Author: ممتاز حیدر

نیشنل ڈیفنس یونیورسٹی اسلام آباد میں کشمیر پر خصوصی پالیسی دستاویز جاری کر دی گئی

نیشنل ڈیفنس یونیورسٹی کے انسٹی ٹیوٹ برائے اسٹریٹجک اسٹڈیز، ریسرچ اینڈ اینالیسس نے 4 فروری 2025 کو اپنا اسٹریٹجی پیپر جاری کیا ، دستاویز کا عنوان "کشمیر پر اسٹریٹجک راستوں کی تلاش” ہے،یہ تحقیق معروف قانون دان جمال عزیز نے تحریر کی ہے، جو ریسرچ سوسائٹی آف انٹرنیشنل لا کے ایگزیکٹو ڈائریکٹر اور این ڈی یو میں سینٹر آف ایکسیلینس فار انٹرنیشنل لا کے ڈائریکٹر ہیں،اس پالیسی دستاویز میں کشمیر کے بدلتے ہوئے اسٹریٹجک منظرنامے کا تجزیہ کیا گیا ہے، دستاویز میں پاکستان کے لیے پالیسی سفارشات بھی پیش کی گئی ہیں،تقریبِ رونمائی این ڈی یو میں منعقد ہوئی،سینیٹر مشاہد حسین سید نے بطور مہمانِ خصوصی تقریب ِ رونمائی میں شرکت کی

تقریب کا آغاز ISSRA کے ڈائریکٹر جنرل میجر جنرل محمد رضا اعزاز (ہلال امتیاز)، کی تقریر سے ہوا، جس کے بعد جمال عزیز نے اپنی تحقیقاتی رپورٹ پیش کی،تقریب میں ڈسکشن پینل بھی شامل تھا، جس کا موضوع "مستقبل کی تشکیل: پاکستان کی کشمیر پالیسی کے لیے اسٹریٹجک ترجیحات” تھا،یہ مباحثہ جمال عزیز نے ماڈریٹ کیا، جبکہ پینل میں لیفٹیننٹ جنرل (ریٹائرڈ) عامر ریاض، محترمہ فرزانہ یعقوب، مشرف زیدی اور اسد رحیم خان شامل تھے،پینل کے ممبران نے پاکستان کی کشمیر پالیسی کے اسٹریٹجک ترجیحات پر اپنے خیالات کا اظہار کیا،تقریب میں سیاستدانوں، سرکاری عہدیداران، سینئر فوجی افسران، تھنک ٹینکس اور دفاعی اداروں کے نمائندگان، میڈیا ماہرین، وکلاء، ماہرین تعلیم، اور این ڈی یو کے سابق طلباء سمیت ایک ممتاز اجتماع شریک تھا،اس کے علاوہ، صدر این ڈی یو، لیفٹیننٹ جنرل بابر افتخار (ہلال امتیاز) نے بھی تقریب میں شرکت کی

یہ ISSRA اسٹریٹجی پیپر پاکستان کی کشمیر پالیسی کے درمیانی اور طویل مدتی آپشنز کا تجزیہ اور مستقبل کے لیے ایک اسٹریٹجک سمت تجویز کرتا ہے،یہ تحقیق ایک سال کی محنت کا نتیجہ ہے، جس میں وسیع مشاورت، متعدد مرحلوں پر نظرثانی، اور گہری تجزیاتی جانچ شامل ہے،تحقیق میں کشمیر کی متنازع حیثیت کو بین الاقوامی قانون کے تحت برقرار رکھنے، بھارت کے یکطرفہ اقدامات کا مؤثر جواب دینے اور عالمی سطح پر کشمیر کے مسئلے پر پاکستان کی پوزیشن کو مضبوط کرنے پر زور دیا گیا ہے

مباحثے میں اس بات پر زور دیا گیا کہ؛” پاکستان کو کشمیر کے حل میں مرکزی حیثیت حاصل ہونی چاہیے”مسئلہ کشمیر کا ایسا حل تلاش کرنا ہوگا جو بین الاقوامی طور پر تسلیم شدہ، سیاسی طور پر قابلِ عمل، اور پاکستان کے اسٹریٹجک مفادات اور کشمیری عوام کی امنگوں سے ہم آہنگ ہو،

یہ اسٹریٹجی پیپر ایک عملی اور قابلِ عمل پالیسی دستاویز کے طور پر تیار کیا گیا ہے، جو بدلتے ہوئے جغرافیائی و سیاسی حالات میں پاکستان کی سفارتی، اسٹریٹجک، اور قانونی حکمتِ عملی کی راہ متعین کرے گا

پاکستان میں میڈیا کی آزادی کے حوالے سے ایک نیا موڑ سامنے آیا ہے، جب اینکرز ایسوسی ایشن نے پیکا ایکٹ میں حالیہ ترمیم کو اسلام آباد ہائی کورٹ میں چیلنج کر دیا ہے۔

سینئر اینکر پرسنز حامد میر، نسیم زہرہ، عدنان حیدر اور امیر عباس نے اس درخواست پر دستخط کیے ہیں، جس میں پیکا ایکٹ کی اس ترمیم کو غیر آئینی قرار دینے کی درخواست کی گئی ہے۔یہ درخواست صدر اسلام آباد ہائی کورٹ بار ریاست علی آزاد اور عمرآن شفیق ایڈوکیٹ کے ذریعے دائر کی گئی ہے۔ درخواست میں مؤقف اپنایا گیا ہے کہ پیکا ایکٹ میں کی گئی ترمیم میڈیا کی آزادی پر قدغن لگاتی ہے اور یہ بنیادی حقوق کے خلاف ہے۔اس درخواست کو مستند بنانے کے لیے سینئر اینکرز نے بائیو میٹرک تصدیق بھی کروا لی ہے، جو قانونی تقاضوں کو پورا کرنے کے لیے ضروری تھی۔ ان اینکرز کا کہنا ہے کہ اس ترمیم سے میڈیا کی آزادی پر غیر ضروری پابندیاں عائد ہو رہی ہیں، جو پاکستان کے آئین کے مطابق نہیں ہیں۔

اس درخواست کی اہمیت اس لیے بھی بڑھ جاتی ہے کہ اس سے میڈیا کی آزادی اور صحافت کے آئینی حقوق پر ایک بڑی بحث شروع ہو سکتی ہے۔اینکرز ایسوسی ایشن نے اس قدم کو ایک اہم نوعیت کا اقدام قرار دیا ہے اور ان کا کہنا ہے کہ وہ میڈیا کی آزادی کے تحفظ کے لیے تمام قانونی حربے استعمال کریں گے۔

پی ایف یو جے نے پیکا ترمیمی ایکٹ اسلام آباد ہائیکورٹ میں چیلنج کر دیا

لاہور ہائیکورٹ،پیکا ترمیمی ایکٹ کیخلاف درخواست پر نوٹس جاری

پیکا قانون کے تحت مقدمات درج، ایک شخص گرفتار

حکومتی نمائندوں کا پیکا قانون سازی پر جلد بازی کا اعتراف

پیپلز پارٹی کے چیئرمین بلاول بھٹو زرداری نے کہا ہے کہ پاکستان اور امریکا کے عوامی رابطے مزید مستحکم کیے جانے چاہیے۔

انہوں نے یہ بات واشنگٹن میں ہونے والی قومی دعائیہ ناشتے کی تقریب کے دوران پاکستانی میڈیا نمائندگان سے گفتگو کرتے ہوئے کہی۔ بلاول بھٹو زرداری نے اس موقع پر بتایا کہ انہوں نے امریکی حکام سمیت دنیا بھر کے رہنماؤں سے اہم ملاقاتیں کیں۔ نیشنل پریئر بریک فاسٹ کی تقریب میں دنیا بھر سے اہم ترین شخصیات شریک ہوئیں، اور امریکی صدر ڈونلڈ ٹرمپ نے اختتامی خطاب بھی کیا۔ بلاول بھٹو زرداری نے کہا کہ اس موقع پر مذہبی ہم آہنگی کے فروغ کے لیے بات چیت ہوئی اور مذہب کو تقسیم کرنے کی بجائے ایک قوتِ متحدہ کے طور پر استعمال کرنے کی ضرورت پر زور دیا گیا۔

بلاول بھٹو زرداری نے خطاب کے دوران کہا کہ یہ بریک فاسٹ بین المذاہب ہم آہنگی کا ایک شاندار موقع ہے اور اس کے ذریعے دنیا بھر کے مذاہب کے ماننے والوں کے درمیان تعاون اور سمجھ بڑھانے کی ضرورت ہے۔ انہوں نے یہ بھی کہا کہ ہمیں ایک دوسرے کے ساتھ برابری کی سطح پر سلوک کرنا چاہیے، اور ہر مسلمان حضرت عیسیٰ علیہ السلام کی عزت کرتا ہے۔پیپلز پارٹی کے چیئرمین نے میڈیا سے بات کرتے ہوئے یہ بھی کہا کہ انہوں نے امریکی کانگریس کے اراکین سے بھی ملاقاتیں کیں۔ تاہم انہوں نے واضح کیا کہ وہ اب وزیر خارجہ نہیں ہیں اور ان تمام ملاقاتوں کو ذاتی حیثیت میں انجام دیا۔اس تقریب کے دوران، دنیا بھر سے اہم شخصیات نے شرکت کی، اور امریکی صدر ٹرمپ نے اختتام پر خطاب کیا۔

امریکی صدر نے عالمی فوجداری عدالت پر پابندیاں عائد کر دیں

سحر کامران کا پی ٹی وی کے معاملات پر گہری تشویش کا اظہار

پاکستان پیپلز پارٹی کی سینیئر رہنما سحر کامران نے چیئرمین قائمہ کمیٹی برائے اطلاعات و نشریات کو خط لکھا ہے جس میں
سحر کامران نے وزارت اطلاعات و نشریات اور پی ٹی وی کے معاملات پر گہری تشویش کا اظہار کیا ہے۔

سحر کامران نے کہا کہ وزارت نے کمیٹی کو نامکمل معلومات فراہم کی ہیں، جو شفافیت کے اصولوں کے خلاف ہے۔ انہوں نے وزارت کی کارکردگی پر سوال اٹھایا اور کمیٹی کی سفارشات پر عمل درآمد نہ ہونے کو بھی وزارت کی کارکردگی میں ناکامی قرار دیا۔سحر کامران نے مطالبہ کیا کہ پی ٹی وی میں کی جانے والی بھرتیوں، برطرفیوں اور دوبارہ بھرتیوں کی مکمل تفصیلات فراہم کی جائیں تاکہ اس عمل میں شفافیت یقینی بنائی جا سکے۔انہوں نے کہا کہ پی بی سی پراپرٹیز کے کرایوں کی نظر ثانی کی ضرورت ہے کیونکہ موجودہ کرایہ کی شرح مارکیٹ کے حقائق سے ہم آہنگ نہیں ہے۔ اس کے علاوہ، کرایہ داروں کی تفصیلات اور کرایہ داری کے دورانیہ کی وضاحت طلب کی گئی ہے۔

سحر کامران نے کہا کہ پی ایس ڈی پی کے لیے مجوزہ رقم غیر معقول ہے، اور اس حوالے سے مزید وضاحت کی ضرورت ہے۔انہوں نے یہ بھی کہا کہ جاری اسکیموں کے لیے ایڈمنسٹریٹیو اپرُوول میں تاخیر کی وجوہات واضح کی جائیں تاکہ ان مسائل کو حل کیا جا سکے۔سحر کامران نے کہا کہ پی ٹی وی پارلیمنٹ چینل کے قیام کے لیے 1.6 بلین روپے مختص کرنا سمجھ سے بالاتر ہے، اور اس فیصلے پر مزید بحث کی ضرورت ہے۔سحر کامران نے ان تمام نکات کو سامنے رکھتے ہوئے، وزارت اور پی ٹی وی کے معاملات میں فوری اصلاحات اور شفافیت کی ضرورت پر زور دیا۔

پی آئی اے کی ناکام نجکاری،اخراجات کا ذمہ دار کون ہے ، سحر کامران

بینظیر بھٹو ہمیشہ ہمارے ساتھ رہیں گی، ان کی روح کو سلام،سحر کامران

کرسمس کا تہوار محبت، اخوت اور امن کا پیغام دیتا ہے،سحر کامران