انیل مسرت منموہن سنگھ کے ہمراہ سیلفی بنانے لگے تو کیا ہوا؟

باغی ٹی وی کی رپورٹ کے مطابق کرتار پور راہداری کے افتتاح کے موقع پر وزیراعظم عمران خان کے ہمراہ وفاقی وزیر داخلہ اعجاز شاہ، پیر نورالحق قادری، فردوس عاشق اعوان اور انیل مسرت گئے تھے جو پہلے سیالکوٹ پہنچے اور وہاں سے بذریعہ ہیلی کاپٹر کرتار پور پہنچے.

انیل مسرت کو من موہن جی کے ساتھ سیلفی لینے سے روکنا خالصتان تحریک کے خلاف ایک سازش ہے۔۔ https://t.co/ar5TZh2HDa

— S. 🍁 (@S_Ahmed4) November 9, 2019

کرتار پور پہنچنے پر وزیراعظم بھارت سے آئے سکھوں میں گھل مل گئے اور سکھ برادری کو خوش آمدید کہا ، اس موقع پر وزیراعظم نے سابق بھارتی وزیراعظم منموہن سنگھ سے ملاقات کی، انیل مسرت بھی وزیراعظم کے ہمراہ تھے اس موقع پر انیل مسرت نے بھارتی وزیراعظم منموہن سنگھ کے ساتھ سیلفی بنانی چاہی تو منموہن سنگھ کے سیکورٹی گارڈ نے انہیں ہاتھ سے دھکا دے کر منموہن سنگھ سے دور دھکیل دیا.

انیل مسرت کو دھکیلنے کی ویڈیو سوشل میڈیا پر وائرل ہو گئی اور یہ واقعہ پاکستان کے سرکاری ٹی وی پی ٹی وی نے بھی لائیو دکھایا

آج جپھی رنگ لے آئی،عمران خان وہ سکندر ہیں جو لوگوں کے دلوں میں راج کرتے ہیں،نوجوت سنگھ سدھو

باغی ٹی وی کی رپورٹ کے مطابق نوجوت سنگھ سدھو نے کہا کہ مار کر کیا کرو گے کسی کو مارنا ہو تو احسان سے مارڈالو، سکھ قوم ایک فیصد ہے، طاقتور لوگوں کی قوم ہے، خان صاحب میری بات یاد رکھیں ڈنکے کی چوٹ پر کر رہا ہوں سکھ قوم نے جہاں آپ کو لے کر جانا ہے آپ سوچ بھی نہیں سکتے، میری زبان سے چودہ کروڑ سکھوں‌کی آواز نکلتی ہے،میں شکرانہ لے کر آیا ہوں، تیری خاطرعمران نذرانہ لے کر آیا ہوں

سدھو نے مزید کہا کہ عمران خان نے یاری نبھائی ،تین کلومیٹر دور میرا تایا مٹی کو چوم کر روتا تھا ،چار پشتیں سکھوں کی ترستی رہیں ،چودہ کروڑ سکھوں پر عمران خان نے احسان کیا، عمران خان آپ وہ سکندر ہیں جنہوں نے دل جیت لئے، لوگ گانے گاتے ہیں، آج تالیاں بجائیں.

سدھو نے کہا کہ خان صاحب میں نے جپھی کا آج جواب دینا ہے جو نفرت کے پجاری ہیں وہ کون ہیں، میری فطرت ،سیاست، عادت محبت ہے ،میری قدرت،راستہ،سفر محبت ہے، میری جپھی بھی محبت ہے، جپھی جپھی کر کے سارے مسئلے سلجھائیے، سرحدوں‌پر کیوں‌ نوجوان مروائیں،

سدھو کا مزید کہنا تھا کہ بابا گرونانک کا کوئی تول اور مول نہیں، عمران خان نوجوانوں کے دلوں میں بستے ہیں، یہ بات امن و امان کی ہے،انسانی دل اور مستقبل کی بات ہے، اکیلے ہندوستان اور پاکستان کی نہیں بلکہ سارے جہان کی ہے،دس ماہ میں کیا ہوتا ہے،کچھ نہیں ہوتا لیکن دس ماہ میں ایسا کر دیا کہ دنیا بھلا نہیں پائے گی، سکھ کہتے ہیں کہ ہور ہو ریہ دل مانگے اور، ہماری قسمت جاگ اٹھی ہے،

سدھو نے مزید کہا کہ سکھوں کی 4پشتیں اپنے باپ سے ملنے کےلیے ترستی رہیں،سکھ دنیا میں عمران خان کے ترجمان بن کر جائیں گے،72 سالوں میں کسی نے ہماری آواز نہیں سنی ہر بندہ نفع نقصان دیکھتا رہا،یہ پہلا وزیراعظم ہے جس نے نفع نقصان نہیں دیکھا اور بابے کا در کھولا،عمران خان کے احسان کو رہتی دنیا تک کوئی دبا نہیں سکتا، مٹا نہیں سکتا.آج جپھی رنگ لے آئی، چودہ کروڑ سکھوں کے دلوں میں ٹھنڈ پڑی ہے.

سدھو نے مزید کہا کہ میں ایک بار پھر عمران خان کا شکریہ ادا کرتا ہوں‌ کہتا ہوں کہ بارڈر کھولو، سیاسیوں کے دل چھوٹے ہوتے ہیں آپ کا دل شیر جیسا ہوا، سمندر کبھی کسی دریا میں نہیں گرتا، نوجوت سنگھ سدھو بابا گرونانک کا نوکر ہے، میں ایک پیغام لایا تھا جس کو پورا کیا گیا،وزیراعظم نے جتنی خوشی دی وہ سوچ بھی نہیں سکتا تھا ،مودی کو بھی کہتا ہوں کہ جپھی ڈالنے کو تیار ہون، میری خواہش ہے کہ تجارت ہونی چاہئے.

قریشی نے کرتار پور میں مودی سے کیا مطالبہ کر دیا؟ اہم خبر

باغی ٹی وی کی رپورٹ کے مطابق کرتار پور کی افتتاحی تقریب سے خطاب کرتے ہوئے وزیر خارجہ شاہ محمود قریشی نے کہا کہ بابا گرونانک کے جنم دن کے موقع پر وزیراعظم کی طرف سے تمام سکھ برادری کو خوش آمدید کہتا ہوں، آج کا دن تاریخی دن دکھائی دے رہا ہے، آج محبت کی راہداری کا افتتاح ہوا ہے، مذہبی رواداری کا دنیا آج عملی نمونہ دیکھ رہی ہے، دنیا بھر کی سکھ برادری کو مبارکباد پیش کرتا ہوں آج تاریخ رقم ہو رہی ہے اور اس کا سہرا تاریخ وزیراعظم عمران خان کو دے گی، عمران خان نے اللہ کی خوشنودی کے لئے یہ قدم اٹھایا.

شاہ محمود قریشی نے کہا کہ دنیا بھر کے سکھوں کو دعوت دیتا ہوں کہ انہیں یہاں خوش آمدید کہتے ہیں، دنیا بھر سے آنے والے سکھ پاکستانیوں کی محبت،مہمان نوازی، رواداری کا عملی مظاہرہ دیکھیں، بابا گرونانک کا پیغام امن کا تھا،آج اس خطے میں امن کو خطرہ کہاں سے لاحق ہے؟ کون ذمہ دار ہے، ہم اس خطے کو کیسے محفوظ کر سکتے ہیں، بابا گرونانک نے محبت کے بیج بوئے، آج ہمیں سوچنا ہے کہ برصغیر میں نفرت کے بیج کون بو رہا ہے،

شاہ محمود قریشی نے کہا کہ یہ محبت کی راہداری ہے جس کا وزیراعظم کر رہے ہیں، اگر دونوں اطراف کے لوگ پہلے فیصلہ کرتے تو آج غربت نہ ہوتی، پوری سکھ برادری پاکستان کے فیصلے کو سراہ رہی ہے،باباگرونانک کا پیغام محبت ، رواداری اور صوفیاکا پیغام ہے ،کاش یہ پیغام کشمیر کی وادی میں بھی پھیل جائے،یہ خیرسگالی کی راہ داری ہے،پاکستانی حکومت معاشی اور محبت کی راہ داری پر کام کررہی ہے،

قریشی نے مزید کہا کہ وزیراعظم نے ایک سال قبل جو وعدہ کیا تھا وہ ایفا کر دیا، ایک وعدہ مودی نے بھی کیا تھا 72 برس ہو گئے کشمیری اس وعدے کے وفا کے منتظر ہیں، آج ضرورت اس امر کی ہے کہ مذہبی رواداری ہونی چاہئے، پاکستان میں گوردوارے آباد ہیں،عمران خان نے 400 ایسے مندر کا آغاز کرلیا ہے جن پر کام کیا جائے گے ،یہ سنت محمدی ہے ،اقلیتوں کا تحفظ ہمارے نبی کا پیغام ہے،

قریشی نے کہا کہ سرینگر کی جامع مسجد کشمیریوں کے لئے کھول دی جائے تاکہ کشمیری وہاں جمعہ ادا کر سکیں،کشمیری منتظر ہیں، آئیں مل کر راستہ نکالیں،مودی نے پاکستانی وزیراعظم کا شکریہ ادا کیا، میں کہتا ہوں کہ کیا آپ عمران خان کو شکریہ کا موقع بھی کشمیر سے کرفیو اٹھا کر دیں گے؟ آو مل کر سوچیں کس طرح غربت، جہالت کے خلاف لڑنا ہے.مل کر چیلنجز کا مقابلہ کرنا ہے

وزیراعظم عمران خان سے منموہن سنگھ، نوجوت سنگھ کی ملاقات

باغی ٹی وی کی رپورٹ کے مطابق وزیراعظم عمران خان گردوارہ دربار صاحب پہنچ گئے ،وزیراعظم عمران خان کی سابق بھارتی وزیراعظم من موہن سنگھ سے ملاقات ہوئی، اس موقع پر گورنر پنجاب چودھری سرور بھی موجود تھے، وزیراعظم عمران خان کا سکھ برادری شکریہ ادا کرتی رہی، وزیراعظم عمران خان سکھ برادری میں گھل مل گئے، وزیراعظم عمران خان کی منوہن سنگھ سے مختصر گفتگو ہوئی جس میں منموہن سنگھ نے وزیراعظم عمران خان کا شکریہ ادا کیا،وفاقی وزیرداخلہ، گورنرپنجاب اوروزیراعلیٰ پنجاب نے بھی من موہن سنگھ سے مصافحہ کیا،وزیراعظم عمران خان کی من موہن سنگھ سےخوشگوار ماحول میں بات چیت ہوئی،وزیراعظم عمران خان اور منوہن سنگھ نےگرمجوشی سے مصافحہ کیا۔

قبل ازیں سابق بھارتی وزیراعظم من موہن سنگھ کرتارپورپہنچے ، اس موقع پر منموہن سنگھ نے کہا کہ ہمارے لیے بہت خوشی کی بات ہے،آج ہمارے لیے بہت بڑا دن ہے،راہداری کھلنے سے پاکستان اور بھارت کے تعلقات میں بہتری آئے گی،

وزیراعظم عمران خان سے نوجوت سنگھ نے بھی ملاقات کی،نوجوت سنگھ سدھ وزیراعظم عمران خان سے گلے ملے اور مصافحہ کیا.

دنیا بھر سے ہزاروں سکھ یاتری کرتارپور پہنچ رہے ہیں، کرتارپور جانے والی شاہراہوں پر سکیورٹی کے سخت انتظامات کئے گئے، کرتار پور راہداری کے موقع پر ضلع بھر میں مقامی تعطیل ہے، 11 ماہ کی ریکارڈ مدت میں کرتارپور راہداری منصوبہ کی تعمیر مکمل کی گئی۔

وزیراعظم عمران خان نے سکھ برادری کو مبارکباد دیتے ہوئے کہا ہے کہ کرتارپور راہداری کے افتتاح کا دن تاریخی ہے،یہ دن پوری دنیا میں بسنےوالی سکھ برادری کے لیے تاریخی ہے،اسلام وقائداعظم کے تصور کے مطابق ہمارے دل دوسرے مذاہب کے لیے کھلے ہیں،

کرتارپور، بھارت کی سازشوں کا پاکستان جواب دینے کو تیار

وزیراعظم عمران خان کا مزید کہنا تھا کہ آج کا دن خطے کے امن کے لیے ہماری کاوشوں کامنہ بولتاثبوت ہے،خطے کی خوشحالی اور آنے والی نسلوں کاروشن مستقبل امن کی راہ میں پوشیدہ ہے،آج ہم راہداری کے ساتھ سکھ کمیونٹی کےلیے اپنے دل بھی کھول رہے ہیں،مسلمان جانتے ہیں کہ مقدس مقامات کی زیارت کتنی اہمیت کی حامل ہوتی ہے،سکھ برادری اپنے روحانی  پیشوا کے مزار تک آسان رسائی چاہتی تھی، 10 ماہ میں تصورکو حقیقت میں تبدیل کرنے میں کردارادا کرنے والوں کاشکریہ،

واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔

کرتارپور، وزیراعظم پہنچ گئے، سکھ برادری کی خصوصی تصاویر باغی ٹی وی پر

باغی ٹی وی کی رپورٹ کے مطابق وزیراعظم عمران خان کرتارپورپہنچ گئے، وزیراعظم کرتارپورراہداری کاباضابطہ افتتاح کریں گے، وزیراعظم سیالکوٹ سے بذریعہ ہیلی کاپٹر کرتار پور پہنچے، وزیراعظم کا کرتار پور پہنچنے پر سکھ برادری کی جانب سے بھر پور استقبال کیا گیا اور عمران خان زندہ باد کے نعرے لگائے گئے

وزیراعلیٰ پنجاب عثمان بزدار اور گورنر پنجاب کرتار پور پہنچ گئے،معززین کے لیے ساٹھ فٹ لمبا اور چوبیس فٹ چوڑا اسٹیج تیار کیا گیا ہے جب کہ شرکا کے لیے پنڈال میں چھ ہزار کرسیاں، ساونڈ سسٹم اور اسکرینیں لگائی گئی ہیں۔ بارش کے پیش نظر پنڈال کو واٹر پروف بنایا گیا ہے۔

بابا گرونانک کے550 ویں جنم دن میں شرکت کےلیے مختلف ممالک میں پاکستانی سفارتخانوں نے سکھ یاتریوں کو ویزے بھی جاری کر دیئے ہیں۔

کرتارپورزیروپوائنٹ پر سرحدی گیٹ کھول دیئے گئے ہیں،سابق بھارتی وزیراعظم من موہن سنگھ کرتارپورپہنچ گئے ہیں ، اس موقع پر منموہن سنگھ نے کہا کہ ہمارے لیے بہت خوشی کی بات ہے،آج ہمارے لیے بہت بڑا دن ہے،راہداری کھلنے سے پاکستان اور بھارت کے تعلقات میں بہتری آئے گی،

بھارتی پنجاب کے وزیراعلیٰ امرندر سنگھ بھی راہداری کے ذریعے پاکستان پہنچ گئے، امریندر سنگھ نے کہا کہ امید ہے راہداری کھلنے سے دونوں ملکوں کے تعلقات بہتر ہوں گے،کرتارپورراہداری کھلنے پر سب خوش ہیں،سترسال سے خواہش رہی کہ کرتارپورراہداری کھولی جائے،

دنیا بھر سے ہزاروں سکھ یاتری کرتارپور پہنچ رہے ہیں، کرتارپور جانے والی شاہراہوں پر سکیورٹی کے سخت انتظامات کئے گئے، کرتار پور راہداری کے موقع پر ضلع بھر میں مقامی تعطیل ہے، 11 ماہ کی ریکارڈ مدت میں کرتارپور راہداری منصوبہ کی تعمیر مکمل کی گئی۔

وزیراعظم عمران خان نے سکھ برادری کو مبارکباد دیتے ہوئے کہا ہے کہ کرتارپور راہداری کے افتتاح کا دن تاریخی ہے،یہ دن پوری دنیا میں بسنےوالی سکھ برادری کے لیے تاریخی ہے،اسلام وقائداعظم کے تصور کے مطابق ہمارے دل دوسرے مذاہب کے لیے کھلے ہیں،

کرتارپور، بھارت کی سازشوں کا پاکستان جواب دینے کو تیار

وزیراعظم عمران خان کا مزید کہنا تھا کہ آج کا دن خطے کے امن کے لیے ہماری کاوشوں کامنہ بولتاثبوت ہے،خطے کی خوشحالی اور آنے والی نسلوں کاروشن مستقبل امن کی راہ میں پوشیدہ ہے،آج ہم راہداری کے ساتھ سکھ کمیونٹی کےلیے اپنے دل بھی کھول رہے ہیں،مسلمان جانتے ہیں کہ مقدس مقامات کی زیارت کتنی اہمیت کی حامل ہوتی ہے،سکھ برادری اپنے روحانی  پیشوا کے مزار تک آسان رسائی چاہتی تھی، 10 ماہ میں تصورکو حقیقت میں تبدیل کرنے میں کردارادا کرنے والوں کاشکریہ،

واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔

کرتارپورراہداری کا ہر صورت افتتاح کیا جائے گا، وزیر مذہبی امور

کرتارپور راہداری کب کھولی جائے گی؟ گورنر پنجاب نے بتا دیا

کرتارپورراہداری کے افتتاح کے موقع پر نارووال میں مقامی سطح پر تعطیل کا اعلان بھی کر دیا گیا ہے۔ ڈپٹی کمشنر وحید اصغر نے نوٹیفکیشن جاری کر دیا ہے۔

کرتارپور راہداری بھارت اور پاکستان کے درمیان مجوزہ سرحدی راہداری ہے جو بھارتی پنجاب میں واقع ڈیرہ بابا نانک صاحب کو پاکستان کے علاقہ کرتارپور میں واقع گردوارہ دربار صاحب کی مقدس عبادت گاہ سے منسلک کریگی۔ اس راہداری کا مقصد بھارت کے مذہبی عقیدت مندوں کو پاک بھارت سرحد سے محض 4.7 کلومیٹر دور واقع گردوارہ دربار صاحب کی زیارت کرنے میں آسانی پیدا کرنا ہے۔