Author: ممتاز حیدر

ایران پر حملے کے نتیجے میں امریکی صدر ڈونلڈ ٹرمپ کے مواخذے کے امکانات بڑھ کر 67 فیصد ہوگئے ہیں ۔

یہ بات امریکی میڈیا نے سٹہ بازار کے اعداد و شمار کی بنیاد پر کہی ہے ،ماہرین کا کہنا ہے کہ سٹہ بازار سیاسی ماحول کی عکاسی تو کرتا ہے لیکن اُسے حتمی پیش گوئی نہیں سمجھا جا سکتا ۔،سیاسی تجزیہ کاروں کے مطابق فی الحال ٹرمپ کے مواخذے کا امکان کم ہے کیونکہ ری پبلکن پارٹی ایوانِ نمائندگان اور سینیٹ دونوں میں اکثریت رکھتی ہے اور پارٹی کے ارکان کی بڑی تعداد صدر کی حمایت کر رہی ہے ،تاہم اگر اس سال نومبر کے وسط مدتی انتخابات میں ڈیموکریٹس ایوانِ نمائندگان میں اکثریت حاصل کر لیتے ہیں تو صورتِ حال بدل سکتی ہے.

ایرانی صدر مسعود پزشکیان نے ہفتہ کی صبح عرب خلیجی ممالک سے غیرمعمولی خطاب میں معافی مانگتے ہوئے اعلان کیا ہے کہ ایران اب اپنے پڑوسی ممالک پر حملے نہیں کرے گا، جب تک ان ممالک کی سرزمین سے ایران کے خلاف کارروائی نہ کی جائے۔

ایرانی سرکاری ٹیلی وژن پر نشر ہونے والے خطاب میں صدر پزشکیان نے کہا “میں ذاتی طور پر ان پڑوسی ممالک سے معذرت خواہ ہوں جن پر ایران کی جانب سے حملے ہوئے۔ ہمارا ارادہ اپنے پڑوسی ممالک کو نشانہ بنانے کا نہیں ہے۔ جیسا کہ میں پہلے بھی کہہ چکا ہوں، وہ ہمارے بھائی ہیں۔”انہوں نے بتایا کہ ایران میں عارضی طور پر حکمرانی کرنے والی تین رکنی قیادت کونسل نے مسلح افواج کو واضح ہدایات دی ہیں کہ آئندہ کسی بھی پڑوسی ملک پر حملہ نہ کیا جائے، جب تک کہ وہاں سے ایران کے خلاف حملے نہ کیے جائیں۔“ہمیں اس مسئلے کو لڑائی کے بجائے سفارت کاری کے ذریعے حل کرنا چاہیے اور اپنے پڑوسی ممالک کے ساتھ تنازعات سے بچنا چاہیے۔”

انہوں نے خلیجی ممالک کو خبردار کرتے ہوئے کہا کہ وہ “سامراجی طاقتوں کے ہاتھوں کا کھلونا” نہ بنیں اور اپنی سرزمین ایران کے خلاف استعمال نہ ہونے دیں۔تاہم یہ واضح نہیں ہو سکا کہ صدر کے اعلان پر فوری طور پر عمل درآمد ہوگا یا نہیں۔ خطاب کے بعد بھی خطے میں کشیدگی برقرار رہی، اور متحدہ عرب امارات میں فضائی دفاعی نظام کی سرگرمیوں کی اطلاعات موصول ہوئیں جبکہ بحرین میں خطرے کے سائرن بجنے کی آوازیں سنائی دیں۔

ایرانی ڈرون نے دبئی ایئرپورٹ کو نشانہ بنایا۔ ویڈیو میں ایک دھماکے اور ڈرون حملے کے مناظر دکھائے جا رہے ہیں،دبئی ایر پورٹ کے قریب ہفتہ کی صبح زور دار دھماکے کی آواز سنی گئی جس کے بعد فضاء میں دھویں کا بادل بلند ہوتا دیکھا گیا۔

خبر رساں ادارے اے ایف پی کے ایک عینی شاہد کے مطابق دھماکے کی آواز براہِ راست ایئرپورٹ کے اوپر سنی گئی اور چند لمحوں بعد ایئرپورٹ کے قریب دھواں اٹھتا دکھائی دیا۔ سوشل میڈیا پر سامنے آنے والی ویڈیوز میں مبینہ طور پر ایک ڈرون یا اس کے ملبے کے گرنے کے بعد دھماکے کا منظر دکھایا گیا، جس کے بارے میں بعض صارفین کا کہنا ہے کہ یہ ایرانی ساختہ Shahed-136 ڈرون ہو سکتا ہے۔فلائٹ ٹریکنگ ویب سائٹ Flightradar24 کے مطابق واقعے کے فوراً بعد متعدد طیارے فضا میں چکر لگاتے یا ہولڈنگ پیٹرن میں نظر آئے جبکہ حفاظتی اقدامات کے تحت کچھ دیر کے لیے پروازوں کی آمد و رفت محدود کر دی گئی۔

بعد ازاں دبئی میڈیا آفس نے ایک بیان جاری کرتے ہوئے واقعے کو “معمولی نوعیت کا حادثہ” قرار دیا۔ حکام کے مطابق یہ دھماکہ کسی میزائل یا ڈرون کو فضا میں روکنے کے بعد گرنے والے ملبے کی وجہ سے ہوا اور ایئرپورٹ کے بنیادی ڈھانچے کو کوئی بڑا نقصان نہیں پہنچا۔بیان میں کہا گیا کہ صورتحال کو فوری طور پر قابو میں لے لیا گیا اور اس مخصوص واقعے میں کسی جانی نقصان کی اطلاع نہیں ملی۔ ایئرپورٹ ٹرمینلز یا دیگر اہم تنصیبات کو بھی کوئی بڑا نقصان نہیں پہنچا۔

اسرائیل اور امریکا کی جارحیت تھم نہ سکی، رات بھر ایران پر خوفناک حملے، تہران دھماکوں سے گونجتا رہا۔

ایران پیچھے ہٹنے کو تیار نہیں اور صدر ٹرمپ کسی ایک ایرانی رہنماء کو بھی زندہ چھوڑنے پر آمادہ نہیں۔جنگ کے آٹھویں روز بھی ایران ڈٹ کر کھڑا ہے اور دشمن پر جوابی وار کررہا ہے۔تازہ حملہ عراق کے شہر بصرہ میں کیا گیا جہاں امریکی آئل کمپلیکس پر ڈرون حملے کے بعد خوفناک آگ بھڑک اٹھی۔عرب اور خلیجی ملکوں میں امریکی اہداف مسلسل ایران کے نشانے پر ہیں جبکہ اسرائیل پر بھی میزائلوں کی برسات کی جارہی ہے۔وہیں اسرائیل و امریکا کے بھی حملے جاری ہیں،تہران شہر کے جنوب، شمالی اور مغربی علاقوں میں کئی مقامات پر آگ بھڑک اٹھی، مہرآباد ایئرپورٹ پر بھی حملہ کیا گیا، مزید 80 افراد شہید ہوگئے، تعداد 1332 ہوگئی، 200 بچے بھی شامل ہیں۔امریکا نے ایران کے 43 بحری جہاز تباہ کرنے کا دعویٰ کردیا، امریکی سینٹرل کمانڈ ایران میں 3 ہزار مقامات کو نشانہ بناچکے۔

دوسری جانب ایرانی فوج نے امریکی صدر کو چیلنج دیا ہے کہ ہمت ہے تو آبنائے ہرمز سے گزر کر دکھاؤ،ایران نے واضح کیا ہے کہ صرف امریکا اور اسرائیلی جہازوں کو آبنائے ہرمز سے گزرنے کی اجازت نہیں، باقی سب کیلئے روٹ کھلا ہے، جہاں سے دُنیا بھر میں تیل سپلائی کیا جاتا ہے۔

اسرائیل میں تباہی کی صورتحال پر بھارتی صحافی نے کہا ہے کہ تل ابیب میں تباہی کے مناظر ہیں، 100 میٹر نیچے سرنگیں بھی میزائلوں سے لرز رہی ہیں۔

بھارتی صحافی نے انکشاف کیا کہ جب بم پھٹتا ہے تو وہ دیکھتا نہیں ہے کہ یہ بھارتی ہے یا اسرائیلی ہے، ایرانی حملوں کے سامنے اسرائیلی ٹیکنالوجی فیل ہے،سخت سنسر شپ ہے، لاشوں اور اسپتالوں کی وڈیوز بنانے کی اجازت نہیں،100فٹ نیچے زمین میں چھپے اسرائیلی بھی حملوں میں مارے گئے، اسرائیل میں لاشوں اور زخمیوں کی تصویر لینے کی بھی اجازت نہیں ہے، اسپتال جانے کی اجازت نہیں، تباہ عمارت کی تصویر یا وڈیو بنانے پر بھی پابندی ہے، اسرائیلی ٹیکنالوجی کا چرچا سنا تھا مگر یہ ٹیکنالوجی ناکام ہوتے دیکھ لی، بھارتی صحافی نے بتایا کہ میزائل الرٹ کا کبھی کبھی میسج بھی نہیں آتا اور حملہ ہوجاتا ہے،حکومت بھی وہاں کچھ نہیں بتاتی،الارم نہیں بجا اور دھماکہ ہو گیا، ٹیکنالوجی فیل ہو چکی ،