Author: ممتاز حیدر

بھارتی پروپیگنڈے پر ہمارے سیاستدان دشمن کی زبان بولیں،کسی صورت درست نہیں،قوم محاسبہ کریگی،حافظ طلحہ سعید

پاکستان مرکزی مسلم لیگ کے مرکزی نائب صدر حافظ طلحہ سعید نے کہا ہے کہ ہم بلاول بھٹو زرداری کے حالیہ بیان کی مذمت کرتے ہیں، جس میں انہوں نے بھارت کو مبینہ طور پر پاکستانی افراد کی حوالگی کی پیشکش کی،بلاول کا بیان غیر ذمہ دارانہ، قومی سلامتی، خودمختاری اور پاکستان کے آئینی و سفارتی مؤقف کے سراسر منافی ہے۔ ایک ریاستی نمائندے کا دشمن ملک کو اپنے شہریوں کی حوالگی کی بات کرنا اس امر کا مظہر ہے کہ وہ یا تو زمینی حقائق سے نابلد ہیں یا دانستہ طور پر دشمن کے بیانیے کو فروغ دے رہے ہیں۔

حافظ طلحہ سعید کا کہناتھاکہ بھارت خود پاکستان میں دہشت گردی میں ملوث ہے اور متعدد بار اجیت دوول، امیت شاہ، راج ناتھ سنگھ اور نریندر مودی پاکستان میں عدم استحکام پیدا کرنے کی سازشوں کا اعتراف کر چکے ہیں ایسے میں کیا ایک ذمے دار پاکستانی ریاستی عہدیدار کو چاہیے نہیں کہ وہ اجیت دوول، امیت شاہ، راج ناتھ سنگھ اور خود مودی جیسے دہشت گردوں کی حوالگی کا مطالبہ کرے، جن کے ہاتھ پاکستان کے ہزاروں بے گناہ شہریوں کے خون سے رنگے ہیں؟ یہ وہ لوگ ہیں جو کھلے عام پاکستان کو دھمکیاں دیتے ہیں، اور ہمارے نوجوانوں کو گولیاں مارنے کی دھمکی دیتے ہیں ۔بلاول زرداری نے انٹرویو میں جو باتیں کیں حقیقت میں وہ باتیں نہیں بنتی تھیں، اس پر قوم کی دل آزاری ہوئی ہے، حافظ محمد سعید کا پاکستان کے لئے کردار خدمت کا رہا ہے، انکا کوئی بھی عمل پاکستان کے خلاف نہیں،جن ثبوتوں کی یہ بات کرتے ہیں وہ عدالتوں میں پیش کئےگئے تھےاور انہی ثبوتوں کوعدالتوں نے مسترد کر دیا تھا کیونکہ وہ صرف من گھڑت پروپپگنڈہ تھا، جھوٹ، پروپیگنڈہ بھارت کا وطیرہ ہے، بلاول کو چاہئے تھا کہ اپنے انٹرویو میں بھارتی دہشت گردی کو اجاگر کرتے، دنیا میں جتنے بھی ملک ہیں وہ اپنے شہریوں کا تحفظ کرتے ہیں لیکن ہمارے سیاستدان دشمن کی زبان بولیں،یہ انداز کسی صورت درست نہیں، ہم مذمت کرتے ہیں اور واضح کرتے ہیں قوم بلاول کے بیان پر محاسبہ کرے گی،

حافظ طلحہ سعید کا کہنا تھاکہ ہم امید کرتے ہیں کہ ہمارا محبِ وطن میڈیا بلاول زرداری کے اس بیان پر سنجیدگی سے تنقیدی بحث کرے گا، کیونکہ ان کے خاندان اور پارٹی کی تاریخ مغربی و بھارتی بیانیے کی پیروی اور بعض اوقات پاکستان کے خلاف حساس معلومات فراہم کرنے سے جُڑی ہے، جو قومی سلامتی کے لیے نقصان دہ رہی ہیں۔ کیا ایسے افراد پر ملک کی خارجہ پالیسی کا بھروسہ کیا جا سکتا ہے،بلاول زرداری کا یہ انٹرویو سنگین سوالات اٹھاتا ہے،

سینٹ میں خیبر پختونخواہ کی 7جنرل ، 2خواتین اور 2 ٹیکنو کریٹ/ علماء کی نشستوں کی پولنگ کا نوٹیفکیشن جاری کر دیا گیا

پولنگ مورخہ 21 جولائی 2025کو خیبر پختونخواہ اسمبلی میں ہوگی ۔ الیکشن کمیشن نے 2 اپریل 2024 کو مذکورہ بالا انتخابات سپیکر کی طرف سے مخصوص نشستوں پرمنتخب ممبران صوبائی اسمبلی سے حلف نہ لینے اور الیکٹورل کالج نامکمل ہونے کی وجہ سے ملتوی کئے تھے۔ محترمہ ثانیہ نشتر کی سینٹ سے خالی کردہ نشست پر انتخابا ت کے لئے الیکشن پروگرام جاری کر دیا گیا، پبلک نوٹس 9 جولائی 2025 ،کاغذات نامزدگی جمع کروانے کی تاریخ 10 اور 11جولائی ، کاغذات نامزدگی کی جانچ پڑتال 16 جولائی اور پولنگ 31 جولائی کو ہوگی۔مرحوم ساجد میر کی سینٹ سے خالی کردہ نشست پرالیکشن کے مختلف مراحل جوکہ الیکٹورل کالج نا مکمل ہونے کی وجہ سے ملتوی کئے گئے تھے اس کا نوٹیفکیشن بھی جاری کر دیا گیا، جس میں ریٹرننگ آفیسر امیدواروں کی Revised list لسٹ 15 جولائی 2025 کو جاری کرے گااور کاغذات نامزدگی 16 جولائی 2025 تک واپس لئے جاسکیں گے

پولنگ 21 جولائی 2025 کو پنجاب اسمبلی میں ہوگی۔قومی اسمبلی میں خیبر پختونخواہ صوبہ سے مسلم لیگ ن کی خواتین کی مخصوص 2 خالی نشستوں پر بھی الیکشن پروگرام جاری کر دیا گیا، پبلک نوٹس 8 جولائی 2025 کو ریٹرننگ آفیسر جاری کرے گا،۔کاغذات نامزدگی 9 اور 10 جولائی 2025کو جمع کروائےجا سکیں گے ، کاغذات نامزدگی کی جانچ پڑتال 14 جولائی اور امیدواروں کی حتمی لسٹ 24 جولائی 2025 کو جاری کی جائے گی ۔ مسلم لیگ ن کی Priority list ختم (Exhaust)ہوچکی ہے لہذا اسے 10 جولائی تک Priority list ریڑننگ آفیسر کے پاس جمع کروانی ہوگی۔

الیکشن کمیشن نے 2جولائی 2025 کو مخصوص نشستوں پر جن ممبران قومی و صوبائی اسمبلی کا نوٹیفکیشن جاری کیا تھا ان کی حلف برداری کے لئے بھی سپیکر قومی و صوبائی اسمبلیوں کو خط ارسال کر دیے ،تاکہ وہ اپنی ذمہ داریاں سنبھال سکیں اور خیبر پختونخواہ اور پنجاب کے سینٹ الیکشن میں ووٹ کاسٹ کر سکیں۔