Author: ممتاز حیدر

طالبان رجیم کی سرپرستی میں افغانستان القاعدہ اوردیگر دہشتگرد تنظیموں کا مرکز بن گیا

طالبان رجیم کی شدت پسندی،غیرقانونی سرگرمیوں اوردہشتگردوں کی سرپرستی نے خطے کےامن کو داو پرلگا دیا ،عالمی جریدہ نےافغان طالبان کی دہشتگرد تنظیموں کی سرپرستی اورافغان سرزمین سے پھیلتی ہوئی دہشتگردی کو بےنقاب کردیا،امریکی جریدہ، جَسٹ دی نیوز کےمطابق؛ طالبان رجیم کی مکمل سرپرستی سے القاعدہ بھرپور فائدہ اٹھاتے ہوئے افغانستان میں اپنی سرگرمیاں جاری رکھے ہوئے ہے،افغان طالبان نےالقاعدہ کو محفوظ پناہ گاہیں فراہم کی ہیں،افغانستان میں طالبان اورالقاعدہ ایک دوسرےکوسپورٹ کرتےہیں ،خطےکےدیگر ممالک بھی افغانستان میں دہشتگرد گروہوں کی موجودگی،سرحد پارحملوں اورشدت پسندی سےشدیدمتاثر ہیں ،افغان طالبان کی سرپرستی میں القاعدہ افغانستان میں فتنہ الخوارج سمیت دیگر دہشتگرد گروہوں کو تربیت بھی فراہم کرتا ہے

دفاعی ماہرین کے مطابق افغان طالبان رجیم کےزیرتسلط افغانستان اس وقت دہشتگرد تنظیموں کی آماجگاہ بن چکا ہے جو خطےکےامن کے لیے خطرہ ہے ،پاکستان افغانستان میں دہشتگردتنظیموں کی موجودگی کے حوالے سے عالمی برادری کوبارہا آگاہ کرچکا،وقت آگیاہےکہ دنیا ان دہشت گردوں اور ان کے سہولت کاروں کے خاتمے کیلئے ٹھوس اقدامات کرے،

مصنوعی ذہانت (اے آئی) سمٹ کا انعقاد بھارت کے لیے ہزیمت کا باعث بن گیا

اے آئی سمٹ کی بدانتظامی اور تنازعات نے بھارت کی ترقی اور عالمی ٹیکنالوجی کے نام نہاد بیانیے کا پول کھول دیا،بل گیٹس کےخطاب کی منسوخی،چینی روبوٹ کو مقامی ایجاد قرار دینے کا جھوٹا دعویٰ، اور یوتھ کانگرس کے احتجاج نے سمٹ کو مزید متنازعہ بنا دیا ،بھارتی میڈیا کے مطابق؛ انڈین یوتھ کانگرس کے کارکنان نے سمٹ کے دوران اپنی قمیضیں اتار کر حکومت مخالف نعرے بازی کی، مظاہرین کا کہنا تھا کہ امریکا کے ساتھ ہونے والے مبینہ تجارتی معاہدے میں قومی مفادات کو نظر انداز کیا گیا ہے، انڈین یوتھ کانگریس کے صدر ادے بھانو نے کہا کہ؛ “وزیراعظم مودی کمپرومائزڈ ہیں” اور نوجوانوں کا غصہ محض سیاسی نہیں بلکہ بے روزگاری اور معاشی غیر یقینی صورتحال کا نتیجہ ہے، امریکا کے ساتھ ہونے والی بھارتی ڈیل کا فائدہ صرف امریکا کو ہوگا جبکہ بھارتی کسانوں اور عام شہریوں کو نقصان اٹھانا پڑے گا، مودی ممکنہ طور پر ایپسٹین فائل میں نام آنے یا اڈانی کو بچانے کے لیے فیصلے کر رہا ہے، جس کی قیمت ملک کے نوجوان ادا کر رہے ہیں، ملک کی عزت احتجاج سے نہیں بلکہ مودی کے عالمی مجرم کے مشورے سے اسرائیل میں ناچنے سے خراب ہوئی ،

ماہرین کے مطابق عالمی ٹیکنالوجی سمٹ کے دوران حکومتی پالیسیوں کے خلاف اس شدت کا احتجاج سیاست نہیں بلکہ مودی کی پالیسی پر سنگین سوالیہ نشان ہے،بھارت ایک طرف شائننگ انڈیا کا بیانیہ پیش کر رہا ہے تو دوسری طرف نوجوان بے روزگاری، کسان معاشی دباؤ اور معاہدوں کی خفیہ نوعیت پر سراپا احتجاج ہیں، بھارت کا داخلی مفادات کو کمزور کرتے ہوئے طاقتور ممالک کے ساتھ تعلقات استوار کرنا سفارتی کامیابی نہیں بلکہ اسٹریٹجک کمزوری ہے،

بقایاجات کی عدم ادائیگی پربھارتی ایئر لائن کیلئے بنگلہ دیشی فضائی حدود بندکر دی گئی

بھارتی ایوی ایشن انڈسٹری مسلسل تنزلی کا شکار ، نا اہل مودی کو دنیا بھر میں رسوائی اور سبکی کا سامناکرنا پڑ رہا ہے،مختلف محاذوں پر ناکامیوں کے بعد بھارت کی ایوی ایشن انڈسٹری بھی شدید بحران کی لپیٹ میں آگئی،بنگلہ دیشی جریدے "ڈیلی سن ” اوربھارتی جریدے "دی اکنامک ٹائمز” کے مطابق ؛بقایا جات کی عدم ادائیگی پر بنگلہ دیش نے بھارتی نجی ایئر لائن اسپائس جیٹ کو اپنی فضائی حدود استعمال کرنے سے روک دیا، کولکتہ سے شمال مشرقی بھارتی شہروں جیسے گوہاٹی اور ایمفال کیلئےچلنے والی پروازیں طویل اور متبادل راستے اختیار کرنے پر مجبور ہیں،متبادل راستوں کی وجہ سے پرواز کا دورانیہ اور ایندھن کا استعمال بڑھ گیا، جس سے ایئرلائن کے آپریشنل اخراجات میں اضافہ ہو سکتا ہے، اسپائس جیٹ گزشتہ چند مہینوں سے مالی مشکلات کا سامنا کر رہی ہے، کمپنی کے شیئرز میں بھی معمولی کمی دیکھی گئی دسمبر 2025 کو ختم ہونے والے سہ ماہی مالیاتی رپورٹ میں ایئرلائن نے 269.27 کروڑ روپے کا نقصان ظاہر کیا،

ماہرین کے مطابق بنگلہ دیش اور بھارت کے درمیان تعلقات سفارتی اختلافات سے بڑھ کر تنازعات کی شکل اختیار کر گئے ہیں،بنگلہ دیش اپنی خودمختار ڈپلومیسی کے ذریعے اب بھارت کو چیلنج کر رہا ہے، فضائی حدود پر پابندی بھارت کے خلاف بنگلہ دیش کے خودمختار موقف کو ظاہر کرتی ہے،

بحرالکاہل کے کھلے سمندر میں امریکی فوج نے منشیات اسمگلنگ میں مبینہ طور پر ملوث ایک اور کشتی کو نشانہ بنایا، جس کے نتیجے میں کم از کم تین افراد ہلاک ہو گئے۔ کارروائی کو خطے میں جاری انسدادِ منشیات آپریشنز کا حصہ قرار دیا جا رہا ہے۔

امریکی سدرن کمانڈ کے جاری بیان کے مطابق یہ آپریشن جوائنٹ ٹاسک فورس “ساؤدرن اسپیئر” نے انجام دیا۔ حکام کا کہنا ہے کہ نشانہ بنائی جانے والی کشتی نامزد دہشت گرد تنظیموں کے زیرِ استعمال تھی اور اسے منشیات کی ترسیل کے لیے استعمال کیا جا رہا تھا۔امریکی سدرن کمانڈ کے مطابق کارروائی خفیہ معلومات کی بنیاد پر کی گئی، جس کا مقصد خطے میں منظم جرائم اور دہشت گرد نیٹ ورکس کی مالی معاونت کے ذرائع کو ختم کرنا ہے۔ بیان میں مزید کہا گیا کہ کشتی کو وارننگ دینے کے بعد کارروائی کی گئی، تاہم اس دوران جھڑپ کے نتیجے میں تین افراد مارے گئے۔

واضح رہے کہ امریکی فوج نے ستمبر 2025ء سے بحرالکاہل اور لاطینی امریکی سمندری راستوں پر مبینہ اسمگلنگ کشتیوں کے خلاف حملوں کا سلسلہ شروع کیا تھا۔ حکام کے مطابق ان کارروائیوں کا مقصد منشیات کی عالمی ترسیل کو روکنا اور دہشت گرد تنظیموں کی مالی سپلائی لائن کو توڑنا ہے۔سرکاری اعداد و شمار کے مطابق اب تک ان امریکی حملوں میں تقریباً 150 افراد ہلاک جبکہ درجنوں کشتیاں تباہ کی جا چکی ہیں۔ انسانی حقوق کی بعض تنظیموں نے ان کارروائیوں پر تشویش کا اظہار کرتے ہوئے شفاف تحقیقات کا مطالبہ کیا ہے، جبکہ امریکی حکام ان اقدامات کو بین الاقوامی سلامتی کے لیے ضروری قرار دے رہے ہیں۔