Author: ممتاز حیدر

آئی ایس آئی کے سابق چیف جنرل ر حمید گل کے صاحبزادے عبداللہ حمید گل نے رواں برس 31 مارچ کو آرمی چیف جنرل قمر جاوید باجوہ کی مدت ملازمت میں توسیع کا مطالبہ کیا تھا جو پورا ہو گیا

باغی ٹی وی کی رپورٹ کے مطابق عبداللہ حمید گل نے سماجی رابطے کی ویب سائٹ ٹویٹر پر 31 مارچ کو ٹویٹ کیا تھا جس میں انہوں نے کہا تھا کہ حکومت کے زیر غور
۱-افواج کے تمام سربراہان کی مدت ملازمت 3 سے 4 سال کر دی جائے
۲-جوائنٹ چیف اور فوج کی سربراہی ایک ہی شخص کے پاس ہو
۳۔موجودہ سربراہ جنرل راحیل کے بعد اسلامی اتحاد کے سربراہ بنا دیے جائیں
۴۔ افواج کے سربراہ کو مدت ملازمت میں توسیع دی جائے

آج وزیراعظم عمران خان نے آرمی چیف جنرل قمر جاوید باجوہ کی مدت ملازمت میں تین سال کی توسیع کر دی ہے. اس حوالہ سے وزیراعظم آفس سے بیان جاری کیا گیا ہے، جس میں کہا گیا کہ وزیراعظم نے فیصلہ ملک ، خطے میں جاری امن کی کوششوں کے تسلسل میں کیا.

مودی سرکار کی جانب سے مسلسل آبی جارحیت پر پاکستان نے بھارت سے احتجاج ریکارڈ کرا دیا،

باغی ٹی وی کی رپورٹ کے مطابق وفاقی وزیر آبی وسائل فیصل واوڈا نے کہا ہے کہ بھارت نے سندھ طاس معاہدے کی خلاف ورزی کی ہے، پاکستان نے سندھ طاس کمشنر کے ذریعے بھارتی کمشنر کو احتجاج ریکارڈ کرایا۔ وفاقی وزیرفیصل واوڈا نے کہا کہ سندھ طاس معاہدہ نہ صرف پاک بھارت بلکہ خطے میں امن کی علامت ہے، بھارتی خلاف ورزی پر معاہدے کے مطابق پاکستان کو انصاف ملنا چاہیے۔

وفاقی وزیر آبی وسائل فیصل واوڈا کا مزید کہنا تھا کہ پاکستان کا کہنا تھا کہ بھارت سندھ طاس معاہدے کے تحت پاکستان کو سیلاب سے پیشگی آگاہ کرنے کا پابند ہے۔ پاکستان سندھ طاس معاہدے کے ہر آپشن پر غور کر رہا ہے، آرٹیکل 12 کے مطابق کوئی ملک مرضی سے معاہدہ ختم نہیں کر سکتا، یہ معاہدہ صرف دونوں ملکوں کی باہمی رضا مندی ہی سے ختم ہوگا۔

واضح رہے کہ بھارت نے دریائے ستلج میں بغیر اطلاع پانی چھوڑ دیا ہے جس کے نتیجے میں دریائے ستلج میں بھارتی پنجاب سے آنے والے ریلے سے سیلاب کا خطرہ ہے، این ڈی ایم اے نے وارننگ بھی جاری کر دی ہے، اور متعلقہ اداروں کو ہائی الرٹ رہنے کی ہدایت کی گئی ہے۔

قصور کے قریب دریائے ستلج میں پانی کی سطح مسلسل بلند ہونے لگی، درجنوں دیہات خالی کرنے کی ہدایات، سیلاب کی وارننگ جاری کر دی گئی۔ باکھڑا ڈیم سے دریائے ستلج میں چھوڑے گئے پانی کے باعث گنڈا سنگھ والا اور چینیوٹ میں دریائے چناب کے مقام پر پانی کی سطح میں مسلسل اضافہ ہو رہا ہے۔ فلڈ کنٹرول روم کا کہنا ہے اس وقت 64000 کیوسک پانی کا ریلا چناب پل سے گزر رہا ہے۔ ہیڈ سلیمانکی ہیڈ ورکس پر پانی کی آمد 24491 کیوسک اور اخراج 12335 کیوسک ہے۔

پاک فوج کسی بھی قسم کی صورتحال سے نمٹنے کے لیے تیار ہے۔ڈی جی ایم او میجر جنرل نعمان زکریا نے قومی اسمبلی کی کمیٹی برائے قومی سلامتی کے خصوصی اجلاس میں بریفنگ دیتے ہوئے کہا کہ بارڈرز پر فوج کے اضافی دستے تعینات ہیں۔

باغی ٹی وی کی رپورٹ کے مطابق اسپیکر قومی اسمبلی اسد قیصر کی زیر صدارت پارلیمانی کمیٹی برائے قومی سلامتی کا خصوصی اجلاس پارلیمنٹ ہاوس میں ہوا۔ ڈی جی ایم او اور وزیر خارجہ نے کمیٹی کو مقبوضہ کشمیر کی صورتحال پر بریفنگ دی۔ پاک فوج کی بارڈرز پر تعیناتی پر ڈی جی ایم او میجر جنرل نعمان زکریا نے بریفنگ دیتے ہوئے کہا کہ پاکستانی افواج کسی بھی قسم کی صورتحال سے نمٹنے کے لیے تیار ہے۔ بارڈرز پر فوج کے اضافی دستے تعینات ہیں۔

اس موقع پر وزیر خارجہ شاہ محمود قریشی نے کہا کہ پاکستان سفارتی سطح پر مقبوضہ کشمیر بارے مختلف ممالک سے رابطے میں ہے۔ اقوام متحدہ کی سلامتی کونسل میں مقبوضہ کشمیر بارے پاکستان کے موقف کی جیت ہوئی ہے۔ اجلاس میں وزیر خارجہ مخدوم شاہ محمود قریشی ، ڈی جی ملٹری آپریشنز میجر جنرل نعمان ذکریا،صدر آزاد کشمیر، گورنر گلگت بلتستان، وزیر داخلہ، وزیر دفاع، وزیر انسانی حقوق نے شرکت کی

قبل ازیں آرمی چیف جنرل قمر جاوید باجوہ کی مدت ملازمت میں تین سال کی توسیع کر دی گئی، اس حوالہ سے وزیراعظم آفس سے بیان جاری کیا گیا ہے، جس میں کہا گیا کہ وزیراعظم نے فیصلہ ملک ، خطے میں جاری امن کی کوششوں کے تسلسل میں کیا.

جنرل قمر جاوید باجوہ کو 29 نومبر 2016 کو چیف آف آرمی سٹاف مقرر کیا گیا تھا، اب ان کی مدت ملازمت میں تین سال کی توسیع کر دی گئی ہے.

جنرل قمر جاوید باجوہ کو سابق وزیراعظم نواز شریف نے آرمی چیف مقرر کیا تھا،جنرل قمر جاوید باجوہ کے خاندان کا تعلق گکھڑ منڈی گوجرانوالہ سے ہے۔ انہوں نےکینیڈین آرمی کمانڈ اینڈ سٹاف کالج، نیول پوسٹ گریجوایٹ اسکول اور نیشنل ڈیفنس یونیورسٹی، پاکستان سے تعلیم حاصل کی

جماعت اسلامی کے امیر سینیٹر سراج الحق نے کہا ہے کہ 25 اگست کو پشاور اور یکم ستمبر کو کراچی میں کشمیر بچاؤ عوام مارچ کریں گے

باغی ٹی وی کی رپورٹ کے مطابق سراج الحق نے ان خیالات کا اظہار اسلام آباد میں پریس کانفرنس سے خطاب کرتے ہوئے کیا. سراج الحق کا کہنا تھا کہ کشمیر سیاسی نہیں پاکستان کے لیے زندگی اور موت کا مسئلہ ہے،حکومت کا کشمیر ڈیسک قائم کرنے کا فیصلہ اچھا ہے،فورابین الاقوامی کشمیر کانفرنس بلائی جائے،مقبوضہ کشمیرکی صورتحال پرجماعت اسلامی خاموش تماشائی نہیں بنے گی قوم کو بیدار کریں گے،کشمیریوں کو پیغام دیں گے کہ کشمیر ہمارا ہے اور ہم کشمیری ہیں۔ 25اگست کو پشاور میں کشمیر بچا ؤعوام مارچ کریں گے۔

سراج الحق کا مزید کہنا تھا کہ حکومت مسئلہ کشمیرکواجاگرکرنے کے لیے نائب وزیر خارجہ تعینات کرے،ابھی نہیں توکبھی نہیں کا لمحہ ہے اب کشمیریوں کا ساتھ نہ دیاتو دوبارہ موقع نہیں ملے گا ۔اقوام متحدہ نے کسی ملک کو آزادی نہیں دی ہر ایک نے قربانی دے کر آزادی حاصل کی ہے،حکومت کشمیریوں کی آزادی کے لیے ،قراردادوں سے بڑ کر ہر وہ اقدام کرے جس کا کشمیری مطالبہ کررہے ہیں۔

سراج الحق کا مزید کہنا تھا کہ حالات اور ایمان کا تقاضا ہے کہ ہم کشمیریوں کی آزادی کے لیے ،قراردادوں سے بڑ کر ہر وہ اقدام کریں جس کا کشمیر مطالبہ کررہے ہیں۔ راج ناتھ سنگھ نے دھمکی دی ہے کہ ایٹم بم کے استعمال کا آپشن موجود ہے دنیا سے پوچھتا ہوں کہ جو پاکستان اور مسلمانوں کے خلاف پروپیگنڈہ کرتے تھے اب وہ بھارتی دھمکی پر کیوں خاموش ہیں۔

سینیٹر سراج الحق کا مزید کہنا تھا کہ بھارت کہتا ہے کہ مذاکرات صرف آزاد کشمیر پر ہوں گے. دہشتگردی کا مقابلہ کرنے کے علاوہ کوئی راستہ نہیں ہے۔ہماری حکومتوں اور حکمرانوں کا ماضی اچھا نہیں ہے۔ ایک حکومت نے عافیہ ،ایک نے احمل کانسی, ایک نے ریمنڈڈیوس امریکہ کے حوالے کیا. موجودہ حکومت نے ابھی نندن کو بھارت کے حوالے کردیا جس پر مودی نے کہا کہ 48گھنٹے میں اپنا پائلٹ لے کر آیا ہوں. حکومت نے خوف اور دبا ؤمیں بھارتی پائلٹ ان کے حوالے کیا۔

وزیراعظم کی مشیر برائے اطلاعات ڈاکٹر فردوس عاشق اعوان نے مولانا فضل الرحمان پر شدید تنقید کرتے ہوئے کہا کہ مودی کیخلاف بولنے کی بجائے آپکی زبان پاکستان کے مفادات کیخلاف زہر کیوں اگل رہی ہے؟

باغی ٹی وی کی رپورٹ کے مطابق وزیراعظم کی مشیر برائے اطلاعات ڈاکٹر فردوس عاشق اعوان نے کہا کہ کشمیر ہمارا مشترکہ کاز ہے ،پوری قوم اس پر متحد ہے،مولاناصاحب،اس قومی یکجہتی کواپنی سیاست کی بھینٹ نہ چڑھائیں ،مودی نےمظلوم کشمیریوں پر جو کرفیو لگایا تھا اسکا اثر آپکی زبان پرکیوں ہے؟،مودی کیخلاف بولنے کی بجائے آپکی زبان پاکستان کے مفادات کیخلاف زہر کیوں اگل رہی ہے؟

فردوس عاشق اعوان نے مزید کہا کہ عمران خان دنیابھر میں کشمیریوں کےسب سے بڑے وکیل ،حقیقی ترجمان بن کر ابھرے ہیں،جس موثر اندازسےمسئلہ کشمیرتحریک انصاف کی حکومت نےاجاگرکیاماضی میں مثال نہیں ملتی،سلامتی کونسل کا اجلاس ہماری سفارتی فتح ، بھارت کی سفارت کاری کی شکست ہے،بتائیں آپکی کارکردگی کیارہی؟ کشمیریوں کوفتح دلانے کیلیے کتنے جھنڈے گاڑے؟