Author: ممتاز حیدر

مسلم لیگ (ن) کے رہنما سینیٹر پرویز رشید نے کہا ہے کہ سزا یافتہ مجرم کو میرے ٹیکس کے پیسے سے آپ تمام سہولتیں دے رہے ہیں، اڈیالہ جیل کو عمران خان کے دفتر میں بدل دیا گیا، کون اُس کے لاڈ اُٹھا رہا ہے، دھرنوں سے اِنہیں بالکل ملاقات کی اجازت نہیں دینی چاہیے،

پارلیمنٹ ہاؤس کے باہر میڈیا سے گفتگو کرتے ہوئے پرویز رشید نے کہاکہ طاقت کے ذریعے مطالبے قبول نہیں، قانون کا راستہ اپنائیں، سڑکوں پر لشکرکشی سے ملک انتشار کی طرف جائے گا، سڑکوں پرمقدمات لڑنے سے دہشتگردی کو فروغ ملتا ہے، ملاقاتیں صرف عدالتی حکم کے تحت ہی ہونی چاہئیں، اڈیالہ جیل کو پارٹی ہیڈکوارٹر بنانا غیرقانونی سمجھا گیا، دھرنوں اور شورشرابے سے عدلیہ کا راستہ بند نہیں کیا جاسکتا،سیاسی اختلافات کا حل پارلیمنٹ اور عدالتیں ہیں، طاقت نہیں، ملک کی سیاسی و اقتصادی سالمیت بچانے کے لیے قانون کی حکمرانی ضروری ہے، پوری قوم کوغیرقانونی دھرنوں اور لشکرکشی کےخلاف متحد ہونا ہوگا، دھرنوں سے اِنہیں بالکل ملاقات کی اجازت نہیں دینی چاہئے، ملنا ہے تو عدالت سے حکمنامہ لائیں،

سینیٹ میں انکم ٹیکس آرڈیننس میں مزید ترمیم سے متعلق منی بل پیش کر دیا گیا اور اراکین نے تجاویز بھی طلب کر لی گئیں ۔بانی پی ٹی آئی کی صحت اور ملاقاتوں کے معاملے پر پی ٹی آئی نے آج بھی ایوان میں شدید احتجاج کیا ۔

سینیٹ اجلاس کی صدارت چئیرمین یوسف رضا گیلانی نے کی ، وزیرپارلیمانی امور طارق فضل چوہدری نے ایوان کو بتایا کہ سوشل میڈیا پر بانی پی ٹی آئی کی صحت سے متعلق خبریں مکمل طور پر بے بنیاد ہیں۔ یہ جعلی اطلاعات بھارتی میڈیا کی جانب سے پھیلائی گئیں، جبکہ اڈیالہ جیل کے سپرنٹنڈنٹ کے مطابق بانی پی ٹی آئی کی صحت بالکل ٹھیک اور ان کی جان کو کوئی خطرہ نہیں۔پی ٹی آئی اراکین نے شدید نعرے بازی اور شور شرابا شروع کر دیا۔پی ٹی آئی کے اراکین اپنی نشستوں پر کھڑے رہے او“ملاقات کرواؤ” کے نعرے لگاتے رہے۔ایوان کا ماحول مسلسل شور شرابے کے باعث منڈی مچھلی کا منظر پیش کرتا رہا

اپوزیشن کی فلک ناز کی طرف سے کورم کی نشاندہی کی گئی جس پر سینیٹ اجلاس نصف گھنٹے کے لیے معطل کر دیا گیا۔وقفہ کے بعد وفاقی طارق فضل چوہدری نے انکم ٹیکس آرڈنینس میں مزید ترمیم کے مالی بل کی نقل ایوان میں پیش کی۔یہ منی بل متعلقہ قائمہ کمیٹی کو بھجوا دیا گیا ۔بل پر ارکان تجاویز یکم دسمبر تک پیش کریں گے ۔ فنانس کمیٹی اپنی تجاویز دس دن کے اندر ایوان میں پیش کری گی۔یہ تجاویز قومی اسمبلی بھجوائی جائیں گی۔وزیراعظم کے مشیر محمد علی نے۔نجکاری کمیشن آرڈیننس میں مزید ترمیم کا بل پیش کیا جو متعلقہ کمیٹی کو بھجوا دیا گیا۔سینیٹ کا اجلاس پیر دوپہر چار بجے تک ملتوی کر دیا گیا۔

امن و امان کی صورتحال کے پیش نظر اڈیالہ جیل کی بیرونی سیکیورٹی ہائی الرٹ کردی گئی، خصوصی سیکیورٹی پلان غیر معینہ مدت تک نافذ العمل رہے گا۔

رپورٹ کے مطابق اڈیالہ جیل کے راستوں پر 5 ناکوں پر پولیس کی بھاری نفری تعینات ہوگی، داہگل، جیل گیٹ ون، گیٹ 5، فیکٹری ناکہ، گورکھپور پر ناکے قائم ہوں گے اور نفری تعینات رہے گی۔رپورٹ کے مطابق پولیس اہلکار 12 ،12 گھنٹے ڈیوٹی ادا کریں گے، 12 تھانوں کے ایس ایچ اوز، خواتین پولیس افسر اور اہلکار ناکوں پر تعینات ہوں گے، آر ایم پی، پنجاب کانسٹیبلری، تھانوں کے عملے سمیت 700 سے زائد اہلکار تعینات کیے جائیں گے۔رپوڑٹ کے مطابق اہلکار ربڑ بلٹس، آنسو گیس، شیلڈ، اینٹی رائٹ سامان سے لیس ہوں گے، ٹریفک پولیس کے 10 افسر اور اہلکار بھی ناکوں پر تعینات ہوں گے، لفٹر اور قیدی وینز بھی موقع پر موجود رہیں گی، ڈیوٹی کی براہ راست نگرانی ایس پی صدر انعم شیر کریں گی۔