Author: ممتاز حیدر

امریکی صدر ڈونلڈ ٹرمپ نے ایران کیخلاف نیوکلیئر ہتھیاروں کے استعمال کا امکان مسترد کردیا۔

امریکی صدر ڈونلڈ ٹرمپ کا کہنا ہے کہ ایران کیخلاف نیو کلیئر ہتھیار استعمال نہیں کریں گے، نیو کلیئر ہتھیاروں کے استعمال کا سوال ہی بے وقوفی ہے۔انہوں نے کہا کہ ایٹمی ہتھیار کسی کو بھی استعمال نہیں کرنا چاہئے، ایران کو ایٹمی ہتھیار نہیں رکھنے دیں گے۔ ایران امریکا سے ڈیل چاہتا ہے مگر مجھے کوئی جلدی نہیں، ہمارے پاس بہت وقت ہے، بہتر ڈیل کیلئے ایران کو موقع دیا۔ٹرمپ کا کہنا ہے کہ ایران کی لیڈرشپ ختم ہوچکی، وہاں افراتفری ہے، 85 فیصد اہداف کو نشانہ بناچکے، ناکہ بندی کی وجہ سے ایران کی معیشت کو شدید نقصان ہورہا ہے، یومیہ 50 کروڑ ڈالر کے نقصان کا سامنا ہے۔امریکی صدر نے مزید کہا کہ ایران نے ڈیل نہ کی تو ہماری فوج ان سے نمٹے گی، آبنائے ہرمز پر ہمارا مکمل کنٹرول ہے، امریکی بحریہ کی اجازت کے بغیر کوئی جہاز داخل نہیں ہوسکتا۔

دوسری جانب ایران جنگ کے ابتدائی دو دن میں 5 اعشاریہ 6 ارب ڈالر کا اسلحہ استعمال کئے جانے کا انکشاف ہوا ہے۔امریکی دفاعی حکام نے کانگریس کو جنگی اخراجات سے متعلق بریفنگ دی۔ امریکی اخبار کے مطابق بریفنگ میں بتایا گیا کہ ایران پر امریکی افواج نے تقریباً 1200 پیٹریاٹ میزائل داغے، امریکی فوج نے ہزار سے زیادہ ٹوماہاک میزائل بھی استعمال کیے۔امریکی اخبار کے مطابق پیٹریاٹ میزائل کی فی یونٹ لاگت 40 لاکھ ڈالر سے زائد ہے۔

علاوہ ازیں امریکی فوج کی آبنائے ہرمز میں ایران کی صلاحیتوں کو نشانہ بنانے کے لیے نئی منصوبہ بندی سامنے آگئی۔امریکی نشریاتی ادارے کے مطابق جنگ بندی ختم ہونے کی صورت میں آبنائے ہرمز، جنوبی خلیجِ عرب اور خلیجِ عمان کے اطراف ایران کی صلاحیتوں کو نشانہ بنایا جائے گا، منصوبوں سے آگاہ ذرائع نے بتایا کہ ان ممکنہ حملوں میں تیز رفتار چھوٹی کشتیوں، بارودی سرنگیں بچھانے والے جہازوں اور دیگر غیر روایتی عسکری وسائل کو ہدف بنایا جا سکتا ہے جن کی مدد سے تہران ان اہم آبی گزرگاہوں کو مؤثر طور پر بند کرنے اور انہیں امریکہ پر دباؤ ڈالنے کے لیے استعمال کرتا رہا ہے۔

ایران میں سیکیورٹی خدشات کے پیشِ نظر اہم انکشاف سامنے آیا ہے، جہاں ایک رکنِ پارلیمان اور پاسدارانِ انقلاب (IRGC) سے وابستہ کمانڈر سالار ولایت مدار نے نئے سپریم لیڈر مجتبیٰ خامنہ ای کی تصاویر منظرِ عام پر نہ لانے کی وجوہات بیان کر دیں۔

میڈیا رپورٹس کے مطابق کمانڈر سالار ولایت مدار نے کہا کہ مجتبیٰ خامنہ ای کی تازہ تصاویر جاری نہ کرنے کا فیصلہ سخت سیکیورٹی خدشات کے تحت کیا گیا ہے۔ ان خدشات میں یہ غیر معمولی پہلو بھی شامل ہے کہ دشمن عناصر انہیں نقصان پہنچانے کے لیے غیر روایتی طریقے، جیسے جادو ٹونا یا نام نہاد علومِ غیبی، استعمال کر سکتے ہیں۔انہوں نے مزید بتایا کہ سیکیورٹی اداروں اور مذہبی حلقوں کے درمیان مشاورت کے بعد یہ فیصلہ کیا گیا کہ فی الحال سپریم لیڈر سے متعلق کوئی نئی تصاویر یا مواد جاری نہ کیا جائے، تاکہ ممکنہ خطرات سے مکمل طور پر بچاؤ ممکن بنایا جا سکے۔کمانڈر کے مطابق بعض حلقوں میں یہ خدشہ بھی ظاہر کیا جا رہا ہے کہ مخالفین جدید اور غیر روایتی حربے استعمال کر سکتے ہیں، جس کے پیشِ نظر غیر معمولی احتیاطی تدابیر اختیار کی جا رہی ہیں۔

واضح رہے کہ سابق ایرانی سپریم لیڈر آیت اللہ علی خامنہ ای کی مبینہ شہادت کے 10 روز بعد، 8 مارچ 2026 کو مجتبیٰ خامنہ ای کو ایران کا تیسرا سپریم لیڈر مقرر کیا گیا تھا، تاہم تقرری کے بعد سے وہ تاحال منظرِ عام پر نہیں آئے، جس پر عالمی سطح پر بھی سوالات اٹھائے جا رہے ہیں۔

بھارتی وزیر دفاع راج ناتھ سنگھ سے متعلق ایک ویڈیو سوشل میڈیا پر تیزی سے وائرل ہو رہی ہے،جس میں وہ آبدوز کے اندر جانے سے ڈر رہے ہیں، جانے کی کوشش کے دوران گر گئے

جرمنی کے دورے کے دوران راجناتھ سنگھ نے آبدوز (سب میرین) میں داخل ہونے سے انکار کیا اور ابتدائی کوشش کے دوران پھسل کر لڑکھڑا گئے، جس کے بعد بڑی مشکل سے انھیں عملے نے گھسیٹ کر باہر نکالا،دوبارہ انہوں نے سب میرین میں جانے سے انکار کردیا ذرائع کے مطابق وزیر دفاع نے آبدوز کو “تنگ اور ڈراؤنی” قرار دیتے ہوئے اندر جانے سے گریز کیا،

دوسری جانب پاکستانی وزیر دفاع خواجہ آصف سے متعلق ویڈیوز بھی سامنے آئی تھیں جن میں انہیں نہر میں چھلانگ لگاتے اور تیراکی کرتے دیکھا جا سکتا ہے۔ صارفین ان مناظر کو دونوں وزرائے دفاع کے تقابلی انداز میں پیش کر رہے ہیں،

بھارتی وزیر دفاع ایک آبدوز میں جانے سے ڈر گیا،گودی میڈیا نے اصل واقعہ پر پردہ ڈال دیا،آپریشن سندور کی کامیابی کے شادیانے بجانے والے بزدل بھارتی وزیر دفاع کی ویڈیو دکھانے سے بھارتی میڈیا کترانے لگا.

اسرائیلی وزیر دفاع اسرائیل کاٹز نے ایران کے خلاف ممکنہ فوجی کارروائی کا عندیہ دیتے ہوئے کہا ہے کہ اسرائیل امریکا کے گرین سگنل کا انتظار کر رہا ہے تاکہ ایران پر بڑے پیمانے پر حملے کیے جا سکیں۔

اسرائیلی وزیرِ دفاع کا کہنا تھا کہ اگر حملے دوبارہ شروع کیے گئے تو ایران کو "پتھر کے زمانے میں دھکیل دیا جائے گا” اور خاص طور پر اس کی اہم توانائی اور بجلی کی تنصیبات کو نشانہ بنایا جائے گا۔ ان کے بیان نے خطے میں نئی تشویش کو جنم دیا ہے۔

دوسری جانب اقوام متحدہ میں ایران کے سفیر نے امریکا پر شدید اعتراض کرتے ہوئے کہا ہے کہ حالیہ حملوں میں پانچ عرب ممالک کی سرزمین استعمال کی گئی، جس پر ایران نے باقاعدہ احتجاج ریکارڈ کروا دیا ہے۔ایرانی سفیر نے قطر، بحرین، متحدہ عرب امارات، سعودی عرب اور کویت پر زور دیا کہ وہ اچھے ہمسائے کے اصولوں کی پاسداری کریں اور اپنی سرزمین کسی تیسرے ملک کے خلاف استعمال نہ ہونے دیں۔تجزیہ کاروں کے مطابق اسرائیل اور ایران کے درمیان بڑھتی ہوئی کشیدگی نہ صرف خطے بلکہ عالمی امن کے لیے بھی خطرہ بن سکتی ہے، جبکہ امریکا کے ممکنہ کردار پر بھی سوالات اٹھ رہے ہیں۔