پاکستان مرکزی مسلم لیگ کے زیر اہتمام یوم آزادی کے سلسلہ میں ہفتہ آزادی کی تقریبات کا آغاز آج سے ہو گا، ملک بھر میں ریلیاں، کانفرنسز کا انعقاد کیا جائے گا، شجر کاری مہم کا آغاز کیا جائے گا، خواتین،طلبا ،کسان ونگ،مزدور یونین،یوتھ لیگ کے بھی پروگرام ہوںگے،آج خطبات جمعہ میں علماء کرام متحد قوم ،فاتح پاکستان کے موضوع پر خطبہ دیں گے،مرکزی مسلم لیگ کے سنٹرل میڈیا سیل نے متحد قوم ،فاتح پاکستان پرڈاکو منٹری بھی جاری کر دی،ہفتہ آزادی کے پہلے روز لاہور میں آزادی کارواں کا انعقاد کیا جائے گا جس کا آغاز بیگم کوٹ چوک سے ہو گا، ہفتہ آزادی کی تقریبات سے مرکزی مسلم لیگ کے قائدین تقریبات سے خطاب کریں گے
پاکستان مرکزی مسلم لیگ کے ہفتہ آزادی کے سلسلہ میںتقریبات کے لئے تمام تر تیاریاں مکمل کر لی گئی ہیں،لاہور میں آٹھ اگست سے 14 اگست تک آزادی کارواں ہوں گے، جن میں ہزاروں افراد شریک ہوں گے،پہلے روز آٹھ اگست کو بیگم کوٹ چوک سے آزادی کارواں کا آغاز ہو گا جو شاہدرہ چوک، بادامی باغ روڈ،بھاٹی چوک سے ہوتا ہوا ریلوے اسٹیشن پر اختتام پذیر ہو گا، آزادی کارواں سے مرکزی مسلم لیگ کے رہنما خطاب کریں گے،اس موقع پر سیکورٹی کے بھی انتہائی سخت انتظامات کئے جائیں گے،مرکزی مسلم لیگ کے زیر اہتمام کراچی، اسلام آباد،پشاور،کوئٹہ، سکھر،میر پور خاص،رحیم یار خان،بہاولپور،ساہیوال،اوکاڑہ،جہلم،میانوالی، چکوال،سوات،مردان، ایبٹ آباد سمیت دیگر شہروں میں ہفتہ آزادی کی تقریبات منعقد ہوں گی.مرکزی مسلم لیگ سنٹرل میڈیا سیل کی جانب سے ہفتہ آزادی کے موقع پر ایک ڈاکومنٹری بھی جاری کی گئی ہے جس میں امت کی حالت زار ،ایٹمی پاکستان کا امت کے لئے کرداراور متحد قوم،فاتح پاکستان، امت کا پشتی بان پاکستان کو اجاگر کیا گیا ہے.
مرکزی مسلم لیگ کے صدر خالد مسعود سندھو کا کہنا ہے کہ ہفتہ آزادی کی تقریبات کا مقصد قوم میں حب الوطنی کے جذبے کو فروغ دینا، قیام پاکستان کی جدوجہد کو خراج تحسین پیش کرنا اور نوجوان نسل کو پاکستان کی نظریاتی اساس سے روشناس کرانا ہے،متحد قوم ،فاتح پاکستان ،سلوگن کے تحت 14 اگست تک ملک گیر پروگرام جاری رہیں گے، جن میں مرکزی مسلم لیگ کے قائدین، سیاسی و سماجی رہنما، اساتذہ، طلباء، خواتین، نوجوانوں اور زندگی کے مختلف شعبوں سے تعلق رکھنے والے افراد بھرپور شرکت کریں گے ،پاکستانی قوم سے اپیل ہے کہ وہ ہفتہ آزادی کی تقریبات میں بھرپور شرکت کر کے وطن سے اپنی محبت کا ثبوت دیں،
