Author: ممتاز حیدر

ایران کی وزارت صحت نے گزشتہ 12 روزہ شدید جنگ کے دوران اسرائیلی فوج کے حملوں میں ہونے والے جانی و مالی نقصان کی تفصیلات جاری کر دیں۔

وزارت صحت کے مطابق اس خونریز تصادم میں اب تک 610 افراد شہید ہو چکے ہیں جن میں 13 بچے اور 49 خواتین بھی شامل ہیں۔ شہداء میں 2 ماہ سے کم عمر ایک معصوم بچہ بھی شامل ہے۔وزارت صحت کے ترجمان حسین کرمانپور نے بتایا کہ اسرائیلی فوج کےفضائی حملوں میں 5 طبی کارکن بھی شہید ہو گئے، جو انسانی خدمات انجام دے رہے تھے۔ انہوں نے کہا کہ طبی عملے کی ہلاکت سے جنگ زدہ علاقوں میں صحت کی سہولیات پر گہرا اثر پڑا ہے۔ رپورٹ کے مطابق، زخمیوں کی تعداد 4,746 ہے جن میں سے 971 افراد کی حالت تشویشناک ہونے کی وجہ سے اسپتالوں میں داخل رکھا گیا ہے۔ اس کے علاوہ 687 افراد کی سرجریاں کی جا چکی ہیں۔ زخمیوں میں بچے، خواتین اور بزرگ شامل ہیں جنہیں فوری طبی امداد کی ضرورت ہے۔

وزارت صحت نے اسرائیلی حملوں سے ہونے والے طبی انفراسٹرکچر کو پہنچنے والے نقصان کی تفصیلات بھی فراہم کیں۔ رپورٹ کے مطابق 7 اسپتال، 9 ایمبولینس گاڑیاں، 6 ایمرجنسی رسپانس بیسز اور 4 کلینک مکمل طور پر تباہ ہو گئے، جس کی وجہ سے متاثرہ علاقوں میں فوری اور معیاری طبی امداد کی فراہمی شدید متاثر ہوئی ہے۔ترجمان نے کہا، "اس نوعیت کے حملے نہ صرف انسانی جانوں کو متاثر کرتے ہیں بلکہ صحت کی بنیادی سہولیات کو بھی نقصان پہنچاتے ہیں، جو بحران کے دوران طبی امداد کو مزید مشکل بنا دیتا ہے۔”

واضح رہے کہ ایران اور اسرائیل کے درمیان یہ جنگ گزشتہ 12 روز سے جاری تھی اور متعدد ممالک کی جانب سے ثالثی کی کوششیں کی جا رہی تھیں۔ آخر کار آج امریکہ اور قطر کی ثالثی میں دونوں فریقوں نے جنگ بندی پر اتفاق کر لیا ہے جس سے خطے میں امن کی امید پیدا ہوئی ہے۔

مودی کے راج میں بھارتی غریب رسوا، عوام بھوک اور افراتفری کا شکار

بھارت عالمی عزائم پر فخر کرتا ہےجبکہ اس کے شہری کھانے کے لیے بھگدڑ مچاتے ہیں ،این ڈی ٹی وی کے مطابق راشن تقسیم کرنے کے حکومتی فیصلے کے بعد، بھارتی غریب عوام کا ضلع بھر کے راشن مراکز پر ہجوم جمع ہو گیا، چھتیس گڑھ کے ضلع گریابند کے وارڈ نمبر 3 میں اتوار کو ایک سرکاری راشن کی دکان پر افراتفری پھیل گئی، عوام کا طویل انتظار اور بڑھتی ہوئی مایوسی غصے میں بدل گئی،اناج کے لیے گھنٹوں انتظار کرنے والے ہجوم نے دکان کا مین گیٹ توڑ دیا جس سے بھگدڑ مچ گئی،مودی سرکار کی نا اہلی اور ناکافی انتظامات کی وجہ سے بہت سے آؤٹ لیٹس پر شدید بدانتظامی ہے،صورتحال اس وقت خراب ہو گئی جب سیلز مین کی موجودگی کے باوجود دکان گھنٹوں بند رہی،عوام کا غصہ بھڑکتا گیا اور خواتین، بوڑھے اور بچوں پر مشتمل ہجوم نے لوہے کا بند دروازہ زبردستی کھول دیا،بھگدڑ سے کئی افراد کے زخمی ہونے کی اطلاعات ہے

مقامی باشندوں کا کہنا ہے کہ ’’یہ پہلا موقع نہیں جب اس طرح کی بد انتظامی اور افراتفری ہوئی ہو‘‘ ایک مقامی باشندے نے کہا کہ: مسائل میں OTP کی تصدیق میں ناکامی، فنگر پرنٹ کی عدم مماثلت، اور بار بار سرور کی بندش شامل ہیں، ایک دن میں صرف 20 سے 25 لوگوں کو راشن مل رہا ہے، ضلع کے کئی راشن مراکز پر عوام کو اس طرح کے مسائل کا سامنا ہے،

مودی سرکار کا "ڈیجیٹل انڈیا” غریبوں کے لیے زحمت ثابت ہوا، مودی کے معاشی بیانیے کا اصل روپ چھتیس گڑھ میں پیش آنے والا یہ واقعہ ہے ،چھتیس گڑھ میں پیش آنے والے واقعہ نے خواتین اور بزرگوں کی عزت نفس کو پامال کیا ،مودی کے بھارت میں، اناج کے لیے غریب جنگ کرتا ہے جبکہ امیر دولت کا ذخیرہ کرتے ہیں ، بھارت کا فلاحی نظام ڈیجیٹل بدانتظامی اور اشرافیہ کے تکبر کی بدولت تباہ ہو چکا ہے ، بھارت میں گہری عدم مساوات، بڑھتی ہوئی غربت اور ریاستی ناکامی کی عکاسی کرتا ہے

تل ابیب: غزہ میں یرغمال بنائے گئے افراد کی بازیابی کے لیے سرگرم تنظیم "ہوسٹیجز اینڈ مسنگ فیملیز فورم” نے اسرائیل اور ایران کے درمیان حالیہ جنگ بندی کو غزہ پر بھی نافذ کرنے کا مطالبہ کر دیا ہے۔

فورم نے منگل کے روز جاری کردہ ایک بیان میں کہا”جو فریق ایران کے ساتھ جنگ بندی کرا سکتے ہیں، وہی غزہ میں جاری جنگ کا خاتمہ بھی کر سکتے ہیں۔”تنظیم نے اسرائیلی حکومت سے فوری مذاکرات کا مطالبہ کرتے ہوئے کہا کہ "یہ جنگ بندی غزہ تک بڑھنی چاہیے، اور حکومت کو تمام یرغمالیوں کی واپسی اور جنگ کے خاتمے کے لیے فوری اور سنجیدہ مذاکرات کرنے ہوں گے۔””بارہ دن اور راتیں ایسی گزریں جب اسرائیلی عوام ایران کی وجہ سے سو نہ سکے، اب ہم دوبارہ یرغمالیوں کی فکر میں نیند سے محروم ہیں۔”

فورم نے متنبہ کیا کہ”اگر ایران کے خلاف فیصلہ کن کارروائی کو یرغمالیوں کی واپسی کے لیے استعمال نہ کیا گیا تو یہ ایک سنگین ناکامی ہوگی۔ ہمارے پاس ایک اہم موقع موجود ہے جسے ضائع نہیں کیا جانا چاہیے۔”

ادھر اسرائیلی حزب اختلاف کے رہنما یائیر لاپڈ نے بھی اسی موقف کا اظہار کرتے ہوئے ایکس (سابقہ ٹوئٹر) پر لکھا "اب غزہ کی باری ہے۔ یہ وہ لمحہ ہے کہ اس محاذ کو بھی بند کیا جائے، یرغمالیوں کو واپس لایا جائے اور جنگ کا خاتمہ کیا جائے۔ اسرائیل کو دوبارہ تعمیر کی ضرورت ہے۔”

واضح رہے کہ اسرائیل اور ایران کے درمیان کشیدگی میں حالیہ کمی کے بعد خطے میں جنگ بندی کا ماحول پیدا ہوا ہے، مگر غزہ میں جاری اسرائیلی حملے اور انسانی بحران اب بھی عالمی توجہ کا مرکز بنے ہوئے ہیں۔