Author: ممتاز حیدر

پاکستان مرکزی مسلم لیگ نے سیلاب متاثرہ علاقوں میں امدادی سرگرمیوں کو مزید وسیع کر دیا،مسلم ویمن لیگ کی سیکرٹری جنرل عفت سعید موہلنوال خیمہ بستی پہنچ گئیں،متاثرہ اضلاع میں کشتیوں‌کے ذریعے متاثرین کو ریسکیو،پکی پکائی خؤراک کی تقسیم جاری ہے، قصور سمیت دیگر شہروں میں جانوروں کے لئے چارے کی تقسیم کی عمل بھی جاری ہے، لاہور،سیالکوٹ،ننکانہ، چنیوٹ، ٹوبہ ٹیک سنگھ، اوکاڑہ سمیت دیگر متاثرہ اضلاع میں پکی پکائی خوارک کی تقسیم ،مفت علاج معالجے کا سلسلہ جاری ہے،مرکزی مسلم لیگ کے رضاکاروں کی جانب سے بچوں کے لئے دودھ اور خشک راشن بھی تقسیم کیا جا رہا ہے

مرکزی مسلم لیگ کے صدر خالد مسعود سندھو کی ہدایت پر پنجاب کے سیلاب سے متاثرہ 25 اضلاع ،خیبر پختونخوا ،گلگت میں امدادی سرگرمیاں‌جاری ہیں،سندھ میں بھی ریسکیو و ریلیف کیمپ قائم کر دیئے گئے ہیں،موہلنوال کی خیمہ بستی میں‌3000 سے زائد سیلاب متاثرین مقیم ہیں مسلم ویمن لیگ کی سیکرٹری جنرل عفت سعید نے خیمہ بستی کا دورہ کیا متاثرین میں کھانا تقسیم کیا اور ملاقات کی، اس موقع پر مرکزی مسلم لیگ لاہور کے سیکرٹری جنرل مزمل اقبال ہاشمی نے عفت سعید کی سیلاب متاثرین کے لئے خدمات کو سراہا،مرکزی مسلم لیگ نے سیلاب متاثرہ علاقوں میں جانوروں کیلئے چارے کی تقسیم بھی شروع کر دی ،چئیرمین شعبہ خدمت خلق شفیق الرحمان وڑائچ، صدر وسطی پنجاب حمید الحسن گجر، رانا اشفاق ودیگر نے گنڈا سنگھ تلوار چیک پوسٹ کے علاقوں کا دورہ کیا اس موقع پر شفیق الرحمان وڑائچ کا کہنا تھا کہ دو ہزار جانوروں کیلئے سیلج مرکزی مسلم لیگ کے مرکزی ریلیف کیمپ تلوار پوسٹ پر پہنچ چکا ہے،سیلاب متاثرین کیساتھ ان کے مال مویشیوں کیلئے خوراک کو بھی یقینی بنا رہے ہیں،مرکزی مسلم لیگ قصور کے ضلعی سیکرٹری جنرل رانا محمد اشفاق نے موٹیویشنل اسپیکر شیخ عاطف، شفیق الرحمن وڑائچ اور حمید الحسن کے ہمراہ متاثرہ علاقوں میں سینکڑوں جانوروں کے لیے سائلج تقسیم کیا۔مرکزی مسلم لیگ کے ترجمان تابش قیوم قصور کے سیلاب سے متاثرہ علاقوں میں پہنچ گئے،تابش قیوم نے تلوار پوسٹ کے اطراف سیلاب سے ڈوبے 22 گاؤں کا دورہ کیا، اس موقع پر انہوں نے سیلاب متاثرین میں کھانابھی تقسیم کیا ،قصور دورے کے دوران تابش قیوم نے مرکزی مسلم لیگ کے امدادی کیمپ کا بھی دورہ کیا اور ریسکیو و ریلیف آپریشن مزید تیز کرنے کی ہدایت کی. مرکزی مسلم لیگ پنجاب کے صدر محمد سرور چوہدری نے ساہیوال میں سیلاب متاثرین کے امدادی کیمپ کا دورہ کیا اور ریسکیو و ریلیف آپریشن کا جائزہ لیا، مرکزی مسلم لیگ ننکانہ کے ضلعی سیکرٹری جنرل ثاقب مجید نے سیلاب سے متاثرہ علاقوں جگ دا چک ،جانی دا ٹھٹ،قلعہ قمر سنگھ ،نمراں دی ڈھاری ،نواں پنڈ کا دورہ کیا ،اس موقع پر 250 افراد میں خشک راشن تقسیم کیا گیا،متاثرین میں پکا پکایا کھانا تقسیم کرنے کے علاوہ خواتین کے ملبوسات اور جوتے تقسیم کیے، تاندلیانوالہ کے نواحی علاقے دریائے راوی میں سیلاب متاثرین میں پکا پکایا کھانا اور دیگر ضروری اشیاء تقسیم کی گئیں۔ اس موقع پر ڈپٹی کمشنر فیصل آباد کیپشن (ر) ندیم ناصر، اسسٹنٹ کمشنر تاندلیانوالہ، سیکرٹری جنرل مرکزی مسلم لیگ فیصٌل آباد محمد احسن تارڑ و دیگر بھی موجود تھے، شعبہ خدمت خلق کی ٹیموں نے پاک فوج کے جوانوں کے ساتھ مل کر کشتی سروس کے ذریعے متاثرین تک امداد پہنچائی اور کھانے سمیت روزمرہ ضروریات کی اشیاء فراہم کیں۔

مرکزی مسلم لیگ کے زیر اہتمام نارووال،تاندلیانوالہ، اوکاڑہ، احمد پور شرقیہ،بہاولنگر،مظفر گڑھ، ملتان،بوریوالا، پاکپتن ، وہاڑی ، تاندلیانوالہ ، جھنگ ،بہاولپور سمیت دیگر سیلاب متاثرہ اضلاع میں امدادی سرگرمیاں جاری ہیں جبکہ خیبر پختونخوا کے اضلاع بونیر،باجوڑ، مینگورہ سوات،گلگت ،سکردو میں بھی مرکزی مسلم لیگ کی امدادی سرگرمیاں جاری ہیں.
خیبرپختونخوا کی متاثرین سیلاب کی بحالی کے لیے مرکزی مسلم لیگ کی امدادی سرگرمیاں جاری ہیں،بونیر میں مرکزی مسلم لیگ مالاکنڈ ڈویژن کے صدر عبدالغفار منصور نے متاثرین سیلاب میں خشک راشن تقسیم کیا ،سوات مینگورہ کے ڈاگ میلہ گراؤنڈ میں سینکڑوں بیوہ خواتین میں گھر کا سامان اور خشک راشن تقسیم کیا گیا اسی طرح صوابی، باجوڑ اور شانگلہ میں بھی مرکزی مسلم لیگ کی طرف سے متاثرین سیلاب کی امداد کا سلسلہ باقاعدگی سے جاری ہے اور متاثرہ خاندانوں میں خشک راشن، بستر اور برتن کی تقسیم کا عمل بلاتعطل جاری ہے۔