Author: ممتاز حیدر

لاہور کی انسدادِ دہشت گردی کی عدالت نے سابق وزیرِ اعلیٰ پنجاب چوہدری پرویز الہیٰ کے گھر پر چھاپے کے دوران پولیس پر حملے کے مقدمے سے دہشت گردی کے قانون کی دفعات ختم کرنے کی درخواست کو مسترد کر دیا ہے۔

عدالت نے مقدمے میں فریقین کے دلائل سننے کے بعد فیصلہ سنایا کہ دہشت گردی کے قانون کی دفعات مقدمے سے نہیں نکالی جائیں گی۔ اس کے بعد انسدادِ دہشت گردی کی عدالت نے پراسیکیوشن کے گواہوں کو بیان ریکارڈ کرانے کے لیے طلب کرتے ہوئے ٹرائل کی مزید کارروائی 22 فروری تک ملتوی کر دی۔اس مقدمے میں 15 ملزمان کو نامزد کیا گیا ہے، اور ان ملزمان نے مقدمے کو عام فوجداری عدالت میں منتقل کرنے کی درخواست کی تھی۔ ملزمان پر الزام ہے کہ انہوں نے پولیس پر حملہ کیا، کارِ سرکار میں مداخلت کی، اور پیٹرول بم پھینکے۔یہ مقدمہ تھانہ غالب مارکیٹ پولیس کی جانب سے درج کیا گیا تھا۔

پاکستان اسلامک کونسل کے چئیرمین اور جامعہ سعیدیہ سلفیہ کے پرنسپل ڈاکٹر حافظ مسعوداظہر نے کہا ہے کہ سعودی عرب کی طرف سے پاکستان کےلئے مشکل ترین حالات میں 1.61کروڑ ڈالر کے معاہدے اور ایک سال کےلئے 1.2 ارب ڈالر تیل کی موخر ادائیگی کی سہولت دینے کا ہم خیر مقدم کرتے ہیں ۔ مشکل ترین معاشی حالات میں خطیر امداد دے کر سعودی عرب نے ثابت کردیا ہے کہ وہ پاکستان کا مخلص دوست ہے ۔اس امداد اور معاہدوں پر پاکستانی قوم خادم الحرمین الشریفین شاہ سلمان اور ولیعہد محمد بن سلمان کی شکر گزار ہے ۔انھوں کہا کہ اس سے پہلے بھی سعودی عرب نے سٹیٹ بینک میں موجود 3ارب ڈالر ڈیپازٹ کی مدت میں توسیع کرکے پاکستان کو ڈیفالٹ ہونے سے بچایا ہے ۔ 1.61کروڑ ڈالر کے معاہدے اور 1.2ارب ڈالر تیل کی موخر ادائیگی کے علاوہ سعودی ڈویلپمنٹ فنڈ اور خیبرپختونخوا 41ملین ڈالر کی مفاہمتی یاداشت پر بھی دستخط کئے ہیں ۔ یہ خطیر رقم گریوٹی فلو واٹر سپلائی سکیموں پر خرچ کی جائے گی جس سے پہاڑی علاقوں میں پانی کا بہاﺅ بہتر ہوگا اور صوبہ خیبر پی کے خوراک میں خود کفیل ہوگا ۔انھوں نے کہا یہ کوئی پہلا موقع نہیں کہ سعودی عرب نے پاکستان کےلئے امداد کی ہو بلکہ قیام پاکستان سے لے کر اب تک ہر مشکل وقت میں سعودی حکمرانوں نے مدد کی ہے ۔ گوادر میں آنے والے سیلاب میں متاثرین کی مدد وبحالی کےلئے بھی سب سے پہلے سعودی عرب نے سامان پہنچایا تھا ۔ سعودی عرب اور پاکستان یک جان دو قالب ہیں دونوں ممالک کی دوستی ہمالہ سے بلند ، سمندروں سے گہری اور شہد سے میٹھی ہے اسلئے کہ اس دوستی کی بنیاد کلمہ توحید پر ہے ۔پاکستان اور سعودی عرب کے تعلقات ہر شعبے میں مضبوط سے مضبوط تر ہورہے ہیں ۔ دونوں ملکوں کی باہم دوستی کا یہ رشتہ اسی وقت قائم ہوگیا تھا جب پاکستان معرض وجود میں آیا تھا۔ اسی طرح جب بھی پاکستان پر کوئی مشکل وقت آتا ہے تو حرمین کے امام پاکستان کی سلامتی کےلئے دعائیں کرتے ہیں۔

گورنر پنجاب سردار سلیم حیدرنے کہا ہے کہ مجھے گارنٹی ہے تارڑ صاحب (عطا تارڑ) ہارے ہوئے تھے، پورا راولپنڈی اور اٹک فارم 47 پر ہے،

گورنر پنجاب سردار سلیم حیدرکے ایک انٹرویو کی ویڈیو سامنے آئی ہے جس میں گورنر پنجاب سردار سلیم حیدر ایک سوال کا جواب دیتے ہوئے کہتے ہیں کہ مجھے گارنٹی ہے تارڑ صاحب جیتے ہوئے نہیں، تارر صاحب ہارے ہیں،سارے ہی فارم 47 پر ہیں، پورا پاکستان 47 پر ہے، میرے حلقے میں بھی جو جیتا وہ فارم 47 پر ہے، پورا پنڈی، کراچی سے بھی جو جیتے وہ بھی فارم 47 پر ہیں، آر اوز کا الیکشن ہے، مینج کیا گیا ، جو جیتے ہیں وہ بتا سکتے ہیں، میں تو ہارا ہوں،اٹک میں میرا حلقہ (این اے 50) فارم 47 پر ہے،

گورنر پنجاب سردار سلیم حیدر کی اس گفتگو نے ایک بار پھر انتخابات کے نتائج پر سوالات اٹھا دیے ہیں اور ان کے بیان نے ملکی سیاست میں نئی بحث کو جنم دیا ہے۔پی ٹی آئی جودعویٰ کرتی ہے کہ حکومت فارم 47 پر مبنی ہے،گورنر پنجاب کے اس بیان کے بعد انتخابات پر سوالیہ نشان اٹھنا شروع ہو گئے ہیں،پیپلز پارٹی کے چیئرمین بلاول زرداری نے لاہور سے بھی الیکشن لڑا تھا اور انکے مقابلے میں ن لیگ کی جانب سے عطا تارڑ امیدوار تھے.