Author: ممتاز حیدر

اسلام آباد۔۔پاکستان پیپلز پارٹی مرکزی سیکرٹری جنرل ہمایوں خان سینٹر پلوشہ خان اور صوبائی صدر کے پی محمد علی شاہ باچا نے اسلام آباد میں پریس کانفرنس کی ہے

ہمایوں خان کا کہنا تھا کہ ملکی حالات پر پیپلزپارٹی بات کرنے کے لئے پریس کانفرنس کر رہی ہے ۔آصف علی زرداری اور بلاول بھٹو زرداری کی ٹیم کو کامیاب دورے پر مبارکباد پیش کرتا ہوں ۔چین کے دورے میں چھ ایم او یوز ہوئے اس کے ملک پر اچھے اثرات مرتب ہوں گے۔چین نے پاکستان کو بہت اہمیت دی،چین کے سفیرنے دس دن صدر کے ساتھ رہ کر عزت دی، صدر مملکت کا کامیاب دورہ چین عوام کی بہتری کے لیے ثابت ہوگا ،سیلاب زدگان بہت زیادہ پریشان ہیں ہماری کوشش ہے ان کی پریشانی کو کم کیا جائے ،پیپلز پارٹی نے سیلاب زدگان سے متعلق مطالبات کیے ہیں ان کو حکومت پورے کرے ،سیلاب زدگان کو ریلیف فراہم کیا جائے،پنجاب حکومت کے بیان کی مذمت کرتے ہیں،،پنجاب حکومت کی قیدی نمبر 804 والی عمرانی سوچ ہے،

تحریک انصاف کے رہنما نعیم پنجوتھا کی عبوری ضمانت خارج کردی گئی

انسداد دہشتگردی عدالت (اے ٹی سی) راولپنڈی میں نعیم پنجوتھا کے خلاف 5 اکتوبر 2024ء کے احتجاج کے حوالے سے درج 2 مقدمات کی سماعت ہوئی،عدالت نے نعیم پنجوتھا کی ضمانت کیس کی عدم پیروی پر خارج کردی گئی، اُن پر 2 مقدمات تھانہ صدر حسن ابدال میں درج ہیں،مقدمات میں نعیم پنجوتھا پر جلاؤ گھیراؤ اور کار سرکار میں مداخلت کا الزام ہے، وہ مارچ 2025 سے عبوری ضمانت پر تھے

وزیر اعظم شہباز شریف نے جنیوا میں اپنے بھائی اور مسلم لیگ (ن) کے قائد و سابق وزیرِ اعظم نواز شریف سے ملاقات کی اور ان کی خیریت دریافت کی ہے

وزیراعظم دورہ امریکا مکمل کرکے جنیوا پہنچے تھے۔ انہوں نے جنیوا میں نواز شریف کی عیادت کی۔اس موقع پر شہباز شریف نے سابق وزیراعظم کو امریکا کے اہم دورے اور صدر ٹرمپ سے ہونے والی ملاقات کے بار ے میں بھی آگاہ کیا،وزیراعظم شہباز شریف جنیوا سے لندن کے لیے روانہ ہوگئے، جہاں وہ چند دن قیام کریں گے۔

واضح رہے کہ 7 روز سے جنیوا کے ایک اسپتال میں زیر علاج تھے، جہاں ان کا دل کے حوالے سے پروسیجر ہوا۔ سابق وزیراعظم کو گزشتہ روز اسپتال سے ڈسچارج کیا گیا،فیملی ذرائع کے مطابق نواز شریف جنیوا کے ہوٹل میں بیٹے حسن نواز اور ڈاکٹر عدنان کے ساتھ موجود ہیں،فیملی ذرائع کے مطابق نواز شریف ہر لحاظ سے تندرست ہیں، ان کا علاج اسی سرجن نے کیا جو کئی سال سے ان کا علاج کر رہا ہے۔

دبئی فیصل آباد کی پرواز میں ایک مسافر کے انتقال کرنے پر جہاز نے ایمرجنسی لینڈنگ کی۔

ائیرپورٹ حکام کے مطابق 2 مسافروں کی طبیعت خراب ہونے پر ایک پرواز کی ہنگامی لینڈنگ کرائی گئی اور دوسری کو روک لیا گیا،حکام نے بتایا کہ دبئی فیصل آباد کی پرواز نے مسافر کی طبیعت خرابی پر کراچی میں ایمرجنسی لینڈنگ کی، یہ پرواز لاڑکانہ کے قریب تھی، پائلٹ نے اے ٹی سی کراچی کو ہنگامی صورتحال سے آگاہ کیا، مسافر کے بے ہوش ہونے پر پائلٹ نے پرواز کا رخ کراچی کی طرف موڑ دیا،حکام کے مطابق میڈیکل ایمرجنسی ٹیم نے لینڈ کرتے ہی مسافر کو فوری طبی امداد فراہم کرنے کی کوشش کی تاہم مسافر ذوالفقار کا انتقال ہو چکا تھا۔

دوسری جانب کراچی سے دبئی کی پرواز میں سوار 3 سالہ بچی کی طبیعت انتہائی خراب ہوگئی اور شدید بخار میں مبتلا بچی بے ہوش ہوگئی جس پر عملے نے میڈیکل ایمرجنسی ٹیم کو آگاہ کیا،حکام نے بتایا کہ شدید بخار سے حالت انتہائی خراب ہونے پر بچی زہرا کو نجی سپتال منتقل کردیا گیا۔