Author: ممتاز حیدر

پاکستان کا11 اکتوبر 2025 کو افغان سرحد بند کرنا ردعمل نہیں بلکہ تجارتی نظام کی اصلاح کا باعث ہے

پاکستان نے وہ تمام راستے بند کیے جو اسمگلنگ، منشیات، غیر قانونی اسلحہ اور دہشتگردی کے بنیادی ذرائع تھے، تجارتی بندش کایہ فیصلہ قومی سلامتی، معاشی بقا اور ریاستی رٹ کے لیے نہایت اہم اور دوررس ثابت ہوگا،افغانستان تجارتی بندش سے معاشی، سماجی اور ریاستی طور پر سب سے زیادہ نقصان میں ہے۔افغانستان کی 70 سے80٪ تجارت پاکستان کی سڑکوں اور بندرگاہوں پر منحصر ہے، افغانستان میں سامان کراچی کے راستے 3سے4 دن میں پہنچتا ہے، جبکہ ایران کے راستے سے 6سے8 دن میں پہنچے گا،وسطی ایشیائی ممالک کے راستے تجارتی سامان کو افغانستان کیلئے 30 دن سے بھی زیادہ لگ جائیں گے، افغان ٹرانزٹ ٹریڈ کے نام پر اسمگلنگ کا سامان پاکستان میں داخل ہوتارہا،حقائق کے مطابق پاکستان کو ہرسال 3.4 کھرب روپے کا نقصان اسمگلنگ سے ہوتا تھا،افغان ٹرانزٹ سے تقریباً 1 کھرب روپے کا سامان واپس آ جاتا تھا، جو اضافی نقصان کا سبب بنتاتھا،طورخم کی بندش سے ایک ماہ میں افغانستان کو 45 ملین ڈالر کا نقصان ہوا،چند ہفتوں میں افغانستان کیلئے تمام سرحدوں کا مجموعی نقصان 200 ملین ڈالر سے تجاوز کر گیا، 5,000 سے زائد ٹرک پھنسے، اور افغان فصلیں و پھل، جو پاکستان میں منڈی کے انتظار میں تھے، ضائع ہو گئے ،ایران کے راستے تجارتی لاگت 50سے60٪ بڑھ گئی اور ہر کنٹینر پر 2,500 ڈالر اضافی کرایہ لگا

افغانستان میں ادویات کی ترسیل بھی متاثر ہوئی کیونکہ افغانستان کی 50 فیصد سے زائد ادویات پاکستان کے راستے آتی تھی، متبادل راستے سست، مہنگے اور غیر محفوظ ہیں، اور افغانستان کی کمزور معیشت یہ بوجھ برداشت نہیں کر سکتی،جب اسمگلنگ رک گئی، تو 200,000 سے زیادہ خاندان جو اسمگلنگ، بیک فلو اور انڈر انوائسنگ سے وابستہ تھے بے روزگار ہو گئے،افغانستان سے تجارتی بندش عام پاکستانی کی زندگی پر تقریباً کوئی اثر نہیں ڈالتی، افغانستان سے اسمگل ہو کر آنے والا سامان بنیادی اشیائے ضرورت نہیں بلکہ لگژری سامان تھا،پاکستان کے پاس CPEC، چین کے ساتھ براہِ راست زمینی راستے موجود ہیں،تجارتی بندش سے اسمگلنگ نیٹ ورک ٹوٹیں گے، اسلحہ و منشیات کی ترسیل رکے گی، ٹریڈ کی بندش سے مشرقی صوبوں (پکتیا وغیرہ) پر مرکوز تجارت دیگر صوبوں اور راستوں، جیسے ایران اور وسطی ایشیائی ممالک کی طرف بڑھے گی، اس سے افغانستان میں اقتصادی تنوع (Diversification) اور شمولیت (Inclusivity) بڑھے گی،طویل المدتی یعنی 5سے10 سال میں پاکستان کو بھی اس کے فوائد حاصل ہوں گے۔ افغان طالبان کو فیصلہ کرنا ہو گا کہ وہ دہشتگردوں کو تحفظ دیں گے یا پاکستان کے ساتھ مل کر ترقی کے سفر میں شامل ہوں گے۔

دبئی ایئر شو میں بھارتی ساختہ جنگی طیارہ تیجس کا ہولناک حادثہ، جس میں پائلٹ موقع پر ہی جان کی بازی ہار گیا، محض ایک سانحہ نہیں، یہ بھارتی فضائیہ اور دفاعی ہوا بازی کے پورے نظام میں چھپے ہوئے دیرینہ بحرانوں کو پوری شدت کے ساتھ سامنے لے آیا ہے۔ حادثے نے نہ صرف تیجس پروگرام کی کارکردگی اور اس کی تکنیکی صلاحیت پر سوالات اٹھا دیے ہیں بلکہ بھارت کے دفاعی منصوبہ بندی، آپریشنل سیفٹی اور سیاسی نعرہ بازی پر بھی بڑی بحث چھیڑ دی ہے۔

اعداد و شمار بھارت کے دفاعی ہوابازی کے ’’سنگین بحران‘‘ کی واضح تصویر پیش کرتے ہیں۔رپورٹس کے مطابق ستمبر 2023 تک بھارتی فضائیہ مجموعی طور پر 2,374 طیارے کھو چکی ہے، جن میں1,126 لڑاکا طیارے شامل ہیں،سینکڑوں ٹرینر و ٹرانسپورٹ طیارے،1,300 سے زائد پائلٹ مختلف حادثات میں جان گنوا چکے ہیں،بھارتی پارلیمانی ریکارڈ، جو کہ ہمیشہ محتاط الفاظ میں مرتب کیا جاتا ہے، خود یہ تسلیم کرتا ہے کہ 2017 سے 2022 کے دوران 34 طیارے حادثات کا شکار ہوئے۔ بہت سے کیسز میں انسانی غلطی ذکر کی گئی، مگر اس کے ساتھ ساتھ حقیقت یہ بھی ہے کہ پرانے طیارے، کمزور مینٹیننس، تکنیکی نقائص اور غیر پیشہ ورانہ نگرانی حادثات کا بنیادی سبب رہے۔

تیجس کو بھارتی حکومت نے ’’آتما نربھر‘‘ (خود انحصاری) کے نعرے کے ساتھ ملکی ٹیکنالوجی کا ’’چمکتا ہوا ستارہ‘‘ بناکر پیش کیا۔ لیکن اندرونی حقیقت کچھ اور ہے۔تیجس پروگرام کے بڑے مسائل میں مسلسل ڈیزائن خامیاں،بے تحاشہ لاگت میں اضافہ،وقت پر ڈیلیوری میں تاخیر،ناقص کوالٹی کنٹرول،غیر ملکی پرزوں پر انحصار ،خاص طور پر امریکی GE F404 انجن،ملکی انجینئرز کا اپنا کویری (Kaveri) انجن بنانے میں ناکامی ہے،

بین الاقوامی تجزیہ کاروں کے مطابق تیجس کو زیادہ تر ’’سیاسی منصوبہ‘‘ کے طور پر آگے بڑھایا گیا، نہ کہ ایک مکمل، محفوظ اور جنگ کے قابل پلیٹ فارم کے طور پر۔ بعض ماہرین نے تو اسے "فلائنگ کوفن (اڑتا تابوت)” تک قرار دیا ، وہی لقب جو پہلے بھارت کے پرانے MiG-21 کے لیے استعمال ہوتا تھا۔

تیجس کا دبئی ایئر شو میں گرنا نئے سوالات پیدا کرتا ہے،کیا ناقص حفاظتی ریکارڈ رکھنے والے ممالک کے طیاروں کو عالمی ایئر شوز میں اسی آزادی کے ساتھ مظاہرے کی اجازت ہونی چاہئے؟پیچیدہ فضائی کرتب ایسے طیاروں کے لیے زیادہ خطرناک کیوں ہوتے ہیں جن میں بنیادی ڈھانچے اور کنٹرول سسٹم کے مسائل موجود ہوں؟کیا بین الاقوامی ایئر شوز کو بھارتی طیاروں کے لیے مزید سخت سیکیورٹی سرٹیفکیشن کی ضرورت ہے؟ایسے ایونٹس میں جہاں ہزاروں تماشائی موجود ہوتے ہیں، کسی بھی ملک کے طیارے کی تکنیکی لاپرواہی ناقابلِ معافی خطرات پیدا کر سکتی ہے۔

بھارت میں ’’خود انحصاری‘‘ اور ’’قومی فخر‘‘ کے سیاسی نعروں نے کئی بار انسانی جانوں کی قیمت پر دفاعی منصوبوں کو بڑھا چڑھا کر پیش کیا ہے۔تیجس کے بار بار پیش آنے والے مسائل یہ ثابت کرتے ہیں کہ سیفٹی سے زیادہ سیاسی فائدہ،پروفیشنل ازم سے زیادہ بیانیہ سازی،حقائق سے زیادہ آپٹکس ترجیح پاتے ہیں۔یہ صورتحال نہ صرف پائلٹس کی جانوں بلکہ بھارتی فضائیہ کے پروفیشنل وقار کے لیے بھی سنگین خطرہ ہے۔

ماہرین اس نتیجے پر متفق ہیں کہ بھارت کی دفاعی ہوا بازی کو فوری بنیادوں پر مندرجہ ذیل اقدامات کرنے ہوں گے،آزادانہ اور شفاف تکنیکی آڈٹ،بیرونی ماہرین کی نگرانی میں سیفٹی ریویو،تمام طیاروں کے لیے سخت مینٹیننس پروٹوکول،پائلٹس کے لیے جدید ٹیکنیکل ٹریننگ،سیاسی دباؤ سے آزاد پراجیکٹ مینجمنٹ،اگر یہ اصلاحات نہ کی گئیں تو بھارت نہ صرف مزید طیارے کھوئے گا بلکہ مزید پائلٹس خطرے میں پڑیں گے، اور تیجس سمیت دیگر منصوبے محض ’’نمائشی‘‘ کامیابیوں کے سوا کچھ ثابت نہیں ہوں گے۔

آزاد خارجہ پالیسی کے دعوے دار بھارت نے بالآخر امریکی دباو کےآگے گھٹنے ٹیک دیئےہیں

روس سے تیل خریدنے پالیسی پر مودی حکومت نے یو ٹرن لے لیا، امریکی میڈیا رپورٹ کے مطابق بھارتی کمپنیوں کا 10 سالہ تیل معاہدہ امریکی پابندیوں کے سامنے بے معنی ہو گیا، مودی کے قریبی ارب پتی تاجر دوست مکیش امبانی نے بھی امریکی حکم مان کر روسی تیل خریدنا چھوڑ دیا۔امریکی اخبار کے مطابق روسی تیل کی خریداری رکنے کے بعد ریلائنس کو مشرق وسطیٰ اور ممکنہ طور پر امریکا سے مہنگا تیل خریدنا پڑے گا۔میڈیا رپورٹ کے مطابق یکم دسمبر سے بھارتی کمپنی کی ریفائنری غیر روسی خام تیل پر چلائی جائے گی جبکہ امریکی ماہرین کا کہنا ہے کہ ریلائنس کی طرف سے روسی تیل کی خریداری بند کرنا واشنگٹن کے لیے ایک اہم رعایت ہے۔امریکی اخبار کی رپورٹ میں کہا گیا ہے کہ بھارت برسوں روسی تیل سے اربوں ڈالر کماتا رہا لیکن ٹرمپ کے 50 فیصد ٹیرف کے سامنے مودی سرکار نے روسی تیل نہ خریدنے کا فیصلہ کیا، ایک بھارتی کمپنی کے روسی تیل کے سودوں کی مالیت 33 ارب ڈالر سے زائد تھی۔

ٹرمپ انتظامیہ نے واضح کیا تھا کہ روسی تیل کے ساتھ امریکا بھارت تجارتی معاہدے پر پیشرفت نہیں ہو سکتی تھی۔