Author: ممتاز حیدر

بیوی کو قتل کرنیوالے کی عمر قید کی سزا کالعدم قرار دینے کی اپیل خارج کر دی گئی

لاہور ہائیکورٹ کے جسٹس امجد رفیق نے کہا کہ خواتین معاشرے کا پسا ہوا طبقہ ہے قوانین متعارف کروانے سے ان کی زندگیوں کو بچایا جا سکتا ہے ، عدالت نے اپنی بیوی کو بچوں کے سامنے چھریوں کے وار سے قتل کرنے کے جرم میں عمر قید کی سزا کالعدم قرار دینے کی اپیل خارج کردی،لاہور ہائیکورٹ کے جسٹس امجد رفیق نے بارہ صفحات پر مشتمل تحریری فیصلہ جاری کردیا ۔

فیصلے میں کہا گیا ہے کہ یہ درد ناک تھا کہ بچوں نے اپنی ماں کو باپ کے ہاتھوں قتل ہوتے دیکھا، یہ مناظر غیر یقینی تھے کہ ایک شوہر اپنی ہی بیوی کو بچوں کے سامنے بے دردی سے قتل کر رہا تھا، کیس تاخیر سے رپورٹ کرنے کی وجہ یہ صدمہ ہوسکتا ہے جس میں سے فیملی گزر رہی ہوگی، عدالتی فیصلے میں شوہر کے گھر بیوی کے قتل ہونے پر بار ثبوت شوہر پر عائد کرنے کے لیے قانون سازی کرنے کی تجویز دے دی، عدالت نے فیصلے میں کہا کہ یہ وقت کی ضرورت ہے کہ قانون ساز ایسا کوئی قانون متعارف کرائیں، ایسے قوانین سے خواتین، جو کہ معاشرے کا پسا ہوا طبقہ ہے انکی زندگیوں کو بچایا جاسکے،مجرم کے خلاف تھانہ گجرات پولیس نے 2020 میں قتل کا مقدمہ درج کیا، پراسکیوشن اپنا کیس کامیابی کے ساتھ ثابت کرنے میں کامیاب رہی، مجرم نے اپنی اہلیہ کو چھری کے وار کرکے قتل کیا،مجرم نے 342 کے بیانات میں بتایا کہ وقوعہ کے وقت گھر میں موجود نہیں تھا، مجرم نے کہا کہ وقوعہ کے وقت وہ سیمنٹ فیکٹری میں جاب پر تھا لیکن مجرم نے اپنی صفائی میں فیکٹری سے کوئی گواہ یا سٹاف کا بندہ پیش نہیں کیا، مجرم نے فیکٹری کا کوئی دستاویزی ثبوت بھی پیش نہیں کیا،فرانزک رپورٹ کے مطابق مجرم سے برآمد ہونے والی چھری پر اہلیہ کا خون تھا، مختلف رپورٹس سے ثابت ہوتا ہے کہ مجرم جائے وقوعہ پر موجود تھا، یہ حقیقت ہے کہ میاں بیوی کا رشتہ پیار محبت سے مزید مضبوط ہوتا ہے مگر جب اس رشتے میں غلط فہمی یا بدسلوکی ہوتی ہے تو خاندان کے بڑے اس کو دور کرتے ہیں،عدالت نے مجرم کی سزا کالعدم قرار دینے کی اپیل خارج کردی۔

قانون نافذ کرنے والے اداروں نے تحریک لبیک پاکستان (ٹی ایل پی) کے سربراہ سعد حسین رضوی اور ان کے بھائی انس رضوی کا سراغ لگالیا ہے۔

نجی ٹی وی کے مطابق ، ذرائع کے مطابق دونوں کی گرفتاری کے لیے کارروائی کسی بھی وقت عمل میں لائی جا سکتی ہے۔ذرائع کا کہنا ہے کہ سعد رضوی اور انس رضوی کے زخمی ہونے سے متعلق اطلاعات کی تاحال تصدیق نہیں ہو سکی۔ حکام نے اپیل کی ہے کہ اگر وہ زخمی ہیں تو فوری طور پر خود کو قانون نافذ کرنے والے اداروں کے حوالے کریں تاکہ انہیں طبی امداد فراہم کی جا سکے۔

دوسری جانب پولیس ذرائع کے مطابق مریدکے میں ٹی ایل پی کارکنوں کے پرتشدد احتجاج اور قانون نافذ کرنے والے اداروں پر حملے کے بعد پولیس نے انتشار پسند مظاہرین کو منتشر کر دیا ہے تاہم جھڑپوں کے دوران ایک پولیس افسر شہید جبکہ درجنوں اہلکار زخمی ہوئے۔ذرائع کے مطابق واقعہ 12 اور 13 اکتوبر کی درمیانی شب پیش آیا جب انتظامیہ نے مظاہرین سے مذاکرات کی کوشش کی۔ حکام نے احتجاج کو کم متاثرہ مقام پر منتقل کرنے کی تجویز دی، مگر ٹی ایل پی قیادت نے مذاکرات کے دوران ہجوم کو مزید اکسانا شروع کر دیا۔پولیس کے مطابق مشتعل مظاہرین نے پتھراؤ، کیلوں والے ڈنڈوں اور پیٹرول بموں سے حملے کیے۔ انہوں نے پولیس اہلکاروں سے اسلحہ چھین کر اسی سے فائرنگ بھی کی۔ ابتدائی فرانزک اور پوسٹ مارٹم رپورٹ کے مطابق فائرنگ میں استعمال ہونے والی گولیاں وہی تھیں جو چھینے گئے اسلحے سے چلائی گئیں۔

پولیس ذرائع کا کہنا ہے کہ ہجوم نے کم از کم 40 سرکاری و نجی گاڑیاں جلا دیں جبکہ کئی دکانوں کو بھی آگ لگا دی۔ جھڑپوں کے دوران 48 پولیس اہلکار زخمی ہوئے جن میں سے 17 کو گولیوں کے زخم آئے۔ زخمی اہلکاروں کو مختلف اسپتالوں میں منتقل کر کے طبی امداد دی جا رہی ہے۔ابتدائی معلومات کے مطابق تصادم میں 3 ٹی ایل پی کارکن اور ایک راہ گیر جاں بحق ہوئے جبکہ 30 کے قریب شہری زخمی ہوئے۔ عینی شاہدین کے مطابق مشتعل مظاہرین نے یونیورسٹی کی بس سمیت متعدد گاڑیاں اغوا کرکے احتجاج میں استعمال کیں اور بعض گاڑیاں عوام کو کچلنے کے لیے بھی دوڑائی گئیں۔پولیس ذرائع کے مطابق شرپسند عناصر نے پولیس پر پتھروں، پیٹرول بموں اور کیلوں والے ڈنڈوں سے منظم حملے کیے اور مختلف مقامات سے اندھا دھند فائرنگ بھی کی۔ پولیس نے متعدد ملزمان کو گرفتار کرلیا ہے جبکہ مزید کارروائیاں جاری ہیں۔حکام کا کہنا ہے کہ یہ واقعہ ایک منظم تشدد کی کارروائی تھی جس میں قیادت نے ہجوم کو اکسانے کا کردار ادا کیا۔ قیادت خود فرار ہو گئی اور شہریوں و ریاست کو خطرے میں ڈال دیا۔ پولیس ترجمان کے مطابق ہتھیار چھیننا، گاڑیاں جلانا اور شہریوں کو نقصان پہنچانا کسی بھی طرح پرامن احتجاج نہیں کہلاتا۔

مرید کے میں تحریک لبیک پاکستان کے مارچ پر پولیس کاروائی کے بعد تحریک لبیک کے سربراہ حافظ سعد رضوی کہاں ہیں اس پر چہ میگوئیاں جاری تھیں کہ انہیں گرفتار کیا گیا یا وہ روپوش ہیں تا ہم اب ایک ویڈیو سامنے آئی ہے جس میں حافظ سعد رضوی کو خود جاتے ہوئے دیکھا جا سکتا ہے

ویڈیو میں دیکھا جا سکتا ہے کہ حافظ سعد رضوی گاڑیوں کے پاس سے گزر رہے ہیں اور انہوں نے منہ لپیٹا ہوا ہے اپنا چہرہ چھپایا ہوا ہے جبکہ انکے پیچھے کارکنان کی بڑی تعداد موجود ہے

مریدکے دھرنا منتشر کردیا گیا، پولیس نے متعدد ملزمان کو گرفتار کر لیا ہے،حافظ سعد رضوی اور چند دیگر رہنما موقع سے فرار ہونے میں کامیاب رہے،ملزمان کی تلاش کے لیے پولیس کا سرچ آپریشن جاری ہے، یہ کارروائی منظم تشدد کا حصہ تھی جس میں قیادت نے ہجوم کو اکسانے کا کردار ادا کیا اور پھر فرار ہو کر شہریوں اور ریاست کو خطرے میں ڈال دیا

قبل ازیں مرید کے میں تحریک لبیک پاکستان کے رہنماؤں اور کارکنان پر مقدمہ درج کرلیا گیا،پولیس کے مطابق تھانہ مرید کے سٹی میں پولیس کے سب انسپکٹر محمد افضل کی مدعیت میں ٹی ایل پی قائدین اورکارکنان پر مقدمہ درج کیا گیا ہے مقدمے میں قتل، اقدام قتل، اغوا، ڈکیتی اور کار سرکار میں مداخلت سمیت 32 دفعات شامل ہیں،مقدمے میں امیرٹی ایل پی سعدرضوی اور انس رضوی کو بھی نامزد کیا گیا ہے، مقدمے میں ٹی ایل پی کے دیگر رہنما علامہ فاروق الحسن، مولاناسجاد، مفتی وزیرعلی کو بھی نامزد کیا گیا ہے۔

دوسری جانب ترجمان پنجاب پولیس کے مطابق مرید کے میں گروہ کو منتشر کرنے کی کارروائی شروع ہوئی تو مذہبی جماعت کے کارکنوں نے پتھراؤ اور پیٹرول بموں کا استعمال کیا اور اندھا دھند فائرنگ کی جس کے نتیجے میں ایک ایس ایچ او شہید اور 48 اہلکار زخمی ہو گئے، قانون نافذ کرنے والے اداروں کو اپنے دفاع میں محدود کارروائی کرنا پڑی، مذہبی جماعت کے 3 کارکن اور ایک راہگیر جاں بحق ہوا جب کہ 8 افراد زخمی ہوگئے، ہنگامہ آرائی کے دوران 40 سرکاری اور پرائیویٹ گاڑیوں کو آگ لگائی گئی، متعدد افراد گرفتار کرلیے گئے جبکہ علاقے میں سرچ آپریشن جاری ہے۔