Author: ممتاز حیدر

نواز شریف کے عدالتی فیصلے کے بعد آصف زرداری سے انتہائی اہم شخصیت کی ملاقات

باغی ٹی وی کی رپورٹ کے مطابق چیئرمین پیپلزپارٹی بلاول زرداری نے پمز ہسپتال میں اپنے والد سابق صدر آصف زرداری سے ملاقات کی ہے،ملاقات میں بلاول نے اہنے والد کی خیریت دریافت کی اور ان کی صحت یابی کے لئے دعا کی.

آصف زرداری اور بلاول کی مابین ملاقات میں ملکی سیاسی صورتحال پر تبادلہ خیال کیا گیا،بلاول بھٹو نے پیپلز پارٹی کے کور کمیٹی کے فیصلوں سےمتعلق آصف زرداری کو آگاہ کیا، دونوں رہنماوں نے مولانا فضل الرحمان کے آزادی مارچ کے پلان بی سے متعلق بھی تبادلہ خیال کیا.

واضح رہے کہ آصف زرداری کی طبیعت ٹھیک نہیں اس لئے انہیں جیل سے ہسپتال منتقل کیا گیا ہے،

تین روز قبل عدالت نے سابق صدر آصف علی زرداری کو علاج کیلئے کراچی منتقل کرنے کی درخواست مسترد کر دی۔ آصف زرداری کی علاج کے لیے کراچی منتقلی کی درخواست کی سماعت کے دوران ان کے وکیل سابق اٹارنی جنرل لطیف کھوسہ نے کہا کہ تاریخ کا حصہ بنے گا کہ ایک کیس کراچی میں بنا اور چل پنجاب میں رہا ہے، پرائیویٹ ڈاکٹر سے علاج کرانے سے نہیں روکا جاسکتا، علاج ہوگا تو صحت ہوگی اور ملزم مقدمات کا سامنا کر سکیں گے۔

آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی

جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ

نیب پراسیکیوٹر نے عدالت میں دلائل دیتے ہوئے کہا کہ انہوں نے 4 ڈاکٹرز کی فہرست دی، ان کی مرضی نہیں چل سکتی، درخواست اڈیالہ جیل حکام کو دیں یا ایگزیکٹو کو دی جائے یہ عدالت کے دائرہ اختیار میں نہیں آتا۔ جس پر آصف زرداری کے وکیل لطیف کھوسہ نے کہا کہ اپنا حق عدالت سے مانگ رہے ہیں، اس عدالت نے جوڈیشل ریمانڈ پر بھیجا، کراچی علاج کے لئے درخواست بھی اسی عدالت کو دی۔

قبل ازیں عدالت نے آصف زرداری اور فریال تالپور کے جوڈیشل ریمانڈ میں 26 نومبر تک توسیع کرتے ہوئے سماعت ملتوی کر دی۔

نواز کے بعد آصف زرداری کے بھی طبی بنیادوں‌ پر عدالت سے رجوع کئے جانے کا امکان

قبل ازیں سینٹ کی قائمہ کمیٹی برائے داخلہ کے چئیرمین اور پیپلز پارٹی کے رہنماء سینٹر رحمان ملک نے کہا ہے کہ سابق صدر آصف علی زرداری و فریال تالپور کو بھی غیرمعمولی بنیاد ہنگامی طور پر ضمانت پر رہا کیا جائے خدانخواستہ آصف علی زرداری کو کچھ ہوجاتا ہے تو ذمہ دار حکومت وقت ہوگی۔ آصف علی زرداری و فریال تالپور انڈر ٹرائل ہیں ان سے سزایافتہ قیدیوں کی طرح سلوک نہ کیا جائے

کشمیریوں سے کیا گیا وعدہ وزیراعظم عمران خان نے پورا کر دیا، شیریں مزاری کا دعویٰ، حکومت پاکستان کا واضح اور اصولی موقف ہے کہ 5 اگست کے بھارتی فیصلے واپس لیے جانے اور کشمیریوں کو استصواب رائے کا حق ملنے تک بھارت سے کوئی مذاکرات نہیں ہوں گے،

اسلام آباد ۔ 16 نومبر (اے پی پی) وفاقی وزیر برائے انسانی حقوق ڈاکٹر شیریں مزاری نے کہا ہے کہ وزیر اعظم عمران خان نے بھارتی وزیر اعظم نریندر مودی اور راشٹریہ سوائم سیوک سنگ (آر ایس ایس)کے نظریے کو دنیا میں بے نقاب کرکے بھارتی جنتا پارٹی (بی جے پی) کے بنیادی نظریے کو ملیا میٹ کردیا ہے۔

وزارت انسانی حقوق کی طرف سے جاری پریس ریلیز کے مطابق وفاقی وزیر نے کہا کہ یہ کہنا درست نہیں کے موجودہ حکومت نے مسئلہ کشمیر پر مناسب انداز میں اقدامات نہیں کیے بلکہ اس کے برعکس وزیر اعظم عمران خان نے مودی سرکار اور آر ایس ایس کے ناپاک عزائم کو دنیا کے سامنے بے نقاب کیا ہے ۔ انہوں نے کہا کہ وزیر اعظم عمران خان نے کشمیری عوام کی تحریک آزادی کو اجاگر کر کے اور بھارت مظالم کا نشانہ بننے والے کشمیریوں کی آواز کو دنیا بھر میں موثر انداز میں پیش کر کے اپنے اس وعدہ کو پورا کیا ہے جس کا انہوں نے عزم کیا تھا کہ وہ کشمریوں کی وکالت کریں گے۔

ان خیالات کا اظہار انہوں پاکستان انسٹی ٹیوٹ آف کنفلیکٹ و سیکورٹی سٹڈیز (پی آئی سی ایس ایس)کے زیر اہتمام کشمیر کا بحران اور علاقائی امن کو درپیش چیلنجیز کے عنوان سے منعقدہ کانفرنس سے خطاب کرتے ہوئے کیا۔ پی آئی سی ایس ایس کے صدر و سابق سفیر ڈاکٹر باسط ، چیئرمین میجر جنرل (ر) سعد خٹک اور منیجنگ ڈائریکٹر عبداللہ خان نے کانفرنس کا افتتاح کیا اور افتتاحی کلمات ادا کیے ۔

وفاقی وزیر برائے انسانی حقوق نے کہا کہ اقوام متحدہ کی جنرل اسمبلی سے وزیر اعظم کے خطاب کے بعد پہلی مرتبہ بھارت کے مسئلہ کشمیر سے متعلق بیانیہ کو مسترد کیا گیا ہے اور ہمیں تاریخی کامیابی ملی ہے ۔ انہوں نے کہا کہ ماضی کی حکومتوں نے کشمیر پر واضح موقف نہیں دیا جبکہ موجودہ حکومت کا واضح اور دو ٹوک موقف موجود ہے ۔ان کا کہنا تھا کہ مقبوضہ کشمیر میں 104 دن سے مسلسل کرفیو نافذ ہے اور دنیا دیکھ سکتی ہے کہ کس طرح بھارت مقبوضہ جموں وکشمیر میں جنگی جرائم کا مرتکب ہو رہا ہے ۔ انہوں نے کہا کہ مقبوضہ جموں کشمیر کی خصوصی حیثیت کو ختم کرنا بین الاقوامی قوانین کی خلاف ورزی ہے اور بھارت کو کشمیریوں کے قتل عام کی سزا دینا ہوگی۔

ڈاکٹر شیریں مزاری نے کہا قومی اور عالمی سطح پر کشمیریوں کی آواز اٹھائی جا رہی ہے ، انسانی حقوق کے عالمی اداروں کی رپورٹس میں بتایا گیا ہے کہ بھارت کس طرح خواتین ، بچوں اور بزرگ شہریوں پر مظالم ڈھا رہا ہے تاہم اس انسانی المیے سے بچنے کیلئے فوری کارروائی کی ضرورت ہے ۔ انہوں نے کہا کہ عالمی عدالت انصاف سیاسی اثرو رسوخ کا شکار ادارہ بن چکا ہے جو ماضی میں بھارتی ججوں کے زیر اثر رہا ، لہذا عالمی عدالت انصاف مسئلہ کشمیر کو اٹھانے کیلئے کارآمد نہیں ہے ۔ انہوں نے کہا کہ حکومت پاکستان کا واضح اور اصولی موقف ہے کہ 5 اگست کے بھارتی فیصلے واپس لیے جانے اور کشمیریوں کو استصواب رائے کا حق ملنے تک بھارت سے کوئی مذاکرات نہیں ہوں گے، ہم نے پاکستان کو تنہا کرنے کی بھارتی کوششوں کو ناکام بنا دیا ہے، آج بھارت خود تنہائی کا شکار ہے ۔

کانفرنس سے کل جماعتی حریت کانفرنس کے رہنما غلام محمد صفی ، سابق سیکرٹری دفاع لیفٹینینٹ جنرل (ر) خالد نعیم لودھی ، احمد قریشی ، سابق سفیر غالب اقبال ، سابق جج منظور گیلانی ، ڈاکٹر سلمیٰ ملک ، مزمل ٹھاکر ، ماریہ اقبال ترانہ اور دیگر نے بھی خطاب کیا ۔

ابرار الحق کے لئے بڑی مشکل، عدالت میں درخواست دائر

باغی ٹی وی کی رپورٹ کے مطابق ابرارالحق کوچیئرمین ریڈکریسنٹ مقررکرنے کا اقدام اسلام آباد ہائیکورٹ میں چیلنج کر دیا گیا،سابق چیئرمین ریڈکریسنٹ سعیدالہٰی نےابرارالحق کی تعیناتی چیلنج کر دی

عدالت میں دائر درخواست میں کہا گیا ہے کہ ابرارالحق کو 3 سال کیلئے چیئرمین مقررکیا گیا ہے، بطورچیئرمین میری تعیناتی 3سال کیلئے کی گئی تھی، میری تعیناتی کی مدت مکمل ہونے سے قبل ابرارالحق کی تعیناتی غیرقانونی ہے،مدت 9 مارچ 2020  میں مکمل ہورہی ہے، تعیناتی کی مدت مکمل ہونے سے قبل ابرارالحق کی تعیناتی غیرقانونی ہے،

ابرارالحق نے ایسا کیوں کیا۔۔عوام غم و غصے کا شکار

واضح رہے کہ چیئرمین ہلال احمر ڈاکٹر سعید الٰہی کو عہدے سے ہٹا کر ابرارالحق کو تعینات کر دیا گیا ہے، صدر مملکت نے سمری پر گزشتہ روز دستخط کر دیئے تھے، ابرارالحق کو چیئرمین ہلال احمر بنانے کا فیصلہ وزیراعظم نے کیا تھا، ابرارالحق کا تعلق پنجاب سے ہے ،ا برار الحق نے تحریک انصاف کے پلیٹ فارم سے سیاسی کیریئر کا آغاز کیا، انہوں نے 2018 کے عام انتخابات میں قومی اسمبلی کے حلقے این اے 78 سے مسلم لیگ ن کے رہنما احسن اقبال کے خلاف الیکشن بھی لڑا تھا البتہ انہیں ناکامی کا سامنا کرنا پڑا تھا۔

محکمہ ریڈ کراس کی صدارت ڈاکٹر عارف علوی کے پاس ہے انہوں نے حکومت کی جانب سے موصول ہونے سفارش پر اپنے اختیارات کا استعمال کرتے ہوئے اُسے منظور کیا جس کے بعد تقرری کا باقاعدہ نوٹی فکیشن جاری کیا گیا۔

ابرارالحق 3 سال تک او آئی سی کے سفیر برائے انسانی حقوق رہ چکے ہیں۔ ابرارالحق قدرتی آفات سے نمٹنے کا وسیع تجربہ بھی رکھتے ہیں۔ ان کے ادارے سہارا فار لائف کی خدمات کو اقوام متحدہ نے بھی سراہا ہے۔ وزیراعظم عمران خان کے معاون خصوصی نعیم الحق نے ابرارالحق کو مبارکباد دیتے ہوئے کہا ہے کہ انشاءاللہ ابرارالحق بہترین خدمات سرانجام دیں گے

ابرارالحق کو چیئرمین ہلال احمر تعینات کئے جانے پر عوامی حلقوں سے حکومت پر تنقید کی جا رہی ہے کہ وزیراعظم عمران خان میرٹ میرٹ کہا کرتے تھے اور اب انہوں نے ڈاکٹر سعید الہیٰ کو ہٹا کر ابرارالحق کو چیئرمین ہلال احمر لگا دیا