Author: ممتاز حیدر

امریکہ نے جمعہ کو وینزویلا کے مکمل فلائٹ انفارمیشن ریجن کے لیے ایک اہم اور غیر معمولی NOTAM جاری کرتے ہوئے عالمی ایئرلائنز اور تمام کمرشل فلائٹ آپریٹرز کو شدید نوعیت کی سیکیورٹی وارننگ دے دی ہے۔

اس نوٹیم میں واضح کیا گیا ہے کہ وینزویلا کی فضائی حدود اور اس کے اطراف ’بڑھتی ہوئی فوجی نقل و حرکت‘، ’شدید عسکری سرگرمیوں‘ اور ’بگڑتی ہوئی سکیورٹی صورتحال‘ کے باعث فضائی آپریشنز کے لیے خطرات میں اضافہ ہو گیا ہے۔امریکی فیڈرل ایوی ایشن ایڈمنسٹریشن (FAA) کی جانب سے جاری کیے گئے اس انتباہ میں ہدایت کی گئی ہے کہ تمام غیر ملکی اور امریکی کمرشل طیارے اس فضائی حصے میں داخل ہونے یا اس کے قریب سے گزرنے سے پہلے غیر معمولی احتیاط برتیں اور متبادل روٹس پر غور کریں۔

فضائی نگرانی کے نظام اور ریڈار ایکٹیویٹی میں بھی اضافہ ریکارڈ کیا جا رہا ہے، جو فضائی ٹریفک کے لیے ممکنہ خطرات پیدا کرتا ہے۔امریکی حکام کا کہنا ہے کہ موجودہ حالات میں کسی بھی غیر متوقع عسکری کارروائی یا انٹرسپٹ آپریشن کی وجہ سے کمرشل طیارے خطرے کی زد میں آسکتے ہیں۔

پاکستان کے ساتھ جنگ میں بھارت کی شکست سے متعلق دنیا بھر سے مسلسل نئی رپورٹس سامنے آرہی ہیں اور امریکا کے بعد اب فرانسیسی کمانڈر نے بھی تصدیق کردی ہے کہ 6 اور 7 مئی کی رات پاکستان نے بھارتی رافیل طیارے مار گرائے تھے۔

دنیا کی مسلح افواج نے مئی میں پاکستان اور بھارت کے درمیان ہونے والی فضائی جھڑپ کو بہت قریب سے دیکھا۔ اس غیر معمولی فضائی جنگ نے مختلف ممالک کی افواج کو پائلٹس، لڑاکا طیاروں اور میزائلوں کی کارکردگی جانچنےکا نادر موقع فراہم کیا۔فرانس کے شمال مغربی علاقے میں واقع نیول ائیر بیس کے کمانڈر کیپٹن ‘یوک لونے’ نے میڈیا سے گفتگو میں بتایا کہ خرابی رافیل طیارے میں نہیں تھی بلکہ اسے اڑانے والے بھارتی پائلٹس میں تھی،یہ بیس 40 سے زائد جوہری میزائلوں سے لیس رافیل لڑاکا طیاروں کے اسکواڈرن کی وجہ سے مشہور ہے اور کیپٹن لو نے یہاں 94 بحری جنگی جہازوں، 10 جوہری آبدوزوں اور 190 جنگی طیاروں کی نگرانی کرتے ہیں۔

کیپٹن لو نے گزشتہ 25 سال سے رافیل اڑا رہے ہیں اور مشرقِ وسطیٰ، افریقہ اور یورپ تک کئی اہم مشنز سرانجام دے چکے ہیں۔ عالمی نمائندوں کی موجودگی میں انہوں نے پاکستانی فضائی صلاحیتوں کی تعریف کرتے ہوئے کہا کہ ‘پاکستانی فضائیہ نے صورتحال کو انتہائی مؤثر انداز میں سنبھالا،انڈو پیسفک کانفرنس کے بین الاقوامی سیشن سے خطاب میں انہوں نے کہا کہ مئی 2025 میں بھارتی فضائیہ کے رافیل طیارے چینی طیاروں کی تکنیکی برتری کے باعث نہیں گرے تھے بلکہ پاکستان کے مضبوط دفاع اور مؤثر حکمتِ عملی کی وجہ سے تباہ ہوئے۔انہوں نے بتایا کہ یہ صورتحال بہت پیچیدہ تھی کیونکہ اس لڑائی میں 140 سے زائد لڑاکا طیارے شامل تھے۔اتنی زیادہ تعداد میں اہداف موجود ہونے کے باعث کسی بھی طیارے کو نشانہ بنانا نسبتاً آسان تھا مگر پاکستان نے اسے بھارت کے مقابلے میں کہیں بہتر انداز میں ہینڈل کیا۔

اس موقع پر بھارتی مندوب نے مداخلت کرتے ہوئے اسے چین کا پھیلایا ہوا پروپیگنڈا قرار دیا لیکن کیپٹن ‘لونے’ نے اس اعتراض کو نظر انداز کر دیا۔

کیپٹن لونے سے سوال کیا گیا کہ جنگ کے دوران رافیل کا ریڈار سسٹم کیوں فیل ہوا؟ جس پر کیپٹن ‘لونے’ نے جواب دیا کہ ‘مسئلہ مشین میں نہیں، اسے استعمال کرنے میں تھا۔انہوں نے کہا کہ رافیل کسی بھی جنگی صورتحال میں چینی طیاروں کو شکست دے سکتا ہے مگر سب کچھ استعمال کے طریقے پر منحصر ہے۔انہوں نے انکشاف کیا کہ بھارتی حکومت اب رافیل کے نیول ورژن کی خریداری میں دلچسپی رکھتی ہے جو سمندر میں موجود ائیرکرافٹ کیریئر پر لینڈ کرسکتا ہے۔ انہوں نے بتایا کہ یہ نیول رافیل جوہری میزائل بھی لے جاسکتے ہیں اور دنیا میں صرف فرانسیسی بحریہ کے پاس یہ صلاحیت ہے۔

پاکستان اور بھارت کے درمیان فضائی جنگ کا تفصیلی تجزیہ عالمی توجہ کا مرکز بنا ہوا ہے کیونکہ اس سے مستقبل کی جنگوں میں ملٹری اسٹریٹجی بہتر بنانے کے لیے اہم سبق حاصل ہوسکتے ہیں۔ماہرین کے مطابق یہ ایک نایاب موقع تھا جس میں پائلٹس، لڑاکا طیاروں اور ائیر ٹو ائیر میزائلوں کی کارکردگی کو حقیقی جنگی ماحول میں پرکھا گیا۔

دبئی میں ائیر شو کے دوران بھارت کا جنگی طیارہ تیجس گرنے کے بعد بھارتیوں نے اپنی فضائیہ کو آڑے ہاتھوں لے لیا اور ائیر چیف کے استعفے کا مطالبہ کر دیا۔

جمعہ کو دبئی ائیر شو کے دوران بھارت کا جنگی طیارہ گر کر تباہ ہوگیا ، بھارتی طیارہ ایروبیٹک اسٹنٹ کے دوران گرا،بھارتی ائیرفورس نے طیارہ گرنےاور پائلٹ کی ہلاکت کی تصدیق کردی ہے،چند روز قبل ہی دبئی ائیر شو کے دوران بھارتی لڑاکا طیارے کی ایک ویڈیو سامنے آئی تھی جس میں تیجس طیارے کے فیول ٹینک سے تیل لیک ہوتے دیکھا گیا تھا۔طیارہ تیجس گرنے کے بعد سوشل میڈیا پر بھارتی صارفین نے اپنی فضائیہ کو سخت تنقید کا نشانہ بنایا ہے اور ائیر چیف کے استعفے کا بھی مطالبہ کیا ہے۔

انوشی تیواری نامی بھارتی صارف نے ایکس پر پوسٹ کرتے ہوئے لکھا کہ یہ پوری دنیا کے سامنے بھارت کے لیے ایک بہت بڑی توہین ہے۔ بھارتی ائیر فورس کے سربراہ کو فوراً عہدے سے ہٹا دینا چاہیے۔،ایک اور بھارتی صارف تیجسوی پراکاش نے سوال اٹھایا کہ اگر ہمارے طیارے بنیادی ایروبیٹک اسٹنٹ بھی نہیں کر سکتے تو یہ اس سے بھی بڑا سوال پیدا کرتا ہے، کیا ہمارے پائلٹس کو ان طیاروں پر مناسب تربیت دی جا رہی ہے،اسی صارف نے بھارتی ائیر چیف پرتنقید کرتے ہوئے کہا کہ جب ہمارا ائیر چیف ڈسپلن، تربیت اور تکنیکی تیاری پر بات کرنے کے بجائے زیادہ تر ڈانس کلپس میں نظر آئے، تو صاف ظاہر ہے کہ قیادت کے اعلیٰ سطح پر کچھ نہ کچھ غلط ہو رہا ہے۔

دبئی ایئر شو میں تیجس کی تباہی نے بھارت میں دفاعی سازوسامان میں کرپشن بے نقاب کردی

دفاعی سازوسامان کی خریداری میں کرپشن اور نقائص نے تیجس کی آتما ہتیہ کر ڈالی ،دبئی ایئر شو میں بھارت کا مقامی طور پر تیار کردہ تیجس طیارہ نقائص کے باعث گر کر تباہ ہوا،تیجس طیارے کی تباہی میں بھارت کی دفاعی نااہلی اور کرپشن کی وجہ سے ہوئی ،بھارتی ایئر چیف اے پی سنگھ کچھ عرصہ قبل ہی دفاعی معاہدوں میں بدعنوانی اور نااہلی کا پردہ چاک کرچکے ہیں

بھارتی فضائیہ کے سربراہ اے پی سنگھ کا کہنا ہے تھا کہ ٹائم لائن کا جنازہ نکل چکا ہے کوئی بھی دفاعی پروجیکٹ وقت پر مکمل نہیں ہوتا،کئی سسٹمز کبھی آئیں گے ہی نہیں، پھر بھی ان کیلئے معاہدے کیے جاتے ہیں،

ناقص جہاز کو ائیر شو پر بھیجنا بھارتی جھوٹے گھمنڈ اور خواب وخیال میں رہنے والی مودی سرکار کی ہٹ دھرمی کا نتیجہ ہے ،چھپن انچ کی چھاتی کے گھمنڈ زمین بوس ہو گیا جو دنیا کے خدشات کو مزید گہرا کرے گا ، آپریشن سندور بھارت کی دفاعی قیادت کیلئے آنکھیں کھول دینے والا ہے،

تیجس کی تباہی حقیقت میں بھارت کی ادارہ جاتی ناکامی ہے

بدلتی اسپیسفکیشنز، ٹیکنالوجی گیپس اور غیر واضح ڈیزائن نے تیجس کے ترقیاتی پروگرام کو روکے رکھا ،تیجس طیارے کی تیاری کے دوران ہال کی پیداواری اور مینوفیکچرنگ کوالٹی پر سوالات اٹھائے گئے،تیجس طیارے کی تیاری کے دوران پینل مس الائنمنٹ، لیکج اور وائبریشن جیسے مسائل بارہا رپورٹ ہوئے،تیجس طیارے میں دیسی انجن ناکام، جی ای انجن ایئر فریم کے مطابق نہیں تھرسٹ، اسمارٹ لوڈ اور حرارتی دباؤ کے مسائل سامنے آئے،کم اسپیڈ پر استحکام کے مسائل پائلٹ ان پٹ اور آٹو پائلٹ میں تضاد بھی تیجس تیاری کے ابتدائی مراحل میں سامنے آئے،بھارتی فضائیہ نے تیجس طیارے کی کارکردگی، رینج،اور مینٹیننس پر مستقل عدم اطمینان ظاہر کیا،سیاسی دباؤ کے باعث تیجس طیارے کو شو پیس بنا دیا گیا، تکنیکی خامیاں چھپائی گئیں اور نتیجہ تباہی کی صورت میں سامنے آیا،نامکمل سافٹ ویئر، ہائیڈرالک مسائل اور ریڈار اپگریڈز کے بغیر طیارہ بین الاقوامی شو میں بھیجا گیا

دبئی میں تیجس کی تباہی حقیقت میں بھارت کی ادارہ جاتی ناکامی کو ظاہر کرتی ہے، لیکج کے باوجود طیارہ اُڑانا ناقص مینٹیننس، کمزور انسپیکشن اور سسٹمک فیصلوں کی بڑی غلطی ثابت ہوا

دبئی ایئر شو کے دوران بھارت کا مقامی طور پر تیار کردہ جنگی طیارہ تیجس فضائی مظاہرے کے دوران گر کر تباہ ہو گیا، جس کے نتیجے میں طیارے کا پائلٹ ہلاک ہو گیا۔ واقعے کی باضابطہ تصدیق بھارتی فضائیہ نے کر دی ہے۔

بھارتی ایئر فورس کی جانب سے سماجی رابطے کی ویب سائٹ ’ایکس‘ پر جاری بیان میں کہا گیا کہ ’’آج دبئی ایئر شو میں فلائنگ ڈسپلے کے دوران بھارتی فضائیہ کا تیجس طیارہ حادثے کا شکار ہوگیا، بدقسمتی سے ہمارے پائلٹ کی جان نہیں بچائی جا سکی۔‘‘بیان میں مزید کہا گیا کہ حادثے کی وجوہات جاننے کے لیے کورٹ آف انکوائری قائم کر دی گئی ہے جو تکنیکی و آپریشنل پہلوؤں کا جائزہ لے گی۔

تیجس کو بھارت کی سرکاری ایرو اسپیس کمپنی ہندوستان ایروناٹکس لمیٹڈ نے تیار کیا تھا۔ یہ بھارت میں تیار ہونے والا پہلا جدید جنگی طیارہ تصور کیا جاتا ہے۔طیارے کی پہلی آزمائشی پرواز 2001 میں ہوئی جبکہ 2016 میں اسے باضابطہ طور پر بھارتی فضائیہ میں شامل کیا گیا۔بھارت تیجس کو 4.5 جنریشن کے لڑاکا طیارے کے طور پر پیش کرتا ہے، جسے بھارتی حکام رافیل کے قریب درجے کی صلاحیتوں کا حامل قرار دیتے رہے ہیں۔ تاہم ماہرین کے مطابق اس طیارے کے متعلق آزادانہ سطح پر ہمیشہ سوالات اٹھتے رہے ہیں، خصوصاً اس کے انجن، الیکٹرانکس اور جنگی صلاحیتوں کے حوالے سے۔

دبئی ایئر شو میں پیش آنے والا یہ واقعہ دو سال سے بھی کم عرصے میں تیجس طیارے کے گرنے کا دوسرا بڑا حادثہ ہے۔مارچ 2024 میں بھی ایک تیجس طیارہ راجستھان کے شہر جیسلمیر میں گر کر تباہ ہوا تھا، تاہم اُس واقعے میں پائلٹ محفوظ رہا تھا۔بھارتی میڈیا کے مطابق دبئی ایئر شو کے حادثے کی تفصیلات جاننے کے لیے بھارتی فضائیہ اور HAL کی مشترکہ ٹیم بھی تشکیل دی جا رہی ہے، جوطیارے کی تکنیکی کارکردگی،ممکنہ خرابی کا تفصیلی جائزہ لے گی۔ں۔