Author: ممتاز حیدر

پاکستانی ہیکرز نے بھارت کے آرمی اسکول اور عسکری ویب سائٹس کو ہیک کرلیا، بھارتی میڈیا نے دعویٰ کیا کہ پاکستانی ہیکرز نے عوامی طور پر دستیاب عسکری، فلاحی اور تعلیمی ویب سائٹس کو نشانہ بنایا۔

بھارتی میڈیا کے مطابق انٹیلی جنس معلومات کے مطابق چار تصدیق شدہ حملے ہوئے تھے۔ ان میں آرمی پبلک اسکول (اے پی ایس) سری نگر اور اے پی ایس رانی کھیت کی ویب سائٹس کو ہدف بنایا گیا۔پاکستان کے زیر اہتمام ہیکر گروپس کئی ہندوستانی ملٹری ویب سائٹس اور ڈیٹا بیسز کو توڑنے کی کوشش کر رہے ہیں، ہندوستانی سائبر ایجنسیاں اس خطرے کو بے اثر کرنے کے لیے کام کر رہی ہیں۔اطلاعات کے مطابق اس ہفتے کم از کم دو سائبر حملہ کرنے والے گروپس کی طرف سے نئی کوششیں کی گئیں، جن میں کچھ ملٹری سے منسلک ویب سائٹس بشمول اسکولوں کی ویب سائٹس کو خراب کیا گیا۔بھارتی مسلح افواج سے وابستہ ویب سائٹس پر سائبر حملے ہوئے ہیں، جن کے نتیجے میں ہیکنگ اور پیجز کی تبدیلی دیکھنے میں آئی ہے۔

خبر رساں ایجنسی اے این آئی کی رپورٹ کے مطابق سائبر اشتعال انگیزیوں کی ایک تازہ لہر میں پاکستانی ہیکر گروپس نے ہندوستانی ویب سائٹس کو توڑ کر بچوں، سابق فوجیوں اور فلاحی خدمات سے منسلک ڈیجیٹل پلیٹ فارمز کو نشانہ بنایا ہے۔ہیکنگ کے ذریعے میں بھارت کے اہم قومی نیٹ ورک تک رسائی حاصل کرنے کی کوشش کی گئی۔ بھارتی میڈیا کے مطابق یہ گروپ IOK Hacker کے نام سے کام کر رہا تھا، جس کا مقصد ویب پیجز کو خراب کرنا، آن لائن خدمات کو متاثر کرنا، اور ذاتی معلومات حاصل کرنا تھا۔

پہلگام حملے کے بعد پیدا ہونے والی صورتحال میں ایک نوجوان کشمیری صحافی نے بھارتی میڈیا اور اینکرز کو آڑے ہاتھوں لیتے ہوئے ان کی منافقانہ رپورٹنگ اور جنگی جنون پر مبنی بیانیے کو شدید تنقید کا نشانہ بنایا۔ آزاد کشمیر سے تعلق رکھنے والے اس بہادر صحافی نے ایک لائیو شو کے دوران بھارتی اینکرز کو آئینہ دکھاتے ہوئے کئی تلخ سچ سامنے رکھ دیے۔

کشمیری صحافی نےکہا کہ "پانی بند کرنے کی آپ محض باتیں ہی کر رہے ہیں، ابھی تک پانی بند کیوں نہیں کیا؟”کشمیری صحافی نے بھارتی دعووں پر سوال اٹھاتے ہوئے کہا کہ بھارت اگر واقعی اتنا سنجیدہ ہے تو عملی اقدامات کیوں نہیں کرتا؟کشمیری صحافی نے کہا کہ "آپ کو لگتا ہے آرمی چیف آپ سے ڈر کے ملک سے چلےجائے گا؟”بھارتی میڈیا کے دھمکی آمیز بیانیے پر طنز کرتے ہوئے صحافی نے کہا کہ پاکستان کی قیادت اور افواج کسی دھمکی سے مرعوب نہیں ہوتیں۔مزید کہا کہ "آپ بے شک تعداد میں زیادہ ہو سکتے ہیں، مگر ہم اور ہماری فوج کوالٹی میں آپ سے زیادہ ہیں”نوجوان صحافی نے عددی برتری کی بنیاد پر بھارتی دعوؤں کو مسترد کرتے ہوئے کہا کہ پاکستانی فوج کی مہارت اور جذبہ کہیں زیادہ بہتر ہے۔

کشمیری صحافی نے مزید کہا کہ "آپ ہر دفعہ پاکستان پر الزام لگاتے ہیں”بھارتی میڈیا کے ہر حملے کے بعد پاکستان کو ذمہ دار ٹھہرانے کے رویے پر سوال اٹھاتے ہوئے انہوں نے کہا کہ ایسے بیانیے عالمی سطح پر قابل اعتبار نہیں رہے۔ "پلوامہ ڈرامے میں بھی آپ کو 700 کروڑ کا نقصان ہوا تھا”انہوں نے پلوامہ واقعہ کو ایک معاشی چال قرار دیتے ہوئے کہا کہ بھارت نے اس حملے کو بھی سیاسی اور مالی مقاصد کے لیے استعمال کیا۔ "عالمی سطح پر آپ تنہا ہو چکے ہیں”صحافی نے نشاندہی کی کہ بھارت کا جنگی جنون اور اقلیتوں کے خلاف پالیسیز عالمی سطح پر تنقید کا نشانہ بن رہی ہیں۔

ماہرین کا ماننا ہے کہ پہلگام واقعہ ایک مرتبہ پھر فالس فلیگ آپریشن ہو سکتا ہے، جیسا کہ ماضی میں پلوامہ یا اڑی حملوں میں دیکھا گیا۔ مقصد صرف پاکستان کو بدنام کرنا اور داخلی سطح پر الیکشن سے قبل سیاسی فائدہ حاصل کرنا ہو سکتا ہے۔سوشل میڈیا پر کشمیری صحافی کے بیانات وائرل ہو چکے ہیں۔ پاکستانی عوام سمیت کئی عالمی صارفین نے ان کی جرأت اور صاف گوئی کو سراہا ہے۔ "سچ بولنے کی جرات رکھنے والا صحافی” اور "بھارتی میڈیا کا پوسٹ مارٹم” جیسے ہیش ٹیگز ٹرینڈ کر رہے ہیں۔

بھارت کا ایک اور گھناؤنا منصوبہ ،بھارتی فوج نےغیر قانونی اور جبراً حراست میں رکھے معصوم پاکستانیوں کو فیک انکاؤنٹر میں استعمال کرنے کا مذموم منصوبہ بنا لیا۔

سیکیورٹی ذرائع کا کہنا ہے کہ مصدقہ اطلاعات کے مطابق بھارتی انٹیلیجینس اور بھارتی فوج نے بیسیوں پاکستانی جو جبراً اور غیر قانونی طور پر بھارتی ایجنسیوں کی حراست میں ہیں، کو مقبوضہ کشمیر کے مختلف علاقوں میں باہر نکال کر فیک انکاؤنٹر ز میں مارنے کا شرمناک منصوبہ بنا لیا۔ مختلف جیلوں اور ایجنسیوں میں رکھے جانے والے افراد کو مارنے کے بعد پاکستان کی طرف سے سرحد پار دہشت گرد قرار دیا جائے گا، منصوبہ کے مطابق فیک انکاؤنٹر کے فوری بعد بھارتی میڈیا کو پہلے ہی سے ان افراد کی لاشیں اور پلانٹڈ ہتھیار وغیرہ کی ویڈیوز اور تصویریں شیئر کر دی جائیں گی، بھارتی میڈیا روائتی طریقے سے ان افراد کو پاکستان سے آنے والے دہشت گرد ظاہر کرے گا، اس مذموم منصوبے کا مقصد پہلگام فالس فلیگ ناکام ہونے کے بعد پاکستان کے خلاف جارحیت کرنے کی ایک اور من گھڑت کہانی بنانا ہے۔

سیکیورٹی ذرائع کا کہنا ہے کہ مصدقہ اطلاعات کے مطابق کچھ غیر قانونی طور پر حراست زدہ ان افراد کو زندہ دہشت گرد ظاہر کر کے میڈیا کے سامنے پاکستان مخالف بیانات اور اعتراف جرم کے بیان بھی دلوائے جا سکتے ہیں،29 اور 30 اپریل کو ڈی جی آئی ایس پی آر اپنی پریس کانفرنسز میں پہلے ہی 723 پاکستانی افراد جو مختلف بھارتی جیلوں میں غیر قانونی طور پر بند ہیں، کی تفصیلات بتا چکے ہیں،سکیورٹی ذرائع کے مطابق اسکے علاوہ 56 ایسے پاکستانی افراد بھی ہیں جو بھارتی خفیہ ایجنسیوں نے غیر قانونی اور جبراً اپنی حراست میں رکھے ہیں،ان 56 افراد کی تفصیلات بھی ڈی جی آئی ایس پی آر اپنی 29 اور 30 اپریل کو بتا چکے ہیں،سیکیورٹی ذرائع کا کہنا ہے کہ ان بھارتی حراست میں رکھے گئے افراد کو کسی بھی وقت پاکستان کے خلاف ہرزہ سرائی اور جارحیت کرنے کے لیے استعمال کیا جا سکتا ہے،اس سے پہلے بھی 24 اپریل کو آزاد جموں کشمیر کے دو شہریوں محمد فاروق اور محمد دین کو غلطی سے بارڈر کراس کر جانے پر بھارتی فوج نے ظالمانہ طریقے سے فیک انکاؤنٹر میں مار دیا تھا، بھارتی فوج مقبوضہ کشمیر میں فیک انکاؤنٹر اسپیشلسٹ کے طور پر بد نام زمانہ ہے،پہلگام فالس فلیگ کی ناکامی کے بعد بھارت مکمل طور بھوکھلا چکا ہے۔

گووا کے شہر شیرگاؤں میں ایک مندر میں ہونے والی سالانہ لیرائی دیوی جترہ کے دوران بھگدڑ کے باعث کم از کم چھ افراد ہلاک اور پچاس سے زائد افراد زخمی ہوگئے۔ یہ واقعہ ہفتہ کی صبح پیش آیا۔

یہ سانحہ سری دیوی لیرائی مندر میں پیش آیا، جو ریاستی دارالحکومت پانجی سے تقریباً 40 کلومیٹر دور واقع ہے۔ جب ایک بڑے مذہبی اجتماع کے دوران خوف و ہراس پھیل گیا، تو ہزاروں عقیدت مندوں میں بے چینی کی لہر دوڑ گئی، جس کے نتیجے میں بھگدڑ کا شکار ہوگئے۔ گواہان کے مطابق، لوگ بھیڑ سے بچنے کی کوشش میں ایک دوسرے کو دھکیلتے ہوئے نظر آئے، جس کے باعث شدید افراتفری کا ماحول پیدا ہوگیا۔زخمیوں کو فوری طور پر قریبی اسپتالوں میں منتقل کر دیا گیا ہے

بھارتی وزیراعظم نریندر مودی اور گوا کے وزیر اعلیٰ پرمود ساونت نے شیرگاؤں میں بھگدڑ کے نتیجے میں جانی نقصان پر دکھ اور افسوس کا اظہار کیا ہے۔ وزیراعظم مودی نے اپنے دفتر کی جانب سے ایک بیان میں کہا، "وہ افراد جنہوں نے اپنے پیاروں کو کھو دیا، ان کے ساتھ اظہارِ تعزیت کرتا ہوں۔ زخمی افراد جلد صحت یاب ہوں۔ مقامی انتظامیہ متاثرہ افراد کی مدد کر رہی ہے۔وزیر اعلیٰ پرمود ساونت نے بھی زخمیوں سے ملاقات کے لیے اسپتال کا دورہ کیا اور متاثرہ خاندانوں کو مکمل تعاون فراہم کرنے کی یقین دہانی کرائی۔ انہوں نے اپنے بیان میں کہا، "میں ذاتی طور پر حالات کی نگرانی کر رہا ہوں تاکہ ہر ضروری قدم اٹھایا جائے۔”

حکام نے ابھی تک بھگدڑ کی اصل وجہ کا تعین نہیں کیا ہے، تاہم ابتدائی رپورٹوں میں کہا گیا ہے کہ یہ واقعہ زیادہ رش کو کنٹرول کرنے کے انتظامات نہ ہونے کی وجہ سے پیش آیا۔

لیرائی دیوی جترہ ہر سال شمالی گوا کے گاؤں شیرگاؤں میں منائی جاتی ہے۔ یہ تہوار دیوی لیرائی کی پوجا کے طور پر منایا جاتا ہے، جنہیں ہندو مت کے مطابق دیوی پاروتی کا اوتار اور گوا کی سات بہنوں میں سے ایک سمجھا جاتا ہے۔اس تہوار کی خاصیت اس کے منفرد رسومات میں ہے، جن میں "اگنی دیویا” (آگ پر چلنے) کی رسم شامل ہے، جس میں عقیدت مند، جنہیں دھوند کہا جاتا ہے، ننگے پاؤں جلتی ہوئی انگاروں پر چل کر برکت حاصل کرتے ہیں۔ہر سال گوا، مہاراشٹر اور کرناٹک سے ہزاروں عقیدت مند اس تہوار میں شرکت کرتے ہیں۔