Author: ممتاز حیدر

ایران کے سینئر ترین دفاعی اور قومی سلامتی عہدیدار ریئر ایڈمرل علی شمخانی کی بیٹی کی شادی کی لیک ویڈیو نے تہران میں عوامی اور سیاسی حلقوں میں بھونچال برپا کر دیا۔

ریئر ایڈمرل علی شمخانی کا شمار ایران کے ان سینئر ترین عہیداروں میں ہوتا ہے جنہوں نے امریکا کے ساتھ ہونے والے جوہری مذاکرات میں حصہ لیا تھا اور خواتین کے حقوق کے حوالے سے ملک میں ہونے والے مظاہروں کے خلاف کریک ڈاؤن کا حکم بھی دیا تھا،امریکی میڈیا رپورٹس کے مطابق علی شمخانی کی بیٹی کی شادی کی ایک ویڈیو سامنے آئی ہے جس میں انہیں دلہن کے ساتھ ہال میں آتے دیکھا گیا، علی شمخانی کی بیٹی کی شادی کی تقریب گزشتہ برس اپریل میں منعقد ہوئی تھی تاہم ویڈیو منظر عام پر آنے کے بعد جنگل میں آگ کی طرح سوشل میڈیا پر پھیل گئی،ویڈیو میں علی شمخانی کی بیٹی اور اہلیہ کو مغربی طرز کا جدید ترین لباس پہنے دیکھا گیا اور تقریب میں موجود دیگر خواتین بھی بغیر حجاب کے نظر آ رہی تھیں۔

رئیر ایڈمرل علی شمخانی کی بیٹی کی شادی کی لیک ویڈیو منظر عام پر آنے کے بعد عوام کی جانب سے شدید غم و غصے کا اظہار کیا جا رہا ہے اور یہ مطالبہ کیا جا رہا ہے کہ علی شمخانی کو تمام عہدوں سے فوری طور پر مستعفی ہو جانا چاہیے،ایک اخبار نے علی شمخانی کی تصویر کے ساتھ ہیڈلائن لکھی ’’ اسکینڈل نے دفن کردیا‘‘، جبکہ صحافی عامر حسین موصلا نے سوشل میڈیا پر لکھا ایرانی عہدیدار اپنے ہی بنائے ہوئے قوانین پر یقین نہیں رکھتے، وہ صرف یہ چاہتے ہیں کہ لوگوں کی زندگی اجیرن رہے۔

معروف بالی ووڈ اداکار پرکاش راج نے ایک مرتبہ پھر حکمران جماعت بھارتیہ جنتا پارٹی (بی جے پی) اور انتہا پسند تنظیم آر ایس ایس کے خلاف سخت مؤقف اختیار کرتے ہوئے بھارتی والدین سے اپنے بچوں کو محفوظ رکھنے کی اپیل کی ہے۔

اداکار نے سماجی رابطے کی ویب سائٹ ایکس پر مصنوعی ذہانت سے بنائی گئی ایک تصویر شیئر کی، جس میں ایک لڑکے اور لڑکی کو دکھایا گیا ہے جبکہ انکی ٹی شرٹس پر تحریر تھا، بیٹے کو آر ایس ایس سے بچائیں، بیٹی کو بی جے پی سے بچائیں۔پرکاش راج نے اپنی پوسٹ کے ذریعے والدین کو خبردار کیا کہ وہ اپنے بچوں کو ایسی سیاست سے دور رکھیں جو نفرت اور انتہا پسندی کو فروغ دیتی ہے۔رپورٹس کے مطابق اداکار نے یہ بیان اپنے ایک قریبی دوست کے مبینہ طور پر بی جے پی کے غنڈوں کے ہاتھوں قتل کے بعد دیا، پرکاش راج عرصہ دراز سے بی جے پی کی مذہبی منافرت پر مبنی سیاست کے خلاف آواز اٹھاتے رہے ہیں اور ہمیشہ انسانیت، امن اور رواداری کا پیغام دیتے ہیں۔

گزشتہ ماہ 20 ستمبر 2025ء کو چینئی میں ہونے والے ایک بڑے فلسطین حامی جلسے میں بھی پرکاش راج نے طاقتور عالمی قوتوں اور خاموش رہنے والے رہنماؤں پر کڑی تنقید کی تھی۔