Author: ممتاز حیدر

سعودی عرب کے وزرات دفاع نے اعلان کیا ہے کہ پاکستان کی ایک فوجی فورس مشرقی سیکٹر میں واقع کنگ عبدالعزیز ایئر بیس پہنچ گئی ہے۔ یہ تعیناتی دونوں برادر ممالک کے درمیان طے پانے والے مشترکہ اسٹریٹجک دفاعی معاہدے کے تحت عمل میں آئی ہے۔

وزارت دفاع کے مطابق پاکستانی دستہ پاکستان ایئر فورس کے جنگی اور معاون طیاروں پر مشتمل ہے، جس کا مقصد دونوں ممالک کی مسلح افواج کے درمیان عسکری ہم آہنگی کو فروغ دینا، آپریشنل تیاری کی سطح کو بلند کرنا اور دفاعی تعاون کو مزید مضبوط بنانا ہے۔بیان میں کہا گیا ہے کہ اس اقدام سے نہ صرف پاکستان اورسعودی عرب کے درمیان دفاعی تعلقات مزید مستحکم ہوں گے بلکہ خطے اور عالمی سطح پر امن، سلامتی اور استحکام کے فروغ میں بھی مدد ملے گی۔

پاکستان میں سعودی عرب کے سفیر نواف بن سعید المالکی کہتے ہیں کہ سعودی وزارت دفاع کے اعلان کے مطابق دونوں برادر ممالک کے درمیان طے پانے والے مشترکہ سٹریٹجک دفاعی معاہدے کے تحت اسلامی جمہوریہ پاکستان کا فوجی دستہ مشرقی ریجن میں کنگ عبدالعزیز ایئر بیس پہنچ گیا ہے۔

امریکی حکومت نے ان خبروں کی سختی سے تردید کی ہے جن میں دعویٰ کیا گیا تھا کہ واشنگٹن نے ایران کے ایک اہم مطالبے کو تسلیم کرتے ہوئے اس کے منجمد اثاثے بحال کرنے پر رضامندی ظاہر کی ہے۔

اس سے قبل ایک رپورٹ میں ایک سینئر ایرانی ذریعے کے حوالے سے کہا گیا تھا کہ امریکہ نے ایران کے منجمد اثاثے بحال کرنے پر اتفاق کیا ہے، جس کے نتیجے میں خطے میں کشیدگی کم ہونے اور اہم آبی گزرگاہ آبنائے ہرمزکو دوبارہ کھولنے میں مدد مل سکتی ہے۔تاہم وائٹ ہاؤس نے ان دعوؤں کو مسترد کرتے ہوئے واضح کیا ہے کہ امریکہ نے اس نوعیت کا کوئی معاہدہ یا وعدہ نہیں کیا۔

دوسری جانب آج پاکستان میں اہم امن مذاکرات متوقع ہیں جن میں دونوں فریقین کے وفود شرکت کریں گے۔ یہ مذاکرات اسلام آباد میں ہوں گے اور انہیں خطے میں ممکنہ امن کی جانب ایک اہم پیش رفت قرار دیا جا رہا ہے۔امریکی وفد کی قیادت امریکہ کے نائب صدر جے ڈی وینس کر رہے ہیں۔ وائٹ ہاؤس کے مطابق انہوں نے اسلام آباد میں پاکستان کے وزیراعظم شہباز شریف سے ملاقات بھی کی ہے۔وائٹ ہاؤس کے مطابق ملاقات میں خطے کی صورتحال اور جاری سفارتی کوششوں پر تبادلہ خیال کیا گیا۔ وزیراعظم شہباز شریف کے دفتر نے بتایا کہ انہوں نے امید ظاہر کی ہے کہ یہ مذاکرات خطے میں پائیدار امن کی طرف ایک اہم سنگ میل ثابت ہوں گے۔وزیراعظم کے مطابق پاکستان چاہتا ہے کہ یہ بات چیت مثبت نتائج دے اور خطے میں کشیدگی کم کرنے میں مددگار ثابت ہو۔

مزید پیش رفت کے لیے مذاکرات جاری رہیں گے اور عالمی برادری کی نظریں اسلام آباد میں ہونے والی ان بات چیت پر مرکوز ہیں۔

بین الاقوامی خبر رساں ادارے رائیٹرز کے مطابق ایک سینئر ایرانی ذریعے نے دعویٰ کیا ہے کہ امریکہ نے قطر اور دیگر غیر ملکی بینکوں میں موجود ایران کے منجمد اثاثے جاری کرنے پر آمادگی ظاہر کر دی ہے، جو مشرقِ وسطیٰ میں جاری کشیدگی کم کرنے اور ممکنہ امن مذاکرات کی جانب ایک اہم پیش رفت قرار دی جا رہی ہے۔

رپورٹ کے مطابق یہ اقدام ایسے وقت میں سامنے آیا ہے جب خطے میں آئندہ امن مذاکرات کی تیاری جاری ہے، جن کی میزبانی مبینہ طور پر پاکستان کر رہا ہے۔امریکی و ایرانی وفود پاکستان پہنچ چکے ہیں،ایرانی ذرائع نے رائٹرز کو بتایا کہ تہران اس فیصلے کو امریکہ کی جانب سے سنجیدگی اور دیرپا امن معاہدے کی خواہش کے طور پر دیکھ رہا ہے۔ ذرائع نے نام ظاہر نہ کرنے کی شرط پر کہا کہ اثاثوں کی واپسی کو براہِ راست خطے میں بحری راستوں کی سلامتی سے جوڑا جا رہا ہے۔

ذرائع کے مطابق یہ پیش رفت خاص طور پر آبنائے ہرمز سے محفوظ گزرگاہ یقینی بنانے کے معاملے سے منسلک ہے۔آبنائے ہرمز دنیا کی اہم ترین تیل و گیس ترسیلی گزرگاہوں میں شمار ہوتی ہے، جہاں کسی بھی قسم کی کشیدگی عالمی توانائی منڈیوں پر فوری اثر ڈال سکتی ہے۔ایرانی فریق کا مؤقف ہے کہ خطے میں استحکام کے لیے اقتصادی دباؤ میں نرمی اور اعتماد سازی کے اقدامات ناگزیر ہیں۔رپورٹ میں یہ بھی کہا گیا ہے کہ منجمد اثاثوں کا بڑا حصہ قطر میں موجود مالیاتی اداروں میں رکھا گیا ہے، جو گزشتہ کئی برسوں سے بین الاقوامی پابندیوں کے باعث غیر فعال تھا۔تاحال امریکی حکومت کی جانب سے اس خبر کی باضابطہ تصدیق یا تردید سامنے نہیں آئی۔ تاہم سفارتی حلقوں میں اس پیش رفت کو ایک ممکنہ "بریک تھرو” کے طور پر دیکھا جا رہا ہے جو مستقبل میں ایران اور امریکہ کے درمیان کشیدگی میں کمی لا سکتا ہے۔

سابق امریکی سفارت کار نے پاکستان سے حسد میں مبتلا بھارتی اینکر کولائیو شو میں کھری کھری سُنادی۔

امریکہ ایران جنگ بندی میں پاکستان کے فیصلہ کن کردار سے بھارت اور گودی میڈیا میں صف ماتم بچھ گیا۔گودی میڈیا مودی حکومت کو خفت سے بچانے کیلئے پاکستان کیخلاف بے بنیاد پراپیگنڈے کا سہارا لینے پرمجبور ہوچکا ہے،پاکستان میں امریکی نائب صدر جے ڈی وینس کی سکیورٹی پر احمقانہ سوال کرنے پر بھارتی اینکرکو سابق امریکی سفارتکار جیفری گنٹر نے آڑے ہاتھوں لیتے ہوئے کہا کہ امریکی نائب صدر پاکستان میں مکمل محفوظ ہیں،بھارتی میڈیا سکول کے بچوں والا طرز عمل دکھا رہا ہے۔یہ زندگیوں کا معاملہ ہے،یہ روزگار کا معاملہ ہے اوریہ مہنگے پٹرول کا معاملہ ہے،سابق امریکی سفارتکار نے کہا کہ بھارتی میڈیاکا اس نازک معاملے کو بھارت پاکستان تنازع میں تبدیل کرنا افسوسناک ہے۔میں بھارتی میڈیاکو اسکے شرمناک رویے پر بطور سزا 30 منٹ کیلئے کمرے میں بند کرنا چاہوں گا۔انہوں نے کہا کہ بھارتی میڈیا کو بے کار بحث و مباحثے میں الجھنے کے بجائے جنگ بندی کو سراہنا چاہیئے۔

ماہرین کےمطابق امن مذاکرات جیسے حساس معاملے کو متنازع بناکر گودی میڈیا خطے میں کشیدگی بڑھانے کی شرمناک روش پرقائم ہے۔پاکستان مخالف پروپیگیندےکی کوشش میں مودی حکومت خود سفارتی تنہائی کا شکار ہوچکی ہے اور گودی میڈیا کی چیخیں اس کا واضح ثبوت ہیں۔