Author: ممتاز حیدر

بھارتی پشت پناہی میں دہشت گردی خطہ کے امن و امان کے لیے سنگین خطرہ بن چکی ہے

اکھنڈ بھارت کاانتہا پسند نظریہ اور ہمسایہ ممالک میں اِسکی مسلسل مداخلت پورے خطہ کو خطرات سے دوچار کر رہی ہے،انسانی جرائم کے مرتکب مودی اور حسینہ واجد سرحد پار دہشتگردی اور انتشار پھیلانے میں مسلسل سرگرم ہیں،بھارتی خفیہ ایجنسی ’’را ‘‘ نےعثمان ہادی کی شہادت کے صرف دو دن بعد ایک اور بنگلہ دیشی رہنماپر قاتلانہ حملہ کیا،بنگالی نوجوان رہنما محمد مطالب شیکدرکو بھارتی دہشتگردوں نےقاتلانہ حملے میں نشانہ بنایا ،بنگلہ دیشی پولیس کے مطابق ؛محمدمطالب شیکدرپر فائرنگ کا واقعہ بنگلا دیش کے شہرکھلنا میں پیش آیا،محمدمطالب شیکدرکھلنا سے تعلق رکھنے والی تنظیم نیشنل سیٹزن پارٹی کے رہنما ہیں

بھارتی جریدہ بھاسکر انگلش کے مطابق بنگلا دیشی رہنمامحمدمطالب سِکدرکو قریب سے سَر پرگولی ماری گئی ،محمدمطالب شیکدرحملے میں شدید زخمی ہوئے جنہیں زخمی حالت میں اسپتال منتقل کیا گیا،

بنگلا دیش کے نوجوان سیاسی رہنماؤں کو مسلسل بھارت کی جانب سے دھمکیاں مل رہی ہیں،حالیہ دنوں میں بھارتی فوج کے میجر اور کرنل کی جانب سے ایکس اکاؤنٹ پر نوجوان رہنما حسنات عبداللہ کو بھی دھمکیاں دی گئیں،عثمان ہادی، مطالب شیکدر اور حسنات عبداللہ سمیت بنگلہ دیشی نوجوان رہنما ؤں کا قصورفقط بھارتی مداخلت کیخلاف آواز اٹھانا ہے،بنگالی نوجوان رہنما مطالب شیکدر پر قاتلانہ حملہ کے فوراََ بعد بھارتی بدنامِ زمانہ ایجنسی را اوربھارتی فوج سے مربوط "ایکس” اکاؤنٹس پر شرمناک انداز میں جشن منایا گیا،سماجی رابطہ کے پلیٹ فارم "ایکس” پربھارت کا جشن مناناثابت کرتا ہے کہ اس دہشتگرد حملہ کے پسِ پشت بھی بھارتی ہاتھ ملوث ہے،بھارت کی ہندوتوا سوچ کے زیر اثر، پر تشدد توسیع پسندانہ عزائم پورے خطہ کے لیے خطرہ بن چکے ہیں

افغان طالبان رجیم میں غربت ،بھوک اورافلاس سے افغان عوام کاجینامحال ہو گیا

دہشت گردی کے فروغ میں مصروف افغان طالبان رجیم نے افغان عوام کی زندگی اجیرن بنا دی ،اقوام متحدہ کے ورلڈ فوڈ پروگرام کی رپورٹ کے مطابق افغانستان میں ایک کروڑ70لاکھ افراد غذائی قلت اورشدید بھوک و افلاس میں موسم سرما گزانے پر مجبورہیں، افغانستان میں غذائی قلت کا شکار بچوں کی تعداد تقریباً40لاکھ سے بڑھنے کا امکان ہے ، افغانستان میں بچوں کی غذائی قلت گذشتہ دہائیوں کی نسبت اپنی بلند ترین سطح پر پہنچ چکی ہے ،

اقوام متحدہ کے مطابق افغانستان میں شدید معاشی بحران نے بھی افغان عوام کی زندگی کواجیرن بنا دیا ہے،افغان طالبان رجیم میں روزگار کے مواقع انتہائی محدود اور کمزور معیشت نے آمدنی اور معاشی حالات تباہ کر دیئے ہیں،
اقوام متحدہ کی ذیلی تنظیم یونیسیف افغانستان میں پہلے ہی شدید انسانی بحران کے حوالہ سے خبر دار کر چکی ہے،
یونیسیف کے مطابق افغانستان میں 2سال سے کم عمر کے تقریباً 90 فیصد بچے غذائی قلت میں زندگی گزار رہے ہیں

افغان طالبان رجیم کی بے حسی ، نااہلی اور دہشت گرد گروہوں کی سرپرستی کی قیمت افغان عوام بھوک و افلاس سے ادا کر رہے ہیں ،افغان طالبان حکمران خود بدعنوانی اور غیر قانونی ذرائع سے حاصل شدہ رقوم سے عیاشیوں میں مصروف جبکہ افغان عوام سطح غربت سے بھی نیچے زندگی گزارنے پر مجبور ہیں

برطانیہ کے شہر سوِنڈن میں ایک شخص کو اپنی سابقہ اہلیہ کے خلاف 13 سال کے دوران سنگین جنسی جرائم کے ارتکاب کے الزام میں پانچ دیگر مردوں کے ساتھ فردِ جرم عائد کر دی گئی ہے۔

ولٹ شائر پولیس کے مطابق 49 سالہ فلپ ینگ، جو پہلے سوِنڈن کا رہائشی تھا، پر اپنی سابقہ بیوی جواین ینگ (عمر 48 سال) کے خلاف 56 جنسی جرائم کے الزامات عائد کیے گئے ہیں۔ ان الزامات میں متعدد بار زیادتی (ریپ)، نشہ آور مادہ استعمال کر کے جنسی فعل کے لیے بے ہوش یا کمزور کرنے کی کوشش، چوری چھپے نگرانی ، بچوں کی نازیبا تصاویر رکھنے اور انتہائی فحش مواد رکھنے جیسے سنگین الزامات شامل ہیں۔پولیس کے مطابق پانچ دیگر افراد پر بھی محترمہ جواین ینگ کے خلاف جنسی جرائم کے الزامات عائد کیے گئے ہیں۔ پولیس نے بتایا کہ متاثرہ خاتون نے اپنی قانونی شناخت پوشیدہ رکھنے کا حق خود چھوڑنے کا فیصلہ کیا ہے۔تمام چھ ملزمان کو سوِنڈن مجسٹریٹس کورٹ میں پیش کیا جائے گا۔

پولیس کے مطابق یہ تمام جرائم 2010 سے 2023 کے درمیان پیش آئے۔ولٹ شائر پولیس کے ڈٹیکٹو سپرنٹنڈنٹ جیوٖف اسمتھ نے کہا یہ ایک پیچیدہ اور طویل تحقیقات میں ایک اہم پیش رفت ہے۔اس کیس میں متاثرہ خاتون جواین نے قانونی شناخت پوشیدہ رکھنے کا حق خود چھوڑنے کا فیصلہ کیا ہے۔انہیں شروع سے ہی خصوصی تربیت یافتہ افسران کی جانب سے مکمل تعاون فراہم کیا گیا، اور یہ فیصلہ انہوں نے پولیس اور سپورٹ سروسز سے متعدد مشاورت کے بعد کیا۔

بھارت میں سویگی انسٹا مارٹ نے اپنی سال کے اختتام کی رپورٹ جاری کی ہے، جس میں بتایا گیا ہے کہ بھارت میں لوگوں نے 2025 میں اپنی آن لائن ایپ کے ذریعے کس طرح خریداری کی۔

اس فہرست میں کچھ حیران کن خریداری کے رجحانات بھی شامل ہیں، جن میں چنئی کے ایک صارف کا معاملہ خاص طور پر توجہ کا مرکز بنا، جس نے پورے سال میں صرف کنڈومز پر 1,06,398 روپے خرچ کیے۔ اس صارف نے کنڈومز کے لیے مجموعی طور پر 228 الگ الگ آرڈرز دیے، یعنی اوسطاً تقریباً 19 آرڈرز ماہانہ۔رپورٹ میں کہا گیا “چنئی کے ایک ہی اکاؤنٹ سے کنڈومز کے 228 الگ الگ آرڈرز دیے گئے، جن کی کل مالیت 1,06,398 روپے تھی،رپورٹ کے مطابق کنڈومز ایک مقبول پراڈکٹ رہے، جہاں ہر 127 آرڈرز میں سے ایک میں کنڈومز کا پیک شامل تھا۔ ستمبر کے مہینے میں کنڈومز کی فروخت میں 24 فیصد اضافہ دیکھا گیا، جو اس پراڈکٹ کے لیے سب سے زیادہ فروخت والا مہینہ ثابت ہوا۔

دوسری جانب، ممبئی کے ایک اکاؤنٹ نے ریڈ بُل شوگر فری پر 16.3 لاکھ روپے خرچ کیے۔ اسی دوران، چنئی کے ایک صارف نے صرف پالتو جانوروں کی اشیاء پر 2.41 لاکھ روپے خرچ کیے۔بنگلور کے ایک صارف نے ڈیلیوری پارٹنرز کو 68,600 روپے بطور ٹپ ادا کیے، جو شہر کی فیاضی کو ظاہر کرتا ہے۔ چنئی اس فہرست میں 59,505 روپے کے ساتھ دوسرے نمبر پر رہا۔ رپورٹ میں کہا گی بنگلور شاید بھارت کا ٹیک کیپیٹل ہو، لیکن یہ ٹپنگ کیپیٹل بھی ہے۔
نوئیڈا میں کسی نے ایک ہی بار میں بلوٹوتھ اسپیکرز، ایس ایس ڈیز اور روبوٹک ویکیوم کلینرز پر 2.69 لاکھ روپے خرچ کیے۔ اگر آپ کو یہ رقم زیادہ لگتی ہے تو حیدرآباد کے ایک صارف نے ایک ہی کلک میں تین آئی فون 17 خریدنے پر 4.3 لاکھ روپے خرچ کیے۔رپورٹ کے مطابق، ویلنٹائن ڈے کے موقع پر گلابوں کے آرڈرز کی رفتار 666 آرڈرز فی منٹ تک پہنچ گئی۔اسی دوران، رکشا بندھن، فرینڈشپ ڈے اور ویلنٹائن ڈے 2025 کے سب سے زیادہ تحائف دیے جانے والے دن بنے، جس میں انسٹا مارٹ کے “گفٹیبلز” فیچر کا بڑا کردار رہا۔