Baaghi TV

Author: ممتاز حیدر

  • خیبر پختونخوا ، سینیٹ انتخابات، حکومت اور اپوزیشن اتحاد نے تمام 11 نشستیں جیت لیں

    خیبر پختونخوا ، سینیٹ انتخابات، حکومت اور اپوزیشن اتحاد نے تمام 11 نشستیں جیت لیں

    خیبر پختونخوا اسمبلی میں حالیہ سینیٹ انتخابات کے غیر حتمی اور غیر سرکاری نتائج سامنے آ گئے ہیں جن کے مطابق حکومت اور اپوزیشن کے اتحاد نے تمام 11 نشستیں جیت کر واضح برتری حاصل کی ہے۔ حکومتی اتحاد کو 6 جبکہ اپوزیشن اتحاد کو 5 نشستیں حاصل ہوئیں۔

    جنرل نشستیں: کل 7 جنرل نشستوں میں سے 4 پر پاکستان تحریک انصاف (پی ٹی آئی) جبکہ 3 پر اپوزیشن جماعتوں کے امیدوار کامیاب ہوئے۔
    خواتین کی نشستیں: 2 خواتین کی نشستوں میں ایک پر پی ٹی آئی کی روبینہ ناز جبکہ دوسری پر پاکستان پیپلز پارٹی کی امیدوار کامیاب ہوئیں۔
    ٹیکنوکریٹ نشستیں: ٹیکنوکریٹ کی دو نشستوں میں سے ایک پر تحریک انصاف کے اعظم سواتی اور دوسری پر جمعیت علماء اسلام (جے یو آئی ف) کے دلاور خان کامیاب قرار پائے۔

    اعظم سواتی (پی ٹی آئی، ٹیکنوکریٹ) — 89 ووٹ حاصل کیے۔دلاور خان (جے یو آئی ف، ٹیکنوکریٹ) — 54 ووٹ حاصل کیے۔مراد سعید (پی ٹی آئی، جنرل نشست) — 26 ووٹ حاصل کیے۔فیصل جاوید (پی ٹی آئی، جنرل نشست) — 22 ووٹ حاصل کیے۔نورالحق قادری (پی ٹی آئی، جنرل نشست) — 21 ووٹ حاصل کیے۔مرزا آفریدی (پی ٹی آئی، جنرل نشست) — 21 ووٹ حاصل کیے۔روبینہ ناز ( خواتین کی نشست) — 89 ووٹ حاصل کیے۔

    خیبر پختونخوا اسمبلی میں سینیٹ انتخابات کے لیے پولنگ کا وقت الیکشن کمیشن نے ایک گھنٹہ بڑھا کر شام 5 بجے تک کر دیا تھا، جب کہ شروع میں پولنگ کا وقت صبح 11 بجے سے دوپہر 4 بجے تک مقرر تھا۔سب سے پہلا ووٹ جمعیت علماء اسلام کے رکن صوبائی اسمبلی سجاد اللّٰہ نے ڈال کر انتخاب کا آغاز کیا۔ اس کے علاوہ پیپلز پارٹی کے احمد کنڈی، پی ٹی آئی کے اقبال وزیر، آزاد رکن علی حادی، اور دیگر اہم سیاسی شخصیات نے بھی حصہ لیا۔ پی ٹی آئی کے پیر مصور، ملک لیاقت، اکبر ایوب اور مخدوم آفتاب حیدر نے بھی ووٹ ڈالے۔الیکشن کے لیے خیبر پختونخوا اسمبلی کے جرگہ ہال کو الیکشن روم کے طور پر مخصوص کیا گیا تھا جہاں سیکیورٹی کے سخت انتظامات کیے گئے تاکہ انتخابات مکمل شفافیت اور تحفظ کے ساتھ مکمل ہوں۔ہے۔

  • جیل میں "بہتر”سہولیات دی جائیں، عمران خان عدالت پہنچ گئے

    جیل میں "بہتر”سہولیات دی جائیں، عمران خان عدالت پہنچ گئے

    اسلام آباد: پاکستان تحریک انصاف (پی ٹی آئی) کے بانی نے اسلام آباد ہائیکورٹ میں درخواست دائر کی ہے جس میں اڈیالہ جیل میں قید کی موجودہ ناقص اور نامناسب صورتحال کو اجاگر کرتے ہوئے بہتر سہولیات کی فراہمی کی استدعا کی گئی ہے۔

    درخواست میں موقف اختیار کیا گیا ہے کہ سپرنٹنڈنٹ اڈیالہ جیل نے قیدیوں کو بنیادی سہولیات کی فراہمی میں روڑے اٹکائے ہیں، جس کی وجہ سے قید کا ماحول انتہائی خراب اور ناقابل برداشت ہو گیا ہے۔ درخواست گزار کا کہنا ہے کہ قیدیوں کو اخبار، ٹی وی، ورزش کے آلات اور دیگر تفریحی سامان تک رسائی نہیں دی جا رہی، جس سے ان کی جسمانی اور ذہنی صحت پر منفی اثرات مرتب ہو رہے ہیں۔درخواست میں مزید کہا گیا ہے کہ ذاتی لباس اور بستر فراہم کرنے میں بھی تاخیر کی جا رہی ہے، جبکہ ذاتی ڈاکٹر کے معائنے میں مسلسل رکاوٹیں کھڑی کی جا رہی ہیں۔ عدالت سے منظور شدہ طبی پینل کی سہولیات فراہم کرنے میں بھی جان بوجھ کر کوتاہی برتی جا رہی ہے۔ علاوہ ازیں، جیل میں بجلی کی بلا جواز بندش بھی معمول بن چکی ہے، جس سے قیدیوں کی زندگی مزید دشوار ہو گئی ہے۔

    درخواست میں عدالت سے استدعا کی گئی ہے کہ جیل انتظامیہ کو فوری طور پر قیدیوں کو بنیادی سہولیات فراہم کرنے کا حکم دیا جائے تاکہ ان کے بنیادی حقوق کا تحفظ یقینی بنایا جا سکے۔ ساتھ ہی درخواست میں یہ بھی کہا گیا ہے کہ عدالتی احکامات کے باوجود بیرونِ ملک موجود بیٹوں سے قیدیوں کی بات چیت نہیں کروائی جا رہی، جو کہ قیدیوں کے حق میں سنگین خلاف ورزی ہے۔

  • معروف براڈ کاسٹر یاسمین طاہر کیلیے دعائیہ تقریب کل منگل کو ہو گی

    معروف براڈ کاسٹر یاسمین طاہر کیلیے دعائیہ تقریب کل منگل کو ہو گی

    پاکستان کی معروف صداکارہ اور سماجی شخصیت، یاسمین طاہر، اپنے سفرِ زندگی کے اختتام کو پہنچ گئی ہیں۔ ان کی یاد میں ایک قراءتِ قل اور دعا کا خصوصی پروگرام منعقد کیا جا رہا ہے،

    قل اور دعا کی تقریب منگل، 22 جولائی 2025،عصر سے مغرب تک ،بمقام طاہر حویلی، 122-بی ماڈل ٹاؤن، لاہور میں منعقد کی جائے گی،اس موقع پر نعیم طاہر سمیت اہل خانہ نے کہا ہے کہ یاسمین طاہر کی یاد میں منعقدہ تقریب میں شرکت کر کے ان کی روح کی سکون کے لیے دعا کریں۔ اللہ تعالیٰ ان کی مغفرت فرمائے اور سوگوار خاندان کو صبر جمیل عطا کرے۔ آمین۔

    وزیر اعلی پنجاب مریم نواز شریف کا اظہار افسوس
    وزیر اعلیٰ پنجاب مریم نواز شریف نے معروف براڈ کاسٹر یاسمین طاہر کے انتقال پر گہرا افسوس اور سوگوار خاندان سے ہمدردی و تعزیت کا اظہار کیا ہے۔ مریم نواز شریف نے کہا کہ یاسمین طاہر کی خدمات ہمیشہ یاد رکھی جائیں گی اور ان کی کمی ہمیشہ محسوس کی جائے گی۔

    ریڈیو پاکستان کی نامور صداکارہ یاسمین طاہر ہفتہ کی صبح مختصر علالت کے بعد 88 سال کی عمر میں انتقال کر گئیں۔ وہ چند دنوں سے مقامی ہسپتال میں زیر علاج تھیں۔یاسمین طاہر کا تعلق ایک ادبی اور ثقافتی خاندان سے تھا، جنہوں نے اردو ادب اور نشریات میں اپنا نمایاں مقام بنایا۔ ان کے والد امتیاز علی تاج اردو ڈرامہ نگاری کے بانی تصور کیے جاتے ہیں اور ان کے مشہور ڈرامہ ’’انارکلی‘‘ کو اردو ادب میں کلاسیکی حیثیت حاصل ہے۔ والدہ ہیجائب امتیاز علی نہ صرف ایک ادیبہ تھیں بلکہ برصغیر کی پہلی مسلم خاتون پائلٹ ہونے کا اعزاز بھی رکھتی تھیں۔1960 میں ان کی شادی اداکار و کالم نگار نعیم طاہر سے ہوئی، جن کے تین بیٹے ہیں جن میں ہالی ووڈ کے معروف اداکار فران طاہر بھی شامل ہیں۔ ان کی شادی پر معروف گلوکارہ نور جہاں نے شاعر فیض احمد فیض کا تحریر کردہ سہرا گایا تھا۔

    یاسمین طاہر نے 1958 میں ریڈیو پاکستان سے اپنے نشریاتی کیریئر کا آغاز کیا۔ ان کی آواز میں نرمی، سچائی اور خلوص تھا جو سننے والوں کے دلوں پر گہرا اثر چھوڑتی تھی۔ انہوں نے 37 سال تک ریڈیو پاکستان میں کام کیا اور مختلف پروگرامز جیسے ’’صبح بخیر پاکستان‘‘ سے لے کر فوجیوں کے لیے خصوصی پیغامات تک اپنی منفرد پہچان بنائی۔خاص طور پر جنگوں کے دوران ان کی آواز میں حوصلہ افزائی اور ہم آہنگی کی جھلک دکھائی دیتی تھی، جو ہر سپاہی کے دل کو چھو جاتی تھی۔

    یاسمین طاہر نہ صرف ایک صداکارہ بلکہ ایک باشعور سماجی شخصیت بھی تھیں۔ وہ نوجوانوں کی رہنمائی، خواتین کے حقوق اور قومی یکجہتی کے حوالے سے ہمیشہ آگے رہیں۔ انہوں نے کئی اردو ڈراموں اور ریڈیو تھیٹر میں یادگار کردار ادا کیے۔ان کے صاحبزادے فران طاہر نے بھی میڈیا اور اداکاری کے میدان میں نمایاں مقام حاصل کیا ہے، جو آج ہالی ووڈ میں بھی اپنی شناخت بنا چکے ہیں۔

    یاسمین طاہر کو ان کی خدمات کے اعتراف میں متعدد ایوارڈز دیے گئے، جن میں 2015 میں حکومت پاکستان کی جانب سے دی جانے والا ستارہ امتیاز شامل ہے۔ یہ اعزاز ان کی مسلسل محنت اور قوم کے دلوں کو چھونے والی آواز کا منہ بولتا ثبوت ہے۔یاسمین طاہر ایک ایسی آواز تھیں جو نہ صرف سنائی دیتی تھی بلکہ محسوس کی جاتی تھی۔ ان کی وفات سے ریڈیو پاکستان اور قوم ایک ایسے چراغ سے محروم ہو گئی ہے جس کی روشنی کبھی مدھم نہیں ہوگی۔ ان کا نام اور ان کی آواز ہمیشہ زندہ رہے گی۔ہم سب کی دعائیں ان کے ساتھ ہیں۔ اللہ تعالیٰ ان کی مغفرت فرمائے اور ان کے درجات بلند کرے۔ آمین۔

  • سینیٹ انتخابات میں حافظ عبدالکریم کی جیت خوش آئند ہے، قاری یعقوب شیخ

    سینیٹ انتخابات میں حافظ عبدالکریم کی جیت خوش آئند ہے، قاری یعقوب شیخ

    مرکزی مسلم لیگ کے رہنماؤں کی حافظ عبدالکریم کو سینیٹر منتخب ہونے پر مبارکباد

    مرکزی مسلم لیگ کے جوائنٹ سیکرٹری قاری محمد یعقوب شیخ اور ڈپٹی سیکرٹری جنرل حافظ خالد نیک نے مرکزی جمعیت اہلحدیث کے امیر حافظ عبدالکریم کو سینیٹر منتخب ہونے پر دلی مبارکباد پیش کی ہے۔

    مرکزی مسلم لیگ کے رہنماؤں کا کہنا تھا کہ حافظ عبدالکریم کی سینیٹ میں کامیابی ان کی سیاسی بصیرت اور عوامی خدمت کا اعتراف ہے،امید ہے کہ حافظ عبدالکریم ایوان بالا میں عوام کی بھرپور نمائندگی کریں گے،اسلامی اقدار کے فروغ کے لیے اپنا مؤثر کردار ادا کریں گے ،سینیٹ میں حافظ عبدالکریم کی موجودگی نہ صرف دینی حلقوں کے لیے حوصلہ افزا ہوگی بلکہ وہ تعلیم، معاشرتی اصلاحات، اقلیتوں کے حقوق اور بین المسالک ہم آہنگی کے لیے بھی مثبت کردار ادا کریں گے۔

  • کمسن لڑکی سے شادی ، نامزد ملزم ضمانت خارج ہونے پر عدالت سے فرار

    کمسن لڑکی سے شادی ، نامزد ملزم ضمانت خارج ہونے پر عدالت سے فرار

    کراچی: کمسن لڑکی سے شادی کے مقدمے میں نامزد ملزم کی ضمانت منسوخ ہونے کے بعد عدالت سے فرار ہونے کا واقعہ سامنے آیا ہے۔ ایڈیشنل ڈسٹرکٹ اینڈ سیشن جج کی عدالت میں کیس کی سماعت کے دوران ملزم نے عدالتی کارروائی سننے کے بعد کمرہ عدالت چھوڑ کر فرار اختیار کر لیا۔

    تفصیلات کے مطابق، یہ مقدمہ کمسن لڑکی کی شادی کے حوالے سے مومن آباد تھانے میں درج کیا گیا تھا، جہاں ملزم کے خلاف سندھ چائلڈ میرج ایکٹ کے تحت کارروائی کی گئی۔ مدعی کے وکیل نے عدالت کو بتایا کہ ملزم نے محض 13 سال کی کمسن بچی سے شادی کی، جو کہ قانوناً ممنوع ہے۔وکیل مدعی کے مؤقف کے بعد عدالت نے ملزم کی ضمانت منسوخ کرنے کا فیصلہ سنایا۔ عدالت کے اس حکم کے فوراً بعد ملزم نے عدالت میں موجود افراد کو حیران کر دیا اور موقع سے فرار ہو گیا۔ واقعے کے بعد عدالت نے متاثرہ لڑکی کو تحفظ فراہم کرنے کے لیے اسے شیلٹر ہوم بھیجنے کا حکم دیا ہے۔اس مقدمے نے کمسن لڑکیوں کے حقوق اور ان کی حفاظت کے حوالے سے قانونی نظام کی سنجیدگی کو اجاگر کیا ہے۔ سندھ چائلڈ میرج ایکٹ کے تحت کمسن لڑکیوں سے شادی کو سختی سے ممنوع قرار دیا گیا ہے تاکہ بچوں کے حقوق کا تحفظ یقینی بنایا جا سکے۔

    حکام کا کہنا ہے کہ ملزم کی گرفتاری کے لیے چھاپے مارے جا رہے ہیں اور جلد ہی اسے قانون کے کٹہرے میں لایا جائے گا۔ عدالت نے بھی کہا ہے کہ ایسے کیسز میں قانون کی عملداری کو یقینی بنانے کے لیے فوری اور سخت کارروائی کی جائے گی تاکہ معاشرے میں کمسن بچوں کے ساتھ ہونے والی ناانصافی کو روکا جا سکے۔

  • مسلم لیگ ن کے حافظ عبدالکریم 243ووٹ لیکر سینیٹر منتخب

    مسلم لیگ ن کے حافظ عبدالکریم 243ووٹ لیکر سینیٹر منتخب

    مسلم لیگ ن کے حافظ عبدالکریم 243ووٹ لیکر سینیٹر منتخب ہو گئے، پی ٹی آئی کے حمایت یافتہ مہر عبدالستار کو 99ووٹ ملے، ن لیگ نے پنجاب میں سینیٹ کی نشست پر میدان مار لیا،الیکشن کمیشن نے نتائج کا اعلان کردیا، 3 ووٹ مسترد ہوئے

    حافظ عبدالکریم مرکزی جمعیت اہلحدیث کے امیر ہیں، سینیٹر ساجد میر کی وفات کے بعد انہیں امیر منتخب کیا گیا تھا،حالیہ سینیٹ انتخابات میں ن لیگ نے حافظ عبدالکریم کو سینیٹ کا ٹکٹ جاری کیا تھا، وہ ن لیگ کے امیدوار تھے.وزیراعلیٰ پنجاب مریم نواز شریف نے بھی پنجاب اسمبلی میں سینیٹ انتخابات کے لیے اپنا ووٹ کاسٹ کیا۔

  • ممبئی ایئرپورٹ پر مسافر طیارہ پھسل پڑا،ٹائر پھٹ گئے

    ممبئی ایئرپورٹ پر مسافر طیارہ پھسل پڑا،ٹائر پھٹ گئے

    ممبئی کے چھترپتی شیواجی مہاراج بین الاقوامی ہوائی اڈے پر آج صبح ایک مسافر طیارہ لینڈنگ کے دوران رَنوے پر پھسل گیا، لیکن خوش قسمتی سے اس حادثے میں کسی کو کوئی جانی نقصان نہیں پہنچا۔ یہ طیارہ ایئر انڈیا ایئرلائن کا تھا جو کیرالہ کے شہر کوچی سے ممبئی آیا تھا۔ شدید بارش کے باعث رَنوے پر پھسلنے کے نتیجے میں طیارے کے تینوں ٹائر پھٹ گئے، تاہم مسافروں اور عملے کو بروقت اور محفوظ طریقے سے نکال لیا گیا۔

    بھارتی میڈیا کے مطابق مطابق آج صبح تقریباً 09:27 بجے ایئر انڈیا کی فلائٹ نمبر اے آئی 2744 کوچی سے ممبئی کی جانب روانہ ہوئی۔ جیسے ہی طیارہ ممبئی ایئرپورٹ پر لینڈنگ کے لیے رَنوے پر آیا، شدید بارش کی وجہ سے رَنوے پر پھسل گیا۔ اس دوران طیارہ توازن برقرار نہ رکھ سکا اور رَنوے پر پھسلنے لگا، جس کی وجہ سے اس کے تینوں ٹائر پھٹ گئے۔ممبئی میں جاری موسمی حالات نے لینڈنگ کو نہایت مشکل بنا دیا تھا، تاہم تجربہ کار پائلٹ نے مہارت سے طیارے کو قابو میں رکھتے ہوئے اسے بہ حفاظت رَنوے کے کنارے پر روک دیا۔

    حادثے کے فوراً بعد ایئرپورٹ کی ایمرجنسی رسپانس ٹیم جائے وقوعہ پر پہنچ گئی اور تمام مسافروں اور عملے کے ارکان کو طیارے سے فوراً اور محفوظ طریقے سے اتار لیا گیا۔ خوش آئند بات یہ رہی کہ کسی مسافر یا عملے کے رکن کو کوئی جسمانی چوٹ نہیں پہنچی۔ایئر انڈیا کے ترجمان نے حادثے کی تصدیق کرتے ہوئے بتایا، "21 جولائی کو کوچی سے ممبئی کے لیے پرواز بھرنے والا طیارہ اے آئی 2744 ممبئی ایئرپورٹ پر لینڈنگ کے دوران رَنوے پر پھسل گیا۔ طیارہ بہ حفاظت گیٹ تک پہنچ گیا اور تمام مسافروں کو بخیریت نکال لیا گیا۔ ہم اس واقعے کی مکمل تحقیقات کر رہے ہیں اور طیارے کو مزید جانچ کے لیے روک لیا گیا ہے۔”

    چھترپتی شیواجی مہاراج بین الاقوامی ہوائی اڈے نے بھی اس واقعے پر ایک بیان جاری کیا ہے جس میں کہا گیا، "21 جولائی کی صبح 09:27 بجے کوچی سے آنے والا طیارہ ممبئی ایئرپورٹ کے رَنوے پر اترتے ہوئے پھسل گیا۔ فوری طور پر ہماری ایمرجنسی ٹیم موقع پر پہنچی اور تمام مسافروں اور عملے کو بحفاظت طیارے سے نکال لیا گیا۔ خوش قسمتی سے کوئی جانی نقصان نہیں ہوا،مزید کہا گیا کہ رَنوے 27/29 کو معمولی نقصان پہنچا ہے جس کی مرمت کا عمل جاری ہے، اور اس دوران ایئرپورٹ پر آپریشنز کو متاثر نہ ہونے دینے کے لیے سیکنڈری رَنوے 32/14 کو فعال کر دیا گیا ہے۔ سی ایس ایم آئی اے نے کہا کہ "ہوائی اڈے پر حفاظت ہمیشہ ہماری اولین ترجیح ہے۔

  • بارشیں،سیلاب،مرکزی مسلم لیگ کا ضلعی سطح پر ریسکیو ٹیمیں بنانے کا فیصلہ

    بارشیں،سیلاب،مرکزی مسلم لیگ کا ضلعی سطح پر ریسکیو ٹیمیں بنانے کا فیصلہ

    پاکستان مرکزی مسلم لیگ کے صدر خالد مسعود سندھو نے کہا ہے کہ سیلاب ،بارشی پانی سے ہونے والے نقصانات سے بچاؤ کے لئے مرکزی مسلم لیگ ضلعی سطح پر ریسکیو ٹیمیں بنائے گی،ریسکیو ٹیموں میں ماہر تیراک،طبی عملہ اور رضاکار شامل ہوں گے،حالیہ دنوں میں جو نقصانات ہوئے قابل افسوس ہیں،آئندہ نقصانات سے بچاؤ کے لیے منصوبہ بندی کر رہے ہیں،مرکزی مسلم لیگ کا ہر کارکن اپنے آپ کو تیار رکھے

    ان خیالات کا اظہار انہوں نے مرکزی مسلم لیگ شعبہ خدمت خلق کے چیئرمین شفیق الرحمان سے بات چیت کرتے ہوئے کیا،اس موقع پر شفیق الرحمان نے مرکزی صدر خالد مسعود سندھو کو بریفنگ دیتے ہوئے بتایا کہ راولپنڈی،چکوال،جہلم سمیت بارشوں سے متاثرہ اضلاع میں مرکزی مسلم لیگ نے ریسکیو و ریلیف آپریشن کیا ہے، متاثرین میں کھانا تقسیم کیا گیا، میڈیکل کیمپ لگائے گئے، چکوال میں مرکزی مسلم لیگ نے گھر بنانے کا اعلان کیا،مرکزی مسلم لیگ کے سینکڑوں رضاکار خدمت خلق کے لئے متحرک رہے، خالد مسعود سندھو نے مرکزی مسلم لیگ کے کارکنان کی جانب سے امدادی کاموں کے جذبے کو سراہتے ہوئے کہا کہ مرکزی مسلم لیگ تمام اضلاع میں ریسکیو ٹیمیں تیارکرے، اس ضمن میں چیئرمین خدمت خلق شفیق الرحمان ریسکیو ٹیموں کے حوالہ سے کردارادا کریں، ریسکیو وریلیف ٹیمیں متاثرہ علاقوں میں ریسکیو،ریلیف آپریشن سرانجام دیں گی، میڈیکل کیمپ لگائیں گی،متاثرہ خاندانوں میں کھانے کی تقسیم اور امدادی سرگرمیاں سرانجام دیں گی،مرکزی مسلم لیگ نے سیاست کے میدان میں اترتے وقت جو نعرہ لگایا تھا اسی پر قائم ہیں اور خدمت کی سیاست پورے ملک میں نظر آ رہی ہے.

  • بنگلادیش ائیرفورس کا تربیتی طیارہ ڈھاکا میں کالج کی عمارت پر گر کر تباہ

    بنگلادیش ائیرفورس کا تربیتی طیارہ ڈھاکا میں کالج کی عمارت پر گر کر تباہ

    بنگلادیش ائیرفورس کا تربیتی طیارہ پیر کی دوپہر ڈھاکا کے علاقے اتارا میں ایک کالج کی عمارت پر گر کر تباہ ہوگیا، جس کے نتیجے میں ایک شخص ہلاک اور چار زخمی ہو گئے۔

    بنگلادیشی میڈیا کے مطابق حادثہ مقامی وقت کے مطابق ایک بجکر 6 منٹ پر پیش آیا، جب تربیتی طیارے نے پرواز بھری۔ حادثہ فوراً واقع ہونے کے بعد ریسکیو اداروں کے اہلکار موقع پر پہنچ گئے اور امدادی کارروائیاں شروع کر دیں۔ حادثے کی زد میں آنے والی کالج کی عمارت میں بھی شدید آگ لگ گئی جس سے عمارت کو خاطر خواہ نقصان پہنچا۔بنگلادیشی فوج نے تصدیق کی ہے کہ ایف 7 بی جی آئی تربیتی طیارے کو حادثہ پیش آیا ہے، تاہم فوج کی جانب سے حادثے میں ہلاکتوں یا پائلٹ کی حالت کے حوالے سے کوئی تفصیلی معلومات جاری نہیں کی گئیں۔

    جائے حادثہ پر موجود ریسکیو حکام نے بتایا کہ ہلاک ہونے والا ایک فرد فضائی حادثے کا شکار ہوا جبکہ چار افراد زخمی ہوئے جنہیں فوری طبی امداد کے لیے سی ایم ایچ منتقل کر دیا گیا ہے۔ زخمیوں کی حالت مستحکم بتائی گئی ہے۔واقعے کی مزید تفصیلات اور تحقیقات جاری ہیں، اور حکام نے عوام سے کہا ہے کہ وہ اس سلسلے میں منتشر افواہوں پر یقین نہ کریں۔

  • بلوچستان میں غیرت کے نام پر جوڑا قتل،چیف جسٹس بلوچستان ہائیکورٹ کا نوٹس

    بلوچستان میں غیرت کے نام پر جوڑا قتل،چیف جسٹس بلوچستان ہائیکورٹ کا نوٹس

    چیف جسٹس بلوچستان ہائیکورٹ نے مارگٹ میں جوڑے کے قتل کے واقعے کا نوٹس لے لیا

    عدالت نے ایڈیشنل چیف سیکریٹری داخلہ اور آئی جی پولیس کو کل طلب کرلیا،دوسری جانب خاتون اور مرد قتل، جوڈیشل مجسٹریٹ 13 اختر شاہ نے خاتون کی قبر کشائی کا حکم دے دیا، جوڈیشل مجسٹریٹ کی موجودگی میں ڈیگاری میں مقتول خاتون کی قبر کشائی کی جارہی ہے

    دوسری جانب ڈیگاری واقعہ، پولیس نےساتکزئی ہاوس پر چھاپہ مارا ہے اور ساتکزئی قبیلے کے سربراہ کو گرفتار کر لیا پسند کی شادی پر جوڑے کو قتل کرنے والے مرکزی ملزم بشیر احمد سمیت 20 افراد کو گرفتار کرلیا گیا ہے، گرفتار ملزمان میں ساتکزئی قبیلے کے سربراہ شیرباز ساتکزئی، ان کے 4 بھائی اور 2 محافظ بھی شامل ہیں، واقعے کا مقدمہ ہنہ اوڑک تھانے میں ایس ایچ او کی مدعیت میں درج کرلیا گیا ہے۔ ملزمان کو آج جوڈیشل مجسٹریٹ کے سامنے پیش کیا جائے گا۔

    سردار شیر باز ساتکزئی کی گرفتاری پر سراوان کے سرداروں کاردعمل سامنے آیا ہے ان کا کہنا ہے کہ ڈیگاری واقعہ کو جواز بنا کر قبیلے کے سربراہ کی گرفتاری درست عمل نہیں