Author: ممتاز حیدر

انسداد دہشتگردی اور احتیاطی سیکیورٹی کے نام پر مودی کی پاکستان کے خلاف ایک اور سازش سامنے آئی ہے

مودی سرکار نےپہلگام فالس فلیگ کی ہزیمت مٹانے کے لیے ایک بار پھر مقبوضہ کشمیر میں آپریشن شیوہ کا آغازکر دیا،مودی کی جانب سے فوجی اقدامات انسداد دہشتگردی کے لیے نہیں بلکہ سیاسی جنگ کے ہتھیار ہیں،مودی سرکار مذہبی رسومات اور حفاظتی انتظامات کی آڑ میں مقبوضہ کشمیر میں فوجی موجودگی کو جواز فراہم کر رہی ہے ،امرناتھ یاترا کو تحفظ فراہم کرنے کے لیے آپریشن شیوہ 2025 شروع کیا گیا ہے،پاکستان سے کشمیر میں دراندازی روکنے کے لیے 8,500 سے زائد بھارتی فوجی تعینات ہیں،اودھم پور اور کشتواڑ میں حالیہ جھڑپیں عسکری شدت پسندی کی علامت ہیں،میڈیا رپورٹس کے مطابق راجوری، پونچھ، ڈوڈہ اور کشتواڑ میں 40 سے 50 پاکستانی عسکریت پسندوں کی موجودگی کی اطلاعات ہیں، آپریشن سندور کے بعد پاکستان نے لائن آف کنٹرول کے ساتھ دہشتگردوں کو دوبارہ تعینات کر دیا ہے،

بھارت فرضی خطرات گھڑ کر پاکستان کو بدنام اور کشمیری مزاحمت کو دہشتگردی ثابت کرنا چاہتا ہے،بھارتی فوج کے مستقل آپریشنز مقبوضہ کشمیر پر زبردستی مسلط ہونے کی علامت ہیں ،یاترا کی آڑ میں بھارت نے مقبوضہ کشمیر کو مکمل فوجی چھاؤنی میں تبدیل کر دیا ہے،اگر آپریشن سندور کامیاب تھا تو اب دوبارہ ہزاروں فوجی مقبوضہ کشمیر میں کیوں تعینات کیے جا رہے ہیں؟ مودی سرکار امرناتھ یاترا کو سیاسی مقصد کے لئے استعمال کر کے کشمیری شناخت مٹا رہی ہے

مودی کا اقتدار بھارت کے لیے جمہوریت نہیں بلکہ فاشزم اور آمریت کی راہ ثابت ہو رہا ہے

مودی سرکار نے جمہوریت کے نام پر ایسا نظام قائم کیا جہاں صرف حکمراں کی زبان بولی جاتی ہے،عدلیہ، میڈیا اور ریاستی اداروں پر مودی سرکار کا شکنجہ بھارت کو ایک خالص آمرانہ ریاست میں تبدیل کر رہا ہے،مودی سرکار کی پالیسیوں نے بھارت کو عالمی سطح پر سب سے بڑی جمہوریت کے بجائے فسطائیت کی علامت بنا دیا ،حال ہی میں سینئر صحافی پریم شنکر جھا نے مودی سرکار پر مفصل کتاب لکھی ،جس میں بھارت کی جمہوریت کے زوال کو بیان کیا گیا،کتاب میں بتایا گیا کہ مودی نے بطور وزیر اعظم بھارت کو تدریجی طور پر فاشسٹ ریاست میں تبدیل کیا

بھارتی جریدے دی وائر کے مطابق؛”پریم شنکر جھا نے عدلیہ، میڈیا اور وفاقی ڈھانچے پر مودی کے منظم حملوں کو بے نقاب کیا”مودی نے حکومت سنبھالتے ہی وزارتوں میں کیمرے لگوا کر صحافیوں کے پریس انفارمیشن بیورو کارڈز منسوخ کردیے، صحافیوں اور بیوروکریسی کے درمیان آزادانہ رابطہ ختم کرکے صرف سرکاری بیانیہ نافذ کیا گیا، وزارتوں کے فیصلے سرکاری وزراء کی جگہ بی جے پی کے نامزد افراد کے مشورے سے ہونے لگے، آزادی صحافت پر حملے کے تحت مودی نے میڈیا کو اشتہارات کی بندش اور جھوٹے مالی مقدمات میں جکڑ لیا، این ڈی ٹی وی کے بانیوں پر ٹیکس چوری اور منی لانڈرنگ کے الزامات لگا کر چینل کو مفلوج کیا گیا،بالآخر این ڈی ٹی وی کو اڈانی گروپ کے ہاتھ فروخت کروا کر سرکاری ترجمان بنادیا گیا، عدلیہ کو ریٹائرمنٹ کے بعد پرکشش عہدے دیکر مشروط وفاداری خریدی گئی، سابق چیف جسٹس پی ستیہ شیوم کو گورنر اور اے ایم کھانولکر کو لوک پال بنایا گیا، مودی نے اپنی حکومت کے دوران نہ کبھی پریس کانفرنس کی نہ قومی ترقیاتی کونسل کی میٹنگ بلائی،منصوبہ بندی کمیشن کی جگہ نیتی آیوگ قائم کیا اور ترقیاتی فنڈز کو ذاتی و جماعتی مفاد کے مطابق بانٹا گیا، نیتی آیوگ مودی سرکار کی پالیسی ساز تنظیم جو منصوبہ بندی کمیشن کی جگہ لاکر فنڈز پر سیاسی کنٹرول کا ذریعہ بنی،

مودی سرکار نے اختلاف رائے کو جرم اور صحافت کو غلامی میں بدل دیا ،بھارت میں آئین قانون اور شفافیت سب کچھ مودی سرکار کی مرضی کے تابع کر دیا گیا ،مودی نے اداروں کو نوکرشاہی میں بدل کر بھارت کو شخصی حکمرانی کی تجربہ گاہ بنادیا ،مودی کے بھارت میں انصاف، آزادی اور سچ کا قتل جبکہ اختلاف رائے غداری اور سچ بولنا جرم ہے

الیکشن کمیشن نے مخصوص نشستوں کی تقسیم کیس کا فیصلہ محفوظ کر لیا

پاکستان تحریک انصاف پارلیمنٹیرین کے وکیل کے دلائل مکمل ہو گئے،وکیل پی ٹی آئی پی نے کہا کہ جنرل نشستوں کے بعد ہی مخصوص نشستیں ملنی ہیں،جتنی جنرل نشستیں ہونگی اتنی ہی مخصوص نشستیں ملنی چاہیے، سب سے اہم مسئلہ کٹ آف تاریخ کا ہے.قانون میں ایسی کوئی تاریخ نہیں کہ اس تاریخ تک مخصوص نشستوں کا فیصلہ کرنا لازم ہے،اگر ضمنی انتخابات کو بھی دیکھنے کا کہا جائے تو مخصوص نشستوں والا معاملہ مزید گھمبیر ہوجائے گا،ممبر سندھ نثار درانی نے کہا کہ اگر ضمنی انتخابات میں کسی جماعت کی سیٹیں کم ہوجائیں تو کیا مخصوص نشستیں کم ہوسکتیں ہیں،وکیل پی ٹی آئی پی نے کہا کہ نہیں،مخصوص نشستیں واپس نہیں لی جاسکتیں،
ہمارے تحفظات ہیں کہ ہمارے دو نمائندوں کو ایک شمار کیا گیا ہےنوٹیفکیشنز کے ساتھ اگر دیکھا جائے تو ہماری دو مخصوص نشستیں بنتی ہیں،

الیکشن کمیشن میں خیبرپختونخواہ اسیمبلی میں مخصوص نشستوں کی تقسیم سے متعلق درخواستوں کی سماعت کے دوران بجلی چلی گئی ،الیکشن کمیشن نےکمرے کے دروازے اور کھڑکیاں کھول کرروشنی کا استعمال کیا لیکن سماعت ملتوی نہ کی،

پشاور: خیبرپختونخوا کی سیاسی فضا میں ایک بار پھر ہلچل مچ گئی ہے، جہاں صوبے کی اپوزیشن جماعتوں کے درمیان اہم مشاورت حتمی مرحلے میں داخل ہو گئی ہے۔ اس حوالے سے گورنر خیبرپختونخوا فیصل کریم کنڈی، وفاقی وزیر امیر مقام، وزیراعظم کے مشیر پرویز خٹک اور جمعیت علماء اسلام (جے یو آئی) کے سربراہ مولانا فضل الرحمان کے درمیان غیر رسمی ملاقات ہوئی، جس میں صوبائی سیاسی صورتحال، ضم شدہ اضلاع کے مسائل اور امن و امان کی صورتحال پر تفصیلی بات چیت کی گئی۔

نجی ٹی وی کے مطابق یہ غیر رسمی ملاقات پرویز خٹک کی رہائش گاہ پر ان کی ہمشیرہ کے انتقال پر تعزیت کے لیے ہوئی، مگر موقع سے فائدہ اٹھاتے ہوئے سیاسی قیادت نے صوبے کی موجودہ سیاسی صورتحال پر بھی تبادلہ خیال کیا۔ ذرائع کے مطابق اس ملاقات میں اپوزیشن جماعتوں نے آئندہ سینیٹ انتخابات کے حوالے سے مشترکہ حکمت عملی اپنانے اور ایک متحدہ لائحہ عمل کے تحت انتخابات لڑنے پر اصولی اتفاق رائے قائم کیا ہے۔اسی دوران ضم شدہ قبائلی اضلاع میں جاری بدامنی اور عوامی تشویش پر بھی غور کیا گیا اور وزیراعظم کی جانب سے قائم کی گئی کمیٹی کے کردار اور کارکردگی پر بھی تفصیلی تبادلہ خیال ہوا۔ اس ضمن میں یہ بات بھی سامنے آئی ہے کہ اپوزیشن ان اضلاع کے مسائل کو سیاسی ایجنڈے میں اہم مقام دے رہی ہے تاکہ عوامی مسائل کے حل کے لیے مشترکہ موقف اپنایا جا سکے۔

دوسری جانب گورنر فیصل کریم کنڈی اور وفاقی وزیر امیر مقام کے درمیان بھی گورنر ہاؤس پشاور میں ایک علیحدہ ملاقات ہوئی جس میں صوبے کی آئندہ سیاسی حکمت عملی پر غور و خوض کیا گیا۔ اس ملاقات کے بعد فیصلہ کیا گیا ہے کہ گورنر ہاؤس میں اپوزیشن اراکین اسمبلی کی ایک بڑی بیٹھک جلد بلائی جائے گی، جس میں صوبے کی سیاسی صورتحال اور آئندہ کے لائحہ عمل سے متعلق اہم فیصلے کیے جائیں گے۔

سیاسی مبصرین کا کہنا ہے کہ خیبرپختونخوا میں اپوزیشن جماعتوں کی سرگرمیوں میں تیزی اور مشترکہ حکمت عملی کی طرف پیش رفت، صوبے کی سیاسی صورتحال میں ممکنہ بڑی تبدیلی کی علامت ہے۔ خاص طور پر سینیٹ انتخابات اس نئی سیاسی صف بندی کا پہلا بڑا امتحان ثابت ہو سکتے ہیں، جس کا اثر نہ صرف صوبے بلکہ ملک کی سیاسی سیاست پر بھی پڑے گا۔