Baaghi TV

Author: ممتاز حیدر

  • لاہور میں انسداد پولیو ٹیم پر حملہ، خاتون ورکر زخمی

    لاہور میں انسداد پولیو ٹیم پر حملہ، خاتون ورکر زخمی

    لاہور کے علاقے کوٹ لکھپت میں انسدادِ پولیو مہم کے دوران افسوسناک واقعہ پیش آیا جہاں ایک فیملی نے پولیو ٹیم پر حملہ کردیا۔ اس حملے کے نتیجے میں ایک خاتون پولیو ورکر شدید زخمی ہوگئی جن کے سر پر اینٹ لگنے سے گہرا زخم آیا۔

    انسدادِ پولیو ٹیم معمول کے مطابق کوٹ لکھپت کے علاقے میں بچوں کو پولیو سے بچاؤ کے قطرے پلانے پہنچی تھی۔ اس دوران ایک گھر کے افراد نے بچوں کو ویکسین پلوانے سے انکار کردیا۔ جب پولیو ٹیم کی خاتون ورکر نے والدین کو ویکسین کی اہمیت سمجھانے کی کوشش کی تو گھر میں موجود خاتون اور اس کی دو بیٹیوں نے غصے میں آکر ٹیم پر حملہ کردیا،عینی شاہدین کے مطابق جھگڑے کے دوران اینٹ پھینکی گئی جو خاتون پولیو ورکر کے سر پر لگی، نتیجتاً وہ موقع پر زخمی ہوگئیں۔ واقعے میں ٹیم کی اسکوٹی کو بھی نقصان پہنچا۔ اطلاع ملنے پر پولیس فوری طور پر موقع پر پہنچی اور زخمی ورکر کو طبی امداد کے لیے اسپتال منتقل کیا گیا،پولیس ترجمان کے مطابق انسدادِ پولیو ٹیم کے انچارج کی درخواست پر واقعے کا مقدمہ درج کرلیا گیا ہے۔ مقدمے میں نامزد مرکزی خاتون اور اس کے دو بیٹے تاحال مفرور ہیں، جن کی گرفتاری کے لیے چھاپے مارے جارہے ہیں۔

  • مودی کی انتخابی دھاندلیاں اور بے ضابطگیاں عروج پر

    مودی کی انتخابی دھاندلیاں اور بے ضابطگیاں عروج پر

    بھارت میں اقتدار پر قابض رہنے کے لیے بھارتیہ جنتا پارٹی (بی جے پی) اور وزیراعظم نریندر مودی کی انتخابی دھاندلیاں اور بے ضابطگیاں عروج پر پہنچ گئیں۔ مودی سرکار نے اپنی آمریت مسلط رکھنے کے لیے انتخابی شفافیت کے تمام اصولوں کو پامال کر دیا۔

    بہار میں انتخابی عمل کے پہلے مرحلے کے دوران مقامی ووٹرز نے بی جے پی کی دھاندلیوں اور بے ضابطگیوں کا پردہ چاک کیا۔ ووٹرز کا کہنا تھا کہ پولنگ اسٹیشن پہنچنے سے پہلے ہی ان کے ناموں سے ووٹ ڈالے جا چکے تھے۔کانگریس پارٹی کے مطابق مودی حکومت نے بہار میں آزادانہ اور شفاف انتخابات کو سبوتاژ کرنے کے لیے ووٹروں کو پیسے اور لالچ کے ذریعے خریدا، یہاں تک کہ ہر ووٹر سے 15 لاکھ روپے کے عوض ووٹ خریدنے کی اطلاعات سامنے آئیں،بھارتی جریدے ’نیشنل ہیرلڈ‘ کے مطابق بہار انتخابات کے دوران مختلف مقامات پر تشدد کے متعدد واقعات رپورٹ ہوئے، حتیٰ کہ عوامی ردِعمل کے دوران نیشنل ڈیموکریٹک الائنس کے نائب وزیراعلیٰ پر بھی حملہ کیا گیا۔این ڈی ٹی وی کے مطابق، ٹیکاری میں امیدوار انیل کمار پر انتخابی مہم کے دوران حملہ کیا گیا جبکہ سیوان میں عوام نے بی جے پی امیدوار دیویش کانت سنگھ کے خلاف “ووٹ چور” کے نعرے لگائے۔

    مقامی رپورٹس کے مطابق، بی جے پی کے غنڈوں نے ووٹرز اور پولنگ ایجنٹس کو دھمکیاں دیں، جب کہ بہار کی ووٹر لسٹ میں بڑے پیمانے پر جعل سازی کے شواہد بھی سامنے آئے ہیں۔سیاسی مبصرین کے مطابق، مودی سرکار کی ایماء پر لاکھوں جعلی ووٹرز کے ذریعے انتخابی نتائج پہلے ہی طے کر لیے گئے ہیں، جس سے بھارت کے جمہوری نظام کی ساکھ مزید متنازع ہو گئی ہے۔

  • آزاد جموں و کشمیر میں جدید آئی ٹی دور کا آغاز،آئی ٹی لیبز کا افتتاح

    آزاد جموں و کشمیر میں جدید آئی ٹی دور کا آغاز،آئی ٹی لیبز کا افتتاح

    مظفرآباد: ایس سی او وژن 2025 کے تحت آزاد جموں و کشمیر میں جدید آئی ٹی دور کا باضابطہ آغاز ہو گیا ہے۔ یونیورسٹی آف کوٹلی میں سافٹ ویئر ٹیکنالوجی پارک، تحصیل سہنسہ میں فری لانسنگ حب اور کوٹلی جیل میں نوعمر قیدیوں کے لیے آئی ٹی لیب کا افتتاح کر دیا گیا۔

    کوٹلی میں قائم سافٹ ویئر ٹیکنالوجی پارک پہلے ہی سینکڑوں نوجوانوں کو تربیت اور روزگار کے مواقع فراہم کر چکا ہے۔ ایس سی او کے ان اقدامات کا بنیادی مقصد آزاد جموں و کشمیر کے نوجوانوں کو جدید ٹیکنالوجی سے ہم آہنگ کرنا اور انہیں عالمی ڈیجیٹل مارکیٹ تک رسائی دینا ہے،سپرنٹنڈنٹ جیل کوٹلی کے مطابق، آئی ٹی لیب کا قیام نوعمر قیدیوں کی بحالی، تربیت اور مثبت سرگرمیوں میں شمولیت کے لیے ایک عملی قدم ہے۔ انہوں نے بتایا کہ منصوبے کا بنیادی ہدف نوجوانوں کو باقاعدہ آئی ٹی تعلیم فراہم کرنا ہے تاکہ وہ رہائی کے بعد بہتر مستقبل کی طرف قدم بڑھا سکیں،ایس سی او وژن 2025 کے تحت کوٹلی جیل میں قائم آئی ٹی لیب اپنی نوعیت کی پہلی مثال ہے، جو اصلاحی نظام میں ٹیکنالوجی کے مثبت استعمال کو اجاگر کرتی ہے۔ایس سی او کے قابلِ تحسین اقدامات نہ صرف خطے میں بے روزگاری میں کمی کا باعث بن رہے ہیں بلکہ نوجوانوں کی صلاحیتوں کو اجاگر کر کے انہیں ملکی اور عالمی ڈیجیٹل معیشت کا فعال حصہ بنا رہے ہیں۔

  • پاک فوج کی جانب سے ضلع باجوڑ میں جامع مسجد کی تعمیر و تزئین مکمل

    پاک فوج کی جانب سے ضلع باجوڑ میں جامع مسجد کی تعمیر و تزئین مکمل

    پاک فوج کی جانب سے ضلع باجوڑ (سلیمان خیل) میں سب سے بڑی جامع مسجد کی تعمیر و تزئین مکمل، عوام کا اظہارِ تشکر

    ضلع باجوڑ میں سلیمان خیل کی سب سے بڑی جامع مسجد کو دہشتگردوں نے شہید کر دیا تھا، فرنٹیئر کور خیبر پختونخوا نے مسجد کی دوبارہ مرمت و تزئین مکمل کر لی، مسجد کے اندر قالین، انورٹر، پنکھے اور سولر سسٹم سمیت تمام اشیاء دوبارہ نصب کی گئیں، مسجد کی بحالی کے بعد تمام تر ضروری سہولیات فعال کر دی گئیں،پاک فوج کی جانب سے مسجد کی تعمیر و تزئین مکمل کرنے پر مقامی عوام نے بھرپور اظہارِ تشکر کیا ہے،مقامی عوام کا کہنا ہے کہ یہ مسجد (باجوڑ ) سلیمان خیل کی ایک تاریخی مسجد ہے جو فتنہ الخوارج کے حملہ سے متاثر ہوئی تھی، دہشت گردوں کےحملہ میں مسجد کا سولر سسٹم، دروازے اور کھڑکیاں وغیرہ تباہ جبکہ عمارت کو شدید نقصان ہوا تھا،پاک فوج نے مسجد کی تزئین و آرائش مکمل کی جسکی وجہ سے یہ اب بہتر حالت میں موجود ہے، ہم پاک فوج کے اس اقدام پر تہہ دل سے شکریہ ادا کرتے ہیں،

  • شوہر کی رہائی کیلیے خاتون کی جانب سے 80 لاکھ رشوت کا انکشاف

    شوہر کی رہائی کیلیے خاتون کی جانب سے 80 لاکھ رشوت کا انکشاف

    ایک خاتون کی جانب سے اپنے شوہر کی رہائی کیلئے نیشنل سائبر کرائم انویسٹی گیشن ایجنسی (این سی سی آئی اے ) کے افسران کو 80 لاکھ روپے دینے کا انکشاف ہوا ہے۔

    اینٹی کرپشن سرکل ایف آئی اے اسلام آباد میں درج مقدمے میں این سی سی آئی اے کے ایڈیشنل ڈائریکٹرز سمیت سینئر افسران اور فرنٹ مینوں میں غیر ملکی بھی شامل ہیں۔نجی ٹی وی کے مطابق مقدمے کی تفصیلات کے مطابق این سی سی آئی اے کے سب انسپکٹر نے خاتون کے زیر حراست شوہر پر تشدد کی ویڈیو خاتون کو بھیجی جس کے بعد خاتون نے شوہر کی رہائی کیلئے 80 لاکھ روپے دیے۔مقدمے کے مطابق باقی 13 غیر ملکیوں کی رہائی کے لیے 12ملین روپے وصول کیے گئے، قانونی لوازمات پورے کرنے کیلئے مزید 10لاکھ روپے وصول کیے گئے جب کہ اس چھاپے سے حاصل 2 کروڑ 10 لاکھ روپے کی رقم تقسیم کی گئی۔مقدمے میں کال سینٹرز سے ڈیل کرانے والے حسن امیر، غیرملکی شہری لیو اور ماہی الدین افسران کے فرنٹ مین نامزد ہیں۔

  • لاہور،گھر میں سلنڈر دھماکہ،خاتون سمیت 2 کی موت

    لاہور،گھر میں سلنڈر دھماکہ،خاتون سمیت 2 کی موت

    لاہور کے علاقے ہربنس پورہ میں آج صبح افسوسناک واقعہ پیش آیا، جہاں ایک گھر میں گیس سلنڈر پھٹنے سے خوفناک دھماکہ ہوا جس کے نتیجے میں خاتون سمیت دو افراد جاں بحق جبکہ پانچ افراد زخمی ہوگئے۔

    ریسکیو 1122 کے مطابق دھماکہ اس قدر شدید تھا کہ مکان کی پہلی منزل مکمل طور پر منہدم ہوگئی، جبکہ ملبے تلے متعدد افراد دب گئے۔ اطلاع ملتے ہی ریسکیو اہلکار، فائر بریگیڈ اور پولیس کی ٹیمیں موقع پر پہنچ گئیں اور امدادی کارروائیاں شروع کیں۔ریسکیو ذرائع کے مطابق ملبے سے دو لاشیں نکالی گئیں جن میں ایک خاتون بھی شامل ہے۔ پانچ زخمیوں کو تشویشناک حالت میں قریبی اسپتال منتقل کردیا گیا ہے جہاں انہیں طبی امداد فراہم کی جارہی ہے۔ اسپتال ذرائع کے مطابق بعض زخمیوں کی حالت نازک بتائی جارہی ہے۔پولیس نے واقعے کی تحقیقات شروع کر دی ہیں اور ابتدائی اطلاعات کے مطابق دھماکہ کچن میں موجود گیس سلنڈر کے لیک ہونے کے باعث ہوا۔

    یہ افسوسناک واقعہ ایک مرتبہ پھر شہری علاقوں میں غیر معیاری گیس سلنڈرز کے استعمال اور حفاظتی اقدامات کی کمی کو اجاگر کرتا ہے۔ ماہرین کا کہنا ہے کہ موسم سرما کے آغاز پر گیس پریشر میں کمی کے باعث ایسے واقعات میں اضافہ دیکھا جاتا ہے، اس لیے شہریوں کو احتیاطی تدابیر اپنانے کی ضرورت ہے۔

  • سیکورٹی فورسز کی بلوچستان،خیبر پختونخوا میں دہشتگردی کیخلاف کاروائیاں تیز

    سیکورٹی فورسز کی بلوچستان،خیبر پختونخوا میں دہشتگردی کیخلاف کاروائیاں تیز

    پاکستان اور افغانستان کے درمیان کشیدہ تعلقات، سرحدی سیکیورٹی کی خلاف ورزیوں، اور ملک کے مختلف علاقوں میں دہشت گردی کے بڑھتے واقعات کے تناظر میں پاکستان نے ایک جامع پالیسی بیان جاری کیا ہے، جبکہ سیکیورٹی فورسز نے خیبر پختونخوا اور بلوچستان میں متعدد کارروائیوں کے دوران دہشت گردوں اور جرائم پیشہ عناصر کے خلاف اہم کامیابیاں حاصل کی ہیں۔

    دفترِ خارجہ نے تصدیق کی ہے کہ استنبول میں ہونے والے پاکستان-افغان مذاکرات کے حوالے سے حکومت نے ایک جامع پالیسی بیان جاری کیا ہے۔ترجمان دفترِ خارجہ کے مطابق پاکستان نے ترکیہ اور قطر کی ثالثی کوششوں کو سراہا، تاہم افغان حکام کے “غیر ذمہ دارانہ رویے” پر شدید تحفظات کا اظہار کیا۔بیان میں کہا گیا کہ کسی بھی دہشت گرد تنظیم کے ساتھ تعاون “مذاکرات” کے پردے میں ناقابل قبول ہے اور عالمی برادری کو افغان حکام کو سرحدی اور سیکیورٹی ذمہ داریوں میں ناکامی پر جوابدہ ٹھہرانا چاہیے۔پاکستان نے امید ظاہر کی کہ آئندہ مذاکرات ٹھوس یقین دہانیوں اور قابلِ تصدیق اقدامات کی بنیاد پر آگے بڑھیں گے۔

    سیکیورٹی ذرائع کے مطابق شمالی وزیرستان میں فورسز کی چوکی پر دہشت گردوں نے بھاری ہتھیاروں اور راکٹ لانچرز سے حملہ کیا۔فورسز نے فوری اور مؤثر جوابی کارروائی کرتے ہوئے ایک دہشت گرد کو ہلاک اور چار کو زخمی کر دیا۔ذرائع کے مطابق علاقے کو کلیئر کر دیا گیا ہے جبکہ فضائی اور زمینی نگرانی جاری ہے تاکہ کسی نئی کارروائی کو روکا جا سکے۔

    خیبر پختونخوا کے ضلع ٹانک کے گاؤں محمد اکبر میں نامعلوم حملہ آوروں نے مسجد میں فائرنگ کر کے ہیڈ کانسٹیبل شاہ نواز کو شہید کر دیا۔شاہ نواز چھٹی پر گھر آئے ہوئے تھے اور نماز کے دوران نشانہ بنے۔لاش کو ڈسٹرکٹ ہیڈکوارٹر اسپتال منتقل کر دیا گیا جبکہ پولیس اور سیکیورٹی فورسز نے علاقے کو گھیرے میں لے کر تحقیقات شروع کر دی ہیں۔

    پشاور کے نواحی پہاڑی علاقے شاکرنبو میں انٹیلی جنس بنیادوں پر سیکیورٹی فورسز نے کارروائی کی جس میں دو اہم دہشت گرد کمانڈرز سلمان عرف صدیق اور سعد عرف شاہ گلی سمیت 15 دہشت گرد ہلاک ہوئے۔ذرائع کے مطابق پورے علاقے کو گھیرے میں لے کر سرچ آپریشن جاری ہے تاکہ کسی بھی فرار ہونے والے دہشت گرد کو پکڑا جا سکے۔

    سیکیورٹی فورسز نے رات گئے بلوچستان میں کارروائی کرتے ہوئے 400 کلوگرام افیون برآمد کر لی۔کارروائی کے دوران اسمگلر محمد عادل نے فائرنگ کی کوشش کی لیکن جوابی کارروائی میں مارا گیا۔ذرائع کے مطابق عادل کا تعلق پنجگور سے تھا اور وہ کالعدم تنظیم بلوچ لبریشن آرمی (BLA) کے نیٹ ورک سے وابستہ تھا۔رپورٹ کے مطابق منشیات ایران سے بلوچستان کے علاقے کسؤی میں پہنچائی جا رہی تھیں۔

    30 ستمبر کو کوئٹہ میں ایف سی ہیڈکوارٹر نارتھ پر خودکش حملے میں ملوث دہشت گرد کی شناخت افغان شہری محمد سہیل عرف خباب کے طور پر ہوئی ہے۔وہ افغانستان کے صوبہ وردک کے علاقے میدان کا رہائشی اور کالعدم تنظیم فتنہ الخوارج سے وابستہ تھا۔حملے میں 8 شہری جاں بحق اور 40 زخمی ہوئے تھے۔پاکستان نے ایک بار پھر افغان سرزمین سے دہشت گردی کی مذمت کرتے ہوئے کہا کہ افغان طالبان حکومت کی ناکامی علاقائی استحکام کے لیے سنگین خطرہ ہے۔

    قلات کے علاقے خالق آباد میں نامعلوم حملہ آوروں نے فائرنگ کر کے سردار شاکر سعداللہ لانگو، ان کے بھائی شاکر خیراللہ لانگو اور دو دیگر افراد کو قتل کر دیا۔لیویز فورس نے علاقے کو گھیرے میں لے لیا ہے اور تفتیش جاری ہے۔پنجگور کے علاقے شیپستان میں نامعلوم حملہ آوروں نے دو افراد محمد ظفر اور محمد نعیم کو گولیاں مار کر ہلاک کر دیا۔وجہِ قتل تاحال معلوم نہیں ہو سکی۔نوٹل تھانے کی حدود میں نامعلوم افراد نے تعمیراتی کمپنی کے دو ایکسکیویٹر ڈرائیورز عاشق علی محمد حسنی اور شکیل احمد کورائی کو اغوا کر لیا۔پولیس اور سیکیورٹی فورسز نے بازیابی کے لیے سرچ آپریشن شروع کر دیا ہے۔گاؤں مصری خان میں نامعلوم مسلح افراد کی فائرنگ سے عبدالقدیر کرد موقع پر جاں بحق ہو گئے۔حملہ آور فرار ہو گئے جبکہ لاش ورثا کے حوالے کر دی گئی۔ہتھیاری علاقے میں سولنگی اور وزدانی مگسی قبائل کے درمیان زمین کے تنازع پر فائرنگ کے تبادلے میں محمد بچل مگسی ہلاک ہو گئے۔
    انتظامیہ نے حالات قابو میں کر لیے ہیں۔دالبندین کے قریب نامعلوم افراد نے معروف قبائلی شخصیت سردار حسین کو فائرنگ کر کے ہلاک کر دیا۔لاش پرنس فہد اسپتال منتقل کر دی گئی ہے، پولیس نے شواہد اکٹھے کر کے تحقیقات شروع کر دی ہیں۔ چمن میں نامعلوم مسلح افراد نے جمعیت علمائے اسلام (ف) کے ضلعی رہنما مولانا قاری محمد اعظم کو گولی مار کر قتل کر دیا۔پولیس نے علاقے کو گھیرے میں لے لیا ہے اور تحقیقات کا آغاز کر دیا ہے۔

    بنوں: سابق ایس ایچ او اغوا، ٹی ٹی پی دھڑے نے ذمہ داری قبول کر لی

    بنوں کے علاقے پیپل داؤد شاہ میں سابق ایس ایچ او عابد کو مسلح افراد نے گاڑی سمیت اغوا کر لیا۔ذرائع کے مطابق انہیں چند روز قبل ڈسٹرکٹ پولیس آفیسر نے ملازمت سے برطرف کیا تھا۔کالعدم تحریکِ طالبان پاکستان کے نئے دھڑے لشکرِ دفاعِ قدس نے اغوا کی ذمہ داری قبول کر لی ہے۔پولیس نے علاقے میں سرچ آپریشن شروع کر دیا ہے۔

    ماہرین کے مطابق پاکستان میں حالیہ دہشت گرد کارروائیوں کا تسلسل اس بات کی عکاسی کرتا ہے کہ افغان سرزمین سے سرگرم شدت پسند نیٹ ورکس اب بھی پاکستان کے لیے براہِ راست خطرہ ہیں

  • ہنگور آبدوزپر چینی ہائپر سونک میزائل نصب کرنے کی تیاری،بھارت کیلئے نیا چیلنج

    ہنگور آبدوزپر چینی ہائپر سونک میزائل نصب کرنے کی تیاری،بھارت کیلئے نیا چیلنج

    پاکستان نیوی نے اپنے دفاعی منصوبوں میں ایک بڑی اور انقلابی پیش رفت کی ہے۔ اطلاعات کے مطابق پاکستان ہینگور کلاس آبدوزوں کو چین کے جدید ترین YJ-17 ہائپر سونک میزائل سے لیس کرنے کی تیاری کر رہا ہے۔ یہ اقدام خطے میں بحری طاقت کے توازن کو تبدیل کرنے کی صلاحیت رکھتا ہے، خصوصاً بھارت کی کیرئیر اسٹرائیک گروپس کے لیے ایک نیا خطرہ پیدا کرے گا۔

    یہ پیشرفت اسلام آباد اور بیجنگ کے بڑھتے ہوئے تزویراتی تعاون کی عکاسی کرتی ہے۔ دفاعی ماہرین کے مطابق ہینگور کلاس آبدوزوں پر YJ-17 میزائل کی تنصیب سے پاکستان کی بحریہ کو ہائپر سونک وارفیئر میں داخل ہونے کا موقع ملے گا، جو دنیا کی چند ہی طاقتیں حاصل کر سکی ہیں۔یہ آبدوزیں جب مکمل طور پر فعال ہوں گی تو پاکستان بحر ہند میں ایک نئی قسم کی زیرِ آب صلاحیت حاصل کر لے گا، جس سے دشمن کے بحری بیڑے، طیارہ بردار جہاز اور ساحلی تنصیبات کو نشانہ بنانا ممکن ہو جائے گا۔

    چین کا تیار کردہ YJ-17 ہائپر سونک میزائل چین کے "ایگل اسٹرائیک” میزائل پروگرام کا حصہ ہے۔ یہ میزائل Mach 5 سے Mach 8 یعنی 6,000 کلومیٹر فی گھنٹہ سے زیادہ رفتار پر پرواز کر سکتا ہے۔یہ میزائل بوُسٹ گلائیڈ وہیکل (HGV) ٹیکنالوجی استعمال کرتا ہے، جو پہلے فضا میں بلند ہوتا ہے اور پھر ہدف کی جانب انتہائی تیز رفتاری سے نیچے آتا ہے۔اس کی رینج 400 سے 746 کلومیٹر تک ہے، جبکہ یہ اپنے ہدف پر انتہائی تباہ کن ہائی ایکسپلوسو یا آرمَر پینیٹریٹنگ وارہیڈ لے جا سکتا ہے۔یہ خصوصیات اسے "کیرئیر کلر” یعنی طیارہ بردار جہاز تباہ کرنے والا میزائل بناتی ہیں۔

    ماہرین کے مطابق YJ-17 اپنی غیر متوقع پرواز، ریڈار سے بچنے کی صلاحیت اور انتہائی تیز رفتاری کے باعث کسی بھی موجودہ دفاعی نظام، بشمول بھارتی باراک-8 یا امریکی SM-6 میزائلوں، کے لیے تقریباً ناقابلِ گرفت ہتھیار ہے۔

    ہینگور کلاس آبدوز پروگرام پاکستان کی بحری تاریخ کا سب سے بڑا جدیدیت کا منصوبہ ہے۔یہ معاہدہ 2015 میں چین کے ساتھ 4 سے 5 ارب ڈالر کے درمیان طے پایا تھا، جس کے تحت چین نے 8 آبدوزیں فراہم کرنے کا وعدہ کیا۔ان میں سے چار چین میں Wuchang Shipyard پر تیار ہو رہی ہیں، جبکہ باقی چار کراچی شپ یارڈ اینڈ انجینئرنگ ورکس (KSEW) میں مقامی طور پر بنائی جا رہی ہیں۔پہلی چار آبدوزیں 2026 سے ڈیلیور ہونا شروع ہوں گی، جبکہ مقامی آبدوزوں کی تکمیل 2028 تک متوقع ہے۔پہلی تین آبدوزوں — PNS Hangor (2024)، PNS Shushuk (2025) اور PNS Mangro (2025) — کے لانچ کے بعد، PNS Tasnim کی تعمیر جاری ہے۔یہ آبدوزیں چین کی Yuan-Class Type 039A/B ڈیزائن پر مبنی ہیں، جو اپنی خاموش کارکردگی (Silent Operation) اور محدود پانیوں میں بہترین کارکردگی کے لیے مشہور ہیں۔

    ہینگور کلاس آبدوزوں میں Stirling Engine Air Independent Propulsion (AIP) سسٹم نصب ہے، جو انہیں بغیر سطح پر آئے 20 دن تک پانی کے اندر رہنے کی صلاحیت دیتا ہے۔ان کی رفتار زیرِ آب 17 ناٹ اور سطح پر 20 ناٹ تک پہنچتی ہے۔یہ آبدوزیں 38 افراد کے عملے اور 8 اسپیشل فورسز آپریٹرز پر مشتمل مشن کے لیے ڈیزائن کی گئی ہیں، جس سے یہ کمانڈو آپریشنز میں بھی استعمال ہو سکتی ہیں۔ان کے 6 ٹارپیڈو ٹیوبز مختلف قسم کے ہتھیار، جیسے بھاری ٹارپیڈوز، اینٹی شپ میزائلز، اور لینڈ اٹیک کروز میزائل (LACMs) فائر کرنے کی صلاحیت رکھتے ہیں۔

    پاکستان پہلے ہی YJ-82 اور بابر سیریز کے کروز میزائلز سے لیس ہے۔اطلاعات کے مطابق مستقبل میں پاکستان بابر-III نیوکلیئر کیپیبل میزائل کو بھی ہینگور کلاس آبدوزوں میں شامل کرنے کا ارادہ رکھتا ہے، جس سے پاکستان کو سی بیسڈ سیکنڈ اسٹرائیک کیپبیلٹی حاصل ہو گی۔یہ اقدام بھارت کے نیوکلیئر آبدوز پروگرام کے مقابل توازن قائم کرنے میں مدد دے گا۔

    ماہرین کا کہنا ہے کہ YJ-17 میزائلوں سے لیس ہینگور آبدوزیں بھارت کو اپنی بحری حکمتِ عملی ازسرنو ترتیب دینے پر مجبور کر دیں گی۔اب بھارتی نیوی کو اپنے P-8I پیٹرول طیارے، MH-60R ہیلی کاپٹرز اور ASW جہاز زیادہ تعداد میں تعینات کرنا پڑیں گے تاکہ ان آبدوزوں کا سراغ لگایا جا سکے۔یہ میزائل بھارت کے اہم بحری اڈوں ، ممبئی، اوکھا، اور کوچین، تک پہنچنے کی صلاحیت رکھتے ہیں۔یہ پیش رفت پاکستان کی بحری موجودگی کو عرب سمندر، خلیجِ عمان، اور بحرِ ہند میں مضبوط کرے گی۔یہی علاقے دنیا کے سب سے اہم سمندری تجارتی راستے ہیں جہاں سے 60 فیصد عالمی تیل کی ترسیل ہوتی ہے۔ماہرین کا کہنا ہے کہ ہائپر سونک میزائلوں سے لیس آبدوزیں پاکستان کو نہ صرف ان راستوں کی حفاظت بلکہ ضرورت پڑنے پر ان میں رکاوٹ ڈالنے کی بھی طاقت دیں گی۔

  • عرفان صدیقی علیل،27ویں آئینی ترمیم،ووٹ نہیں دے سکیں گے

    عرفان صدیقی علیل،27ویں آئینی ترمیم،ووٹ نہیں دے سکیں گے

    مسلم لیگ ن کے سینیٹر عرفان صدیقی شدید علالت کے باعث اسپتال کے انتہائی نگہداشت کے وارڈ (آئی سی یو) میں زیر علاج ہیں۔

    سینیٹر عرفان صدیقی کے اہلخانہ نے تصدیق کی ہے کہ عرفان صدیقی سانس کی تکلیف کے باعث انتہائی نگہداشت یونٹ میں زیر علاج ہیں،عرفان صدیقی کے اہلخانہ کا بتانا ہے کہ سانس کی تکلیف کے باعث گزشتہ کچھ دن سے عرفان صدیقی اسلام آباد کے مقامی اسپتال میں زیر علاج ہیں، سینیٹر عرفان صدیقی علالت کے باعث 27 ویں آئینی ترمیم کے لیے ووٹ بھی کاسٹ نہیں کر سکیں گے۔

    گزشتہ روز سینیٹ اور قومی اسمبلی کی مشترکہ پارلیمانی کمیٹی نے 27 ویں آئینی ترمیم کی تمام 49 شقوں کی منظوری دیدی تھی جس کے بعد اس بات کا امکان ہے کہ آج سینیٹ کے اجلاس میں آئینی ترمیم پیش کی جائے گی۔دوسری جانب متحدہ اپوزیشن نے 27 ویں آئینی ترمیم کو مسترد کرتے ہوئے اس کے خلاف تحریک چلانے اور پارلیمنٹ کو نہ چلنے دینے کا اعلان بھی کیا ہے۔

  • ہرجانہ کیس،عمران خان کے وکیل کی مہلت کی استدعا منظور

    ہرجانہ کیس،عمران خان کے وکیل کی مہلت کی استدعا منظور

    سیشن کورٹ نے وزیراعظم شہباز شریف کی جانب سے دائر ہرجانہ کیس میں عمران خان کے وکیل کی جرح کے لیے مہلت کی استدعا منظور کرلی۔

    لاہور کی سیشن عدالت کے جج نے وزیراعظم شہباز شریف کی جانب سے عمران خان کے خلاف 10 ارب روپے ہرجانہ کیس سے متعلق گزشتہ سماعت کا تحریری حکم نامہ جاری کردیا.عدالت نے تحریری حکم میں کہا کہ شہباز شریف کے گواہ عطا اللہ تارڑ عدات میں پیش ہوئے اور ان کا بیان ریکارڈ کیا گیا،عدالتی حکم میں کہا گیا کہ عمران خان کے وکیل کی جرح کے کے لیے مہلت کی استدعا بھی منظور کی گئی ہے اور اب عطا اللہ تارڑ 15 نومبر کو بیان پر جرح کے لیے پیش ہوں گے۔ واضح رہے کہ وزیراعظم شہبازشریف نے عمران خان کے خلاف10 ارب روپےہرجانےکا دعویٰ دائر کر رکھا ہے۔