Author: ممتاز حیدر

وزیر دفاع خواجہ آصف نے پی ٹی آئی رہنما اسد قیصر کو جواب دیتے ہوئےکہا کہ اسد قیصر کو عدم اعتماد کی بات کرنے سے پہلے اپنا گھر درست کرنا چاہیے۔

خواجہ آصف نے کہا کہ علی امین گنڈاپور اور علیمہ خان ایک دوسرے پرالزامات لگارہےہیں، اسد قیصراپنے گھرکی خبر لیں، ہمارے گھر کو چھوڑدیں ہم اپنا گھرسنبھال لیں گے، نہروں کے معاملے پر اختلافات پیدا ہوئے تھے جو مل کر طے کیے گئے، پیپلزپارٹی اور ن لیگ کی قیادت معاملات کو سنبھال لے گی، مریم نواز پارٹی کی مستقبل کی قیادت ہیں،کشیدگی کو کم کرنے میں آصف زرداری ماہر ہیں،آصف زرداری کا طویل تجربہ ہے وہ تصادم میں یقین نہیں رکھتے،ہ ہماری قیادت بھی پیپلزپارٹی کے ساتھ تصادم نہیں چاہتی، شہباز شریف کے واپس پہنچنے پر معاملات طے ہوجائیں گے نوازشریف کی طبیعت اب بہتر ہے، نوازشریف کی غیر موجودگی پر بہت ساری قیاس آرائیاں کی جارہی ہیں، ماضی میں نواز شریف سے مستفید ہونے والے بہت سے لوگ ان سے متعلق غلط باتیں کر رہے ہیں۔

اسلام آباد ہائیکورٹ،لاپتہ شہری عمر عبداللہ کی بازیابی کیلئے اہلیہ زینب زعیم کی درخواست پر سماعت ہوئی

لاپتہ عمر عبداللہ کی اہلیہ کے اکاؤنٹ میں حکومت نے 50 لاکھ روپے کی امدادی رقم منتقل کر دی،لاپتہ شہری عمر عبداللہ کے والد خالد عباسی ایڈوکیٹ نے اسلام آباد ہائیکورٹ کو آگاہ کر دیا ،وزارتِ دفاع کے نمائندوں کی جانب سے عدالت کو ان کیمرہ بریفنگ دی گئی،اسلام آباد ہائیکورٹ کے جسٹس محسن اختر کیانی نے کیس کی سماعت کی ،ایڈیشنل اٹارنی جنرل نے لاپتہ عمر عبداللہ سے متعلق رپورٹ عدالت میں پیش کی ، ایڈیشنل اٹارنی جنرل نے استدعا کی کہ ان کیمرہ بریفنگ سے قبل عدالت یہ رپورٹ دیکھ لے،

درخواست گزار کے وکیل نے 2018 کے ہائیکورٹ کے حکم پر عمل درآمد نہ ہونے کا معاملہ اٹھا دیا،درخواست گزار کا کہنا تھا کہ اس عدالت میں 2017 میں تفتیشی افسر نے مانا کہ شہری جبری گمشدہ ہے،والد لاپتہ شہری کا کہنا تھا کہ تفتیشی افسر نے مانا تھا لاپتہ شہری آئی ایس آئی یا کسی اور ایجنسی کی تحویل میں ہے،وکیل نے کہا کہ 2018 میں اسی عدالت نے اس وقت کے آئی جی، سیکرٹری داخلہ و دفاع، ایس ایس پی اور تفتیشی پر جرمانہ عائد کیا، والد لاپتہ شہری نے کہا کہ اسلام آباد ہائیکورٹ کے 2018 کے حکم پر تاحال کوئی عمل درآمد نہ ہوا،جسٹس محسن اختر کیانی نے کہا کہ اس وقت کے آئی جی کے خلاف کیا کاروائی ہوئی؟ وہ تو ریٹائر ہو گیا ہو گا، ایس ایس پی اور تفتیشی بھی ملوث تھے انکے خلاف کیا کاروائی ہوئی،عدالتی آرڈر میں تھا کہ ملوث افسران کی تنخواہ سے کٹوتی ہو گی اُنہیں تنخواہ اور پیشن اب تک مل رہی ہو گی، عدالتی حکم کے باوجود کاروائی نہ ہونے بارے میں آج آرڈر میں لکھوں گا، کیس کی سماعت ملتوی کردی گئی،

پنجاب حکومت نے چیئرمین سینیٹ یوسف رضا گیلانی کے صاحبزادوں سے سیکیورٹی واپس لے لی،

علی حیدر گیلانی اور دیگر بھائیوں سے سیکیورٹی واپس لی گئی۔ علی حیدر گیلانی کا کہنا ہے کہ پنجاب حکومت کا اقدام غیر ذمہ دارانہ ہے۔علی حیدر گیلانی کا کہنا ہے کہ کئی سال تک دہشتگردی کا نشانہ رہا ہوں، میری جان کو اب بھی خطرات ہیں، سیکیورٹی واپس لینا غیر ذمہ دارانہ فیصلہ ہے۔ذرائع کے مطابق ابھی تک حکومت یا متعلقہ اداروں کی جانب سے اس فیصلے کی باضابطہ وضاحت سامنے نہیں آئی۔

علی قاسم گیلانی کا کہنا ہے کہ مریم نواز نے ڈیرہ غازیخان میں خطاب کے دوران پیپلز پارٹی کیخلاف سخت بیان بازی کی، پیپلز پارٹی کی قیادت کیخلاف بیان بازی کا جواب دینے کا حق رکھتے ہیں، علی حیدر گیلانی کو ہائیکورٹ کے آرڈر پر سیکیورٹی دی گئی تھی ،تحریک انصاف کی حکومت میں سیکیورٹی ہمارے پاس رہی ،سیکیورٹی واپس لینے کے حوالے سے کل ہمیں آگاہ کیا گیا ، ملتان پولیس کی جانب سے کہا گیا ہمیں آپکی سیکیورٹی واپس لینے کا کہا گیا ہے ،

علی قاسم گیلانی کا مزید کہنا تھا کہ پیپلز پارٹی کی قیادت پر نام لے کر بات کی گئی کہ ہم نے سیلاب متاثرین کے لیئے کیا کیا بلاول بھٹو زرداری صاحب قصور کے بعد ملتان مظفرگڑھ تشریف لائے اور انھوں نے سات کروڑ سے زائد کے ٹینٹس سیلاب متاثرین کو دیئے ،ہم اپنی لیڈرشپ پر کوئی بات برداشت نہیں کریں گے۔ہم نے اپنی قیادت کی خاطر وزیراعظم کی کرسی قربان کر دی تھی،یہ حکومتی اتحاد تو معمولی سی بات ہے۔ہم پنجاب میں رہتے ہیں اور پنجاب کے لوگوں کا مینڈیٹ رکھتے ہیں ایسا کوئی ایگریمنٹ نہیں ہوا کہ ہم پنجاب اور آپ سندھ پر بات نہ کریں،لوگوں کے گھر گر چکے ہیں ان کے پاس رہنے کے لیے چھت نہیں ہے ان کو باعزت طریقے سے چھت اور گھروں کی تعمیر کے لیے مدد کی ضرورت ہے پنجاب گورنمنٹ نے جو ٹینٹ چارپائی دی تھی وہ واپس چلی گئی ہیں

مسلم لیگ ن کے سینئیر رہنما سینیٹر پرویز رشید وزیر اعلیٰ پنجاب کی حمایت میں بول پڑے

سینیٹر پرویز رشید کاکہنا تھا کہ پنجاب اور سندھ کی صوبائی حکومتیں اپنی اپنی رائے کا اظہار کر رہی ہیں۔پنجاب کی وزیر اعلیٰ اور حکومت کا مؤقف ہے کہ سیلاب سے متاثرہ لوگوں کی آبادکاری اور بحالی اپنے وسائل سے کی جائے۔ پیپلز پارٹی کا مؤقف ہے کہ بحالی اور آبادکاری کے لئے عالمی اداروں سے رجوع کیا جائے۔ وزیر اعلیٰ پنجاب کا مؤقف ہر پاکستانی کے دل کی آوازہے۔پنجاب حکومت کا مؤقف ہے کہ ہمیں کسی دوسرے ملک سے بھیک مانگنے کی ضرورت نہیں۔ پنجاب حکومت نے اپنے وسائل سے سیلاب متاثرہ لوگوں کی بحالی کر کے دکھائی۔
ہم نے سیلاب کے بعد نہ صرف انسانوں بلکہ جانوروں کو بھی خوراک مہیا کی۔