Author: ممتاز حیدر

احمد تھیلیسیمیا کئیر ہسپتال کنگن پور قصور کے دوسرے یوم تاسیس کے موقع پر 18 فروری کو تقریب ہو گی،سینئر صحافی و اینکر پرسن مبشر لقمان تقریب میں مہمان خصوصی کی حیثیت سے شرکت کریں گے۔تقریب منگل کو دن 12 بجے الہ آباد روڈ کنگن پور قصور میں منعقد ہو گی،اس تقریب میں مختلف شخصیات کے علاوہ صحافی، سماجی کارکنان اور صحت کے شعبے سے وابستہ افراد بھی موجود ہوں گے۔ اس موقع پر تھیلیسیمیا کے مریضوں کے علاج کے لیے کی جانے والی اہم کوششوں اور ہسپتال کی کامیابیوں پر بات چیت کی جائے گی، اور اس بات کا جائزہ لیا جائے گا کہ کس طرح اس ادارے نے کمیونٹی کے افراد کی زندگیوں میں بہتری لائی ہے۔یوم تاسیس کی یہ تقریب نہ صرف احمد تھیلیسیمیا کئیر ہسپتال کی کامیابیوں کا جشن ہو گی بلکہ اس کے ذریعے تھیلیسیمیا جیسے پیچیدہ مرض کے حوالے سے آگاہی پھیلانے کی بھی کوشش کی جائے گی۔

احمد تھیلیسیمیا کئیر ہسپتال کے چیئرمین محمد سعید کا کہنا ہے کہ راہ عزم و وفا اور خدمت خلق کے دو سال مکمل الحمدللہ ، خدمت کے دو سال مکمل ہونے پر اپنے ڈونرز، کارکنان، زمہ داران اور اہل علاقہ کو ہسپتال کی اب تک کی مکمل رپورٹ پیش کی جائے گی آئندہ کے منصوبوں پر بریفننگ اور وسائل و ضروریات، اخراجات پر آگاہ گیا جائے گا۔ ہم احباب سے اس عظیم الشان پروگرام میں شرکت کی اپیل کرتے ہیں تھیلیسیمیا کے سینکڑوں مریض بچے آپ کے منتظر رہیں گے۔ آئیں دیکھیں کہ آپ کا تعاون کتنی زندگیاں بچا رہا ہے۔ آپ کی سپورٹ سے کتنے دیے روشن ہیں کتنے پھول تروتازہ ہیں۔اس فقید المثال پروگرام میں ملک بھر کی نامور سیاسی و سماجی، مذہبی اور کاروباری شخصیات و سرکاری افسران تشریف لارہے ہیں۔

5 فروری 2025یوم یکجہتی کشمیر کے سلسلہ میں آل پاکستان رائٹرز ویلفیئر ایسوسی ایشن کے زیر اہتمام پاک ہیریٹیج ہوٹل لاہور میں ایک پروقار تقریب کا انعقاد کیا گیا جس میں کشمیر کے ساتھ اظہار یکجہتی کا عزم دہرایا گیا۔

تقریب کے شرکاء نے کشمیر کے مسئلے کے حل کے لیے عالمی برادری پر زور دیا اور کشمیریوں کے حق خودارادیت کی حمایت کا اعادہ کیا اور کہا کہ کہا کہ پاکستان ہمیشہ کشمیریوں کے ساتھ کھڑا رہے گا اور ان کی جدوجہد میں ان کا ساتھ دے گا۔تقریب میں اپووا عہدیداران و ممبران نے کثیر تعداد میں شرکت کی اور کشمیریوں کی جدوجہد کو خراج تحسین پیش کیا۔اس کے علاوہ، تقریب میں سال 2025 کےلئے عہدے داران کو نوٹیفکیشن بھی ایشو کیے گئے۔ نوٹیفکیشن میں عہدے داران کی ذمہ داریوں اور فرائض کا تعین کیا گیا ہے تاکہ وہ بہتر طریقے سے اپنی خدمات انجام دے سکیں۔تقریب کے اختتام پر عہدے داران میں اسناد تقسیم کی گئیں اور ان کی خدمات کو سراہا گیا۔تقریب میں شرکاء کے لئے پرتکلف بوفے ناشتہ کا اہتمام بھی کیا گیا تھا ۔تقریب میں سنیئر صحافی ندیم نظر،سماجی و سیاسی شخصیت ریاض احمد احسان ،معروف قانون دان سعدیہ ہما شیخ،صدارتی ایوارڈ یافتہ لکھاری حاجی عبدالطیف کھوکھر ،مصنف کتاب الکثیرا عبدالصمد مظفر،بانی اپووا ایم ایم علی،وائس چیئرمین حافظ محمد زاہد ۔مرکزی صدر ثمینہ طاہر بٹ،نائب صدور سفیان فاروقی اور اسلم سیال،صدر خواتین ونگ سحرش خان،جنرل سیکرٹری مدیحہ کنول،ساجدہ اصغر،نبیلہ اکبر،اظہر حسین بھٹی،محمد توصیف ملک،محمد معاویہ،ایمن سعید،قرۃ العین خالد،لاریب اقرء،نادر فہمی،اویس چوہدری،ندیم صدیقی اور دیگر نے شرکت کی۔جبکہ چئیرمین اپووا زبیر احمد انصاری طبعیت ناسازی کے باعث تقریب میں شرکت نہ کر سکے۔

سابق کپتان پاکستان کرکٹ ٹیم بابر اعظم کے خلاف خاتون کو جنسی ہراساں کرنے کے الزام میں مقدمہ کے اندراج کے حکم کے خلاف درخواست کی سماعت لاہور ہائیکورٹ میں ہوئی۔

جسٹس اسجد جاوید گھرال نے درخواست پر سماعت کی اور اہم ریمارکس دیے۔لاہور ہائیکورٹ میں سابق کرکٹ کپتان بابر اعظم کی درخواست پر سماعت ہوئی جس میں انہوں نے ٹرائل کورٹ کے فیصلے کو چیلنج کیا تھا جس میں خاتون کو ہراساں کرنے کے الزام میں مقدمہ درج کرنے کا حکم دیا گیا تھا۔ بابر اعظم کی طرف سے بیرسٹر حارث عظمت پیش ہوئے۔جسٹس اسجد جاوید گھرال نے دوران سماعت سوال کیا کہ مدعیہ خاتون کو طلب کیا گیا تھا اور وہ کہاں ہیں؟ خاتون کے وکیل نے عدالت کو بتایا کہ ان کا ایکسڈنٹ ہو گیا ہے، جس کی وجہ سے وہ عدالت میں پیش نہیں ہو سکیں۔ جسٹس اسجد جاوید گھرال نے مزید سوال کیا کہ چیمپیئنز ٹرافی کے میچز کب سے کب تک ہیں؟ جس پر بیرسٹر حارث عظمت نے جواب دیا کہ میچز مارچ تک جاری رہیں گے۔

جسٹس اسجد جاوید گھرال نے ریمارکس دیتے ہوئے کہا کہ اس کیس کی سماعت کو اپریل کے دوسرے ہفتے تک ملتوی کیا جا رہا ہے تاکہ چیمپیئنز ٹرافی کے دوران بابر اعظم کو کسی قسم کی پریشانی یا ڈسٹربنس کا سامنا نہ ہو۔ عدالت نے یہ بھی کہا کہ چیمپیئنز ٹرافی کے میچز کے بعد کیس کی سماعت کی جائے گی۔اس درخواست کی سماعت اپریل تک ملتوی کر دی گئی ہے، اور ہائیکورٹ نے ٹرائل کورٹ کے مقدمہ کے اندراج کے حکم کو معطل کر رکھا ہے۔

واضح رہے کہ خاتون حامیزہ کی طرف سے لاہور کی عدالت میں ایک اور درخواست دائر کی گئی تھی جس میں مؤقف اپنایا گیا ہے کہ بابر اعظم کے خلاف مقدمے کی درخواست پر بابر اعظم کے والد، بھائی، ایس ایچ او تھانہ ڈیفنس اے اور دیگر افراد ہراساں کر رہے ہیں۔ بابر اعظم کا خاندان مقدمے کی درخواست واپس لینے کے لیے دباؤ ڈال رہا ہے۔قبل ازیں پاکستان کرکٹ ٹیم کے کپتان کیخلاف اندراج مقدمہ کے لیے ہامزہ نے سیشن کورٹ سے رجوع کیا تھا،عدالت نے مقدمہ درج کرنے کا حکم دیا تھا جس کو بابراعظم نے لاہور ہائیکورٹ میں چیلنج کر دیا تھ

بابراعظم شادی کا جھانسہ دے کر10 سال تک زیادتی کرتا رہا:میں نے بابرکی خاطربڑی قربانیاں دیں :حامزہ نے سارےپردے فاش کردیے

بابراعظم کس طرح حامزہ کوبلیک میل کرتے رہے:پردے میں ہونے والی گفتگو،رازونیاز کی باتیں سامنے آگئیں

بابراعظم کی حامیزہ کے ساتھ جنسی زیادتی،بلیک میلنگ:پی سی بی”مٹّی پاو”کہہ کرمظلوم کی بجائےظالم کے ساتھ کھڑی ہوگئی

بابر اعظم پر الزام لگانیوالی خاتون مدد طلب کرنے کہاں پہنچ گئی؟

واضح رہے کہ لاہور پریس کلب میں پریس کانفرنس کرتے ہوئے حامیزہ نے بابر اعظم پر الزامات عائد کرتے ہوئے کہا کہ بابر مجھے کورٹ میرج کے بہانے گھر سے بھگاکر لے گیا اور مختلف جگہوں پر کرائے کے مکانوں پر رکھتا رہا۔حامیزہ نامی لڑکی نے دعویٰ کیا کہ میرے ساتھ زیادتی کرنے والا کوئی عام شخص نہیں بلکہ بابر اعظم ہے  بابر اعظم سے میرا تعلق اس وقت کا ہے جب بابر کرکٹ نے کرکٹ کی دنیا میں قدم نہیں رکھا تھا اور بابر ایک غریب گھرانے سے تعلق رکھتا تھا۔

مرکزی مسلم لیگ کے قائدین نے امریکی صدر ڈونلڈ ٹرمپ کے غزہ کے بارے میں حالیہ بیان کی شدید مذمت کرتے ہوئے کہا ہے کہ ٹرمپ کا غزہ پر قبضے کا بیان ،امریکہ اسرائیل گٹھ جوڑ ہے،ٹرمپ فلسطینیوں کی نسل کشی کی حمایت کر رہے ہیں، غزہ پر امریکی صدر کی مداخلت عالمی قوانین کی کھلی خلاف ورزی اور فلسطینی عوام کے بنیادی حقوق پر براہ راست حملہ ہے.جنگوں کے خاتمے کے دعویدار ٹرمپ کے غزہ پر قبضے کا خواب کبھی پورا نہیں ہو گا.

مرکزی مسلم لیگ کے صدر خالد مسعود سندھو، سیکرٹری جنرل سیف اللہ خالد، ترجمان تابش قیوم نے مشترکہ بیان میں کہا کہ فلسطین کے عوام کی تقدیر کا فیصلہ کرنے کا اختیار کسی بیرونی طاقت کو نہیں دیا جا سکتا۔ ٹرمپ کا غزہ کی تعمیر نو کے نام پر زمینوں پر قبضے کا عندیہ دینا دراصل فلسطینی عوام کی خودمختاری اور آزادی کو سبوتاژ کرنے کی ایک مذموم سازش ہے، جسے کسی بھی صورت قبول نہیں کیا جا سکتا،فلسطینیوں نے آزادی کے لئے بے شمار قربانیاں دی ہیں اور انہوں نے ہی اسرائیل کو جنگ بندی کے لئے مجبور کیا ،ٹرمپ کا غزہ پر قبضے بارے بیان ناقابل قبول ہے، ٹرمپ اور اسرائیلی وزیراعظم کی ملاقات نے اسرائیل کو مزید شہہ دی ہے۔ضرورت اس امر کی ہے کہ امت مسلمہ فلسطینیوں کی حمایت میں متحد ہو۔غزہ کے باسیوں کو ٹرمپ یا امریکہ نہیں امت مسلمہ کی مدد کی ضرورت ہے، بھارت کو کشمیر اور اسرائیل کو فلسطین سے نکلنے کے لئے مجبور کرنا ہوگا تاکہ امن کا قیام ممکن ہو سکے۔

مرکزی مسلم لیگ کے رہنماؤں خالد مسعود سندھو، سیف اللہ خالد ،تابش قیوم کا کہنا تھا کہ اقوام متحدہ،او آئی سی سمیت عالمی دنیا امریکی عزائم کے خلاف سخت اقدامات کریں اور فلسطینی عوام کے حقوق کے تحفظ کو یقینی بنائیں۔ اگر امت مسلمہ نے آج بھی خاموشی اختیار کی تو تاریخ ہمیں معاف نہیں کرے گی،صدر مرکزی مسلم لیگ خالد مسعود سندھو کا مزید کہنا تھا کہ مسئلہ کشمیر پر بھارت سے مذاکرات اقوام متحدہ کی قراردادوں کے مطابق اصولی مؤقف پر ہونے چاہئے،یوم یکجہتی کشمیر کے موقع پر پاکستانی قوم کی ملک بھر میں کشمیریوں سے یکجہتی مودی سرکار کے لئے پیغام ہے کہ پاکستانیوں کا بچہ بچہ اہل کشمیر کے ساتھ کھڑا ہے،حکومت پاکستان کشمیریوں کا مقدمہ پورے شدو مد کے ساتھ عالمی سطح پر اُٹھائے اوربھارتی ریاستی دہشت گردی کو پوری دنیا کے سامنے اجاگر کرے.