Author: ممتاز حیدر

دبئی کا معروف اور پُرتعیش ہوٹل برج العرب بڑے پیمانے پر تزئین و آرائش کے منصوبے کے تحت تقریباً 18 ماہ کے لیے بند کیے جانے کا امکان ہے۔

خبر رساں ادارے رائٹرز کے مطابق ہوٹل کے ایک عملے کے رکن نے اس حوالے سے اہم انکشاف کیا ہے۔یہ پہلا موقع ہوگا کہ بادبان نما طرزِ تعمیر کے باعث دنیا بھر میں پہچانے جانے والا برج العرب اپنی 1999 میں افتتاح کے بعد بند ہوگا۔ یہ ہوٹل دبئی کی نمایاں ترین علامتوں میں شمار کیا جاتا ہے۔رپورٹ کے مطابق ہوٹل کی مالک سرکاری کمپنی جمیرا نے تصدیق کی ہے کہ تزئین و آرائش کا کام مختلف مراحل میں مکمل کیا جائے گا، جبکہ اس منصوبے کی نگرانی پیرس سے تعلق رکھنے والے معروف انٹیریئر آرکیٹیکٹ ٹریسٹن اوئر کریں گے۔ تاہم کمپنی کی جانب سے یہ واضح نہیں کیا گیا کہ مرمت کے دوران ہوٹل مکمل طور پر بند رہے گا یا نہیں۔عملے کے رکن کے مطابق جن مہمانوں کی بکنگ اس عرصے میں موجود ہے، انہیں قریبی مقامات پر متبادل رہائش فراہم کی جا رہی ہے۔

یاد رہے کہ مارچ کے آغاز میں ایک ایرانی ڈرون کو روکنے کے دوران اس کا ملبہ برج العرب کی بیرونی دیوار سے ٹکرا گیا تھا، جس سے معمولی نقصان پہنچا تھا۔ تاہم ہوٹل انتظامیہ کے مطابق مجوزہ تزئین و آرائش کا اس واقعے سے کوئی تعلق نہیں۔رپورٹ میں مزید کہا گیا ہے کہ امریکہ، اسرائیل اور ایران کے درمیان کشیدگی کے باعث متحدہ عرب امارات کی سیاحت بھی متاثر ہوئی ہے، جبکہ پروازوں میں رکاوٹوں نے سیاحوں کی آمد پر منفی اثر ڈالا ہے۔

نئی دہلی: بھارت میں آن لائن ڈیٹنگ ایپس کے ذریعے خواتین کو محبت اور شادی کا جھانسہ دے کر کروڑوں روپے ہتھیانے والے ایک بڑے فراڈ کا انکشاف ہوا ہے۔

دہلی سائبر پولیس نے ایسے شخص کو گرفتار کر لیا ہے جس پر 500 سے زائد خواتین سے تقریباً 20 کروڑ روپے لوٹنے کا الزام ہے۔پولیس کے مطابق ملزم آنند کمار، جو مغربی بنگال کے ضلع نارتھ 24 پرگنہ کا رہائشی ہے، مختلف جعلی شناختوں کے ساتھ ڈیٹنگ اور شادی کی ویب سائٹس پر خواتین سے رابطہ کرتا تھا۔ وہ کبھی خود کو ڈاکٹر، کبھی بزنس مین، فلم پروڈیوسر یا وکیل ظاہر کرتا تھا۔تحقیقات کے مطابق ملزم پہلے خواتین کا اعتماد حاصل کرتا، ان سے جذباتی تعلق قائم کرتا اور شادی کے وعدے کرتا تھا۔ بعض متاثرہ خواتین کو ماڈلنگ کے مواقع اور معروف تعلیمی اداروں میں داخلے کا لالچ بھی دیا گیا۔اعتماد قائم ہونے کے بعد ملزم مختلف بہانوں سے رقم مانگتا تھا، جن میں طبی ایمرجنسی، کاروباری نقصان یا خاندانی مسائل شامل تھے۔ جیسے ہی رقم ملتی، وہ رابطہ ختم کر دیتا تھا۔

یہ معاملہ اس وقت سامنے آیا جب ایک خاتون نے شکایت درج کروائی کہ "ویبھوو اروڑا” نامی انسٹاگرام پروفائل سے جڑے شخص نے اسے تقریباً 7 لاکھ روپے کا چونا لگایا۔ دونوں کی ملاقات ایک ڈیٹنگ ایپ پر ہوئی تھی، بعد ازاں گفتگو انسٹاگرام اور واٹس ایپ پر منتقل ہو گئی۔شکایت کنندہ کے مطابق ملزم نے شادی کا وعدہ کیا، مختلف بہانوں سے رقم بٹوری، اور جب واپسی کا مطالبہ کیا گیا تو رابطہ منقطع کر دیا۔ بعد میں یہ دعویٰ بھی کیا گیا کہ "ویبھوو اروڑا” انتقال کر چکا ہے۔ پولیس نے خصوصی ٹیم تشکیل دے کر موبائل نمبرز، سوشل میڈیا اکاؤنٹس اور مالی لین دین کا جائزہ لیا۔ تحقیقات سے معلوم ہوا کہ ملزم بیک وقت کئی جعلی شناختوں سے خواتین سے رابطے میں رہتا تھا۔وہ ڈاکٹر روہت بہل، ترون، آنند شرما اور حتیٰ کہ "شیکھا” کے نام سے بھی پروفائلز چلاتا تھا۔ گرفتاری سے بچنے کے لیے وہ متعدد موبائل فونز اور مختلف سم کارڈز استعمال کرتا تھا۔

پولیس نے ملزم کے قبضے سے 4 موبائل فونز، 8 سم کارڈز، 3 ڈیبٹ کارڈز اور فراڈ کی رقم سے خریدے گئے سونے کے کنگن اور چینز برآمد کر لی ہیں۔تحقیقات میں یہ بھی سامنے آیا کہ لوٹی گئی رقم کا بڑا حصہ آن لائن گیمنگ اور شاہانہ طرزِ زندگی پر خرچ کیا گیا۔پولیس کے مطابق ملزم کے خلاف دہلی اور غازی آباد میں بھی اسی نوعیت کے مقدمات پہلے سے درج ہیں، جبکہ اس نیٹ ورک میں مزید افراد کی شمولیت اور مکمل مالی ریکارڈ کی جانچ جاری ہے۔

مودی ناکام، منی پور میں حالات کنٹرول سے باہر ہونے لگے، سیکولر بھارت میں مسیحی عوام اور سیکیورٹی فورسز آمنے سامنے آ گئے

بی جے پی کی انتہا پسندانہ پالیسیوں کے باعث جنتا بیزارعلیحدگی پسند تحریکیں زور پکڑنے لگیں،بھارتی ذرائع ابلاغ نے عوام پر روا رکھے جانے والے مظالم کا پردہ چاک کر دیا،بھارتی میڈیا انڈیا ٹو ڈے کے مطابق منی پور کے ضلع بشنوپور میں دوبارہ فسادات پھوٹ پڑے، حالات شدید کشیدہ ہوگئے، بھارتی قابض فورسز سے شدید جھڑپوں کے دوران متعدد افراد زخمی ہو گئے، مقامی افراد نے بھارتی فورسز کو علاقے میں جانے سے روکا جس پر جھڑپیں ہوئیں،منی پور کی مظلوم عوام نے قابض بھارتی فورسز کی دو گاڑیوں کو آگ لگا دی، متعدد قابض فورسز کے اہلکار یرغمال بنا لئے گئے،بھارتی نیوز ایجنسی اے این آئی کےمطابق؛منی پور میں طاقت کے بہیمانہ استعمال کے باعث خوف وہراس کا راج، ہندوستانی فورسز کی جانب سے شدید شیلنگ کی گئی

عالمی ماہرین کے مطابق؛منی پور کشیدگی پر مودی سرکار نہ صرف خاموش تماشائی بنی ہوئی ہے بلکہ سیاسی مقاصد کیلئے نسلی فسادات کو مزید ہوا دے رہی ہے،ہندوستانی فوج اپنے مذموم مفادات کی خاطر عام شہریوں کے جان ومال کو نشانہ بنانے والی دہشت گرد تنظیم کا بھیانک روپ دھار چکی ہے

امریکا کے محکمہ خزانہ نے آج ایران کے تیل اور قدرتی گیس کی برآمدات سے منسلک دو درجن سے زائد افراد، کمپنیوں اور بحری جہازوں پر نئی پابندیوں کا اعلان کر دیا ہے۔

امریکی حکام کے مطابق یہ تمام عناصر ایک ایسے نیٹ ورک کا حصہ ہیں جو محمد حسین شمخانی کے زیر انتظام چلایا جا رہا تھا۔محکمہ خزانہ کے بیان میں کہا گیا ہے کہ پابندیوں کی فہرست میں نو بحری جہاز شامل ہیں، جن میں خام تیل اور مائع پیٹرولیم گیس لے جانے والے ٹینکرز شامل ہیں۔ اس کے علاوہ متحدہ عرب امارات میں قائم کئی کمپنیوں کو بھی پابندیوں کا نشانہ بنایا گیا ہے۔امریکی حکام کے مطابق محمد حسین شمخانی کے والد ایران کی اعلیٰ قیادت کے اہم سیاسی مشیر تھے، جو حالیہ امریکی اور اسرائیلی حملوں میں مارے گئے،

یہ اعلان ایک روز بعد سامنے آیا ہے جب امریکی محکمہ خزانہ نے ایران کے تیل پر تمام پابندیاں دوبارہ بحال کرنے کا اعلان کیا تھا۔ اس سے قبل تہران کو ایک ماہ کی عارضی اجازت دی گئی تھی تاکہ وہ ٹینکرز میں موجود ذخیرہ شدہ تیل فروخت کر سکے۔امریکی وزیر خزانہ اسکاٹ بیسنٹ نے عندیہ دیا ہے کہ واشنگٹن مزید سخت اقدامات کے لیے بھی تیار ہے۔ انہوں نے کہا کہ ایران کا تیل خریدنے والے ممالک پر بھی "ثانوی پابندیاں” عائد کی جا سکتی ہیں۔

یہ پہلا موقع نہیں کہ ٹرمپ انتظامیہ نے شمخانی کے شپنگ نیٹ ورک کو نشانہ بنایا ہو۔ اس سے قبل جولائی میں بھی امریکا نے اس نیٹ ورک سے وابستہ 115 سے زائد افراد، اداروں اور جہازوں پر وسیع پابندیاں عائد کی تھیں۔ماہرین کے مطابق نئی پابندیوں سے ایران کی توانائی برآمدات اور خطے میں معاشی سرگرمیوں پر مزید دباؤ بڑھنے کا امکان ہے۔