مسلم لیگ ن کی ترجمان مریم اورنگزیب نے کہا ہے کہ ملکی خزانے میں ڈکیتیوں کی وجہ سے پارلیمان اور اپوزیشن کی آواز بند کی جا رہی ہے،
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب کا کہنا تھا کہ کہ عمران صاحب جن ٹیکس چوروں کو 300ارب معاف کیےانکی فہرست جاری کریں ،ملکی خزانے میں ان ڈکیتیوں کی وجہ سے پارلیمان اور اپوزیشن کی آواز بند کی جا رہی ہے،300ارب روپےمعاف کرتے ہیں اور پھر عوام کو بے وقوف بنانے کے لیےنوٹس لیتے ہیں،عوام کے پیسے پر راتوں و رات 300 ارب روپےکا ڈاکہ اور صبح پوچھتے ہیں کیا ہوا؟آرڈیننس میں کسی جگہ نہیں لکھا کہ ٹیکس چوروں کا فارنزک آڈٹ ہو گا
کمپنیوں کو 208 ارب معاف کرنے سے متعلق حقائق قوم کے سامنے رکھے جائیں، عمران خان کی ہدایت
مریم اورنگزیب کا مزید کہنا تھا کہ ملکی خزانے میں ان ڈکیتیوں کی وجہ سے پارلیمان اور اپوزیشن کی آواز بند کی جا رہی ہے، کیا ریاست اتنی کمزور ہے کہ عوام سے وصول شدہ رقم اِن طاقتور سرمایہ داروں سے وصول نہیں کر سکتی؟ جن کمپنیوں نے قانون کے مطابق پورے واجبات ادا کئے، اُن کا کیا قصور ہے؟۔
حکومت ایک طرف معاشی مشکلات کی شکار ، دوسری طرف 300 ارب کے قرضے معاف کردیئے گئے
واضح رہے کہ حکومت نے پاک عرب، عارف حبیب، کے ای ایس سی، عارف نقوی، ڈیسکون ، ہارون ،اوراینگرو کےایک خفیہ نوٹیفیکیشن کے ذریعے 300 ارب کی رقم واجب الادا رقم معاف کردی.ان خیالات کا اظہار معروف اینکر روف کلاسرا نے ایک نجی ٹی وی پروگرام میں کیا
روف کلاسرا نے حکومت کے ان اقدامات پر سخت تنقید کرتے ہوئے کہا ہے کہ حکومت نے اینگرو کو کنٹریکٹ دے کر 200 ارب ان کو دے دیا ، روف کلاسر ا نے کہا کہ عمران خان نے قوم کا پیسہ ان چند بڑے بڑے سرمایہ کاروں کو معاف کرکے زیادتی کی ہے. عمران خان کو چیف جسٹس آف پاکستان کے پاس جانا چاہئے تھا
روف کلاسر ا نے مزید کہا کہ وزیراعظم عمران خان کو ان نادہندگان کو نیب کے پاس لے کر جانا چاہیے تھا ،روف کلاسرانے تجویز دیتے ہوئے کہا کہ ان نادہندگان کے اکاونٹ ایف بی آر کو منجمد کردینے چاہیں تھے ، روف کلاسرا نے کہ چیف جسٹس آف پاکستان اور وزیراعظم عمران خان کو اس واقعہ کو نوٹس لینا چاہیے تھا
روف کلاسرا نے وزیراعظم عمران خان کو آڑے ہاتھوں لیتے ہوئے کہا کہ وہ ان نادہندگان سے سارے پیسے واپس لیں اور ان کے خلاف تحقیقات بھی کریں
