Author: ممتاز حیدر

مودی کے دور حکومت میں بھارت میں ظالم طاقتور، انصاف ناپید اور غریب بے بس ہو گیا

ظالم مودی کی زیرِ اقتدار بھارت میں کسان معاشی دباؤ کے ساتھ ساتھ سیاسی جبر کا بھی شکار ہیں،مدھیہ پردیش میں بی جے پی لیڈر کی جانب سے کسان کو جیپ تلے کچلنا کسانوں پر تشدد کی تازہ مثال ہے ، بھارتی جریدے انڈیا ٹو ڈے کی رپورٹ کے مطابق ؛ مدھیہ پردیش کے گاؤں گنیش پورہ میں بی جے پی رہنما نے زمین بیچنے سے انکار پر کسان پر جیپ چڑھا کر قتل کر دیا،مہندرا نگر نے ساتھیوں کیساتھ ملکر رام سواروپ کو ڈنڈوں سے مارا، خواتین پر بدترین تشدد کیا اور گولیاں چلائیں ، اسلحہ کے زور پر زخمی کسان کو ہسپتال لے جانے کی اجازت بھی نہیں دی گئی،

گنیش پورہ کے مقامی افراد نے بتایا کہ؛ بی جے پی رہنماؤں نے ڈرا دھمکا کر 25 کسانوں کو زبردستی سستے داموں زمین بیجنے اور گاؤں چھوڑنے پر مجبور کیا،کانگریسی ایم ایل اے رشی اگروال نے مودی حکومت پر تنقید کرتے ہوئے کہا کہ؛بی جے پی انتظامیہ کی سرپرستی میں مدھیہ پردیش میں تشدد، لوٹ مار اور عصمت دری کے واقعات بڑھ گئے

مودی سرکار کی ناکام پالیسیوں نے بھارت کے کسانوں کو قرض، بھوک اور خودکشیوں پر مجبور کر دیا ہے

پاکستان کے معاشی استحکام کا انقلابی سفر، بھارتی ویب سائٹ کی رپورٹ میں بھی اعتراف سامنے آ گیا

2023 سے2025 تک پاکستان نے جنوبی ایشیا میں شاندار میکرو اکنامک تبدیلی کی مثال قائم کر دی،حکومت کی مؤثر معاشی پالیسیوں کا بھارتی ویب سائٹ ساؤتھ ا یشیا مانیٹر نے بھی اعتراف کر لیا، بہترین داخلی اصلاحات اور آئی ایم ایف بیل آؤٹ پیکچ نے پاکستان کے ڈیفالٹ سے معاشی استحکام کی بنیاد رکھی ، بھارتی ویب سائٹ ساؤتھ ایشیا مانیٹر کی رپورٹ کے مطابق ایس آئی ایف سی فریم ورک کے ذریعے پاکستان کی عالمی سطح پر مؤثر اقتصادی سفارت کاری بحالی کی بنیاد ہے،ایس آئی ایف سی نے کان کنی، توانائی آ ئی ٹی ،زراعت میں غیر ملکی سرمایہ کاری کے فروغ میں اہم کردار ادا کیا ، پاکستان نے سی پیک کے نئے مرحلے میں سعودی عرب اور متحدہ عرب امارات کیساتھ معدنیات و توانائی کے منصوبے شروع کیے، جون 2024 میں چین کے ساتھ کان کنی اور توانائی کے شعبے میں تعاون بڑھانے پر اتفاق کیا،پاکستان اکنامک سروے 2025-2024 کے اعداد و شمار بھی پاکستانی مالیاتی اشار یوں میں نمایاں بہتری کے عکاس ہیں، پاکستان کی جی ڈی پی 3 فیصد پرائمری سرپلس کے ساتھ چوبیس سالوں کی بلند ترین سطح پر پہنچ گئی ،پاکستانی محصولات میں 36.7 فیصد ، آئی سی ٹی برآمدات میں 23.7 فیصد اضافہ ہوا،افراط زر پچھلے سال 17.3 فیصد سے اپریل 2025 میں نمایاں کمی کے ساتھ 0.3 فیصد پر آ گیا، 2025کے اوائل میں ماہانہ ترسیلات زر 3.8 سے 4.0 بلین امریکی ڈالر کے درمیان رہیں، پاکستان کی سٹاک مارکیٹ نے امریکہ، فرانس اور چین کی اہم مارکیٹوں کے ساتھ مل کر عروج حاصل کیا،

پاکستان کا معاشی اور علاقائی مالیاتی استحکام ابھرتی معیشتوں میں سرمایہ کاروں کے اعتماد کیلئے بہت زیادہ اہمیت کا حامل ہے

بھارت کے تعلیمی نظام کے بارے میں ایک چونکا دینے والی رپورٹ سامنے آئی ہے۔ بھارت کی وزارتِ تعلیم کی تازہ رپورٹ "یو ڈی آئی ایس ای” کے مطابق، پورے ملک میں 7993 ایسے اسکول موجود ہیں جہاں تعلیمی سال 2024-25 میں ایک بھی بچہ داخل نہیں ہوا۔ یعنی یہ اسکول مکمل طور پر خالی ہیں لیکن حیرت کی بات یہ ہے کہ ان اسکولوں میں 20817 اساتذہ اب بھی تعینات ہیں۔

رپورٹ کے مطابق، سب سے زیادہ خالی اسکول مغربی بنگال میں ہیں۔ وہاں 3812 اسکول ایسے ہیں جہاں کوئی طالب علم نہیں، مگر 17965 اساتذہ وہاں موجود ہیں۔اس کے بعد تلنگانہ دوسرے نمبر پر ہے، جہاں 2245 اسکول خالی ہیں اور 1016 اساتذہ وہاں کام کر رہے ہیں۔تیسرے نمبر پر مدھیہ پردیش ہے، جہاں 463 اسکول بغیر طلبہ کے چل رہے ہیں، جن میں 223 اساتذہ تعینات ہیں۔جبکہ اترپردیش میں بھی 81 اسکول ایسے ہیں جن میں کوئی طالب علم نہیں۔

یہ صورتحال دیکھتے ہوئے کئی بھارتی ریاستوں نے فیصلہ کیا ہے کہ وہ ان خالی اسکولوں کو قریبی اسکولوں میں ضم کر دیں تاکہ اساتذہ اور وسائل کا بہتر استعمال ہو سکے اور سرکاری پیسہ ضائع نہ ہو۔وزارتِ تعلیم کے ایک سینئر افسر کے مطابق، اسکولوں کا انتظام ریاستی حکومتوں کے اختیار میں ہے، اور تمام ریاستوں کو ہدایت دی گئی ہے کہ وہ زیروانرولمنٹ اسکولوں کو بند یا ضم کریں۔

2023-24 میں پورے بھارت میں 12954 اسکول خالی تھے، لیکن 2024-25 میں یہ تعداد کم ہو کر 7993 رہ گئی ہے ، یعنی تقریباً 38 فیصد کمی آئی ہے ، بھارت میں اگرچہ خالی اسکولوں کی تعداد کم ہوئی ہے، لیکن اب بھی ہزاروں اسکول بغیر طلبہ کے موجود ہیں، جو حکومت کے لیے ایک بڑا تعلیمی چیلنج بنے ہوئے ہیں۔

بھارت میں ایک برازیلین خاتون ماڈل کے ساتھ ہراسانی کا واقعہ پیش آیا ہے۔

بھارتی میڈیا کے مطابق یہ واقعہ 17 اکتوبر کو ریاست کرناٹکا کے شہر بینگلورو میں پیش آیا جہاں ایک برازیلین ماڈل خاتون ہوٹل میں رہائش پذیر تھی جہاں اسے ایک پارسل دینے کے لیے آنے والے ڈلیوری ایجنٹ کی جانب سےجنسی ہراسانی کا سامنا کرنا پڑا،رپورٹ کے مطابق پولیس کو دی جانے و الی درخواست میں کہا گیا ہے کہ خاتون ماڈل نے ایک آن لائن ایپ سے کھانا آرڈر کیا تھا جسے ڈلیور کرنے کے لیے آنے والے لڑکے نے خاتون کو نامناسب انداز میں چھوا اور ان سے بدتمیزی کی،ڈپٹی کمشنر پولیس نے واقعے کی تصدیق کرتے ہوئے کہا کہ ملزم کمار راؤ کالج کا طالب علم ہے اور پارٹ ٹائم ڈلیوری ایجنٹ کے طور پر کام کرتا ہے جب کہ نوجوان ملزم کو ہراسانی کی درخواست موصول ہونے کے بعد اسی دن گرفتار کرلیا گیا تھا۔

فرانس کی جانب سے قطر اور متحدہ عرب امارات کو رافیل طیاروں کی فروخت سے بھارت پریشان ہوگیا۔

بھارتی میڈیا کے مطابق فرانس کی جانب سے قطر اور متحدہ عرب امارات کو جدید رافیل لڑاکا طیاروں کی فروخت نے بھارتی فضائیہ کے لیے نئے اسٹریٹیجک خدشات کو جنم دیا ہے،رپورٹس کے مطابق ان دونوں ممالک نے پاکستانی اور ترک پائلٹس کو رافیل اور میراج طیاروں پر تربیت کی اجازت دی جس سے بھارتی فضائیہ کی خفیہ ٹیکنالوجی افشا ہونے کا امکان بڑھ گیا ہے، بھارتی میڈیا کے مطابق یورپی دفاعی تجزیہ کار بابک تغوائی کا کہنا ہے فرانس کی نرمی برتنے والی برآمدی پالیسی دراصل ان ٹیکنالوجیز کو ان ممالک تک پہنچا رہی ہے جو نیٹو یا بھارت کے حریف سمجھے جاتے ہیں۔