Author: ممتاز حیدر

کابل: پاکستان کی جانب سے سرحدی گزرگاہوں کی عارضی بندش کے بعد افغانستان میں اشیائے خورونوش اور بنیادی ضروریات کی قیمتوں میں اچانک اور نمایاں اضافہ دیکھنے میں آیا ہے۔

تاجروں اور مقامی شہریوں کا کہنا ہے کہ چند ہی دنوں میں آٹا، چینی، گھی، دالیں اور سبزیوں کی قیمتیں دوگنی رفتار سے بڑھ رہی ہیں، جس کے باعث عام آدمی کی مشکلات میں مزید اضافہ ہو گیا ہے۔ذرائع کے مطابق پاکستان اور افغانستان کے درمیان اہم تجارتی راستے خصوصاً طورخم بارڈر اور چمن بارڈر بند ہونے سے درآمدی اشیاء کی ترسیل بری طرح متاثر ہوئی ہے۔ افغانستان اپنی خوراک اور روزمرہ استعمال کی متعدد اشیاء کے لیے بڑی حد تک پاکستان پر انحصار کرتا ہے، اور سرحدی بندش کے باعث سپلائی چین میں خلل پیدا ہونے سے مارکیٹوں میں قلت کا خدشہ بڑھ گیا ہے۔مقامی دکانداروں کا کہنا ہے کہ مال نہ پہنچنے کے باعث ذخیرہ اندوزی کے رجحان میں بھی اضافہ ہو رہا ہے، جس سے مصنوعی مہنگائی کو تقویت مل رہی ہے۔

تجزیہ کاروں کا کہنا ہے کہ اگر پاکستان اور افغانستان کے مابین کشیدگی طویل عرصے تک برقرار رہی تو آنے والے دنوں میں خوراک کا بحران مزید شدت اختیار کر سکتا ہے۔ خاص طور پر دیہی اور سرحدی علاقوں میں جہاں پہلے ہی غربت کی شرح بلند ہے، وہاں انسانی بحران کا خدشہ بڑھ رہا ہے۔

امریکی صدر ڈونلڈ ٹرمپ نے تمام ممالک پر فوری طورپر 10فیصد ٹیرف عائد کردیا، صدر نے اس حوالے سے ایگزیکٹو آرڈر پر دستخط کردیے۔

وائٹ ہاؤس کے مطا بق 150 دن کےلیےامریکا درآمد ہونے والی اشیا پر 10فیصد ڈیوٹی عائد ہوگی، بعض اشیا اس عارضی ڈیوٹی سے مستثنیٰ ہوں گی،مستثنیٰ اشیا میں معدنیات،کھاد، دھاتیں اور توانائی کی آلات شامل ہیں۔ زرعی مصنوعات، ادویات اور ادویات کا خام مال بھی درآمدی ڈیوٹی سے متثنیٰ ہوگا، نئی ڈیوٹی کا اطلاق امریکا میکسیکو کینیڈا معاہدے پر نہیں ہوگا۔

اس سے پہلے امریکی سپریم کورٹ نے دوسرے ملکوں پر صدر ٹرمپ کے اضافی ٹیرف کو غیر قانونی قرار دیا تھا، عدالت کی جانب سے کہا گیا کہ ٹرمپ نے جس قانون کے تحت یہ ٹیرف لگائے وہ قومی ایمرجنسی کے لیے بنایا گیا، قانون ٹرمپ کو اضافی ٹیرف لگانے کی اجازت نہیں دیتا۔.ٹرمپ نے عدالتی فیصلے پر رد عمل دیتے ہوئے کہا تھا کہ عدالت کے چند مخصوص ممبران پر شرمندگی محسوس ہو رہی ہے، فیصلے سے دنیا خوش ہوگی مگر اس کی خوشی زیادہ دیر نہیں رہے گی ، ٹیرف سے ملنے والے منافع میں مزید اضافہ ہوگا،ٹرمپ نےفیصلہ مایوس کن قرار دیتے ہوئے ساری دنیا پر 10فیصد ٹیرف لگا نے کا اعلان کیا تھا۔

امریکی سپریم کورٹ کی جانب سے دوسرے ملکوں پر اضافی ٹیرف غیر قانونی قراردیے جانے پر صدر ڈونلڈ ٹرمپ کا ردعمل سامنے آگیا۔

جمعہ کو امریکی سپریم کورٹ نے دوسرے ملکوں پر صدر ٹرمپ کے اضافی ٹیرف غیر قانونی قراردیے۔ 3 کے مقابلے میں 6 ججوں کی اکثریت نے فیصلہ جاری کیا،امریکی عدالت نے کہا کہ ٹرمپ نے جس قانون کے تحت یہ ٹیرف لگائے وہ قومی ایمرجنسی کے لیے بنایا گیا ، یہ قانون ٹرمپ کو اضافی ٹیرف لگانے کی اجازت نہیں دیتا۔

امریکی عدالت کی جانب سے دوسرے ملکوں پر اضافی ٹیرف غیر قانونی قراردیے جانے پر صدر ڈونلڈ ٹرمپ نے ردعمل دیتے ہوئے کہا کہ جو چاہوں کرسکتا ہوں، ممالک کی خوشی زیادہ دیر قائم نہیں رہے گی، امریکی عدالت کا فیصلہ بہت مایوس کن ہے ،مجھے عدالت کے چند مخصوص ممبران پر شرمندگی محسوس ہو رہی ہے، دیگرممالک سپریم کورٹ کے اس فیصلے پر بہت خوش ہیں، ان ممالک کی خوشی زیادہ دیر قائم نہیں رہے گی ، میں جو چاہوں کرسکتا ہوں مگر میں کوئی رقم وصول نہیں کرسکتا، عدالت غیر ملکی مفادات کے زیراثر آگئی ہے ، ٹیرف سے متعلق دیگر متبادل طریقے استعمال کیے جائیں گے، مجھے کسی ملک کے ساتھ تجارت ختم کرنے اور پابندیاں لگانے کا اختیار ہے ،عدالتی فیصلے نے ٹیرف لگانے کے اختیار میں مزید اضافہ کردیا، ٹیرف سے ملنے والے منافع میں مزید اضافہ ہوگا، دیگر ٹیرفس کے علاوہ10 فیصد عالمی ٹیرف نافذ کیا جائےگا، ٹیرف لگانے کے لیے مجھے کانگریس سے پوچھنے کی ضرورت نہیں، سیکشن 301 کے تحت تمام قومی سلامتی ٹیرف برقرار رہیں گے۔

صحافی نے صدر ٹرمپ سے سوال کیا کہ کیا امریکا کو ٹیرف سے حاصل رقم واپس کرنا ہوگی؟ جس پر جواب دیتے ہوئے ٹرمپ نے کہا کہ میرا خیال ہے کہ ٹیرف سے حاصل رقم واپسی پر ابھی قانونی جنگ لڑنا ہوگی ،بھارت کےساتھ تجارتی معاہدے پرکچھ تبدیل نہیں ہوا، تمام معاہدے برقرارہیں،صرف طریقہ کارمختلف ہوگا، ہتر ہوگا ایران مناسب ڈیل کیلئے مذاکرات کرے۔

واضح رہے کہ صدر ٹرمپ پہلے ہی امریکی عدالت کو خبردار کرچکے ہیں کہ ٹیرف غیر قانونی قرار دیے تو اثرات سنگین ہوں گے،امریکا کے لیے ٹیرف ری فنڈ کی رقم ادا کرنا ناممکن ہو گا،ماہرین کے مطابق امریکی حکومت ٹیرف واپس لینے کے بجائے قانون تبدیل کرنے کی کوشش کرے گی۔