Author: ممتاز حیدر

وفاقی وزیرآبی وسائل فصل واوڈا نے کہا ہے کہ آرمی چیف جنرل قمر جاوید باجوہ کی مدت ملازمت میں توسیع کا فیصلہ خوش آئند ہے

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے وفاقی وزیر فیصل واوڈا نے کہا کہ ملک کوموجودہ مشکل حالات میں جنرل قمرجاویدباجوہ کی ضرورت تھی. آدھے راستے میں حکمت عملی اورلیڈر نہیں بدلے جاتے.

دوسری جانب وزیر اعظم کے معاون خصوصی نعیم الحق نے کہا کہ جنرل باجوہ کی مدت ملازمت میں توسیع کا خیرمقدم کرتے ہیں. جنرل قمر جاوید باجوہ کی قائدانہ صلاحیتیں، حب الوطنی وقت کی اہم ضرورت ہیں، قوم اعتماد کرسکتی ہے کہ مسلح افواج کی قیادت مضبوط ہاتھوں میں ہے.

واضح رہے کہ آرمی چیف جنرل قمر جاوید باجوہ کی مدت ملازمت میں تین سال کی توسیع کر دی گئی، اس حوالہ سے وزیراعظم آفس سے بیان جاری کیا گیا ہے، جس میں کہا گیا کہ وزیراعظم نے فیصلہ ملک ، خطے میں جاری امن کی کوششوں کے تسلسل میں کیا.

مقبوضہ کشمیر کی خصوصی حیثیت کا خاتمہ، بھارت کی جانب سے لائن آف کنٹرول کی خلاف ورزی، وزیر خارجہ شاہ محمود قریشی کل منگل کو سینئر صحافیوں و اینکر پرسن کو موجودہ صورتحال پر بریفنگ دیں گے.

باغی ٹی وی کی رپورٹ کے مطابق وزیرخارجہ شاہ محمود قریشی کل منگل کو وزارت خارجہ کے دفتر میں سینئر صحافیوں و اینکر پرسن کو خطے کی موجودہ صورتحال پر بریفنگ دیں گے ،وزارت خارجہ کی جانب سے سینیر صحافیوں و اینکر پرسنز کو منگل سہہ پہر تین بجے کا دعوت نامہ بھجوایا گیا ہے،

وزیر خارجہ شاہ محمود قریشی بریفنگ میں بھارت کی جانب سے کشمیر کی خصوصی حیثیت کے خاتمے ،کشمیر میں کرفیو، بھارتی مظالم ،بھارتی فوج کی جانب سے ایل او سی کی خلاف ورزیوں پر بریفنگ دیں گے، وزیر خارجہ کشمیر کے حوالہ سے پاکستانی اقدامات سے بھی صحافیوں کو آگاہ کرٰیں گے،

وزیر خارجہ شاہ محمود قریشی کشمیر کے حوالہ سے سلامتی کونسل کے اجلاس پر بھی بریفنگ دیں گے، وہ بھارتی وزیر خارجہ راجناتھ سنگھ کی جانب سے آزاد کشمیر پر مذاکرات کے مضحکہ خیر بیان پر بھی اپنا موقف دیں گے، وزیر خارجہ پاکستان کی جانب سے اب تک کی تمام سفارتی کوششوں سے سینیر صحافیوں و اینکر پرسنز کو آگاہ کریں گے.

جسٹس قاضی فائز عیسیٰ کیخلاف صدر کو خط لکھنے پر دائر ریفرنس خارج کر دیا گیا

باغی ٹی وی کی رپورٹ کے مطابق سپریم جوڈیشل کونسل نے جسٹس قاضی فائز عیسیٰ کے خلاف دائر ایک ریفرنس خارج کر دیا،سپریم جوڈیشل کونسل نے فیصلے میں‌ کہا کہ خط کے مندرجات ایسے نہیں کہ جج کو عہدے سے ہٹایا جا سکے۔ جسٹس قاضی فائز عیسیٰ کے خلاف ریفرنس وحید ڈوگر نامی شہری نے دائر کیا تھا۔

سپریم جوڈیشل کونسل نے دو میں سے ایک ریفرنس کا فیصلہ اپنی ویب سائٹ پر جاری کر دیا ہے۔ سپریم جوڈیشل کونسل کے فیصلے میں کہا گیا ہے کہ جسٹس فائز عیسیٰ کے خطوط صرف صدر مملکت کیلئے ہی تھے۔ جسٹس فائز عیسیٰ اپنے سسر اور بیٹی کی علالت کے باعث بھی دباؤ میں تھے۔

وضح رہے کہ حکومت نے ججز کے خلاف سپریم کورٹ جوڈیشل کونسل میں ریفرنس دائر کیا جس پر جسٹس قاضی فائز عیسیٰ نے صدر مملکت کو خط لکھا تھا ،ریفرنس کے بعد یہ کہا جا رہا تھا کہ سپریم جوڈیشل کونسل میں 350 ریفرنس ہیں لیکن جسٹس قاضی فائز عیسیٰ کے بارے میں ریفرنس پر اتنی جلدی سماعت کیوں ہو رہی ہے ،اس پر سپریم کورٹ کے ترجمان نے کہا ہے کہ زیرالتوا ریفرنسزپر قانون اورضابطے کےمطابق سماعت کے بعد فیصلہ کیاجائے گا،گزشتہ چنددنوں سے350 ریفرنسز زیرالتوا ہونے کا تاثر دیا گیا اور350ریفرنسزکا تذکرہ بار بار کیا گیا،ترجمان نے کہا کہ 350کےاعدادوشمارغلط،بے بنیاداورحقائق پرمبنی نہیں ہیں ،ترجمان نے کہا کہ سپریم جوڈیشل کونسل کو426شکایات اورریفرنسزموصول ہوئے،قانون کے مطابق398ریفرنسزاورشکایات کونمٹا دیا گیا.

وفاقی وزیر ریلوے شیخ رشید احمد نے آرمی چیف جنرل قمر جاوید باجوہ کی مدت ملازمت میں توسیع کو خوش آئند قرار دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا کہ آرمی چیف کی مدت ملازمت میں توسیع کے فیصلے سے دنیا کو پیغام دیا گیا ہے کہ جمہوری حکومت اورفوج ایک پیج پرہے ،کشمیر کی جدوجہد آزادی کیلیے،مودی کےجارحانہ اقدام کیخلاف یہ زبردست فیصلہ ہے،

شیخ رشید احمد کا مزید کہنا تھا کہ اس فیصلے پرساری قوم ،عالم اسلام اورکشمیری اس پرخوش ہیں ،جنرل قمرجاوید باجوہ، پاک فوج اورعمران خان کومبارکباد پیش کرتا ہوں.

واضح رہے کہ آرمی چیف جنرل قمر جاوید باجوہ کی مدت ملازمت میں تین سال کی توسیع کر دی گئی، اس حوالہ سے وزیراعظم آفس سے بیان جاری کیا گیا ہے، جس میں کہا گیا کہ وزیراعظم نے فیصلہ ملک ، خطے میں جاری امن کی کوششوں کے تسلسل میں کیا

اپوزیشن جماعتوں نے اسلام آباد کی جانب مارچ کا اعلان کر دیا، مولانا فضل الرحمان نے کہا کہ ہم اسلام آباد متحدہ طور پر آئیں گے،ہم نے یہ فیصلہ کرلیا ہے

باغی ٹی وی کی رپورٹ کے مطابق اپوزیشن جماعتوں کی اے پی سی مولانا فضل الرحمان کی زیر صدارت ہوئی، اے پی سی کے اختتام پر مولانا فضل الرحمان نے میڈیا بریفنگ میں کہا کہ ہم سب اس بات پر متفق ہیں کہ ملک کو مختلف بحرانوں سے دوچار کردیا گیا ہے۔اس وقت پاکستان کی سلامتی کو خطرہ ہے۔ معاشی طور پر پاکستان نچلی سطح پر ہے، خراب معاشی صورتحال کے باعث سوویت یونین اپنا وجود برقرار نہ رکھ سکا۔ عوام مہنگائی سے تنگ ہیں۔ نوجوان بیروزگاری کا شکار ہیں۔ تاجروں پر ٹیکسوں کا بوجھ ڈاکٹر پریشان ہیں۔

مولانا فضل الرحمان نے کشمیر کے حوالہ سے گفتگو کرتے ہوئے کہا کہ ہم حکمرانوں کو کشمیر کو فروخت کرنے کا ذمہ دار قرار دے رے ہیں۔ تم نے کشمیریوں کی پیٹھ میں چھرا گھونپا ہے پاکستانی قوم کشمیریوں کے ساتھ رہے گی۔ کل تک ہم سوچ رہے تھے سری نگر کیسے حاصل کرنا ہے آج ہم یہ سوچ رہے ہیں مظفر آباد کیسے بچانا ہے؟عمران کہتا تھا مودی جیتے گا تو کشمیر کا مسئلہ حل ہوگا۔

مولانا فضل الرحمان کا مزید کہنا تھا کہ رہبر کمیٹی سے کہا ہے کہ ایک ہفتے میں چارٹر آف ڈیمانڈ دے، رہبر کمیٹی کا اجلاس 26 اگست کو ہوگا۔ 29 اگست کو ایک اور سربراہی اجلاس بلانے کا فیصلہ کیا گیا ہے۔ حزب اختلاف حکومت کے خلاف تحریک کے لیے تیار ہے۔

آرمی چیف جنرل قمر جاوید باجوہ کی مدت ملازمیت میں توسیع کے حوالہ سے ایک سوال کے جواب میں مولانا فضل الرحمان نے کہا کہ ان کی توسیع کا معاملہ نارمل ہے۔ سرکاری ملازمین کی توسیع ہوتی رہتی ہے۔

جے یو آئی ف کے سربراہ مولانا فضل الرحمان کی زیر صدارت اپوزیشن جماعتوں کی اے پی سی ہوئی جس میں مسلم لیگ ن ، پیپلز پارٹی کے وفد اور جے یو آئی کے عبدالغفورحیدری، اکرم درانی اورطلحہٰ محمود شریک ہیں۔ مسلم لیگ ن کی جانب سے خواجہ آصف، احسن اقبال اور ایاز صادق موجود جبکہ پیپلز پارٹی کی جانب سے نیر بخاری، شیری رحمان اور فرحت اللہ بابر نے اے پی سی میں شرکت کی، آفتاب شیر پاؤ،محمود اچکزئی، میاں افتخارحسین، طاہر بزنجو اور دیگرنے بھی اے پی سی میں شرکت کی

اے پی سی میں رہنماؤں کا کہنا تھا کہ اپوزیشن جماعتیں کشمیریوں کے ساتھ اظہار یکجہتی کرتی ہیں،اقوام متحدہ عالمی برادری مقبوضہ وادی سے کرفیو ختم کرائے۔ حکومت نے کشمیر پرمشترکہ اجلاس میں غیر سنجیدگی دکھائی، مسئلہ کشمیر پر پاکستان ،بھارت اور کشمیری فریق ہیں، اپوزیشن جماعتیں اورعوام کشمیر پاک فوج کے شانہ بشانہ ہیں ، پاک فوج بھارت کسی بھی مہم جوئی کا جواب دینےکی صلاحیت رکھتی ہے۔

واضح رہے کہ اپوزیشن جماعتوں کی اے پی سی میں بلاول زرداری اور شہباز شریف شریک نہیں ہوئے. رات گئے مولانا فضل الرحمان نے بلاول زرداری سے بلاول ہاؤس میں ملاقات کی تھی.

اس سے قبل بھی اپوزیشن جماعتوں کی اے پی سی ہوئی تھی جس میں چیئرمین سینیٹ کے خلاف تحریک عدم اعتماد لانے کا فیصلہ کیا گیا تھا جس میں اپوزیشن جماعتوں کو ناکامی ہوئی تھی، وہ چیئرمین سینیٹ کو نہیں ہٹا سکے

وزیر خارجہ شاہ محمود قریشی نے کہا ہے کہ کشمیراورافغانستان کی صورتحال کےتناظرمیں وزیراعظم نے آرمی چیف کی مدت ملازمت میں توسیع کا فیصلہ کیا.

باغی ٹی وی کی رپورٹ کے مطابق وزیرخارجہ شاہ محمودقریشی نے آرمی چیف جنرل قمر جاوید باجوہ کی مدت ملازمت میں توسیع پربیان دیتے ہوئے کہا کہ خطےکےحالات کے پیش نظرآرمی چیف کی مدت ملازمت میں توسیع کی گئی، ایک واضح پیغام جاتاہےکہ پاکستان کی پالیسی میں تسلسل ہے ،

وزیر خارجہ کا مزید کہنا تھا کہ افغانستان میں گفت و شنید کی صورتحال بھی ہے،ان حالات پر نظر ڈالتے ہوئے آئینی اختیار کے تحت وزیراعظم نے فیصلہ کیا، وزیراعظم نےاپنی صوابدید کیمطابق فیصلہ کیا،اس سےتسلسل کاواضح پیغام جاتاہے،

شاہ محمود قریشی کا مزید کہنا تھا کہ کشمیر سے کرفیو ہٹے گا تو حالات کا پتا چلے گا، اس مرحلے پر بھارتی وزیر کے غیر ذمے دارانہ بیانات سنے ہیں،پاکستان کی عسکری اور سیاسی قیادت ایک صفحے پر ہے

واضح رہے کہ وزیراعظم عمران خان نے‌آرمی چیف جنرل قمر جاوید باجوہ کی مدت ملازمت میں تین سال کی توسیع کر دی ہے.