Author: ممتاز حیدر

معروف اینکر پرسن کامران خان نے کہا ہے کہ جنرل قمر جاوید باجوہ کی مدت ملازمت میں توسیع سے فوج میں اعلیٰ سطح پر پر ترقیوں کا مسئلہ نہیں ہو گا.

باغی ٹی وی کی رپورٹ کے مطابق اینکر پرسن کامران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ جنرل باجوہ کی حد درجہ ضروری ایکسٹینشن سے فوج میں اعلی سطح پر پروموشنز کا مسئلہ نہیں ہوگا میری اطلاع ہے کہ بہت جلد دو لیفٹینینٹ جنرلز کی جنرل کی حیثیت سے ترقی ہو گی ایک کی تعیناتی چیرمین جوائنٹ چیف دوسرے کی وائس چیف آف آرمی اسٹاف ہوگی مجھے یقین ہے آئندہ تین سال پاکستان کی ترقی کے سال ہیں.

جنرل باجوہ کی حد درجہ ضروری ایکسٹینشن سے فوج میں اعلی سطح پر پروموشنز کا مسئلہ نہیں ہوگا میری اطلاع بہت جلد دو لیفٹینینٹ جنرلز کی جنرل کی حیثیت سے ترقی ہو گی ایک کی تعیناتی چیرمین جوائنٹ چیف دوسرے کی وائس چیف آف آرمی اسٹاف ہوگی مجھے یقین ہے آئندہ ۳ سال پاکستان کی ترقی کے سال ہیں

— Kamran Khan (@AajKamranKhan) August 19, 2019

واضح رہے کہ وزیراعظم نے آرمی چیف جنرل قمر جاوید باجوہ کی مدت ملازمت میں تین سال کی توسیع کر دی ہے، اس ضمن میں وزیراعظم آفس سے نوٹفکیشن جاری کیا گیا ہے،

وزیر خارجہ مخدوم شاہ محمود قریشی سے وزیراعظم کی نمائندہ خصوصی برائے سفارتی تعلقات، سابقہ سیکرٹری خارجہ تہمینہ جنجوعہ نے پیر کو وزارت خارجہ میں ملاقات کی۔

باغی ٹی وی کی رپورٹ کے مطابق ملاقات میں مقبوضہ کشمیر کی گھمبیر صورتحال سمیت اہم سفارتی امور پر تبادلہ خیال کیا گیا۔ وزیر خارجہ نے خارجہ محاذ پر ملک و قوم کے لئے تہمینہ جنجوعہ کی طویل خدمات کو سراہا۔ شاہ محمود قریشی نے کہا کہ پاکستان کو سفارتی محاذ پر بہت سے چیلنجز کا سامنا ہے۔

وزیر خارجہ شاہ محمود قریشی نے نمائندہ خصوصی برائے سفارتی تعلقات تہمینہ جنجوعہ کو فوراً جنیوا پہنچ کر اپنی ذمہ داریاں سنبھالنے اور مقبوضہ کشمیر میں بھارت کی جانب سے جاری انسانی حقوق کی سنگین خلاف ورزیوں کو اقوام عالم کے سامنے اجاگر کرنے سمیت دیگر ضروری ہدایات دیں۔

اس موقع پر تہمینہ جنجوعہ کا کہنا تھا کہ کہ وزیر اعظم عمران خان اور وزیر خارجہ کی رہنمائی میں پاکستان کے وسیع تر مفاد میں اپنا بھرپور کردار ادا کرتی رہوں گی.

اپوزیشن جماعتوں کی اے پی سی میں مقبوضہ کشمیر میں بھارتی فوج کے مظالم اور لائن آف کنٹرل پر بھارتی جارحیت کی شدید مذمت کی گئی ،اے پی سی میں تجویز دی گئی کہ حکومت پاکستان کشمیریوں کی عالمی سطح پر بھرپور وکالت کرے

باغی ٹی وی کی رپورٹ کے مطابق جے یو آئی ف کے سربراہ مولانا فضل الرحمان کی زیر صدارت اپوزیشن جماعتوں کی اے پی سی ہوئی جس میں مسلم لیگ ن ، پیپلز پارٹی کے وفد اور جے یو آئی کے عبدالغفورحیدری، اکرم درانی اورطلحہٰ محمود شریک ہیں۔ مسلم لیگ ن کی جانب سے خواجہ آصف، احسن اقبال اور ایاز صادق موجود جبکہ پیپلز پارٹی کی جانب سے نیر بخاری، شیری رحمان اور فرحت اللہ بابر نے اے پی سی میں شرکت کی، آفتاب شیر پاؤ،محمود اچکزئی، میاں افتخارحسین، طاہر بزنجو اور دیگرنے بھی اے پی سی میں شرکت کی

اے پی سی میں رہنماؤں کا کہنا تھا کہ اپوزیشن جماعتیں کشمیریوں کے ساتھ اظہار یکجہتی کرتی ہیں،اقوام متحدہ عالمی برادری مقبوضہ وادی سے کرفیو ختم کرائے۔ حکومت نے کشمیر پرمشترکہ اجلاس میں غیر سنجیدگی دکھائی، مسئلہ کشمیر پر پاکستان ،بھارت اور کشمیری فریق ہیں، اپوزیشن جماعتیں اورعوام کشمیر پاک فوج کے شانہ بشانہ ہیں ، پاک فوج بھارت کسی بھی مہم جوئی کا جواب دینےکی صلاحیت رکھتی ہے۔

واضح رہے کہ اپوزیشن جماعتوں کی اے پی سی میں بلاول زرداری اور شہباز شریف شریک نہیں ہوئے. رات گئے مولانا فضل الرحمان نے بلاول زرداری سے بلاول ہاؤس میں ملاقات کی تھی.

اس سے قبل بھی اپوزیشن جماعتوں کی اے پی سی ہوئی تھی جس میں چیئرمین سینیٹ کے خلاف تحریک عدم اعتماد لانے کا فیصلہ کیا گیا تھا جس میں اپوزیشن جماعتوں کو ناکامی ہوئی تھی، وہ چیئرمین سینیٹ کو نہیں ہٹا سکے

سینیٹ کے چیئرمین محمد صادق سنجرانی پارلیمانی وفد کے ہمراہ متحدہ عرب امارات کا دورہ کریں گے،

باغی ٹی وی کی رپورٹ کے مطابق متحدہ عرب امارات کی حکومت نے چیئرمین سینیٹ کو دورت کی دعوت دی ہے،.چیئرمین سینیٹ پارلیمانی وفد کے ہمراہ 25 سے 28 اگست تک دورہ کریں گے.دورے کے دوران چیئرمین سینٹ اور پارلیمانی وفد متحدہ عرب امارات کی اعلیٰ سیاسی قیادت اور حکومتی سربراہان سے ملاقاتیں کریں گے،

دورے کا مقصد دونوں برادر اسلامی ملکوں کے درمیان سیاسی ، سماجی اور اقتصادی تعلقات کے فروغ کے لئے پارلیمانی روابط کو مزید مستحکم بنانے کے ساتھ ساتھ کشمیر میں بھارتی مظالم اور جارحیت کے نتیجے میں علاقائی امن کو درپیش خطرات سے متحدہ عرب امارات کی قیادت کو آگاہ کرنا اور امن کے قیام میں پاکستان کی کوششوں کو اُجاگر کرنا ہے.

چیئرمین سینیٹ صادق سنجرانی کا کہنا ہے کہ پاکستان اور متحدہ عرب امارات خطے اورمسلم اْمّہ کے اہم ممالک ہیں۔ ان دونوں ملکوں کو کشمیر کے اہم مسئلے کے حل اور علاقائی امن کیلئے مشترکہ کوششیں کرنی چاہئیں ۔ دونوں ممالک کے مابین معاشی تعاون کے فروغ کی بے پناہ استعداد موجود ہے۔ دونوں ممالک خطے کی ترقی و خوشحالی کیلئے مشترکہ ایجنڈے پر عمل پیرا ہو کر مزید بہتری لا سکتے ہیں.

واضح رہے کہ چیئرمین سینیٹ صادق سنجرانی نے تمام جماعتوں کے سینیٹرز کے وفود تشکیل دئیے تھے جو بیرون ممالک جا کر کشمیر کے مسئلہ کو اجاگر کریں گے اور بھارتی مظالم کو بے نقاب کرین گے، سینیٹرز کے وفود امریکا بھی جائیں گے، او آئی سی کے وفد سے بھی ملاقات کریں گے

احتساب عدالت کے سابق جج ارشد ملک کی مبینہ وڈیو اسکینڈل کے حوالہ سے ایف آئی اے نے شہباز زشریف اور مریم نواز کا بیان ریکارڈ کر لیا، کل سپریم کورٹ میں کیس کی سماعت ہو گی

باغی ٹی وی کی رپورٹ کے مطابق ایف آئی اےکی انکوائری ٹیم نےشہبازشریف اورمریم نوازسے تفتیش کی ،شہباز شریف نے ایف آئی اے کو اپنے بیان میں کہا کہ جج مبینہ وڈیوسے متعلق پریس کانفرنس میں موجود تھا،ویڈیو کیسے ریکارڈ ہوئی علم نہیں،

مریم نواز نے اپنے بیان میں کہا کہ جج ارشد ملک کی وڈیو ناصربٹ نے بنائی،جج کی وڈیو بنانے میں میرا کوئی کردار نہیں، مریم نواز نےکہاوڈیو ناصر بٹ نے فراہم کی تھی ،میں نے صرف وڈیو کو بنیاد بناکر پریس کانفرنس کی،مریم نواز نے اپنے بیان میں یہ بھی کہا کہ وڈیو پریس کانفرنس میں چلانےسے پہلے چیک کی،بیرون ملک سے فارنزک آڈٹ کرایا،

ایف آئی اے میں وڈیو اسکینڈل کی انکوائری مکمل نہیں ہوئی،تاحال جاری ہے ،پریس کانفرنس میں موجود دیگر ن لیگی عہدیداروں سے بھی تفتیش کی گئی ہے

سپریم کورٹ جج ارشد ملک کیس کی سماعت کل کرے گی ،چیف جسٹس کی سربراہی میں 3 رکنی بینچ سماعت کرے گا ،ایف آئی اے کی رپورٹ کل سماعت سے قبل سپریم کورٹ میں جمع کرائی جائے گی،

واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی.

جج ارشد ملک کی اسلام آباد ہائیکورٹ میں جمع کرائے گئے بیان حلفی میں کہا گیا ہےکہ دوران سماعت نمائندگان کے ذریعے بارہا رشوت کی پیش کش کی گئی اورتعاون نہ کرنے کی صورت میں سنگین نتائج کی دھمکیاں بھی دی گئی۔ مجھے کہا گیا کہ نواز شریف منہ بولی قیمت دینے کو تیار ہے. بیان حلفی میں مزید کہا گیا کہ فروری 2018 میں مہر جیلانی اور ناصر جنجوعہ سے ملاقات ہوئی، ملاقات میری بطور جج احتساب عدالت تعیناتی کے کچھ عرصے بعد ہوئی، ناصر جنجوعہ نے بتایا کہ انھوں نے سفارش کر کے مجھے جج لگوایا، ناصر جنجوعہ نے اپنے ساتھ موجود شخص سے تصدیق کرائی کہ میں نے چند ہفتے قبل تعیناتی کی خبر نہیں دی، میں نے اس دعوے کے بارے میں زیادہ سوچ بچار نہیں کی۔ جج ارشد ملک نے اپنے بیان حلفی میں مزید کہا کہ 16 سال پہلے ملتان کی ایک ویڈیو مجھے دکھائی گئی، ویڈیو کے بعد کہا گیا وارن کرتے ہیں تعاون کریں، ویڈیو دکھانے کے بعد دھمکی دی گئی اور وہاں سے سلسلہ شروع ہوا، سماعت کے دوران ان کی ٹون دھمکی آمیز ہوگئی، مجھے رائے ونڈ بھی لے جایا گیا اور نواز شریف سے ملاقات کرائی گئی، نواز شریف نے کہا جو یہ لوگ کہہ رہے ہیں اس پر تعاون کریں، نواز شریف نے کہا ہم آپ کو مالا مال کر دیں گے

لائن آف کنٹرول کی خلاف ورزیوں کے ساتھ بھارت نے آبی دہشت گردی شروع کر دی،دریائے ستلج میں بھارتی پنجاب سے آنیوالے پانی کے ایک بڑے ریلے کیوجہ سیلاب کاخدشہ ہے

باغی ٹی وی کی رپورٹ کے مطابق ترجمان این ڈی ایم اے کا کہنا ہے کہ ڈیڑھ سے2لاکھ کیوسک پانی پاکستانی حدود میں داخل ہو سکتا ہے ،اگلے12سے24گھنٹوں میں یہ پانی گنڈاسنگھ والاکے مقام پر پاکستان میں داخل ہوگا ،بھارت کیطرف سےسرکاری طورپرابھی تک کوئی اطلاع موصول نہیں ہوئی ،قصور،اطراف کے اضلاع کی انتظامیہ ممکنہ ہنگامی صورتحال کے لیے تیاررہے ،

بھارت روپر ہیڈورکس سے دولاکھ کیوسک پانی دریائے ستلج میں چھوڑرہا ہے اور ہر ایک گھنٹے بعد پانی چھوڑا جارہا ہے۔ بھارت کی طرف سے دریائے ستلج میں پانی چھوڑے جانے کا سلسلہ اتوار کی شام سے شروع ہوا جورات گئے تک جاری رہے گا۔ یہ بھی اطلاعات ہیں کہ دریائے ستلج میں 1988ء کے بعد یہ ایک بڑا سیلاب ہوگا جس سے ہزاروں ایکڑ زمین، سیکڑوں دیہات متاثر ہوں گے۔

این ڈی ایم اے کے ترجمان کے مطابق بھارت نےلداخ ڈیم کے5 میں سے 3 اسپل ویز کھول دیے ہیں،یہ پانی خرمنگ کے مقام پر دریائے سندھ میں شامل ہو گا،گلگت بلتستان ڈیزاسٹرمینجمنٹ،دریائےسندھ کےاطراف تمام ضلعی انتظامیہ کوالرٹ جاری کر دیا گیا ہے،