گرفتار

    عمران خان کا وکیل اڈیالہ جیل کے باہر سے گرفتار

    بانی پاکستان تحریک انصاف (پی ٹی آئی) کے وکیل فیصل چوہدری کو اڈیالہ جیل کے باہر سے حراست میں لے لیا گیا ہے۔

    ذرائع کے مطابق فیصل چوہدری کو گزشتہ روز اڈیالہ جیل کے افسر عمران ریاض کو نازیبا الفاظ اور گالیاں دینے کی پاداش میں گرفتار کیا گیا۔فیصل چوہدری بانی پی ٹی آئی کی ملاقات کے لیے اڈیالہ جیل پہنچے تھے، جہاں جیل عملے کے ساتھ تلخ کلامی کے بعد انہیں حراست میں لے لیا گیا۔

    گزشتہ روز فیصل چوہدری کے جیل میں داخلے سے متعلق ایک تنازعہ بھی سامنے آیا تھا، جس میں ان کی عملے کے ساتھ تلخ کلامی ہوئی۔ ایک ویڈیو سامنے آئی جس میں فیصل چوہدری پولیس اہلکاروں کو نازیبا الفاظ کہتے ہوئے نظر آ رہے ہیں۔ اس ویڈیو میں فیصل چوہدری اسسٹنٹ سپرنٹنڈنٹ عمران کے سامنے نازیبا زبان استعمال کر رہے ہیں۔فیصل چوہدری کا کہنا تھا کہ "مجھے کیوں روکا گیا؟ کس کی جرات ہے مجھے کلیئر نہیں کیا گیا؟” اس دوران جیل کے افسر عمران نے فیصل چوہدری کو وضاحت دینے کی کوشش کی۔

    فیصل چوہدری نے مزید کہا کہ انہیں احتجاج کرنے کی وجہ سے ڈپٹی سپرنٹنڈنٹ جیل کے کمرے میں دو گھنٹے تک حبسِ بے جا میں رکھا گیا۔ انہوں نے الزام عائد کیا کہ جیل عملہ نہ صرف انہیں بلکہ ان کے ہمراہ آئے ہوئے سائلین کو بھی ہراساں کرتا رہا۔

  • اغوا کی جھوٹی کال کرنیوالا گرفتار، چھڑوانے کے لیے آیا جعلی ایس ایچ او بھی دھرلیا گیا

    اغوا کی جھوٹی کال کرنیوالا گرفتار، چھڑوانے کے لیے آیا جعلی ایس ایچ او بھی دھرلیا گیا

    لاہور: پولیس نے ایک شخص کو اغوا کی جھوٹی کال کرنے کے الزام میں گرفتار کر لیا ہے، جبکہ اس شخص کو چھڑوانے کے لیے آیا جعلی ایس ایچ او بھی گرفتار ہو گیا ہے۔

    غالب مارکیٹ سے پولیس کو ایک ایمرجنسی کال موصول ہوئی، جس میں جاوید نامی شخص نے بتایا کہ اس کے بھائی کو 4 سے 5 مسلح افراد نے اغوا کر لیا ہے۔ اس کال کے بعد پولیس فوری طور پر جائے وقوعہ پر پہنچ گئی، تاہم جب پولیس نے جاوید کے بیانات کا جائزہ لیا تو اس میں تضاد پایا گیا۔ اس پر پولیس نے جاوید کو تھانے لے آ کر اس سے مزید تفتیش کی۔تفتیش کے دوران یہ بات سامنے آئی کہ جاوید کی کال جھوٹی تھی۔ اس دوران، جاوید کو چھڑوانے کے لیے مزمل نامی شخص تھانے پہنچا اور اپنے آپ کو ایف آئی اے لاہور کا ایس ایچ او ظاہر کیا۔ پولیس نے اس شخص کی شناخت کے لیے تفتیش کی، تو یہ معلوم ہوا کہ مزمل جعلی ایس ایچ او تھا۔اس کے بعد پولیس نے جاوید اور مزمل کے خلاف مقدمہ درج کر لیا۔ جعلی ایس ایچ او ایف آئی اے کے خلاف بھی کارروائی کی جا رہی ہے، اور دونوں ملزمان سے مزید تفتیش جاری ہے۔پولیس کا کہنا ہے کہ جھوٹے الزامات اور جعلی شناخت کی کوشش کرنے والے ملزمان کے خلاف سخت کارروائی کی جائے گی۔

    پاکستان، نیوزی لینڈ اور جنوبی افریقہ کے درمیان سیریز ،تیاریاں مکمل

    جی ایچ کیو حملہ کیس،عمران خان کے تاخیری حربے

  • کرغیزستان کے راستے یورپ بھجوانے میں ملوث ایجنٹ گرفتار

    کرغیزستان کے راستے یورپ بھجوانے میں ملوث ایجنٹ گرفتار

    وفاقی وزیر داخلہ محسن رضا نقوی کی ہدایات پر ایف آئی اے فیصل آباد زون نے انسانی سمگلنگ میں ملوث افراد کے خلاف کاروائی تیز کر دی ہے۔ اس سلسلے میں ایف آئی اے نے ایک بڑی کامیابی حاصل کی اور انسانی سمگلنگ میں ملوث ایک ایجنٹ کو گرفتار کر لیا۔

    ایف آئی اے کی چھاپہ مار ٹیم نے جھنگ روڈ، فیصل آباد میں کارروائی کرتے ہوئے ایجنٹ عامر حنیف کو گرفتار کر لیا۔ تحقیقات سے پتا چلا کہ ملزم نے سادہ لوح شہریوں کو غیر قانونی طریقے سے بیرون ملک بھجوانے کا دھندہ شروع کر رکھا تھا۔ ملزم نے متاثرہ شہریوں کو جرمنی میں ملازمت دلوانے کے لیے کرغیزستان بھیجا اور اس کے بدلے میں 70 لاکھ روپے سے زائد رقم ہتھیا لی۔عامر حنیف نے شہریوں کو وزٹ ویزے پر کرغیزستان بھیجا تھا، جہاں انہیں یورپ پہنچانے کے وعدے کیے گئے تھے۔ تاہم، یہ وعدے صرف دھوکہ دہی پر مبنی تھے اور متاثرہ شہری 6 ماہ کرغیزستان میں رہ کر واپس پاکستان آ گئے۔ملزم کو گرفتار کرتے ہوئے ایف آئی اے نے اس کے قبضے سے متعدد اہم شواہد، بشمول فون اور دیگر دستاویزات، برآمد کر لیے ہیں۔ تحقیقات سے یہ بھی سامنے آیا کہ ملزم ایک عالمی نیٹ ورک سے جڑا ہوا تھا، جس کے ذریعے وہ دیگر ساتھیوں کے ساتھ مل کر شہریوں کو غیر قانونی طریقے سے یورپ اور دیگر ممالک بھجوانے کا دھندہ کر رہا تھا۔

    ایف آئی اے فیصل آباد زون کے ڈائریکٹر نے اس کارروائی کی تصدیق کرتے ہوئے کہا کہ انسانی سمگلنگ میں ملوث تمام افراد کے خلاف کریک ڈاؤن جاری رکھا جائے گا۔ ان کے مطابق، خصوصی چھاپہ مار ٹیمیں تشکیل دی گئی ہیں اور انٹیلیجنس کی بنیاد پر مزید کارروائیاں کی جا رہی ہیں۔ ڈائریکٹر نے مزید کہا کہ معصوم لوگوں کی زندگیوں سے کھیلنے والوں کو سخت سزائیں دی جائیں گی۔گرفتار ملزم عامر حنیف سے تفتیش کا آغاز کر دیا گیا ہے اور دیگر ملزمان کی گرفتاری کے لیے چھاپے مارے جا رہے ہیں۔ ایف آئی اے نے عزم کا اظہار کیا ہے کہ کسی بھی صورت میں انسانی سمگلنگ کے کاروبار کو ختم کیا جائے گا اور متاثرین کو انصاف فراہم کیا جائے گا۔

    پاکستان، نیوزی لینڈ اور جنوبی افریقہ کے درمیان سیریز ،تیاریاں مکمل

    شادی کیلئے کراچی آئی امریکی خاتون کو وطن واپسی پر آمادہ کرلیاگیا

  • پاکستان، نیوزی لینڈ اور جنوبی افریقہ کے درمیان سیریز ،تیاریاں مکمل

    پاکستان، نیوزی لینڈ اور جنوبی افریقہ کے درمیان سیریز ،تیاریاں مکمل

    پاکستان، نیوزی لینڈ اور جنوبی افریقہ کے درمیان سہہ ملکی ون ڈے کرکٹ سیریز 8 فروری سے 14 فروری تک لاہور کے گڈافی اسٹیڈیم اور کراچی کے نیشنل بینک اسٹیڈیم میں کھیلی جائے گی۔ اس سیریز کا مقصد تمام ٹیموں کو آئندہ آئی سی سی چیمپئنز ٹرافی کے لیے تیاری کا موقع فراہم کرنا ہے۔

    سیریز کا شیڈول:
    8 فروری: پاکستان بمقابلہ نیوزی لینڈ (دن/رات)
    10 فروری: نیوزی لینڈ بمقابلہ جنوبی افریقہ (دن)
    12 فروری: پاکستان بمقابلہ جنوبی افریقہ (دن/رات)
    14 فروری: فائنل (دن/رات)
    تمام میچز پاکستان میں ٹی این اسپورٹس، پی ٹی وی اسپورٹس اور اے اسپورٹس پر براہ راست نشر کیے جائیں گے ،پاکستان اور نیوزی لینڈ کا میچ گڈافی اسٹیڈیم لاہور میں 8 فروری کو ہوگا، جس کا آغاز پاکستانی وقت کے مطابق 2 بجے ہوگا۔ 10 فروری کو نیوزی لینڈ اور جنوبی افریقہ کا میچ بھی اسی اسٹیڈیم میں کھیلا جائے گا جس کا آغاز صبح 9:30 بجے ہوگا۔اس کے بعد، 12 فروری کو پاکستان اور جنوبی افریقہ کا میچ کراچی کے نیشنل بینک اسٹیڈیم میں دن-رات کے میچ کی صورت میں کھیلا جائے گا۔ اس میچ کا آغاز بھی 2 بجے ہوگا۔

    پاکستانی ٹیم کے کپتان محمد رضوان، جو گزشتہ سال آسٹریلیا، زمبابوے اور جنوبی افریقہ کے خلاف ون ڈے سیریز جیت چکے ہیں، اس سیریز میں مسلسل چوتھی کامیابی کی کوشش کریں گے۔ انہوں نے کہا، "ہم اپنے گھر کے شائقین کے سامنے کھیلنے کے لیے بہت پرجوش ہیں اور نئی اسٹیڈیمز میں کھیلنا ہمارے لیے ایک زبردست تجربہ ہوگا۔”

    نیوزی لینڈ نے 7 فروری کو لاہور کے ایل سی سی اے گراؤنڈ میں پہلی ٹریننگ سیشن کیا اور وہ اس سیریز میں اچھا آغاز کرنے کے لیے پرعزم ہیں۔ نیوزی لینڈ کے کھلاڑی مچل سینٹنر نے کہا، "ہم نے لاہور میں اچھا ٹریننگ سیشن کیا ہے اور ہم پاکستان کے خلاف میچ کے لیے پرجوش ہیں۔”

    جنوبی افریقی ٹیم کپتان تیمبا باووما کی قیادت میں لاہور پہنچ چکی ہے اور وہ 8 فروری سے اپنی ٹریننگ شروع کریں گے۔ تیمبا باووما نے کہا، "یہ سیریز ہمارے لیے ایک بہترین موقع ہے تاکہ ہم آئی سی سی چیمپئنز ٹرافی سے پہلے یہاں کے حالات سے واقف ہو سکیں۔”

    یہ سہہ ملکی سیریز تمام تینوں ٹیموں کو آئی سی سی چیمپئنز ٹرافی کی تیاری کے لیے ایک موقع فراہم کرے گی، جو 19 فروری سے کراچی میں شروع ہو رہی ہے، جہاں میزبان پاکستان اپنے پہلے میچ میں نیوزی لینڈ کا مقابلہ کرے گا۔

  • سونا ملکی تاریخ میں پہلی بار 3 لاکھ کی حد عبور کرگیا

    سونا ملکی تاریخ میں پہلی بار 3 لاکھ کی حد عبور کرگیا

    کراچی: پاکستان میں سونے کی قیمت تاریخ کی نئی بلند ترین سطح پر پہنچ گئی ہے۔

    آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 1346 روپے کا اضافہ ریکارڈ کیا گیا ہے، جس کے بعد سونے کی فی تولہ قیمت 3 لاکھ 346 روپے تک پہنچ گئی ہے۔سونے کی قیمت میں اس اضافے کے بعد 10 گرام سونا بھی 1154 روپے مہنگا ہو گیا ہے اور اس کی قیمت 2 لاکھ 57 ہزار 241 روپے تک پہنچ گئی ہے۔

    بین الاقوامی مارکیٹ میں بھی سونے کی قیمتوں میں اضافہ دیکھنے کو ملا ہے، جہاں سونے کی قیمت 10 ڈالر اضافے کے بعد 2869 ڈالر فی اونس تک پہنچ گئی ہے۔

    پاکستان میں سونے کی قیمتوں میں حالیہ اضافہ عالمی سطح پر سونے کی قیمتوں میں ہونے والے اضافے کی وجہ سے ہوا ہے، جس سے ملک میں سونے کی خرید و فروخت پر اثرات مرتب ہو رہے ہیں۔اس بڑھتی ہوئی قیمتوں کے ساتھ، عوام میں سونے کی خریداری میں کمی دیکھنے کو مل رہی ہے، اور سرمایہ کار سونے کو ایک محفوظ سرمایہ کاری کے طور پر دیکھ رہے ہیں۔اس وقت سونے کی قیمت نے ملکی تاریخ میں ایک نیا سنگ میل عبور کیا ہے، جس کے بعد عوام اور تجارتی حلقوں میں سونے کی قیمتوں کے مزید اضافے کی توقعات بھی بڑھ گئی ہیں۔